သူ ဘယ်သူလဲ
ဘာသာပြန် - Zeus
အခန်း ၃၇ - သက်ရှည်သစ်သား
" မျှော်လင့်ရတာပါပဲ"
မူချင်းကော က ယင်ချန်းလီ အား စိုးရိမ်မှုများအပြည့်ဖြင့် ကြည့်လိုက်သည်။
သူ့၌ ကောင်းမွန်သည့် အလားအလာများရှိသော်လည်း သူက လမ်းကြောင်းမှန်ကို အာရုံမစိုက်နိုင်ခဲ့ချေ။
တစ်နေ့တာလုံး သူက ဓားရေးလေ့ကျင့်ခြင်းကို စွဲလမ်းနေကာ ဓားအင်မော်တယ်တစ်ယောက်ဖြစ်လာရန် အိပ်မက်မက်နေရင်းဖြင့် သူ၏ အကောင်းဆုံး အရည်အချင်းများကို ဖြုန်းတီးနေခဲ့ပေသည်။
လူတိုင်းက အတွင်းသို့ နက်နက်ရှိုင်းရှိုင်းဝင်လာခဲ့ကြပြီး မူချင်းကော နှင့် အခြားသူများပင် ပေါများလှသည့် ဆေးပင်ရနံ့များကို စတင် အနံ့ရလာကြသည်။
" မိုးပြာမြက်ရဲ့ ရနံ့ ပဲ "
" ပြီးတော့ စိတ်ဝိဉာဉ်မွှေးရနံ့ "
" ဒီလို အားပြင်းတဲ့ အနံ့က သွေးကျောက်စိမ်းကြာပန်း ဖြစ်နိုင်မလား "
ရနံ့မျိုးစုံအား ရှူရှိုက်ရင်း အားလုံးက တန်ဖိုးကြီးသည့် ရတနာများ ဖြစ်သောကြောင့် မူချင်းကော သည်လည်း စိတ်လှုပ်ရှားလာခဲ့သည်။ဆေးဘုရင်တောင်ကြား၌ပင် များများစားစားမရှိကြဘဲ ယခုရှိနေသည်များက သက်တမ်းကြာနေပြီဖြစ်သည့် ရတနာများဖြစ်ပေသည်။
နောက်ထပ် မြင်ကွင်းထဲသို့ ရောက်ရှိလာသည်ကတော့ ရေများက နို့နှစ်ရောင် ဖျော့ဖျော့ သန်းနေသည့် ကြီးမားသည့် ရေကန်တစ်ခုဖြစ်သည်။
ရေကန်ထဲ၌ များပြားသည့် သွေးကြာပန်း များ ပွင့်လန်းနေကြ၏။
အလွန်ကို နှစ်သက်ကြည်နူးဖွယ်ကောင်းလှပေသည်။
တစ်ချိန်တည်းမှာပင် မလှမ်းမကမ်း၌ အစိမ်းရောင် အလင်းများဖြင့် ပြည့်နှက်နေသည့် ဆေးစိုက်ခင်း တစ်ခု ရှိနေခဲ့သည်။သို့သော်လည်း ထိုကဲ့သို့ ကြီးမားသည့် ဆေးစိုက်ခင်းထဲ၌ ဆေးပင်အချို့သာလျှင် ရှင်သန်နေပေ၏။
စိုက်ခင်း၏ ကျန်သည့် အပိုင်းများမှာ အချိန်အတော်ကြာကတည်းက သေဆုံးနေပြီဖြစ်သည့် ညှိုးခြောက်နေသည့် ဆေးပင်များနှင့် ပြည့်နေခဲ့၏။
CZYTASZ
သူ ဘယ်သူလဲ
Fantasyမိတ်ဆက် "စုတ်ချက်တိုင်းမှာ မြစ်ချောင်းနဲ့ ပင်လယ်ကို ရေးဆွဲတယ်..ပြီးတော့ စုတ်တံနဲ့ပဲ တောင်နဲ့ မြစ်တွေကို အဆုံးအဖြတ်ပေးတယ်" တချို့လူတွေကတော့ တောင်ထိပ်ပေါ်မှာ မာန်ကြွနေတဲ့ ကျွဲတကောင်ပုံကို ရေးဆွဲထားတဲ့ ပန်းချီကားချပ်ကို ကြည့်ပြီးတော့ စွမ်းအားကြီးမားလှ...
