اتبع هواك ومتجه في مصيرك.

١٤

دانه : واو مفروض اخاف عليهم واوافق الحين
ذياب : مفروص تخافين على عمرج
دانه : شو تقصد
ذياب : فكري بالجامعه والشقه الي انتي قاعد فيهم فكري فكلشي تحبينه وانا اقدر اخذه منج
انقهرت منه وكان خاطري اصفعه
ذياب : اليوم الساعه ١٢ اتريا ردج فكري عدل
نزلت من سيارته ورحت شقتي قعدت اصيح واصيح ها ياي يخرب حياتي يا توافقين يا اخذ كلشي منج
.
.
.
بو حمد : عمك توه داق عليه وخبرني انه حجزو فالمحكمه ورا باجر
حمد : انا مش راضي ولا وياكم فكل ها
بو حمد : ما اباك تفكر اني ببيع بنتي عشان خلاف سخيف انا اعرف شو الي قاعد اسويه وقريب كلكم بتعرفون
حمد سكت عنه وطلع يتمشى فالممرات ورن فونه شاف اسم المتصل وتنهد بحزن فظيع
رد : الو
..: انت واختك بلاكم ماتردون عليه نسيتو انه عندكم ام شو؟
حمد: امريني يمه
ام حمد : قول حق اوك يحول لي شكله نسى انه عنده حرمه
حمد : طليقته
ام حمد : ولددد
حمد : انشاءالله بخبره
ام حمد : زين ...طوط..طوط..طوط
سكرت فويهه كالعاده
رجع حمد فونه ورجع الغرفه
.
.
رن فوني عالساعه ١١ ونص وكان رقم مجهول
رديت : الو
..: دانه
عرفت صوته على طول
دانه : مرواننن!!؟.. من وين يبت رقمي
مروان : مصادري الخاصة
دانه : شو تبا مني مروان
مروان : ابا رقم ابوج
ضحكت عليه : متأخر كالعاده
مروان : شو تقصدين؟
سكرت فويهه
.
.
سلامه : شووووووووو عيد عيد الي قلته
حمد : شفيج انتي جنج انتي الي بتاخذينه
سلامه :  دانه موافقه؟
حمد : مب بشورها الشي ابوي وعمي قررو رواحهم
سلامه عضت شفايفها بقهر : ليش هي
حمد عقد حياته:  شو ليش هي بصفعج
سلامه توترت : اقصد ليش هي مسكينه حرام تنظلم وياه
حمد : ماعرف انا بروحي منقهر ومنكسر خاطري عليها
سلامه بلعت ريقها
.
.
دق علي وطنشته ما رديت ورد يدق مره ومرتين لين طرش لي مسج " ردي احسن لج الشي مب فصالحج"
رديت عليه 
ذياب : شو قرارج
خذت نفس : موافقه بس بشرط
ذياب : قولي
دانه : بعد ما تحولهم بأسمك تطلقني على طول
ذياب : ليش تتحسبين بخليج عذمتي بعد ما اخذ الي ابيه
دانه : على اساس اني ميته اكون على ذمتك
ذياب : انتي قاعده تعيشين حلم وايد غيرج
دانه : قصدك كابوس
ذياب : ويهج الي كابوس والله
طنشته
ذياب : نلتقي عيل ورا باجر فالمحكمه
دانه : شووو ورا باجر
ذياب : ليش تتحسبين بنسوي عرس وحفله وسالفه
انقهرت منه  : ماتفرق وياي اصلا
ذياب : احسن