ام ذياب : دير بالك على بنتي عدل
حمد : ان شاء الله عمتي
ام ذياب : ما اوصيك عليها عاد . . هاي الغالية
حمد : بحطها فعيوني لا تحاتين
ام ذياب تطالع العنود
ام ذياب : ما اوصيج على عمرج يا اميه . . خلج لاصقة فريلج وايدج بأيده
العنود حبت راس امها : ان شاء الله
حمد : عيل وين دانه وذياب
ام ذياب : راقدين ابويه . . انتوا قبل ما تسافرون دقو عليهم
حمد : ان شاء الله
العنود : يلا اميه
ام ذياب تدمع
حمد يمد لها ايده : يلا. .
العنود حضنت امها اخر حضن ومسكت ايد حمد وطلعو
ام ذياب : استودعتكم الله الذي لاتضيع ودائعه
.
.
.
نشيت وانا احس بألم خفيف
ذياب فتح عيونه وبتعب : شفيج ؟
غمضت عيني وحطيت ايدي على بطني : بس الم خفيف
ذياب يقوم : تبيني اوديج المستشفى
دانه : ماله داعي احين بيروح
ذياب يحط ايده على ويهي: متأكده
دانه : هيه . . بعدين وين توديني وانت بروحك تعبان
ذياب : اذا تعبانه بوديج
دانه : عادي . . راح اصلا
ذياب يبتسم ويحط راسه على بطني
ذياب : شفيكك باباه لا اتعب امك. . خلها ترتاح
حطيت ايدي على راس ذياب وقمت العب بشعره
ذياب : ترا برقد
دانه : ارقد ارتاح
ذياب باس بطني وانسدح على ريولي وانا مكمله العب بشعره
ذياب : اذا كانت بنت الي فبطنج شو بتسمينها ؟
دانه : امممم . . . شرايك بمها
ذياب : مها!؟؟. . حلو
دانه : واذا ولد ؟
ذياب : بسميه عمر
دانه : . .
ذياب : انا احس انه ولد
دانه : واذا بنت ؟
ذياب : عادي بفرح . . بس تعرفين الولد غير شوي
دانه : يالعنصري
ذياب : شدخل عنصري
دانه : تتعنصر على بنتي
ذياب : يمكن يكون ولدج
دانه : كلشي من الله حلو . . ولد ولا بنت مايهم
ذياب : صح
دانه : يلا كمل رقادك
ذياب ابتسم
وغمض عيونه
ورقد. . .
.
.
.
حمد يرد عالاتصال: الو
مروان : معرسنااا
حمد يضحك : هلا مروان
مروان : قلت اتصل عليك قبل ما تسافر . . اشوفك لادقيت ولا ودعت
حمد : نسيت والله
مروان : امفف عليك من ربيع. . هاي بدايتها وجي عيل عقب شو؟
حمد : احلم تشوف ظلي
مروان : خيبههه . . عاد قلنا عرست بس مب تنسانا
العنود يت صوبه : حبيبي
حمد : عيونه
حط ميوت
العنود : بسير صوب المحلات باخذ كمن شي وبرد
مروان يطالع ساعته : يلا روحي . . لا تتاخرين . . عندج اقل من ساعه
العنود : تمام
وراحت
رد فتح الميوت
حمد : الو
مروان : ايواااااا . . دام جي وضعك عز الله شفتك
حمد : انت عزم وتزوج بعد شو تتريا
مروان يبتسم بحسره
وتمو يسولفون شوي . . وعقب سكروا . . ويت العنود وبأيدها اجياس كلها بطاط وحلاو
قعدت حذاله
حمد : باقي ساعه على طيارتنا
العنود تتثاوب : وايدد
حمد يبتسم ويسحب راسها ويخليه على جتفه
حمد : رقدي شوي . . من يندههون على طيارتنا بواعيج
ابتسمت العنود وشبكت ايدينهم فبعض وسكرت عيونها بس مارقدت كانت بس مغمضة
حمد يبوس راسها وبصوت خفيف : فديتججج
ابتسمت لا ارادي . . بدون لاترد عليه
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...