ذياب قام يقرب مني : منو المعتوه
تميت ارجع على ورا وهو يقرب لين وصلت اليدار وقمت احس بأنفاسه
ذياب : حق منو تقولين معتوه
تصنمت مكاني وماقدرت انطق القرب بينا كان وايد ولوهلة التقت عيونا ببعض
١
٢
٣
كان كل واحد فينا يتنفس من زفير الثاني
ذياب بعد ومسكني من ايدي وقادني لسيارته وخلاني اركب جدام وانا حاولت اتجنب المياحد وياه ، ركب السياره وحرك
دانه : شو الموضوع الي تبا ترمسني فيه؟
ذياب : اذا مستعده تتاخرين عن جامعتج بفتح الموضوع
في دوده داخلي وماكلتني ابااا اعرف الموضوع بس ماقدرت افرط بمحاضراتي وقلت : خلاص اجله بعدين
ذياب :ع راحتج
ساق لمده نص ساعه ووصل الجامعه ماقلت شي ونزلت وفجاة اجوف نزل وياي وصك السياره
دانه : خير خير وين ياييي؟
ذياب : انتي الي خير انا ادرس هني
يععععع لاتقولللل .. تجاهلته وخطفت بروح الا احس بمسكت ايده على جتفي صديت له وطالعته وقال
ذياب : عطيني فونج
دانه : شو تباه؟
ذياب بنبره شوي عصبيه : قتلج عطينيييي
دانه :مابعطيك واذلف عن ويهي وسحبت عليه ودخلت الجامعه وعلى محاضرتي على طول
.
.
.
حمد : بس انا مش موافق
بو حمد : ما طلبت رايك
حمد : يبه انت ابخص الناس بعمي بو ذياب كيف نأمن دانه عندهم ؟
بو حمد : انا ما راح اكون مرتاح لين تاخذ دانه ذياب بكون مطمن على بنتي انها بين ايدين امنه
حمد : ذياببب تسميه ايدين امنه؟!!!!
بو حمد : مش خويك؟ شايف عليه شي؟
حمد : لا يعني بس انا عمري ماوثقت فيه ولا بوثق فيه انه يكون السند لاختي
بو حمد : انت مايخصك لا تتدخل عمك رمسني وانتهى الموضوع
حمد : ما سألتو دانه عن رايها؟
بو حمد : دانه ماتعرف
حمد بعصبيه خفيفه : بتخشون عنها؟!!
بو حمد : مابنخش بس ماتوقع بترفض شي يدعم صحه ابوها
حمد : ابويه انا قتلك خلني اتكفل بالمصاريف ليش مب راضي
بو حمد : انت تعرف حالتنا الماديه هالفتره وتعرف انه اخوي الي مسترني طول هالفتره وهو طلبني بنتي وانا ماقدر ارفض
حمد تنهد وقال : انا ماقول غير الله يهديك ابويه وخلاه حمد وطلع من الغرفه
.
.
.
خلصت محاضرتي الاولى ورحت المكتبه اكمل دراسه وايني حد من وراي وينزقني وانصدم انه زميل لي
قلت بدهشه : مروان؟؟؟
مروان : شحالج دانه والله زمان عنج
دانه : الحمدلله بخير من صوبك
مروان : بخير من بعد شوفتج
انا اهني استحيت مروان كان دوم الحب الاولي والاخير فقلبي بس فيه ظروف حدتنا نبتعد عن بعض وهالطريق خلتنا نرجع نلتقي مره ثانيه
قعد حذالي وقعد ياخذ علومي ويخبرني عن ربعاتي والبنات كيف مشتاقيلي وفجاه يا حد وعطا مروان كف وطيحه عالارض
شهقت وطالعته : انت تخبلتتتت
ذياب زخني من جتفي وقال : امشي جدامي حسابي وياج بعدين
دزيت ايده وقلت : وخرررر
وشليت كتبي واغراضي وطلعت من المكتبه والموظفة طردت ذياب ومروان
YOU ARE READING
اتبع هواك ومتجه في مصيرك.
Romanceدانه بنت عاشت اغلب حياتها بدون لا ابو ولا ام وفي يوم تلتقي بشخص ويقولها كلام عفس حياتها فوق حدر...
