اتبع هواك ومتجه في مصيرك.

٢٢

على المغرب .. عقب ما تغدينا .. مشى فينا حمد على طريق دبي
لفيت عليه : وين بنروح احين
حمد : قلت لج مفاجئه
بنبره ترجي : يلااا قولييي
حمد : اشششش .. قتلج مفاجئه مايصير اقولج
ضربت راسه خفيف : اففففف راس يابسس
ابتسم حمد وكملنا
شغلنا المسجل وسكتنا
.
.
.
العنود دقت لـ ذياب
رد عليها : الووو
العنود بعصبيه : انتتتتتتت وينكككككككك؟!!!!!!!!!!
ذياب : شفيججج تصرخينن تبين ادش من الفون واصمج بكس على حلجج
العنود بنبره تحزن : انا هني من الصبح والحين الساعه 6 ومحد مر ياخذنيي
ذياب : كيف محد مرج انا رمست الدريول يخطف عليج !!!!
العنود طلعت برا عشان تتأكد بس الباركناتتت فاضيههه بس سياره وحده
العنود : ما حصلت سيارته
ذياب بعصبيه خفيفه : خلاص بندي بندي احين اخليه يمرجج
العنود : ذياا.... ماكملت اسمه لانه قفل فويهااا
تساندت العنود على اليدار وتكورت على روحهاا
.
.
وصلنا عند البحر
لفيت عليه : ليش يبتني هني ؟؟!!
حمد : سكري عيونج
عقدت حياتي : ليشششش!!!
حمد : بسسس سكرييييي
دانه : مابااا ليش اوللل
حمد : يابنتتت الحلالل سمعي الكلام بسس
دانه : اوففف انزينننن
وحطيت ايدي على عيوني
نزلنا وكان حمد يقودني
دانه : ابطلللل
حمد : لااااااا
وحط ايده على عيوني
دانه : لازمممم يعنيي
حمد : هيهههههه
مشينا مال خمس دقايق وفجاه وقف حمد
دانه : افتحححححح؟؟!
حمد : يلا فتحيييي
وخوز ايده عن عيونيي
وانصدمتتت بالمكان .
كان مسوي يلسه عالارض ومرتب المكان بطريقه حلوههه .. كانت يلسه مربعه ومحوطه ب اعواد خشب على شكل مثلث من فوق ومزينه بليتات ومخداتتت وفالنص صينيه خشبيه كلها سويتاتتتتتت
طالعته بصدمه كانتتت مشاعري متلخبطه وقتهااا
حمد : صبريي باقي شي واحد
شهقتت : اكثررر عن جيييي
حمد ابتسم وراح عني
وكلها دقيقتين وكان راجع وفأيده كيكه فيها شمعه وقاعد يمشي صوبي
حمد : كان ودي اغني لج واسوي اكثر بس ابويه توه متوفي .. بسسسس كل عاممم وانتيي بخيرررر
وقف قبالي
حمد : يلاا طفيهاا
حزتها نزلت دموعي
حمد حط الكيكه عالارض ومسح دموعي على طول
حمد : ليششش تصيحين ليشش
دانه : دموع فرح
قربت منه وحضنته وخليت دموعي تنزل
.
.
.
..: ماتعبتي من القعده هني
شهقت العنود ورفعت راسها وعقدت حياتها من الي واقف جدامها
(سوري عالتأخير والله من توتر الشهايد ماقدرت اكتب😭😭)