اتبع هواك ومتجه في مصيرك.

٣٠

فالسياره
تثاوبت وحطيت ايدي على حلجي
ذياب التفت لي : فيج رقاد ؟
دانه : شوي . .
ذياب : رقدي لين نوصل الدرب طويل
ابتسمت له : عادي بستحمل
"كنا قاعدين ورا حمد . . انا صوب الدريشه وذياب حذالي "
ذياب : ماشاءالله عليج راقده ليـ الظهر وللحين فيج رقاد
تثاوبت مره ثانيه : شسوي بعد . . .
ذياب ابتسم : ريحي شوي
طالعته بنص عين : شو فيك تبا ترقدني غصب ؟
ذياب : أخافج ترقدين اهناك وتضيعين اليوم عليج
دانه : مابرقد ماعليك
ذياب ضحك : بنشوف
سكت عنه وتميت اطالع الدريشه . . بعد خمس دقايق بديت احس بتعب . . غمضت عيوني على اساس استرخي بس الرقاد كان اقوى مني ورقدت مع الأسف
حمد يطالع من الجامه الي فوق : رقدت ؟
ذياب : هيه
حمد : يحليلها تعبانه
ذياب : مب تعبانه . . اختك مخروه رقاد
حمد : عدل لها راسها انزين
قبل ما يلمسها ذياب طاح راسها على جتفه . .تقشعر بدنه بس بسرعه هدى و ابتسم . . وايد عايبنه الوضع . . كان كل ساعه يطالعها ويتأملها . . باس راسها وحط راسه عليه وغفى وياها .
بعد سواقه ساعتين . . وقف حمد عند عزبه كبيــــــره . . الي يشوفها مايقول عنها عزبه . . تحس روحك داخل شاليه ولا فيلا . . وعلى بعد 20 متر مزرعه خيول كبيره .
التفت حمد ورا وشافهم متعمقين فالنوم . . ابتسم وهو يحس براحه .
حمد : ذياب
مافي رد
حمد يعلي صوته اكثر ويصرخ : ذيابببببببببببببببببببب
ذياب قام وهو منتزق وانا وياه
حطيت ايدي على قلبي : بسمالله
ذياب عقد حياته وطالع حمد : اتخبلت انته
حمد طنشه وطالعني : اسف خوفتج
ابتسمت له : لا عادي
ذياب : مب من صدقك ؟
حمد طنشه ونزل . .
ذياب طالعني : بصمه بكس اخوج هذا
دانه : يلا عاد الا اخويه
ذياب عقد حياته وهو يضحك : لا والله ؟
دانه : هيـه حرام مارضى عليه
ذياب : وانا ترضين عليه جي يرمسني من ورا خشمه
دانه : لانك تستاهل كله تضاربه وتسوي سالفه على أي شي
ذياب فج عيونه بصدمه : صيري وياه ضدي بعد ؟. .
دانه : انا مب ضدك انت اتيب الكلام لعمرك
ذياب عقد حياته : احين انا صرت ايب الكلام لعمريه؟
دانه : هيه
ذياب : ماعليه اراويج عقب
ونزل من السياره . . ضحكت عليه ونزلت . . ماكنت عارفه وين اروح فـ لحقته وهو مطنقر ومعصب
.
.
.
كانت العنود واقفه صوب ملحق الريايل وتتسمع حق ابوها وخالها . .
لمحها حمد من بعيد واستغرب . . راح وراها بحذر شديد وسحبها من ايدها
حمد : العنود ؟!!
العنود تروعت : يمهههه
حمد ابتسم وهد ايدها : شو تسوين اهني
العنود توترت وبين عليها انها تجذب : ماسوي شي
حمد وهو شاك فيها : متأكده ؟
العنود : هيه . . " تحاول تغير السالفه" . . وين ذياب ودانه ماشوفهم
حمد اشر على ملحق الحريم : راحو اهناك
العنود : تمام . . انا بروح لهم " سوتله باي وراحت "
استغرب منها حمد وحس انه فيه شي وقرب من الميلس يا يتسمع ال كانت تسمعه وانصدمممممممممممممممممممممممم!!!
.
.
ذياب واقف صوب الباب : هود هود
يسمع صوت من داخل : اهدى ابويه مافيه حد غريب
يدش ذياب ويسلم
دشيت عقبه بشوي : السلام عليكم
تحولت الأنظار كلها لي
البعض : عليكم السلام
ذياب اشر لي عشان أي حذاله . . ابتسمت ومشيت رايحه صوبه . . وفجاء!!! . . يت وحده تربع صوبه وهي تصرخ
. . : ذيابببببببببببببببببببببببب
ذياب يبتسم لها ويلسم عليها : تولهتت عليجج والله
ضربته على جتفه : وينككك يالخسيسسسس اعنبوه حتى ما سألت عني نسيت انه عندك بنت خال شوه ؟
ذياب : حشى عليه مانسيت بس تعرفين الدنيا تلاهي
. . : تلهيك حتى عني ؟
ذياب : حقج عليه
. . : ماعليناا جهزت لنا فعاليات خطيرهههه عاد لازم تكون موجود ولا ترا بزعل عليك
ذياب : من عيوني . . كم ريم عندي انا
ريم تبتسم : وحده طبعا
حسيت بنار تشببب فداخلي . . هاييي كيف ظارهههه جي " كانت ظاهره بمخوره بدون شيله " . . ولااا تزخ ايدههه بعددد اعنبوه حشموني انا هنييي
ريم انتبهت لي : اوههه . . ماعرفتنا
ذياب يبتسم واأيي صوبي ويمسك ايدي : حرمتي دانه
ريم بصدمه : حرمتكككك ؟!!!!