اتبع هواك ومتجه في مصيرك.

٢٩

ضحكت على ويهه وهو قافط
ذياب عقد حياته : مايضحك
دانه : بلى يضحك
ذياب : قتلج مايضحك يعني ماتضحكين
دانه : قولي بعد موتي واموت
ذياب : موتي
انقهرت وحذفته بقوطي كلينكس
ذياب : اححح ليشش
دانه : شوهالرد ويا ويهك
ذياب يبتسم : شو تبيني ارد عليج
بوزت: مفروض تقول سمالله عليج غناتييي يعل يومي قبل يومج
ذياب بنبره مصخره : سمالله عليج غناتي يعل يومي قبل يومج
دانه : ذياببببببببببببببببببب!!!!!!!
ذياب : عيونه
استحيت وسكت
ذياب يبتسم : شفيج صخيتي
دانه : مافيني شي " قمت اهف على عمري " . . ماتحس حر
ذياب : اايي حر التكيف شغال وناقص ينزل ثلج من كثر البرد
دانه : هي صح صح
ذياب يعيب على صوتي : ماتحس حر
دانه : فكنا الله يخليك
ذياب : انزين نشي بشل الشنطه
قمت من مكاني وسار ذياب وشل الشنطه وحطاها فالارض . .
ذياب : يالله خلينا نرقد عشان نقوم بدري باجر
دانه : زين . .
سار ذياب صوب السرير وانسدح وسرت وانسدحت حذاله ومن كثر الفهاوه نسيت احط مخاد بينا . .
كنت حاطه راسي عالمخده واشوف ذياب وهو بعد
دانه : ذياب
ذياب : هلا
دانه : شو صار عموضوع الورث
ذياب : ليش مستعيله تتطلقين مني ؟
ضحكت : شدراك
ذياب : اعرفج سوسه خبيثه
دانه : انزين شصار عليه
ذياب : الإجراءات يبالها وقت
دانه : جم يعني
ذياب : شهور
وطبعا لاني غبيه صدقته
دانه : زين
ذياب : ليش تسألين ؟
دانه : بس جي
ذياب : متأكده
هزيت راسي بمعنى هيه
ذياب : تحبيني؟
دانه : اكرهك
ذياب يبتسم : انا اكثر
ابتسمت له وغمضت عيوني
.
.
.
على صباح اليوم الثاني . . نشيت على صوت ذياب
فتحت عيوني بتعب : شفيك انت ؟
ذياب : يالله نشي ابويه يقول تجهزوا بعد نص ساعه بنحرك
دانه : حشى حد يسير من الصبح
ذياب : يحليلج انتي . . الحين الظهر ياماما
دانه : خيبههههههه وانا راقده للحين ؟؟!!!!
ذياب : رقادج مستوي ثقيللللل
تثاوبت : ماعرف شفيني والله
ذياب : يلا قومي صلي وتجهزي
مديت ايديني له : ساعدني أقوم
سحبني ذياب من ايديني بقوه وزين ما طرت
دانه : عاد قلت ساعدني مب طيرني
ذياب باسني على خدي وابتسم : صباح الخير
استحيت وبحياء : صباح النور
ذياب : يلا سيري بنتظرج اهني
دانه : تمام . .
خزت عنه وسرت اتوضأ واصلي  واسبح مره وحده . . طلعت لي مخوره ورديه . . سويت عليها ميكب خفيف ولبست شيلتي والعباه  فوقها. . وحطيت لي شيله للمخوره داخل الشنطه . . تعطرت شوي ولبست نعال فلات اكرمكم الله . . طلعت لذياب وكان واقف ويطالع فونه
دانه : يلا نسير ؟
ذياب طالعني وقام يقرب صوبي . . وانا توترت
وقف قبالي وضيج عيونه . . وانا توترتي يزيد اكثر واكثر
مد ايده ودخل خصله شعر كانت طالعه برا الشيله
ذياب يبتسم : الحين نقدر نسير
تنهدت براحه : خرعتيي عبالي بتكفخني
ذياب : تبين اكفخج؟
دانه : ماتقدر
ذياب : ليش ما اقدر
دانه : ماهون عليك
ذياب : بلى تهونين
دانه : متأكد ؟
ذياب : هيه .
لفيت ايديني حول رقبته وقربت منه بحياء وبسته ووخرت
دانه : اهون عليك ؟
ذياب : والله ماتهونين اهخخخخ بسسس
دانه : شفت كيف . . قتلك ماهون عليك
ذياب قرص خشمي : خبيثه تعرفين تستغليني
ابتسمت له  وهو بالمثل
اندق الباب علينا
العنود : ذياب دانه يلا حمد يترايكم تحت
ذياب : يلا احين انيي
سمعنا خطواتها وهي تروح
طالعته بأستغراب : بنروح ويا حمد ؟
ذياب : هيه
سكت عنه
شل ذياب الشنطه ونزلنا تحت . . كان حمد يتريانا فالسياره . . طلعنا متوجهين لسيارته . . سلمنا عليه وركب ذياب الشنطه فالدبه وانا ركبت ورا ويا ذياب بيركب جدام بس حمد قفل الوك ونزل الجامه
حمد : اركب ويا حرمتك شنطتي جدام
ذياب : شقصدك يعني ؟
حمد : افهم الي تبا تفهمه
ذياب : لا وضح قصدك
حمد : شفيك انت غصب تبا تهاوش
ذياب : والله انت الي... قاطعته
دانه : ذياب خلاص مافيها شي تعال حذالي
ذياب يطالعني
حمد : شو تتريا اركب حذال حرمتك
ذياب : عشانها بس ولا انت تهبي
حمد طنشه
ويا ذياب وركب حذالي وحركنا عالوكيس