اتبع هواك ومتجه في مصيرك.

٣٤

مرت خمس دقايق
ذياب يهمس لي : عايبنج الوضع وانتي جي منخشه فحضني
رفعت ويهي وطالعته : ماقدر اطالعهم احس بنحرج
ذياب يبتسم : ماتقدرين تطالعينهم ولا عايبتنج القعده ؟
خشيت راسه فصدره مره ثانيه . .
دانه : الاثنين
ذياب قال شي بصوت خفيف بس ماسمعته
العنود نشت هي وروضه
أبو ذياب : وينن
العنود : بنسير انيبب وشاحاتنا ابويه الجو استوا بارد
الريم : يــبوو مالي بعددد
العنود : تمام
وقبل ماتروح ذياب  ناداها
ذياب : العنوددد
العنود : هلاا
ذياب : يبيي وشاح حق دانه بعد
العنود ابتسمت : اوكي
وراحن هي وروضه اييبن الاوشحه
خزت عنه وهو للحين حاط ايده على جتفي ومطيحي على جتفه
ذياب : شو تبين نسوي عقب العشا
تثاوبت : نروح نرقد
ذياب عقد حياته وطالعني : ايههه انتي تراج زودتها ويا الرقاد تبين اعطي طراق يخليج تصحصحين سنه جدام
دانه : مابا
ذياب : عيل اعتدلي
دانه : يعني تباني اتم واعيه لين حظرتك تقرر ترقد
ذياب : هيه
دانه : بعد مابا
ذياب : مب على كيفج
دانه : بلى على كيفي وما بسويلك سالفه وبسير ارقد
ذياب : بلعوزج لين تلوع جبدج
دانه : اعرف شسوي وقتها
ذياب يقرب من ويهي وابتسم بخبث: شوو
ضربت ويهه : ياوصخخخخخخخخخخخ
ذياب يضحككككك
وانا متفشلههه لانه فهممم غلطططط
يت العنود وروضه ويابو الاوشحه وعطونا
قمت من على جتف ذياب وغطيت عمري بالوشاح
أبو ذياب : مايد حمد ذياب . . قومو جهزو لنا المكان عشان نشوي . . "ويطالع العنود " روحي المطبخ وخليهم يجهزون الاكل وييبي الاسياخ من الستور
العنود قامت : انشاءالله
قمت وياها : بساعدج
العنود ابتسمت ورحنا ويا بعض
أبو ذياب يطالع الشباب : قومووووو شوو تتريونننننننن
قامو كلهم وراحو ينفذون الي قاله
.
.
.
مايد يولع الفحم ويتحرطم
مايد : على اخر عمري اشتغل ويا هالشياب واولع فحم
حمد : ذياب
ذياب يطالعه
حمد : اباك فرمسه عقب العشا
ذياب : بروحي ؟
حمد : والعنود بعد
ذياب عقد حياته
وخلاه حمد وراح اييب الي شرات الماي ويحطونه عالفحم عشان يولع " ماعرف شو اسمه "
مايد : شو صار على موضوع ابائنا
ذياب : قريب بينتهي ان شاء الله
مايد : لازم يخلص بسرعه " تنزل دمعته وذياب انتبه " . . ابوي يبا يدخلني وياهم فالشغل
ذياب انصدم : انت شدراككك
مايد يمسحها بسرعه : دريت وخلاص
ذياب يربت على جتف مايد : ان شاء الله ما باقي شي . . انا تواصلت ويا الشرطه وبلغتهم . . ويتريون مني اشاره عشان يتحركون
مايد : انا عندي وايد ادله تكفي انهم يدخلونه سجن مؤبد بس انا اباه ينزخ بالجرم المشهود عشان مايقدر يطلع منها
ذياب : عقب ماتمسكهم الشرطه شو بتسوي ؟
مايد : بشل خواتي وامايه وبنسير نعيش فمكان بعيدد ونبدا حياه يديده
ذياب ابتسم ونزل راسه
مايد طالعه : وانت
ذياب : اذا الله راد واستمريت مع حرمتي باخذها وبنسير نعيش فأماره ثانيه بعيده عن ابويه وأهله والمشاكل
مايد : وعمتيه ؟ " ام ذياب "
ذياب يبتسم : امي ماضني تسامحني عقب الي بسويه
مايد : شو بيصير لها
ذياب يتنهد بضيج : بخيرهااا . . يا تيي تعيش وياي اول تعيش ويا أهلها
مايد : والعنود ؟
ذياب : العنود بتيي ويايه مستحيل اخليها واروح . . نحن ابتدينا هالشي ويا بعض وبننهيه ويا بعض
مايد : وهذا ولد عمك " يقصد حمد" شو بيصير فيه
ذياب : ماعرف بس مستحيل يترك اخته
مايد : صخخخخ . . اشوفه يايييي
حمد ياهم وعطاهم المشعل مال الفحم وراح يقعد عند الريايل
رحنا صوبهم انا والعنود . . وكنت شاله الاسياخ . . وعنود شاله صينيه عوده فيها الحم والدياي والخضار
حطيانهم
ذياب : تسلمون
ابتسمنا له
وينا بنروج
ذياب : دانههه صبري
التفت له : شوو
ذياب يطالع مايد الي فهم على طول وقام وانسحب من المكان والعنود نفس الشي
قربت صوبه وانا زايغه
دانه : شفيك
ذياب يبلع ريجه
دانه : لاتخرعني
ذياب يطالعني وساكتت
هزيت جتفه : ارمسسس لاتخوفني عليك
ذياب : لا تخافين مافيه شي يخوف
دانه : عيل شفيك ليش فجاء زقرتني وصخيت مره وحده
ذياب : دانه . . لو اايي فيوم . . واعترفلج بشي خطير . . شيء ممكن يدمر سمعه العايله بس يسعدج ويحررني . . بتهديني ؟
دانه : شوو تقوللل انتهه شوهالسر
ذياب : جاوبيني