الساعه 6 المغرب . . نشيت وما حصلت ذياب . . بس سمعت صوت الماي وعرفت انه فالحمام . . قمت وطلعت لي مخوره ثانيه لاني رقدت بمخورتي وتعفصت وايدددد . . تريت ذياب لين طلع من الحمام
ذياب يبتسم ويطالعني : صح النوم
دانه : صح بدنك
ذياب : الحين كيف بنرقد فليل " يدق راسي بأيده " . . خربتي رقادنا
ابتسمت بدون ما أقول شي
ذياب : يوم نرد . . بنوسيلج تحليل
دانه : قتلك مش حامل
ذياب : عشان نتأكد بس
دانه : تمام
ذياب : يلا دشي صايره وايد تهذربين بتأخريني على صلاتي
فجيت عيني بصدمه
ذياب : انزين ماشي قبله ما قبل الوداع
ضربته : روح روحححح
ذياب يقرب مني : يلا عادد
دانه : ماباااا
ذياب يوسي روحه يكسر الخاطر : وحده بس
دانه : ماشي
ذياب : ماعليههه اروايج يوم ارد . . ويقرب مني يبوس راسي ويطلع
دخلت الحمام غسلت ويهي وغيرت وطلعت . . كانت مخورتي ورديه وكلها ورد ومن عند الصدر مطرزه بفصوص . . سويت ميكب خفيف وكثرت من البلشر والمسكره والقلوس . . لبست شيله بيضاء ونعال فلات وطلعت
رحت لوين كانوا متيمعين . . وشفت الريم والعنود وكمن حرمه . . سلمت عليهم ورحبوا فيني . . وسرت قعد صوب العنود الي كان واضح عليها سرحانه وبالها مش وياها
روضه تي وهي يايبه صحن : لازم تذوقونه وتعطوني رايكم " تطالعني وتعمدت" . . وانتي بـ الأخص مرت ذياب
ابتسمت على حركتها
قعدت تقطع لنا وحطت لنا فصحون ووزعته
زقت منه وكان صج لذيذ
دانه : تسلمم ايدج الحلى صج لذيذ
روضه تبتسم : عافيه
دانه : تعافيج
الريم : أقول دانه
طالعتها
الريم : صج ذياب خذاج عشان ابوج
عقدت حياتي
روضه تأشر للريم انها تتوعدلها لو فتحت حلجها وريم مب هامنها
الريم : وسمعت انكم مغصوبين علي بعض . . وانه خذاج عشان يسدد دين ابوج عند اخوه
انصدمتتتتتتت من وقاحتها وكلامها
روضه يت صوبنا : ريموووو امايه تناديج
الريم قامت : سبحان فجاء نادتني وسمعتيها وانتي اهني
روضه عقدت حياتها : قتلج تناديج روحي شوفيها
الريم لبست نعالها : بسير بسير . . مب ميته عالقعده اهني . . وراحت
روضه قعدت حذالي : ماعليج منها . . هي محتره منج بس
دانه نزلت راسي : انزين هي ماجذبت
روضه : حتى لو لا تسمحين لها تعاملج جي . . انا اختها واقولج لو غثتج عطيها طراق لا تتفاهمين
دانه : لو اعطيها طراق على كل غثه عز الله ورم ويها
روضه تضحك
دانه : روضه
روضه : هلا
دانه : ما يخالف اسالج سوال ؟
روضه : سألي حبيبتي
دانه : وتجاوبيني بصدق وماتخشين عليه ؟
روضه : قولي
دانه : فيه شي كان بين ذياب وريم
روضه : لا
دانه : عيل ليش هي تتصرف وياي جي جني هافه حلالها
روضه : احس الاجابه واضحه
دانه : تحبه ومب ملقنها ويه
روضه : تقدرين تقولين جي
دانه : عشان جي تكرهني
روضه : هي ماتكرهج . . هي كارهه فكره انه ذياب خذاج انتي مب اهيا
اشرتلها تسكت لانه ريم كانت يايه
الريم قعدت حذال روضه : شفيكم سكتوا يوم يت . . مضايقنكم وجودي ؟
دانه : لا حشى
الريم تطالعني بنص عين : اتحسب بعد
سكت عنها
طلعوا لريال من الملحق بعد ما خلصو صلاه . . ذياب وحمد وواحد يبين قدهم . . وعمي وخال ذياب . . قمنا كلنا معاد العنود . . انبهت عليها وضربتها خفيف لين انتبهت وقامت على طول . . سلمنا وقعدنا كلنا . . قعد ذيا ب بعدي عنهم شوي واشر لي عشان ااي حذاله . . رحت وقعدت حذالها واشوف ريم تطالعنا
دانه : تقبل الله
ذياب : منا ومنج صالح الاعمال
دانه : كم بنتم اهني
ذياب : مليتي ؟
دانه : لا بسس . .
ذياب عقد حياته : بس شو ؟
صديت وطالعتها شوي ولفيت على ذياب : لا خلاص ماشي
ذياب طالعني : الجو برد ليش مب لابسه شي يدفيج
دانه : عادي انا مب برادنه
ذياب : فليل بيستوي وايد برد وبتمرضين
دانه : مابمرض
ذياب يبتسم : دوم تقولين نفس الرمسه اخر شي تطيحين محمومه
دانه : امبيه شقصدك ؟
ذياب يبتسم : ماشي
دانه : أصلا مايبت شي يدفي ماتوقعت بيكون شي برد أصلا
ذياب فج عيونه : تستهبلين
هزيت راسي بمعنى لا
ذياب : يالله منجج
دانه : عادي بتحمل
ذياب : واذا ما تحملتي
ابتسم وهمست له : عادي انت بدفيني
ذياب عض شفاته : يااااااااااااالله . .لاتخليني اتهور وابوسج جدام
طالعته بصدمه : ايههههههههه
الكل طالعنا
دانه : فشلهههه الكل سمعني
ذياب : تستاهلين كم مره اقولج قصري صوتج ماتسمعين
تلومت : بالغلط انزين
ذياب : انتبهي المره اليايه
دانه : ان شاء الله
هب علينا نسيم باردددددددددد
ذياب همس لي : بردانهه؟!
دانه : شوي
ذياب يبتسم بخبث : تبين ادفيج
دانه : ذيابببب اصطلب
ذياب : عشان جي ما يبتي لج شي للبرد
دانه : لا . . صج ماتوقعت
ذياب يبتسم ويقرب من ويهي : متأكدههههه
بلعت ريجي : هيه
ذياب رفع ايده اليمين وسحبني لحضنه وغطاني بالفرو ماله " كان لابس فروه "
دانه : اويهههه ذياب مش جدامهمممم
ذياب يطالعهم : مشغولين محد يطالع
خشيت راسه فصدره من الفشله
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...