اتبع هواك ومتجه في مصيرك.

٤٩

دش ذياب الغرفه وانا كنت طالعه من الحمام . . وقفت فجاة
اطالع مصدومه
ذياب يقرب صوبي
دانه : شوها!؟؟؟
ذياب : ناصر الصغير
دانه : ذيابب!!!!!!!
ذياب يطالعني بأبتسامه : بيرقد ويانا اليوم
دانه : منووو هذااااا "اصارخ"
ذياب : شفيجججج هديييي " يحط الولد على الشبريه ويحط مخده عيمينه ومخده عيساره
قرب صوبي وقعدني عالغنفه
وانا وسواسي ذابحني احاتي لايكون ولده وياي يصدمني فيه . . يسويها
خبرني ذياب كلشي من الاف لين الياء
قلبي عورنيي عليهه . .
ذياب يتنهد : وجي السالفه
دانه : كيف امه تفره . . ما عورها قلبها عليه
ذياب : ماعرف كيف انسان يسوي جي
دانه : خلاص خلنا لا نتكلم عن الموضوع . . نحن مانعرف شي ف لا نحكم
ذياب : صح
قمت وسرت صوب الياهل . . ماشاءالله عليهههه جميل . . شليته وحطيته فحضني . . وقعدت ابوسه والعب وياه
ياني ذياب من وراي وحط راسه على جتفي وهو حاضنني من ورا
ذياب : يوم بي ولدنا بتحبينه جي
دانه : اكيد
ذياب :  وانا . . متى بتحبيني ؟؟
قفطت ومارديت عليه
ذياب : جاوبيني
ناصر صاح
وخرت عنه
دانه : زين جي صيحته
ذياب تلوم : ماقصدت
اطالع الياهل واحاول اسكته : بسسس حبيبي . . اهدى الله يخليك .  . بس بسس
رحت انسدحت وسحبت لحضني وقعدت اطبطب عليه لين رقد فديته
ياني ذياب وانسدح وراي ودخل ايده تحت راسي والايد الثاني راص فيها على خصري . . مما يخلي ظهري داق فصدره
ذياب : ليش ترقدينه بس هو
دانه : بدينا عاد
ذياب يهمس لي : انا بعد ابا حد يرقدني
دانه : ارقد اروحك
ذياب : لا . . "يبتسم ويعض اذني خفيف " . . انا اباج انتي ترقديني
انا اتقشعرت من حركته
ذياب يحط راسه على رقبتي ويهمس : فديتججج
.
.
.
نشيت على حس ناصر وهو يصيح
وف نفس الحضه وصلني مسج من حمد انهم وصلو بالسلامة. . ابتسمت . . وشليت ناصر وكان مخيس حفاظته
حطيت فوطه وعقب حطيته فوقها وحوطته بمخاد من كل الجهات عشان ما يتجلب ويطيح . . سرت صوب ذياب . . ونزلت لمستواه وبست خده
فتح عينه شوي شوي
دانه : صباح الخير
ذياب يبتسم : صباح النور
دانه : مايد ماعطاك ملابس حقه
ذياب يتثاوب ويقوم : ليش؟
دانه : موصخ حفاظته
ذياب : ماقصر الشيخ ناصر بيفرسنا بريحته الحين
دانه :  عنده شنطه؟
ذياب يفرك عيونه . هيه . . بس انا نسيتها تحت
دانه : وين تحت
ذياب : فالصاله
ابتسمت: تمام
ورحت بطلع وقبل ما اطلع التفت له : ذياب انتبه له لين ارد . . وصح "ابتسمت ". . ترا العنود وحمد وصلو بالسلامة وطرشولي مسج
ذياب يردلي الابتسامه:الله يبشرج بالخير
طلعت عنه ونزلت تحت حصلت مايد يتريق بروحه . .
مايد : هلا والله . . حي الله مرت ذياب
دانه : الله يحيك
مايد : سامحيني يبت الياهل فوق راسكم وبليتكم فيه
دانه : لاتقول جي . . اخوك فعيوني
مايد : تسلمين
دانه : مابينا
مايد يبتسم
شفت شنطه فوق الغنفات وعرفت انها مالته . . خذتها وصعدت فوق . . حصلت ذياب راه خشمه ومبتلش فيه وناصر يصيح
ذياب بتكلم وهو للحين ماسك خشمه : انقذينيييي الريحه هلكتني
دزيته : خوززز ماتعرف للياهل انت
نظفته وغيرت له وعطرته بعطر يهال كان موجود فالشنطه . . وعقبها طلعت له مرضعته وسويت له حليب . . وشليته فحضني وانا حاطه المرضعة فحلجه
حطيته فحضن ذياب الي كان قاعد عالغنفه ونسترخي
ذياب يمسكه : سلاماتتت
دانه : بروح اسبح . . دير بالك عليه
ذياب : انا بسبح قبلج وعقب انتي
دانه : ريحتي يهال خلني اروح اسبح
ذياب : لا اطولين
دانه : زيننننن
ودخلت الحمام اسبح وخذت راحتيييي بزيادهههههه . . لبست الروب وطلعت . . ولقيت ذياب راقد عالغنفه والياهل راقد فحضنه ومطيح المرضعه . . كانووو كيوت وهم راقدين . . فيبت لحاف ولحفتهم وطلعت من الغرفه