اتبع هواك ومتجه في مصيرك.

١٣

بو حمد : ذياب ولد اخوي وانا ماقدر اامنج مع حد غيره
دانه : مب لازم تأمني انا كبرت واقدر اهتم بنفسي
بو حمد : لاترديني يبنتي خليني اروح عند ربي وانا مرتاح
دانه :...
بو حمد : ذياب بيحط باله عليج عدل
دانه : مابا حد يحط باله عليه ا
بو حمد : عشانيي لاترديني
دانه : هذا زواج يبه !
بو حمد : اعرف
دانه : ..
مسك ايدي وربت عليها : صدقيني ماراح اختار الشين لج وذياب خوش واحد وريال يعتمد عليه والعشره تيي مع الايام
دانه : ماعرف يبه انت قاعد تطلب مني شي كبير
بو حمد : انا قاعد اامن مستقبلج
قعد يقنع فيني حول الساعه وانا راكبه راسي ما باخذه يعني ما باخذه
بو حمد : فكري دانه لاتخليني اعيش العذاب
دانه : بس..قاطعني
بو حمد : هاي وصيتي الاخيره لج فرحي قلبي ونفذيها
سكت وابوي اعتبر سكوتي موافقه
.
.
حمد دق الباب
بو حمد : ادخل
دش حمد ومعاه ذياب وسلامه
بو حمد : ذياب خذ سلامه ودانه ووصلهم وانت " يرمس حمد " اقعد اباك فموضوع
ذياب وحمد : انشاءالله
طلعنا ويا ذياب وحرفيا سلامه لاصقه فيه من طلعنا وصلنا صوب سيارته ودفشتني وراحت ركبت جدام انصدمت من وقاحتها بس سكت حرك ذياب
سلامه : شرايك بعد مانوصل دانه نطلع نتغدى
ذياب : وليش ما ناخذها
سلامه : لانه...قاطعتها
دانه : مابا اروح
ذياب : حتنا مابا بطلب لج سلامه واخليه يوصله البيت
حسيت بقهر سلامه والشي الي زاد قهرها انه وصلها هي اول
ذياب : تعالي جدام
دانه : مابا مرتاحه مكاني
ذياب : مابعيد كلامي
دانه : قتلك مابا
ذياب : براحتج
حرك بسيارته متوجهه للمنطقة الي اسكن فيها
ذياب : رمسج عمي
دانه : يعني لك دخل بالموضوع
ذياب : له ولا يخصني
دانه : ما وافقت
وصل ذياب مسج وقتها وفتحه وقعد يقرا وعقب رد فونه
ذياب : متأكده؟
دانه : ليش تسال؟
ذياب : ابوي طرش لي مسج يبارك على خطبتنا
قلت بصدمه :شوووووووووووووو!!!!
.
.
حمد : هي ماعطت رد كيففف تعطي عمي كلمههه
بو حمد : ماراح ترد ابوها بعدين ابا اطمن على بنيتي
حمد : تتطمن عليها ولا عمي الي جبرك؟
بو حمد : ولددد شو تقصد
حمد : يبه انت تعرف الي اقصده بسبت الخلافات الي بينكم دخلتو دانه فالموضوع وعشان الورث يروح لذياب بتزوجها
بو حمد : هاي امور كبار وبيني وبين اخوي لا تفكر انك تتدخل فيها
حمد : انت تبيع اختي يبه وانا مب راضي ولا موافق
بو حمد : انا ما بعتهااااا عطيتها للريال الي بيدير باله عليها ويحطها ب امانته
حمد : ماعرف شقولك الله يسامحكك يبه وطلع حمد من الغرفه
.
.
وصلني ذياب ويوم يت بفتح الباب سكره
دانه : فججح الباب معتوه انت
ذياب : صبري برمسج فموضوع
دانه : مابا اسمعك خلني انزل
ذياب : لا بتسمعيني وغصبن عليج
دانه : اوففففففف
نزل ذياب وركب وياي ورا
دانه : خير الاخو؟
ذياب : لازم توافقين
دانه : ما بوافق
ذياب : الموضوع فيه صحه ابوج وورثكم
دانه : مافهمت
ذياب : الورث الي مكتوب بأسمج كله لي وابوج سارقنه من ابوي بطرق غير شرعيه وعندي ادله تثبت هالشي ولو ما وافقتي مستعد اودي اهلج الي بقول فستين الف داهيه
دانه : تهددني؟
ذياب : ها مب تهديد
دانه : كل ها وما تسميه تهديد ؟
ذياب : حياه اهلج بأيدج انتي الي تقدرين تحددين مصيرهم