اتبع هواك ومتجه في مصيرك.

١٠

على صباح اليوم الثاني نشيت الصبح على رنه الفون رديت بصوت كله رقاد : الووو
حمد : اسف واعيتج
دانه : لا عادي امر بغيت شي
حمد : ماشي ابوي يسأل عنج متوله عليج
ابتسمت : انشاءالله بمركم اليوم
حمد : انشاءالله
دانه : ...
حمد : ترا كلمني العامل ان شاء  الله  السياره بتكون عندج باجر
دانه : تمام حمد ماقصرت ماعرف كيف اوفيك حقك
حمد : مابينا
دانه : يلا عيل بخليك وراي جامعه
حمد : الله يحفظج
دانه : مع السلامة
وسكرت الفون  .. قعدت افكر بكلام ذياب عن حمد وبديت اشك انه جذب تصرفات حمد واخلاقه ابدا ماتدل على الي قاله ذياب .. قمت تجهزت وخلصت ونزلت تحت وشرات امس لقيت سياره ذياب مسفطه رحت صوبه ودقيت جامته ونزلها
دانه : وبعدين يعني شو عندك موقف هني
ذياب : بوصلج الجامعه
دانه : ما ايام توصلني بدق علي تاكسي
ذياب عقد حياته : تدقين على تاكسي وانا موجود
دانه : هيه تعرف ليش لاني اعتبرك ولاشي
ذياب : انا حالف ماعصب اليوم ف ركبي لا احرك وادوسج هني
دانه : يايي خفت
ذياب : رفع سواره فأيده وقال : ماتبين هذا
طالعته وانصدمت هاي سوارتي شيابها عنده مديت ايدي باخذها والا يرجع ايده
دانه : اويه سوارتي عطني اياها
ذياب : ركبي واعطيج
سلمت امري لله وركبت وانا منفسه
حرك بسيارته ومتوجهين للجامعة
.
.
.
دش حمد البيت وعلى طول توجه لغرفه سلامه ودق الباب وهو ينادي بأسمها
حمد : سلامهههههههه
انزعجت منه وفجت الباب بعصبيه وقالت: خيرررررر
حمد : بسمالله تخرعيننن
سلامه : ه شو تبا
حمد : يلا تجهزي باخذج عند ابوي
سلامه : على كيفك هوو
حمد : هيه على كيفي يلا تجهزي
سلامه : مابسير مب على كيفك
حمد : بتسيرين وغصبن عليج يلااا
سلامه بقهر : اوففففف وسكرت الباب فويهه وراحت تتجهز
.
.
.
وصلت الجامعه ونزلت بدون ماقول ولاشي ورحت كلاسي على طول خلصت المحاضرة وشليت اغراضي على طول ورحت كوفي قريب عشان اكل طلبت لي وقعدت على طاوله فالزاوية ولحضات واجوف ذياب داخل ووياه بنت غطيت ويهي بالمنيو عشان ماينتبه لي وقعدو فالطاولة الي جدامي وذياب عاطني ظهره
البنت: شتقت لك وايددد محد قام يلعوزني فالغربه
ذياب : وين كلامج يوم رحتي عيل
البنت : اسحب كلامي
ذياب حط ايده على ايدها وقال : يالله الحمدلله على سلامتج اهم شي وصلتي بخير وعافيه
لوعو جبدي فقمت خذت الكوفي مالي وطلعت من الكوفي وانتبهت انه ذياب شافني فسرعت خطواتي ودشيت كلاسي كان فاضي وباقي على المحاضره ساعه قلت بريح فيها حطيت راسي ورقدت نشيت وانا احس انه حد قاعد يلمس ويهي فتحت عيوني واجوف مروان قدامي قمت منتزقه على طول
مروان : بسمالله عليج شفيج
دانه : انت شو تسوي هني
مروان : خطفت وشفتج راقده
بلعت ريقي
مروان : شفيج دانه
دانه : شو فيني مافيني شي
مروان : منتي الاوليه وايد احسج متغيره صرت احسج انسانه ثانيه
قمت وشلت اغراضي : لاني انسانه ثانيه ويت بطلع ومسك ايدي وجرني صوبه وفهالاثناء دش ذياب والبنت الي كانت وياه وانا بسرعه بعدت عن مروان