مر على ناصر اربع ايام . . خبرنا عمي وعمتي عنه لانه جي ولا جي كانوا بيعرفون . . ماكان لهم رده فعل وما تقبلوه نوعًا ما. . ومايد كان اغلب الوقت برا البيت ويرد يقعد وياه شوي ويطلع . . وذياب مالتقي فيه الا شوي بحكم انه يطلع ويا مايد . . وماسكين قضيه ابائهم
.
.
" الخميس"
كان نص الليل
كنت مرقده ناصر فحضني
واتريا رجعه ذياب . . كنت حاسه بضيقه فداخلي . . احس بخوف غريب . . نبضات قلبي مب مستقره . . وبالي مشتت . . والي زاد الطين بله صياح ناصر . . قمت وانا احس بتعب وقعدت ادور فيه واربت على ظهره لين هدى
وفجاة
سمعت صوت سياير شرطه فكلللل مكانننن . . والصوت حده عالييييي ويسري فكل مكان
لبست شيلتي على طول وشليت ناصر ورحت الصاله ووقفت اوايق من الدريشة
.
.
بو ذياب يصوب المسدس على ذياب وهو راص عليه من رقبته
بو ذياب : لاااا تقربوننن والله بطلق عليههه
واحد من الشرطه : نزل سلاحككك
ويحاول يقرب منه عشان يرمي السلاح
بو ذياب يصرخ ويرجع على ورا ويتل ذياب وياه : اقولكممم لا تقربونننن "ويصوب المسدس على راس ذياب " بجتلههههه والله بجتلههههه
مايد يصارخ طايح عالارض من رصاصه دخلت ففخذه: ذياببببببببببببب
ذياب كان يحاول يفلت من ابوه وابوه انشغل يهدده ف امر الشرطي الرجال يتحركون صوبه وبو ذياب من الخبصه اطلق على جتف ذياب وطاح ذياب بقوه ودق راسه على حصى كانت عالارض
شهقت بقوهه وحطيت ايدي على حلجيي
.
.
.
هذا حالي الحين . . مر على الحادثه ست اشهر وقربت والدتي . . والعنود وحمد ردو من السفر والعنود حملت عقبها بشهر وفرحه حمد لا توصف. . ومايد عايش معانا بكرسي متحرك لانه ريله اليمين كانت مجبسه من عقب الحادثة . . وروضه انتقلت عندنا وصارت تهتم فيه وتساعده . . وناصر الصغير كل ما ياله يكبر ويكبر . . ربيته طول هالفتره وتعلقتتتت فيه بشكل مب طبيعي . . كان هو حبيبي وولدي وصديقي ومأواي الوحيد . . كنت اشكيله واشكيله واشكيله وهو ما يعاتبني ولا يقاطعني . . يمكن لانه مايفهمني لكن على الاقل يسمعني . . كنت ارتاح من اكلمه واحس انه نص هني ينزاح يوم اكون وياه . . طبعا من بعد الحادثة تم القاء القبض على عمي بو ذياب وبو مايد . . وتحاكمو وانحكم عليهم بالسجن المؤبد ومهما سو ما راح يقدرون يطلعون من كثر القضايا الي عليهم . . طبعا ام ذياب هدت لنا البيت وراحت عند اهلها . . والريم وام مايد راحو يعيشون عند خوالهم فدبي وذياب . . شقول عن ذياب . . اهخخخخخخ حسبي الله على من كان السبب . . ذياب انصاب فشارين ايده وكانت عمليته خطيره بس ذياب قوي وقدر يتخطاها. . لكنه دش فغيبوبه من بعد الضربه الي يت فراسه وماصحى للحين . . انا اعيششش بعذابببب بدونه . . كليوم اسير اه المستشفى واصيح واتكلم وأتأمل انه ياخذني بحضنه ويأويني . . يربت على جتفي ويقول انا بخير حبيبي مافيني شي . . يلعب بخصل شعري ويهديني . . يغلس علي ويضحكني. . يبتسم لي ويريحني . . بس ويننننن !!! . . هاي كلها هواجيس وتأملات . . فتحت عيوني وتنهدت بصوت عاليي وتذكرت اخر موقف كان بيني انا وذياب
. . .
يا ذياب وحضني من ورا وباسني على خدي : الحلوو شو يسوي برا
كنت واقفه فنص الحديقه واطالع الورد والشير واحاول اصفي مخي
دانه: اشم هوى شوي اختنقت داخل
ذياب : الهوى اهم عندج مني
ابتسمت وهزيت رأسي بمعنى لا
ذياب : عيل فارتني عند نصور الحشره ويايه تتمتعين اهني بروح "يبوز " . . بدوني
دانه : قتلك تعال وماطعت
ذياب : كنت مسطل حزتها ومانتبهت
دانه : ممممم صح
ذياب يسكت شوي ويتنشق رقبتي وشعري
ذياب يزفر : تعرفين أنج أحلى شي فحياتي
دانه : وبعد
ذياب : واني احبج واموت فيج واعشقججج بعد
دانه : بعد؟
ذياب يهمس لي : واني احب قربج
دانه : بس؟
ذياب يبتسم : طماعه تبين تسمعين اكثر
دانه : هيه . .
ذياب : سكتي سكتي ماتبين تسمعين ولا ترا بنحرف فالرمسه
صرخت : ايهههههههههههههه
ذياب يضحك عليه
.
.
قاطع افكاري دقه الباب
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...