اتبع هواك ومتجه في مصيرك.

Part 2

دقيت عليه مره ومرتين وثلاث لين فالمره الرابعه رد عليه وقال" الوو؟" قلت بهدوء " هلا " استغرب وحسيته ماعرفني وقال " منو وياي؟" رديت بتوتر " انا دانه " سكت وما رد عليه وكأنه بسكوته يتريا مني جواب فقلت " انا فكرت بالكلام الي قتلي اياه بس ودي اعرف شو الي ممكن اساعد فيه وليش ابوي طلبني فجاء ومنو انت اساسا وشو تصير له ؟" رد عليه " ماينفع نرمس عن هالاشياء فالفون ينفع نلتقي فمكان؟" رديت عليه وانا مفهيه"هاا؟!" قال " الساعه ١٠ الصبح فال**** اترياج لا تتاخرين " وسكر فويهي قبل لا اقول اي شي قلت بعصبيه " اويهههههه شوفيه هاااا مو من صجه " فريت الفون وانسدحت عالشبريه كانت افكاري متلخبطه ومن كثر التفكير رقدت من التعب بعد عقلي مايستحمل هالقد من التفكير شسوي..نشيت الصبح وكالعادة ترتبت للجامعه ،مر يومي ك اي يوم عادي وعلى الساعه ٩ ونص دقلي رقم مب مسجل رديت عليه وانا حاطه فبالي انه واحد من هالنصابين وقلت " الووو؟!" رد عليه وقال " هلا دانه " عرفته على طول ويا فبالي كلامه امس وعلى طول قالي " بطرش لج الوكيشن نص ساعه وتكونين موجوده" وسكر فويهي الحمار اتنرفزت منه الوقح وفعلا حركت بسيارتي واتوجهت للوكيشن الي كان موديني لبيت فخمم لابعد الحدود ، دقيت عليه ورد وقلت " متأكد الوكيشن صح " رد " وينج انتي برا ؟" قلت " هيهه" قالي " صبري لا تتحركين شويات وايج" وشرات كل مره سكر فويهي ومرت ما يقارب الدقيتين وشفته طالع من البيت ويأشر لي اايي وانا مرههه اسوي عمري ولا كأني اجوفه لانه صراحه بديت اخاف لين جفته قرب لصوبي ومد ايده بيسلم وتجاهلته بصراحه وقلت " اخلص عليه " قال وهو يطالعني عين بعين " شدعوه مابتقعدين ؟!" خطفت جدامه وقعدت على اليلسه الي فالحديقه وهو يا وقعد مجابلني