اتبع هواك ومتجه في مصيرك.

٣٨

وخرت عنه
دانه : يالله خلنا نرد لهم لا يحسون بغيابنا
ذياب ابتسم
مشينا . . وفنص الدرب ذياب مسك ايدي وشربكها فأيده . . استانستتتت عالحركه وماقلت شي . . وصلنا لوين كانوا قاعدين . . وكلهم عاتوبناااا عالتأخير واولهم مايد كاننن محتشررر لانه يوعانننن . . طاحت عيني على الريم . . تطالع الكل بدون نفس . . وعيونها حمرر . . رحنا وقعدنا . . وسمينا بالله وبدا الكل ياكل 
.
.
.
عقب الاكل
قام حمد من السفره وعطى ذياب والعنود نظره وراح . . لاحظت وانتبهت لمايد الي لاحظ بعد . . وبعدها بشوي العنود ووراها ذياب . . وبدت تخللى السفره شوي وشوي . . عقبها قعدنا ويابو الجاي والقهوه والسويتات وقعنا ناكل ونسولف . . بس بالي كان مشغول وياهم . . من قاموا وما ردوا للحين ؟!!!!
.
.
.
ذياب عقد حياته : انت من ويننننننن عرفتتت " وصد يطالع العنود بعصبيه"
العنود : والله ماقتله
حمد : العنود مايخصها . . انا سمعت عمي وخالك يرمسون
ذياب  يطالعه : شو سمعت؟
حمد : قبل ما اخبرك . . بسالك شي
ذياب تنهد قعد وجابله : اسال
حمد : ابويه له علاقه بالموضوع ؟
ذياب سكت . . ملامح ويهه تدل على الاجابه . . حمد كشفف كلشي خلاصصص . . مايقدر يخش عنه . . وبالنفس الوقت يخاف يخرب عليه الي بناه طول هالسنين
العنود : ذياب ارمس؟
حمد : شفيك ردد . . ابويه له علاقه ولا لاا
ذياب : له . . بس مش الي فبالك
حمد : كيف له علاقه عيل
ذياب خذ نفسسس عميق وبدا يحكيلهم . . يحس انه من حقهم يعرفون الصدق . . ويمكن حمد يقدر يساعدهم فخطتهم بما انه كان وايد قريب من ابوه وشغله ويا عمه
ذياب : من سنتين . . قبل ما يصيب عمي المرض . . انا كشفت ابوي . . وشفته وهو يسلم البضاعه وياخذ عليهم فلوسسس بالهبل . . وكان هالشي يتكرر دوم . . لين فيوم صادني عمي ( أبو حمد) وعمي من اول يعرف الموضوع بس ابوي كان مهددنه فيكم وفدانه بالاخص . .تنهد . . عمي من سنين وهو يحاول يمسك شي على ابوي . . لين صابه المرض وتعب . . وعقبها عرفتي انتي ( يطالع العنود ) . . وابوي فذيج الفتره كان يحتاج راس مال عشان شغله . . وكان يحاول يقنع عمي . . وكلكم تعرفون انه نص الحلال مسجل باسم دانه . . فهدده ابويه فيها انه بيضيع حياتها لو ماسجله بأسمه . . فاقترح علي عمي اني اتزوجها . . ونمثل على ابوي اني بنقل الحلال بأسمي وابوي يعرف اني مابرد له طلب . . بس هالشي مابيصير . . انا خذتها عقب ما وصاني عليها عمي وامني عليها . . وانا اعرفها قبل سنين وكان عمي يطرشني اراقبها واوصل له اخباراها . . وعقب طرشك اتيبها ( يطالع حمد ) يوم حس انه يومه قرب . . منها تسامحه ومنها يأمن مستقبلها . . وفعلا خذتها . . وقدرت اوهم ابوي بالسالفه . . وعمي ترك لي الادله الي وياه قبل مايموت . . وانا عندي ادله ضده بعد وضد خاليي . . وبلغت الشرطه . . ويتريون مني اشاره عشان يلقون القب عليهم . . وعقبها برفع عليهم قضايا وبقدم كل الادله الي عندي . . لين ينحكم عليهم مؤبد واضمن انهم مابيقدرون يسون شي

عنود وحمد كانوا متفاجئين من الي يسمعونه . . الشخص الوحيد الي ما كان متفاجئ هو مايد الي كان يطالعهم من بعيد .
حمد سكت شوي ومرته لحضه فباله
حمد بعصبيه خفيفه : بتخشون عنها؟!!
بو حمد : مابنخش بس ماتوقع بترفض شي يدعم صحه ابوها
حمد : ابويه انا قتلك خلني اتكفل بالمصاريف ليش مب راضي
بو حمد : انت تعرف حالتنا الماديه هالفتره وتعرف انه اخوي الي مسترني طول هالفتره وهو طلبني بنتي وانا ماقدر ارفض
حمد تنهد وقال : انا ماقول غير الله يهديك ابويه وخلاه حمد وطلع من الغرفه
حمد يبتسم : جذب عليه اول شي
ويتذكر موقف ثاني
بو حمد : عمك توه داق عليه وخبرني انه حجزو فالمحكمه ورا باجر
حمد : انا مش راضي ولا وياكم فكل ها
بو حمد : ما اباك تفكر اني ببيع بنتي عشان خلاف سخيف انا اعرف شو الي قاعد اسويه وقريب كلكم بتعرفون
حمد سكت عنه وطلع يتمشى فالممرات

تأكد اهني انه كلام ذياب صح اميه بالاميه . . الموضوع كله لعبه . . وهم شرات الدمى فالعبه

مايد قرب صوبهم
حمد طالعهم : سمع كلشي !!!!!!!!!!!
ذياب : مروان يعرف من زمان
حمد نزل راسه وسكت . . كان وايددد مصدومممممم