اتبع هواك ومتجه في مصيرك.

٤٨

على المغرب . . نشيت على حس ذياب
طالعته وانا مسطله : هممم
ذياب : فديته المسطل انا
دانه : شو مقومنك
ذياب : توني راجع من الصلاة
ابتسمت: كيف تحس عمرك
ذياب : الحمدلله بخير . . مناعتي قويه بسرعه اتشافيت
حطيت ايدي على ويهه : الحمدلله
ذياب : كله بفضل الله ثم انتي
شقيت الحلج
ذياب : يلا قومي صلي
دانه : ان شاء الله
ذياب : وتعالي الحديقه بترياج اهناك
دانه : تمام
قمت عنه . . توضيت . . وصليت المغرب وقريت قران ودعيت . . لبست لي مخوره وشيله بيت وشال وزلاغات لانه الجو حده باردددددد . . نزلت وطلعت للحديقه وشفت ذياب قاعد عالمريحانه الي تكون لشخصين .. سرت صوبه
ذياب يطالعني ويبتسم : هلا بالزين
فتح لي ايدينه
دشيت فحضنه وحطيت راسي على صدره
ذياب : تصدقين حمد والعنود سافرو ولا ودعناهم
دانه : يالفشيله . . حتى ما دقينا عليهم
ذياب : ماعليه من يوصلون بيدقون وبناخذ اخبارهم
بأيد كان محتضني وبالايد الثانيه مسك ايدي
ابتسمت : ايدك باردههه
ذياب : اوني بدفي ايدج عاد
دانه : ليش مايكون العكس
مسكت ايده وقعدت ادفيها بأيدي
ذياب : فديتججج . . الله لا يحرمني حنانج
دانه : ولا يحرمني حنانك
ذياب : الخوف منج انتي مب مني
دانه : لا والله ؟
ذياب : والله اخاف من تربين يطير هالحنان والدلال كله
دانه : تباني اتم حامل طول العمر
ذياب : اذا بيخليج جي . . لين الله ياخذ امانتي بعد
دانه : بسمالله عليك . . لاتقول جي
ذياب يهمس لي : اموت عالي يخافون عليهههه
ضحكت بحيا
ذياب مسك حنكي و
.
.
.
مايد يدق على ذياب
وذياب يرد
مايد بغصه : هلا ذياب
ذياب : يامخرب الحضات
مايد : السموحة ماقصدت
ذياب : اسولف وياك ياريال. . شفيك
مايد : يصير امرك
ذياب : حياك
مايد : مسافه طريج واكون عندك
ذياب : اترياك
مايد : يلا مع السلامة
ذياب : مع السلامه
وسكروا
فر مايد الفون بقهر
وعوره قلبه وهو يسمع صريخ الياهل الي وياه فالسياره
.
.
.
دانه : مايد ؟
ذياب : هيه
دانه : شيبي؟
ذياب : ماعرف . . يقول بيمرني . . بس حسيت صوته مب اوكي
دانه : اجهز لكم الفواله
ذياب : خلج مرتاحه فديتج . . احين اقول حق ميري تجهزها
دانه : شدعوه عاد كلها فواله . . خلني اتحرك واسوي شي مفيد
ذياب : انا بس مابا اتعبج
دانه : مافيها اي تعب
ذياب يبوس مابين خدي وشفاتي : على راحتج
قعدنا نسولف شوي
وعقبها قمت ورحت المطبخ وجهزت الفواله وقلت للعاملات يودونها ميلس الريايل . . ووصيتهم يبخرونه ويعطرونه عدل
لمحت سياره مايد وهي تدخل البيت . .وشفته وهو ينزل ويدش الميلس وشال بأيده شي . . وبحكم اني اطالع من الدريشة ماعرفت شو كان شال
.
.
.
ذياب يطالع الياهل بصدمه : شو هذا
مايد حطا عالارض : اخوي
ذياب بصدمه : شووووووو!!!!!
مايد : الي سمعته
ذياب : شو السالفه ح
مايد قعد بقهر
ذياب صب له ماي وعطاه 
ومايد شرب على طول
ذياب : خبرني شصاير
مايد : ابوي
ذياب : شفيه ؟
مايد : ذياب ابوي طلع مطلقوعنده ولد
ذياب مصدوم وبس يطالع
مايد تنزل دمعته : اليوم طليقته ياتنا وعقت الولد عندنا وتبرت منه . . وأبويه حلف انه ماله قعده وكان عادي يجتله متصوررر . . وامايه شالت مسوؤليتها عنه وحلف انه ياهي يهالمسكين فالبيت
ذياب : معقوله
مايد : لا وتخيل . . طردوني من البيت بس لاني وقف بصفه ضدهم
ذياب : لاحول ولا قوة الا بالله
مايد : فوادي حارقني عليه . . شو سوا المسكين عشان ينقط قطه الجلاب هذي
ذياب : لاتقول جذي
مايد: انا ماعرف شسوي
ذياب : اسكن عندي لين نلقى حل . . واخوك بربيه بين ايديني واعتبره شرات ولدي
مايد : لا شو تربيه . . انا بهتم فيه ومن اسجن ابوي باخذه وبنطلع من اهني
ذياب : بخليهم يزهبون لك الملحق
مايد : ذياب
ذياب : هلا
مايد : خل الولد عندك الليله . . انا ماعرف له
ذياب : ان شاء الله
وتم يهديه ذياب
وخبر الخدم يزهبون له الملحق
وخذا الولد الصغير وصعد فيه فوق