اتبع هواك ومتجه في مصيرك.

٢٥

مروان : ياريال هدنيي بروح عند ماماتييي
حمد : والله ماخليك تطلع هالوقت
مروان : حرام عليك تحرم ولد من امه
حمد : انااا حلفتتت
مروان : ماقدر عليك
حمد ابتسم
مروان : خلني ادق على ماماتي اخبرها
حمد : ريال شكبرك للحين تناديها ماماتي ؟
مروان دق وطالع حمد : مايخصككك كيفييي
حمد سواله مالت
ردت ام مروان وخبرها انه بيبات ويا حمد وبيرجع باجر وامه ما عارضتت ابداا 
.
.
على صباح اليوم الثاني
نشيت وما حصلت ذياب تميت اتلفت يمين يسار لين وصلني مسج مسكت فوني وشفته على طول
" انا رحت الجامعه "
تنهدت وهديت الفون وقمت , دشيت الحمام وخذت لي شور من الخاطر , طلعت لبست لي مخوره حرير وحطيت ميكب خفيف فليت شعري وحطيت الشيله على جتفي ونزلت تحت شفت عموه ( ام ذياب ) تبخر , رحت صوبها
ام ذياب : هلاا بعروستنا
ابتسمت لها
ام ذياب : قربيي خليني ادخنج
قربت منها دخنت كندورتي وشعري وشيلتي
ام ذياب : وينك ياذياب عن هالزين كله
نزلت راسي بحيا : تسلمين عموه
ام ذياب : تعالي يلسي خلينا ناخذ علومج واخبارج امس ماشفتج فالبيت
رحنا وقعدنا عالغنفات
قعدنا نسولف شوي لين قاطعنا دخول عمي( أبو ذياب) والعنود
سلمنا عـ بعض وقعدنا مره ثانيه
أبو ذياب : اليوم كلمني اخوج " يطالع ام ذياب "
ام ذياب : عسى خير ؟
أبو ذياب : بيرحون العزبه ويقعدون كم يوم وسألوني جان بنخاويهم
ام ذياب : صدق .. انت شو رديت عليه ؟
أبو ذياب : قتله بشاور اهل البيت واردلك خبر
ام ذياب : ماعرف شوف العيال انا عن نفسي مابا اروح
أبو ذياب : افاااا .. " لف يطالعنا انا والعنود " .. ها بتاخوني انتو ؟
العنود بحماس: اكيددد
دانه : انا بجوف ذياب
أبو ذياب : تمام شوفيه ورديلي خبر
العنود : متىى بنروح ابويه
أبو ذياب : باجر
العنود استانست فداخلهاااا .. مب لانها بتروح بس وراها شي وشي كبير بعد .. وكانت متأكده انه ذياب مستحيل يفوت هالطلعه لانه ممكن تكون اهم طلعه بحياتهم او يمكن اخر طلعه بحياتهم مع ابوهم
أبو ذياب : بشوف حمد جان بيخاوينا بعد
العنود : بس حمد غريب على خوالي
أبو ذياب عقد حياته وطالعها : حمد ولد اخويه مب غريب
العنود بقهر فداخلها " يا منافقققققق "
العامله يت صوب عموه وقالت لها شي
عموه قامت بسرعه ومشت صوب المطبخ : واييييي جدورييي بيحترقواا
تمينا نضحك وعقبها بشوي وصل ذياب
سلم على ابوه والعنود ويوم وصل عندي
مديت ايدي بسلم عليه
ابتسم وسحبني بقوه صوبه باسني على خدي وسلم
اتصنمتتتت مكانيييي من حركتهههه
ذياب همس لي : بس جداممم اهلييي
هزيت راسي بمعنى " اوكي "
نجبوا لنا الغدا وقعدنا كلنا على الطاوله ناكل
العنود : ذياب
ذياب طالعها : هلا
العنود : عقب الغدا اباك فرمسه
ذياب الي فهمها على طول : تمامم
كنت اطالعها وقلبي ناغزني هايللل شو وراهممم الله يســـتر .
عقب الغدا فعلا راح ذياب لغرفه العنود وقعدوا حول النص ساعه يرمسون
اما انا دقيت على حمد 
فبيت حمد
رن فونه مره ومرتين وثلاث ومحد يرد
كن قاعد يسبح
شاف مروان الفون وقرا الاسم " دانه "
عقدت حياته وكان يدور فراسه الف فكره وفكره
معقولههه هييي
لا لا مستحيل
بلع ريقه
عادي خل ارد شو بيصير يعني
رد على الفون وحطه على اذنه
دانه : حمدددددد
عض مروان على شافيفه بقوه وسكر القون فويهااا
مروان فداخله : هييييي والله انهاا هييي اعرفهاا من صوتهااا