ريم بصدمه : حرمتكككك ؟!!!!
رصيت على ايده بقوه وابتسمت لها : هيه حرمته
ريم وهي بعدها مصدمه : متــــــى وكيف ؟!!
انصدمت من سوألها
ذياب : من شهر تقريبا . .
ريم : وماعزمتوني . . " بوزت "
ذياب : ماسوينا عرس . . فالمحكمه وبس
ريم : اها . .
همست له : ماعليه والله اراويك بعدين
بنفس نبرتي : ليشش شسويت
عقدت حياتي : بعد لك ويه تسأل شسويت
ذياب : لاني . . قاطعته
ريم وهي تزخ ايده وتطالعني : سوري بقطع كلامكم و باخذه عنج شوي
ذياب يطالعني : عقب اتفاهم وياج
ريم تسحبه وياها : يلااا امش براويكككك الي جهزته
مشى ذياب وياها وانا اطالع شرات المصدومه . . من صجه هدني وراح وياهاا . . شوهالبليه ياربي من وين طلعت لي هاي بعد . . انحرجت لاني ماعرف حد اهني وهالخبل راح وخلاني اروحي . . قامت وحده وقربت مني بهدوء
. . : هاي
طالعتها وابتسمت : هاي
مدت ايدها وسلمت : انا روضه
سلمت عليها : دانه
قعدت تأخذ علومي واخباري
روضه : اكيد ودج تذبحينها
مافهمت عليها : هاه؟
روضه تبتسم : أقول ريم . . اكيد ودج تذبحينها
دانه " اهخخخ عادي ادفنها بعد " : لاا شدعوه هههه
روضه زخت جتفي : تعالي بدليج على غرفتكم اكيد تبين تريحين
دانه : تسوين خير والله
مشيت وياها ووصلتني لين غرفه . . دشيت انا وهي طلعت وخلتني بروحي
فصخت شيلتي وعباتي . . ورحت صوب الشناط وطلعت لي شيله . . وبديت ارتب الأشياء وحاولت اشغل عمري عشان انسى الوعه الي شفتها جدامي
.
.
العنود ادور ذياب وشوي وبتاكل عمرها . . وهي تمشي شافت روضه وزختها على طول
روضه : بمسالله شفيج ؟
العنود : ماشفتي ذياب
روضه : راح ويا ريموه للسطبل
العنود : تمام شكرا . . وخلتها
فجت العنود فونها واتصلت فيه
يرد : الووو
العنود : ذياببب الحيننن تردد لازم اقولك شي
ذياب عقد حياته : شصاير بعد
العنود : ماقدر اقولككك عالفونن لازم اشوفك ضروري
ذياب :خليها عقب يوم نتيمع
سمعت العنود صوت ريم : ذيابييي شووفف هاي
سكرت العنود وهي تقوله فخاطرها " ويع "
.
.
.
كملت ساعه وانا ارتب وذياب للحين مارجع . . تميت اكل فعمرييي . . لين اندق علي الباب
بحماسس : منووو
. . : انا حمد
انحبطت . .
نشيت وسرت فتحت له الباب
دانه : كيف عرفت اني هني
حمد : وحده دلتني
سحبته من ايده ودخلته الغرفه وتأكدت اني صكيت الباب عدل
حمد : شفيج قاعده اهني
دانه : كيف تباني اقعد وياهم . . احس روحي غريبه بينهم ماقدرت ارتاح
حمد : ذياب وينه عنج
قلت بقهر : راح ويا بنت خاله مادري خالته
حمد : شفيج عليها انزين
دانه : تقهر حمدد تقهرر . . ماحشمت وجودي . . ظاهره له وهي مب متستره وتزخ ايده ولاصقه فيه . . وتتدلع عليه والوضع عاديييي وهو يسولف وعايبنههه
حمد : بلل . . شوي وبتلعنينهم
دانه : من حر مافيني عليهم
حمد يبتسم . .
دانه : انت شفيك ليش ادورني ؟
حمد : مممم كنت بسألج عن شي
دانه : اسال
حمد : ذياب سوا شي بموضوع الورث ؟
دانه : لاا . . قال الإجراءات مطوله
حمد فهم على طول : هيــه .
تنهدت بضيج
.
.
.
ذياب : يلا خلينا نرجع دانه بروحها اهناك
ريم : شفيك تراها قاعده اهناك مابطير
ذياب : ماقدر احاتيها هي ماتعرف حد اهناك
ريم انقهرت : اكيد عنود وياها
ذياب قام : حتى لو . . انا برجع
ريم نزلت دمعه من عينها : قول انك ماتبا تقعد وياي
ذياب : شفيج ريم . . الحين لاني أبا اطمن على حرمتي صرت مابا اقعد وياج
ريم تصرخ : روحححح اطمن عليها روححححح . . ذليتنا حرمتي وحرمتييييي فخاطرها " حرمت عليك عيشتك انت وياها "
ذياب : بروحح . . لاتزعلين مني
ريم صدت ويها عنه
تنهد ذياب ورجع للعزبه مشي . . التقا ببنت خاله روضه . . وخبرته عن مكان دانه . . وصل ذياب لين الغرفه ويا بيفتح الباب . . بس حمد سبقه وفتحه وتجابلو جدام الباب
ذياب : حمد ؟
حمد ما سواله سالفه ومشى عنه
استغرب ذياب ودش ولقاني منسدحه عالشبريه وعاطيتنه الظهر . . سكر الباب بهدوء وقرب مني ومسح على شعري
بدون ماتحرك : شرفت
ذياب بدون ما يتكلم انسدح حذالي وحظني من ورا
ذياب : شفيج منسدحه
دانه : حسيت بتعب شوي
ذياب : سلامتج غناتيه
ماقدرت اتحمل ونشيت والتفت له : انتتت كيف تهدنيي وتروححح وياهاا . . كيف تشوفها بهالمنظر وتمسك ايدك وجتفك وهي مش محلله لك . . والحين بكل برود قاعد تتصرف عادي ولا جنه صار شي
ذياب يبتسم : خيبه هالكثر تغارين . . لو ادري جان يبتج من زمان اهني
ضربته على صدره وهو منسدح
ذياب : اخخخخخخخخخ
دانه : انا ما اغاررر . . بس بنت خالك وايد تقهر . . تشوفني وياك على أي أساس تسحبك وتسير وياها
ذياب : عادي علاقتنا مثل الأخ بأخته
عقدت حياتي : بس هي مش اختك ولا عمرها بتكون اختك
ذياب : حشىى معصبه هالكثر بس لاني سرت وياها وهديتج شوي
فجيت عيني بصدمه : شويييي هديتنييي شوي ؟!!!!!!! . . انا من ساعتين اهنيي اترياك تشرففففف
ذياب : ليش مكبره الموضوع كلها عشان تريتي ساعتين
نزلت دمعتي غصب : مب لانك هديتني ساعتين
قام ذياب بسرعه ومسح دمعتي
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...