اتبع هواك ومتجه في مصيرك.

١٧

قمت بشويش وانسدحت عالسرير لحفني ذياب وارح اييب كمادات
.
.
..: السلام عليكم
حمد : وعليكم السلام
..: الأخ حمد راشد ال********
حمد : هيه نعم , منو وياي
..: وياك مستشفى ال******
حمد بفزع : ابوييييي فيه شيي
مروان التفت له
..: مانقدر نقول لك أي شي عالتلفون ممكن تتفضل ويانا
حمد : شوي واكون عندكم
وسكر المكالمه
مروان : شصاير
حمد : روح المستشفى بسرعه
مروان : تمام هدي
ولف مروان الدوار وعكس دربه عشان يروح المستشفى
.
.
ياني ذياب وحط لي كماده وسكر المكيف
ذياب : ارتاحي الحين اذا تبين أي شي بس زقريني
دانه : مسوي روحك مهتم يعني
ذياب : حتى وانتي مريضه تضاربين
دانه : مقهوره منك مب متخيله اني مرتبطه فيك الحين
ذياب : غيرج يحلم بهالحلم وانتي تعوفينه
دانه : امحق حلم
ذياب حط صبعه على شفايفي وسكتني : بسسس سكتي ارتاحي الحين
انصدمت من حركته وغطيت راسي بالحاف عشان ما يجوف ويهي
.
.
وصل حمد المستشفى ووياه مروان وعلى طول راح القسم الي فيه غرفه ابوه وراح الغرفه وما لقاه وتخبلللل وراح الاستقبال يسأل عنه
الموظف : الحين الدكتور بي تفضل اقعد
قعد حمد وهو على اعصابه ومروان حذاله وقاعد يهديه
وصل الدكتور وسلم على حمد وقعد حذاله
حمد : ابويي شفيهه  ,, وينه مالقيته فغرفته
الدكتور : اول شي صل عالنبي
حمد : الهم صلي وسلم عليه
الدكتور : السرطان انتشر فجسم ابوك وللأسف ما قدرنا نسوي له شي .. الله يرحمه وعظم الله اجرك
حمد شرات المينون الي مب فاهم شي يحس عمره بحلم وشوي وبيقوم منه
قام الدكتور وخلاهم
مروان : حمد شفيك تكلم
حمد نزلت دموعه وصار يبجي شرات الياهل .. لوهله حس انه استوعب كلشي
مروان حضنه وقام يربت على ظهره : هونها ياخوي هونها
.
.
بو ذياب : روحي زقري العنود
ام ذياب : خل البنت تذاكر وراها امتحان
بو ذياب : مابخليها بروحها فالبيت سيري زقريها تروح ويانا
ام ذياب : ان شاء الله
وراحت تزقرها وكلها خمس دقايق وكلهم بالسياره وأول شي سوه انهم خطفو على سلامه وخذوها وعقبها تحركو للمستشفى
سلامه : عمي شصاير
بو ذياب : دقو علي المستشفى وطلبو حضوري
العنود : ليش
بو ذياب : الحين بنعرف
وصلو المستشفو وتوجهو للمكان الي كان فيه حمد وربيعه 
بو ذياب راح لحمد
بو ذياب عقد حياته : حمد؟؟؟! ... ليش قاعد تصيح
حمد رفع عينه وطالعه بكل حقد وكرهه ووده يقوم ويذبحهه مكانه بس حاشمنه لانه عمه
حمد مسح دموعه وبحرقه قلب : ابوي عطاك عمره
الكلمه نزلت شرات الصاعقه على الكل .. محد كان متوقع هالشي
بو ذياب : شو تخربط انته
حمد : مب قاعد اخربط ابوي راححح خلاصص " يقولها بحرقه قلب "
بو ذياب : لاحول ولا قوه الا بالله ان لله وان اليه راجعون
سلامه ما كانت تحس بأي شي ولا حتى ذره حزن .. طول عمرها بعيده عن ابوها ولا درت عنه بس لحضتها اضطرت انها تمثل الزعل عشان مايعرفون حقيقتها
قام حمد عنهم وراح يقعد فمكان ثاني والعنود انتهزت الفرصه وبدون لا احد يحس عليها لحقته  ومروان وراهم
.
.
صارت الساعه 5 الفير وبدت حرارتي تنزل وذياب طول الليل كان سهران وياي ويبدل لي الكمادات لين رقدت وماحسيت فيه لما يا ورقد حذالي
نشيت عالساعه 12 الصبح ولفيت ويهي الصوب الثاني ولقيت ذياب راقد حذالي , ماستوعبت الشي اول شي بس يوم ركزت صرخت بأقوى ماعندي
ذياب نش عصراخي : مينونه انتيييي؟؟؟
دانه : انت شو تسوي عدالي
ذياب : شو تشوفيني اسوي راقد تراني
مسكت المخده الي حذالي وقمت اضربه فيها بأقوى ماعندي  : انت كيف ترقد حذالي منووو سمحلك تقرب صوبي مب لانك ساعدتي امس عاد تدق ميانهه
ذياب مسك المخده وفرها وبأقوى ماعنده سحب ايدي وخلاني اطيح على صدره ورص عليه بقوه
ذياب : حبيبتي انا ذياب اقرب منج الوقت الي ابيه مب انتي الي تمنعيني
تقشر بدني وحاولت أقوم عنه لكنه كان راص علي بقوه
1
2
3
4
5
6
دانه : هدني
ذياب هدني وانا قمت عنه .. وهو قام ودخل يسبح