اتبع هواك ومتجه في مصيرك.

Part 3

قعد مجابلني ويت العامله وحطت لنا فواله عالطاولة لفيت وقلت له " تفضل قول الي عندك " قال " شفيج انزين بقول" قلت " قوللل انزين لا تماطل خلصنييي!!" قال" مو انتي لو تسكتين شوي" قلت " يلا سكت قول الي عندك " سكت لوهله وقال "  ابوي وايد تعباننن عنده سرطان فالرئه..قاطعته وقلت "ابويييي!!!" لوهله حسيت انه صدمت صدمتين فكمل كلامه وهو يقول " ابوي ماوده يروح من الحياة غير وانتي مسامحتنه ومب شاله عليه ويبى يعوض وياج السنين الطويله الي حرمج فيها منه فهالكم شهر الدكاتره اكدولنا انه مايقر يصمد اكثر من ٥ شهور  وترا ابوي سجل نص الحلال بأسمج بأردته الشخصيه" سكت وماعرفت ارد عليه احس وايددد صدمني انه بعدد كل هالسنين الي مرت فجاء قرر انه يتذكر انه عنده بنت ولااا الي يحكيلي اخوي من ابوي ولا اعرف شسمه حتى يعني شو اخلي شو ابقي شليت بعمري وقمت بروح سيارتي الا يمسكني من جتفي وصديت اطالعه وقال " برد اقولج اياها مره ثانيه لا تخلين الحقد والزعل ينسيج انه هو ابوج حتى لو اذاج كوني سبب في انه يكون مرتاح فأخرته " سحبت ايدي بهدوء وركبت سيارتي واتجهت لشقتي طول الطريق وانا افكر بالكلام الي قاله اخوي احسني وايد حاقده على ابوي الي ياني منه مب شويه وينسي فيوم وليله بس بعد ارجع واقول انه مهمى صار يبقى ابوي .. مرت عليه ثلاث ايام كنت اتواصل فيها ويا اخوي الي عرفت قريب انه اسمه حمد واكبر عني بسنه يعني ابوي كان متزوج وقت ما كنت مولوده ، رمسني حمد هالثلاث ايام والصراحه قدر يقنعني انه ازور ابوي وفعلا فاليوم الرابع الساعه اربع العصر تجهزت وركبت سيارتي وحركت للمستشفى الي وصفها لي حمد