عاينو السياره مال خمس دقايق ويا حمد صوبي وقال " بخلي حد يشلها تبين اوصلج البيت؟" احس انحرجت مع انه ما كان باليد حيله الا اني اوافق وقلت " هيه" وجه نظره للشخص الي وياه وقال " ذياب اقبض" وفر له المفتاح وذياب مسكه وقال " شسوي فيه؟ " رد حمد " سبقوني السياره بدق للعامل " رد ذياب " تمام " ومشى رايح للسياره بس ما لحقته لف علي حمد وقال " بلاج واقفه سيري لحقيه " رديت " على اي اساس اركب وياه " قال " ها ولد عمج " انصدمت الي اتذكره من طفولتي انه ابوي وحيد امه وابوه من وين طلع هالعم قلت " اي ولد عمي احيد ابويه ماعنده اخوان ؟" رد " عقب اقولج سيري يلا تراني معلق الريال عالخط " صديت عنه ورحت هذا ذياب لين حصلته مشغل السياره فتحت الباب وركبت ورا قال ذياب " شحالج بنت عمي والله ما وحالنا الفرصه نتعرف عليج " رديت عليه بنفسيه " خلك بنفسك " رد ذياب " عدلي اسلوبج يوم ترمسيني" رديت عليه " منو انت عشان اعدل اسلوبي وياك ؟!" ضحك بضحكه قشعرتني وقال " بتعرفين يوم وقته " قلت " شو وقته شو تقصد؟" لف علي وقال " مسويه انج ماتعرفين" رديت " لاني صج ماعرف" قال " مصره تلعبين دور الغبيه يعني" رديت وانا حدي معصبه " غبيه اختك شو تقول انتهه!" لف عني وعدل قعدته وقال " زين برايج " رفععع ضغطي شو قاعد يقول مب قادره افهم منه ولاشي بعدها بثواني ركب حمد وحرك كنت ادليه لين وصلني طبعا انا اعيش فشقه فكانت عقدي ماعرف ليش حسيت نظراتهم غريبه لي ويجوفوني مب من مستواهم بس انا تجاهلت هالنظرات ونزلت ودخلت العماره لين وصلت شقتي دشيتها وما سويت اي شي غير اني دشيت غرفه النوم وطحت على السرير من التعب ورقدت ... قمت اليوم الثاني على رنه الفون مسكته وجفته رقم غريب مارديت وتم هالرقم يدق ويدق الين رديت بعصبيه وقلت " نعمممم" ونقدر نقول انه ذاك الاتصال الي قلب حياتي فوق حدر
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...
