သူ ဘယ်သူလဲ
ဘာသာပြန် - Zeus
အခန်း ၄၀ - လူတိုင်း၏ အကြည့်များကျရောက်နေခဲ့သော အရိုးစု၏ လက်ထဲမှ ထူဆန်းသည့် ပန်းချီကားတစ်ချပ်
"ဒါ စာလိပ်တစ်လိပ်ပဲ!"
အရိုးစု၏ လက်ထဲ၌၊ တင်းတင်းကျပ်ကျပ် ဆုပ်ကိုင်ထားခဲ့သော စာလိပ်တစ်လိပ် ရှိနေခဲ့သည်။
အလွန်ရှေးကျသော အရှိန်အဝါတစ်ခုသည် စာလိပ် အနီးဝန်းကျင်တွင်ပျံ့နှံ့နေခဲ့ပြီး ထိုအရှိန်အဝါကိုအကွာအဝေးတစ်ခုမှပင် ခံစားနေရပေသည်။
" ပန်းချီအင်မော်တယ်ရဲ့ ရှေးဟောင်းပန်းချီကားတစ်ချပ်မဟုတ်လား " ထိုပန်းချီကားကိုတွေ့လိုက်ရချိန်တွင် ရှမူဟိုင် နှင့် မူချင်းကော တို့သည် သူတို့၏ အသက်ရှုသံများရပ်တန့်သွားခဲ့သကဲ့သို့ပင် ခံစားလိုက်ရသည်။
ဒါက တကယ် စစ်မှန်တဲ့ရတနာတစ်ခုပဲ။
ဒီသတင်းသာထွက်ပေါ်လာခဲ့ရင် ၊ စန်းယွမ် နယ်မြေ ရဲ့ ဂိုဏ်းတွေအများကြီးကြားမှာ လူသတ်ပွဲကြီးတစ်ခုဖြစ်ပေါ်လာပေလိမ့်မည်။
သွေးတွေ ဘယ်လောက်တောင်ချောင်းစီးကုန်လိမ့်မလဲ၊ လူဘယ်နှစ်ယောက်ရဲ့ အသက်တွေဆုံးရှုံးလိုက်ရမလဲ ဆိုတာ မည်သူမျှမသိနိုင်ပေ။
ရှမူဟိုင် နှင့် မူချင်းကော တို့သည် တစ်ယောက်ကိုတစ်ယောက် ဖြတ်ကနဲကြည့်လိုက်ပြီး ဂရုစိုက်ရန် အကြည့်များဖြင့်ပင် တစ်ဦးကိုတစ်ဦးသတိပေးလိုက်ကြသည်။
ယခုအချိန်တွင် သူတို့ကို အခြားတစ်ယောက်က ရုတ်တရက် လာရောက်တိုက်ခိုက်မည်ကို စိုးရိမ်နေပုံရသည်။
သူတို့ထဲမှ တစ်ဦးသည် ဆေးဘုရင်တောင်ကြား မှဖြစ်ပြီး နောက်တစ်ဦးသည် ရှေးဟောင်း တာအို တောင်တန်းဂိုဏ်း မှဖြစ်သည်။ နှစ်ခုလုံးသည် ဂုဏ်သရေရှိဂိုဏ်းကြီးများဖြစ်ကြသည်။
သူတို့အချင်းချင်း၏ဆက်ဆံရေးသည်လည်း ကောင်းမွန်ကြသည်။
သို့သော် ပန်းချီအင်မော်တယ် ၏ ရှေးဟောင်းပန်းချီကားရှေ့တွင် တစ်ကိုယ်ကောင်းဆန်သော ရည်ရွယ်ချက်များ ရှိမနေနိုင်ဘူးလို့ ဘယ်သူမှ မပြောနိုင်ပေ။
YOU ARE READING
သူ ဘယ်သူလဲ
Fantasyမိတ်ဆက် "စုတ်ချက်တိုင်းမှာ မြစ်ချောင်းနဲ့ ပင်လယ်ကို ရေးဆွဲတယ်..ပြီးတော့ စုတ်တံနဲ့ပဲ တောင်နဲ့ မြစ်တွေကို အဆုံးအဖြတ်ပေးတယ်" တချို့လူတွေကတော့ တောင်ထိပ်ပေါ်မှာ မာန်ကြွနေတဲ့ ကျွဲတကောင်ပုံကို ရေးဆွဲထားတဲ့ ပန်းချီကားချပ်ကို ကြည့်ပြီးတော့ စွမ်းအားကြီးမားလှ...