اتبع هواك ومتجه في مصيرك.

١١

اتجاهلنا ذياب ولا كأنه شافنا، طلعت على طول ورحت لاقرب حمام وقعدت فيه من الفشله والاحراج
.
.
سلامه حبت ابوها فوق راسه
حمد : هذي سلامه يبناها لك يبه
بو حمد : ليش ماده البوز
سلامه قعدت عطرف السرير وبنبره شكى : تخيللل ابويه ها ولدك الي مايستحي بغا يكسر باب غرفتي وفوق كل ها صرخ عليه وقومني من رقادي يرضيك يسوي فيني كل هاااا
بو حمد طالع حمد
حمد : هاي الطريقة الوحيده الي اقدر ايبها فيها
بو حمد تنهد تنهيده طويله يحس انه ربه قاعد يعاقبه ببنته العاقه فالي سواه بدانه
حمد : زين جي تعبتي ابوي قومي طلعي انا الغبي الي فكرت ايبج هني
سلامه : زين يوم اعرف انك غبي
حمد : مالي خلق اتناقش وياج قومي طلعي برا
سلامه : تطردني؟
حمد : هيه اطردج انتهت مده الزياره مانستقبل احد
سلامه :  تسمع الي يقولهههه ابويههه بكل بجاحه قاعد يطردني
حمد صد لابوه : يبه!
بو حمد كان مايتحرك
حمد حركه وصرخ : يبههههه تسمعنيييي
وضغط على الزر والنسيرسات جري على الغرفه وطلعوا سلامه وحمد برا وزقرو الدكتور
حمد يطالع سلامه ويحس بنيران تشب داخله : والله يسلامه لو صار ف ابوي شي ما بسامحج طول مانا عايششش والبيت الي ساكنه فيه احلمي تدخلينههه تسمعين ولا لاااا
سلامه كان ولا هامها وهذا الي زاد غضب حمد
.
.
طلعت من الحمام وتوجهت لكلاسي وبعد ساعتين خلص طلعت ولقيت فويهي مروان
دانه : ممكن اعرف شو تبااا ليش تطلع لي فكل مكانن
مروان : القدر حاكم علينا نتشاوف
تجاهلته ومشيت وهو يلحقني لين دخلت المكتبه ودخل وراي وقعدت فوحده من الزوايا وبعد قعد حذالي!!!!!!!
بصوت خفيف : انت ماتستحي
كان قاعد قريب مني وصد ويهه صوبي وكان القرب
فظيع 
مروان بنفس نبرتي : لا
دانه : نشبه تراك تباني اعطيك بالكتاب عشان توخر عني
مروان : ماتقدرين
دانه : ليش بالله؟
مروان : ماهون عليج
مسكت الكتاب الي فأيدي واعطيه وحده عراسه وطلع صوت عاليييي
مروان : ااييييييي
دانه : احسن
مروان : اخخخخخ مستويه دفشه
استانست عالضربه وعطيته ثانيه وثالثه ويوم يت اعطيه الرابع مسك ايدي
مروان : ارحمي راسيييي بسس
انا هني تنصمت هااا كيف يمسك ايدي
مروان حس على عمره وهد ايدي على طول
قمت بدون ماقوله شي ومن التوتر نسيت اغراضي
.
.
طلع الدكتور من الغرفه وطمنهم انه الوالد مافيه شي بس ارتفع عنده الضغط
تنهد حمد براحه ودخل عند ابوه
اما سلامه فجت فونها ودقت على شخص ويمكن نص ساعه ركبت ووصلها البيت
حمد : الحمدلله على سلامتك يبه
بو حمد : الله يسلمك
حمد : شو تحس احين
بو حمد : ماحس بشي
حمد : ..
بوحمد : وينها اختك؟
حمد : برا ازفرها لك؟
بو حمد : هيه
طلع حمد عشان يزقر سلامه بس انصدم انها مش موجودهه وتوتر مايعرف كيف يقول لابوه ، دخل عنده
بو حمد : وينها ؟
حمد ويبين انه يجذب : اءء طلع عندها ظرف يبهه اطرت انها تروحح
بو حمد سوا روحه صدق وطوف السالفه بمزاجه
.
.
دق عليه ذياب ورديت
ذياب. : وينج يلا بروح عنج ترا
دانه : نسيت اغراضي فالمكتبه بروح ايبهم
ذياب : ما يحتاي اغراضج عندي فالسياره
كيففف وياهه ليكون تضارب ويا مروانن ضربت راسي يالله يارببب لااا
ذياب : الوو ؟
دانه : يلا احين يايه
ذياب سكر الخط
اتجهت صوب سيارته وركبت وانا متوتره فر ذياب اغراضي عثباني وحرك بسيارته متوجه للمستشفى .. ماكنت اعرف شو الشي الي كان منتظرني ذاك اليوم