نزلت من سيارتي واحس انه اطرافي ترجف للحظه حسيت اني بكنسل وارد بس تشجعت ودشيت ، بعد عناء ءءء حصلت الغرفه ووقتها حسيت بمشاعرر غريبهه استغفرت وفتحت الباب وانفتح فالنفس الوقت الي فتحته فيه وادق فواحد وارجع على ورا رفعت راسي واجوف واحد غريب جدامي سفهني وراح يعنيي حتى اسف ما قالل طبيت السالفه ودشيت وما اوصف لكم ابوي لما شافني كان جسمه ضعفان وويه نحيف وهالات تغطي تحت عيونه ،دشيت بكل هدوء ورحت صوبه سلمت وحبيته فوق راسه، وقتها ابوي صاحح وفتح لي ايدينه لأول مره .. حضنته وقعد يقولي بنبره ندمانه" سامحيني يا بنتي سامحينييي" مسحت على ظهره ووقتها حسيت كثر شو حاس بالندم حسيت انه لأول مره عندي ابوي يحبني كنت محرومه من هالشعور طول حياتي ولأول مره اجربه .. عقبها قعدت اسولف ويا ابوي واكتشفت اني ماخذه وايد اطباع منه ووايد استانست وياه وفالنفس الوقت حسيت اني لاول مره راضيه عليه ومب شاله عليه فقلبي مع انه الجرح منه بعده موجود .. وفنص سوالفنا اندق الباب قلت " تفضل" دش اخوي حمد ووياه واحد وانصدم انه نفس الشخص الي دعمت فيه سار حمد سلم على ابوي وعقب الشخص الي يا وياه وقعدو عالكنبه الي حذال السرير قمت انا وقلت " يلا انا بترخص " ابوي زخ ايدي " وين تو الناس " رديت عليه " عندي جامعه باجر ماقدر اطول وايد " قال ابوي " درب السلامه يبنتي " حبيته فوق راسه وطلعت من الغرفه وانا بالي مرتاح ابدا
ماندمت اني سمعت كلام حمد ويت اجوف ابوي .. وصلت سيارتي وركبت وحاولت اشغلها مره ومرتين وثلاث بس ما اشتغلت اهني توهقت وكنت بطلب تاكسي بس تذكرت اني مب يايبه فلوس وبطاقتي مصفره .. قعدت افكر اي خطر على بالي اني ادق لحمد وفعلا دقيت وكلها ثلاث دقايق واجوفه ياي ووياه نفس الشخص
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...
