اتبع هواك ومتجه في مصيرك.

٤٦

ساعدته يلبس ويجهز . . خليته يتساند عليه ونزلنا تحت . . شافتنا عمتي . . واختبص قلبها على ولدها ويت تربع صوبنا
ام ذياب تتيهس راسه : يمههه حبيبي شفيك
دانه : حرارته مرتفعه بوديه المستشفى
ام ذياب : بروح البس عباتي واايي وياكم
دانه : ما يحتاي عموه انا بدير بالي عليه
ام ذياب : زينن يمهه. . بدق عليج كل شوي وطمنيني عنه
دانه : ان شاء الله
طلعنا وركبنا ويا الدريول وخبرته يروح المستشفى
ذياب يزخ راسه بالم : راسييي يعورنيييي
دانه : تحمل الله يخليك
خليته ينسدح ويحط راسه على ريولي
وقعدت اصارخ عالدريول عشان يسرع
ذياب يبتسم ويطالعني
حطيت ايدي على راسه
ذياب : تخافين عليه
دانه : اكيد اخاف عليك
ذياب : لا تخافين انا بخيرر . . يكحح بقوه
دانه : ارتاح شوي لين نوصل
ذياب غمض عينه بتعب
بعد ١٠ دقايق وصلنا المستشفى. . مسكته من ذراعه اليمين والدريول من ذراعه اليسار . . وقدناه لين داخل . . سوله فحصوات ودخلوه غرفه على طول وعطوه ابره تنزل الحراره . . وخلوه يرتاح شوي . . دقت علي عمتي وطمنتها انه بخير ومافيه شي
.
.
.
وقفت جدامه وكانت تسكر له معاقم القميص. . وهو يتأملها بعذاببب
سكرت اخر معقمه
حمد تألم : اخخخخ
العنود بطلتها بسرعه : عورتككككك
حمد يبتسم: خنقني شوي
العنود حطت ايدها على عنقه بتلوم : اسفهه حبيبي
حمد : عادي ما صار شي
ابتسمت العنود وقامت تعدل له اطراف القميص . . خلصت وخذت العطر وعطرته شوي . . وردت خصله من شعره على ورا
العنود ابتسمت: الحين انت جاهز
يسحب ايدها ويبوسها
العنود استحتتتت
حمد : الله يخليج لي ولأ يحرمني منج
العنود : ولا منك يارب
حمد  يمسك ايدها ويسحبها للغنفه ويقعدون
العنود : متى طيارتنا ؟
حمد : المغرب
العنود : يمدينا نسلم عليهم ؟
حمد : يمدي . . بس لازم نروح من الحين. . لانه عقب لازم نحرك دبي
العنود : . .
حمد : هالاسبوع ابوج وخالج بيجتمعون عشان البضاعة
العنود تبتسم : يعني وصلنا الحلقة الاخيره؟
حمد : تقدرين تقولين
العنود حضنته وتمت ساكتههههه وهو مستمتع بالحضن
.
.
.
طلعو ذياب . . وردينا البيت . . ماشفنا حد فطلعنا فوق على طول وخليته يرد ينسدح مره ثانيه
ذياب : انا زيننن والله
دانه : حتىىىىىىى لووو سمعت الدكتور يقول لازم تريح وتتغذى عدل
ذياب يتنهد ويبتسم
طالعته : شفيك
ذياب : تعرفين انج للحين ماقلتي لي انج تحبيني
دانه : لاني ماحبك
ذياب : عادييي رغمممم ها احبج واموت فيج بعد
دانه : بسير ايب لك اكل انت ماكلت شي من الصبح
مسك ايدي : مابا اكل
دانه : يلا عاددد لازم تاكل عدل عشان تصح بسرعه
ذياب اشر لي : تعالي اهني " يأشر على حضنه "
دانه : مابي لين تاكل
ذياب : ان ما يتي ما باكل
دانه : عناد السالفه ؟
ذياب : هيه
قربت منه وطحت على حضنه. . لمنييي بقوهههه
ذياب يهمس لي : سكري عيونج
وشوي لينن رقدنا سوا!!!!!!!!