اتبع هواك ومتجهه في مصيرك.

١٢

وصلنا المستشفى بعد درب طويل نزلت قبل ذياب ودخلت المستشفى لمحت ذياب ياي صوبي ومسك ايدي بعنف وقال
ذياب : يوم امشي تمشين وياي ما تعديني تفهمين ولا لا
فريت ايده  واضطريت امشي وياه لين وصلنا غرفه ابوي ودشيت وانصدمت لما شفت الدكاتره متجمعين على ابوي وابوي شرات الميت بين ايدهم
الدكتور : طلعوها براا
قبل ما يوصلون لي النيرسات دخل ذياب وسحبني معاه برا اصلا ماكنت فاهمه شي او شو صاير
طالعت ذياب : شصاير!!!
ذياب : ماعرف
ترينا مال ربع ساعه وطلع لنا الدكتور
رحت له على طول  وذياب وراي
الدكتور : السرطان انتشر فكل جسمه والكيماوي ما قام ينفع وياه امل انه يبقى حي وايد ضئيل الا اذا ربنا كتب له عمر
بلعت ريقي وماعرفت شو اقول
ذياب : كم باقي له تقريبا
الدكتور : حول الاسبوع
حسيت بمشاعر غريبه يعني ماصدقت انه ابوي قرر يهتم فيني والحين يوصلني خبر انه ممكن ما يعيش
شكر ذياب الدكتور ودفني عشان ادخل عند ابوي وفعلا دخلت وحزتها وصل حمد اخوي ووياه وحده
رحت عند ابوي وحبيت راسه
بو حمد : تبوسين الكعبه
دش حمد : السلام عليكم
بو حمد وانا : وعليكم السلام
يا حمد وباس راس ابويه على طول
دش ذياب عقبه وقعدنا كلنا
بو حمد : شو قال الدكتور؟ " يطالعنا انا وذياب"
حمد :شسالفه ؟
طالعته وانا محتاره
ذياب : حمد خذ دانه برا ابا عمي فرمسه
طلعنا انا وحمد وخبرته بالكلام الي قاله لنا الدكتور
قعد على الكرسي ونكس راسه وحط ايدينه على ويهه
حمد : لاحول ولا قوة الا بالله
يت البنت صوبنا
..: شصاير
طالعتها
..: هاي منو " تسأل حمد "
حمد : هاي دانه اختنا
سلامه : نعممممممممم!! تقص علي انته
حمد عقد حياته : شايفتني متفيج اقص عليج!؟؟؟
مديت ايدي بسلم عليها وتجاهلتني وقاحه صراحه دخلنا كلنا الغرفه
سلامه: ذياب؟
ذياب طالعها
سلامه ابتسمت بحياء: شحالك ولد العم
ذياب : بخير وصد عنها وحسيتها انقهرت منه
بو حمد : كلكم طلعو برا ابا دانه فموضوع
حمد : وانا
بو حمد : انت وياهم بعد
طلعو كلهم برا ويلست مقابل ابوي
بو حمد : انا من فتره كان ودي افاتحج بهالموضوع ويوم قالي ذياب بكلام الدكتور " نزل راسه بحزن " حسيت انه ما ماباقيلي شي ولازم اطمن عليج قبل ما اموت والله ياخذ امانتي
دانه : امرني يبه
بو حمد : وعديني يابنتي انج ماترديني
دانه : على المقدور
بو حمد : انا اباج تاخذين ذياب
دانه : ذيابببب!!؟