اتبع هواك ومتجه في مصيرك.

٩

يا صوبي
مروان : بتروحين؟
دانه : هيه
مروان : ..
دانه : تبا شي؟
مروان : لا لا خلاص الله يحفظج
دانه : تمام.. باي
مروان : باي
وخليته ورحت صوب سياره ذياب تريته لمده ١٠ دقايق بعدها شرف السنيور
ما قالي شي وركب وانا ركبت واستغربت من هدوءه
ذياب : اوديج المستشفى ؟
دانه : هيه
ذياب : حزامج
ربطت الحزام وحركنا للمستشفى وطول الدرب ساكتين
.
.
.
بو حمد : ماشاءالله عليج يالعنود
العنود ابتسمت
بو حمد : وهاي علومكم ياخوي
بو ذياب : عيل وينها دانه ماتعرفنا عليها
حمد : عندها جامعه
بو حمد حس على نبره ولده الوقحه وقال : بجوفها اذا تقدر تمر
حمد : لا تشتتها عن دراستها يبه
بو حمد بصوت خفيف : حمددد!!
حمد سكت ولا قال شي
ام ذياب  : دامها بدراستها عيل برايها
بو ذياب قام : نحن نترخص
بو حمد : وين ياخوي تو الناس
بو ذياب : ماعليه اعذرنا
سلمو على بعض وترخصو عائله بو ذياب
بو حمد : انت كيف ترمس عمك بهالاسلوب انا جي ربيتك
حمد : قهرني يبه يعني شو يبا فيها كافي انهم بياخذوها لولدهم ستغفرالله حتى مابا اقول شي
بو حمد : انا ما بتناقش وياك ماقول غير الله يهديك
.
.
.
فجاة ذياب وقف على ينب
دانه : شفيك
ذياب بهدوء : منو هذا الي كنتي قاعده معاه اليوم
دانه : منوو ؟
ذياب بدا يحمر ويهه وبعصبيه : منوووو الي كنتي قاعده وياه اليوممم ردي عليهه!!!
دانه : انتتت شكووو شدخلك فينيي
ذياب : انا ولد عمجججج
دانه : وخيررررر منو انت عشان تحاسبني اقعد ويا منو ولا اسولف ويا منووو
ذياب : انااااا ر... وسكت ماكمل كلامه
دانه : انت شنو ؟
ذياب : مايخصج المره اليايه لو شفتج قاعده ويا والله يدانه مايصير لج خير
دانه : انتت مايخصكك لا تتدخل فينيي
ذياب : لا يخصنيييي
صديت عنه لدريشه وربعت ايديني: انا مالي رمسه وياك
ذياب : احسننن فكيني من حسج
حرك بسيارته بس مب للمستشفى وداني الشقه
وقف ونزلت انا بدون ما ارمسه ورحت متوجهه لشقتي بس تذكرت اني نسيت اغراضي فسياره ذياب ورجعت نزلت من الدري ويت بطلع من الباب الي الا اصطدم بصدره وارجع على ورا
ذياب : اسف
طالعته ماسك اغراضي
ذياب : نسيتي اغراضج ومد لي اياهم وييت باخذهم وحسيت بأيدينها وهي تتلامس بس ماعطيت رده فعل وشائت الأغراض وطلعت على طول
.
.
.
حمد : انتي ما تستحين على ويهج ابوي طايح مريض وانتي ولاهمج
سلامه : ابوك من يومه وهو مريض شالغريب يعني
حمد : قليله ادب ابوي ماعرف يربيج
سلامه : تبا شي؟
حمد : باجر بتين تزورينه فاهمه ولا لا
سلامه : لا
حمد : تراني ماسك اعصابي لاتخليني ادش من الفون وادفنج مكانج
سلامه :...
وسكرت الفون فويهه
حمد : حيوانهه وفر الفون فجيبه