اتبع هواك ومتجه في مصيرك.

٢١

رن فوني من الصبح
رديت بصوت كله رقادددددددد : الووو
حمد : العروسسس " فقط " اوهههه راقدهه
دانه : توني ناشه
حمد : خربت رقادج ؟
دانه : لا عادي
حمد : وينج لاحس ولاخبر اتزوجتي ونسيتيني على طول
دانه : حشى عليه مانسيتك انت الي ماعرف وين مختفي
حمد : ممم
دانه : داق الصبح عشان تقول هالكلام
حمد : قفعههههههه تبين الفكهه
ابتسمت : لاا حشى
حمد : عيل زهبي روحج اليوم خاطري اقضي اليوم كله وياج
تشقتت : صججججج ؟
حمد : هيه
دانه : يلا عيل بند عشان اسير اتجهز
حمد : تمام
وبندنا
رحت الصوب الكبت عشان اطلع لي لبس وحزتها دش ذياب الغرفه وجافني
ذياب : شو تسوين
دانه : اطلع ملابس
ذياب : بتطلعين مكان ؟
دانه : بطلع ويا حمد
ذياب عقد حياته : وماخذتي شورييي؟؟!!!!!!!!!!!
طلعت لي ملابس : بطلع ويا اخوي مش حد غريب
ذياب : ايواااااااا " وقرب عندي بخطوات سريعه وسكر الكبت "
طالعته وعقدت حياتي
ذياب : ماشي طلعه
دانه : نعممممم!!
ذياب : مثل ما سمعتيي .. ماشي طلعه للين تتعلمين تستأذنين وتاخذين شوري
عضيت على شفايفي بقهر : مش على كيفيكككككككك
ذياب : انا ريلججج انا المسوؤل عليجج مش اخوججج اذا قتلج تطلعين تطلعين واذا قلت لاا يعني لااا انتهى الموضوع .
خطفت عنه وعناد فيه بسوي الي فراسي : بطلع يعني بطلع وماباخذ شورك بعد وفتحت باب الغرفه بطلع بس الباب مقفوللللللل!! ييت بمسك المفتاحح وماحصلته
ذياب رفع المفتاح : تدورين هذا
لفيت وطالعته وانصدمتتتت متى واحاا يسكره ..رحت صوبه باخذ المفتاح بس ذياب رفعه بأيده
دانه : هاتت المفتاححح
ذياب : مابا
دانه : يهالل نحن اقولككك هاتهههه
ذياب : تبينهه؟؟ ... خذيه بنفسجج
نطيت عشان أوصل بس ماقدررت وقعدت اقرمش ايده واضربه عشان ينزلها بس ماشي فايده ذياب لا حياه لمن تنادي
حسيت روحي بصيح : خلاصصص مابااا ياخي انا تعبت منك تعبتتتتتت
ورحت انسدحت عالسرير وغطيت عمري بالحاف
تجدم ذياب صوبي وقعد مجابلني عالارض
سحب الحاف عني وانا زخيته عشان ارده
دانه : ياخييي هدههه خلاصص ريحينيي منككك
ذياب : مابهدههه لحافيييي كيفي
هديت الحاف وقمت عنه : اوففف منك اوفففففففف
رحت صوب الحمام خلاص فينيي صيحه أبا اطلعها .. تفاجئت بذياب يوم سحبني من ايدي وحاصرني على اليدار
نزلت دمعه مني غصب
ذياب مسحها بكف ايده : كل هذا لاني ماخليتج تروحين ويا اخوج؟
نزلت راسي وخليت دموعي تنزل على راحتها
ذياب رفع ويهي بصبعه وقال : ردييي عليه
هزيت راسي بمعنى هيه وانا فخاطريييي على وايدددد أشياء مش بس عاليوم
ذياب بعد تفكير : بخليج تروحينن
طالعته
ذياب : بس بشرط
رديت عليه بصوت مبحوح : شوو
ذياب : ما تكررين غلطتج وتين تستأذنين المره اليايه
دانه : انزين
ذياب وخر عني وانا هديت .. رحت مره ثاني صوب الكبت وطلعت لي ملابس .. بعد نص ساعه من التجهيز والتعديل خلصت طالعت روحي فالجامه وتحجبت عدل .. بدون ما اكلمه طلعت من الغرفه ودقيت على اخوي حمد وانا نازله
تريته ربع ساعه وياا .. طلعت له وسلمت عليه وحركنا بالسياره
دانه : وين ناوي توديني
حمد : اول شي بنروح نتغد لانه حدي يوعانننن  مممم وثاني شي بوديج مكان نحلي فيه
دانه : وبعدين ؟
حمد : مفاجئة عقب بتعرفينن
دانه : شووو قوليييي
حمد : اششششش .. خلاص بعدين تعرفينن
.
.
.

العنود : هلاا ذياب .. هيهه فالجامعه احينن .. جي عالعصرر .. وينننننن؟؟ .. ليشش شصايرر .. اليوم!! .. ايوهه وناسههه متى؟ .. حلووو .. انا منو بيبني .. اوكييي بس ترتيب
وتقفل المكالمه وفجاه يطلع فويها مروان ويخرعها
العنود : يمههههه
مروان بويه جامد : خفتي؟
العنود تبلع ريقها : لا
مروان يبتسم ويمد لها الكتاب
العنود تطالعه بصدمه : بهالسرعهههه؟؟!!!!!!!!!!!
مروان : من الحماس خلصته
العنود خذت الكتاب وهي مستغربه
مروان : انقهرت على اخر شي
العنود : صج النهايه كانت وايد تقهرر
مروان : توقعت البطل يعيش ما يا فبالي انه بيموت
العنود : وايييي هالجزاء خلاني اصيحح
ويقعدون يتناقشون حول الكتاب وشخصياته وسالفه تجر سالفهه لين صارت الساعه 4 ونص ومحد خطف يشل العنود من الجامعه .. كانت على اعاصبها وكل ثانيه تشوف الساعه
مروان لاحظ وقال : تترين حد
العنود : الدريول الخايس تأخرر
مروان : تبين اوصلج
العنود عقدت حياتها : لا شكرااا انا بتريا الدريولل
مروان : بلل بلاج قلبتي انزين تراني ماقلت شي
العنود سكتت
مروان قام : يلاا عيل بخليج
العنود : تمام
مروان : باي
العنود : الله وياك
ومشى عنها مروان وعنود حسبته روح .. ما كانت تدري انه كان متخبي ويترياها تروح عشان يطمن من داخله .