اتبع هواك ومتجهه في مصيرك.

١٨

طلع ذياب وانا دشيت عقبه , طلعت ولقيته يترياني
ذياب : عنبوج ساعه تتسبحين
عقدت حياتي : لو سنه مايخصك
ذياب : تراني ساكت لج وايد
دانه : مفروض اشكرك ولا شو يعني
ذياب ابتسم
دانه : لاتبتسم ويهك يخرعع
ذياب : قصدج يسحر
طالعته بطرف عيني : وايد واثق فعمرك
ذياب : الحمدالله
سفهته ورحت انشف شعري
.
.
.
فلاش باك عالي صار امس
العنود : حمد
رفع نظره وطالعها
العنود بلعت ريقها ونست الكلام الي كانت بتقوله
حمد : تبين شي؟
العنود قعدت حذاله وخلت بينهم مسافه
العنود : بس كنت بقولك انه الحزن مايفيدك ولا الصياح بيفيدك تراهم مابيرجعون عمي هذا امر الله وهو كاتبه وعمي عند ربه الي هو ارحم مني ومنك واحسن له بدال لا يتعذب ويا المرض
حمد يا بيرد عليها ودق فونه
ورد
حمد : هلا يمه
ام حمد : انا ماقلت لك تكلم ابوك يطرش الفلوس عايبنك حالي جي بدون فلوس
حمد : ابوي توفى
ام حمد شرات أي انصب ماي حار على ويها : شو تقول انته
حمد : الي تسمعينه يمه
ام حمد بأنانيهه: وفلوسييي؟؟؟!
حمد عصب وفارت اعصابه منها : هذاااا الي هامنجججج فلوسجج.. مافكرتي بأبوي الي توفى .. مافكرتي بعيالججج .. الفلوس تهمججج و بسسسس .
ام حمد : اسمعععع عاددد انا امككك ماترفع صوتك وانت تكلمنييي .. وهيه ماتهمني غير الفلوسسس ارتحتتت؟
حمد : الله يسامحج يمه الله يسامحجججج
وسكر الخط فويها
العنود سكتت وتمت بس تطالعه
.
.
. نرد لأرض الواقع
ذياب : بسسسس صدعتي بيييي
دانه بندت السشوار : يعنيي ما انشف شعري ولا شوووو
ذياب : شو تنشفين شعرج ناشف
دانه : منو قالك بعده رطب شوي
ذياب يا صوبي وشله من ايدي وبنده 
بنرفزه : ذيابببببببببببببب
ذياب لف علي : هااا ذياببب
دانه : يعنييي مايصير جي أي شي انت تباه تسويه عادي وانا الي ابيه ماقدر اسوي لانه حضرتك منزعجج
ذياب : هيههه هذا نظامي تبين تبين ماتبين بالطقاق تمشين عليه غصبن عليج
دانه : اوففف منك اوفففف
.
.
مر يوم ومحد خبرنا عن وفاه ابوي , وعاليوم الي بعده حركنا متوجهين لبيت عمي
وصلنا عالظهر وسلمنا عليهم وتغدينا سوا ومابينو لي شي , او يمكن لانهم مش مهتمين حتى
ودتني عمتي فوق وراوتني قسمي وكان عادي مش واو ولا خايس
دشيت الغرفه وفتحت الشنطه وبديت ارتب اغراضي لين خلصت
وعالمغرب نزلت اسولف وياهم
العنود : انا شفتج فالجامعه قبل
دانه : طلعت منها
العنود : ليشش؟
دانه : لانه اخوج ما يباني اروح لها
ذياب رفع نظره وطالعني
العنود طالعته وعقدت حياتها : انت عكيفك تطلعها
ذياب : لا تتتدخلين انا مابا حرمتي تروح للجامعه
العنود : هي درست وتعبت طول هالسنين عشان تي انت بلمحه بصر وتهدم حلمها
ذياب : قتلك مايخصج خلج بنفسج
العنود سكتت عنه وهي حدها متنرفزه
استانست لانه وأخيرا حد فالبيت صاحي وواعي
.
.
.
حمد يطلع ويا الريال ويوصله للباب
حمد : مشكور ماقصرت
الريال : هذا واجبنا
حمد ابتسم له
ترخص الريال وسكر حمد الباب ودخل داخل
نزلت سلامه بعد ما طلع الريال
سلامه : منو ها
حمد : المحامي
سلامه : حق شو
حمد : حق الوصيه
سلامه : شو مكتوب فيها
حمد : يلسي بقولج
سلامه قعدت
.
.
.
عالمساء طلعت قسمي ودشت الغرفه وانسدحت عالسرير
دش ذياب وراي ووقف فوق راسي
دانه : شو تباااا
ذياب : ليش تقولين للعنود
دانه : شو قلت؟
ذياب : لا تتغابين
دانه : انت بس تحب النجره
ذياب : مواضيعنا تبقى بينا عمرها ماتطلع لا لاهلي ولا لاهلج فهمتيي ولا لااا
دانه : زينننن
ذياب : بروح اسبح ويوم اطلع مابا اشوفج منسدح هني
دانه : لا والله ووين ارقد بالله
ذياب : عالغنفه
وراح دش الحمام
دانه : غبي.
قمت شلت ملابس ورحت اسبح فالحمام الثاني خذت نص ساعه وطلعت متوجه للغرفه دشيت وحصلته توه طالع , سحبت عليه ورحت خذت لي لحاف ومخده وانسدحت عالغنفه , سكر ليت الغرفه وخلى ليت الدرسينق روم مفتوح وانسدح على شبريته
دانه : ذياب
ذياب : نعم
دانه : ليش قاعد تعذبني وياك
ذياب : تشوفيني قاعد اعذبج ؟
دانه : حرمتني من جامعتي وكله تصرخ وامرك الي يمشي وتخليني ارقد عالغنفه شو بعد ناوي تسوي
ذياب : اذا هذا تسمينه تعذيب عيل بعدج ماشفتي شي
دانه : انا تعبت منك وانا ما صارلي الا ثلاث أيام وياك
ذياب : الياي اتعب صدقيني
تنهدت بحزن