သူ ဘယ်သူလဲ

အခန်း ၁၄

သူ ဘယ်သူလဲ

ဘာသာပြန် - Zeus

အခန်း (၁၄)

မူလအဆင့်ကျင့်ကြံသူသည် ဓားနှင့် ခုတ်လိုက်၏။

သာမန်ဓားချက်ဟု ထင်ရသော်လည်း အကြီးအကဲ လင်းဖန်အဖို့ သူ၏ အင်မော်တယ်သိုင်းကွက်များကို အစွမ်းကုန် ထုတ်ထားသည့်အချိန်မှာပင် ကြောက်မက်ဖွယ်ကောင်းလောက်အောင် ကြီးမားလှသည့် အန္တရာယ်အာရုံကို ခံစားနေခဲ့ရတော့သည်။

သူက လက်ဖဝါးကို အရှေ့သို့ ထုတ်ကာ ကျဆင်းလာသော ဓားချက်ကို တားဆီးရန် ကြိုးစားလိုက်၏။သူ့တကိုယ်လုံးကို ဖုံးအုပ်ထားသော ရွှေအိုရောင်အလင်းတန်းများမှာ သူ၏ လက်ဖဝါးထက်တွင် မျက်စိကျိန်းစက်မတက်ကို စုစည်းလာပြီး ဓားချက်ကို ခုခံရန် ကြိုးပမ်းလိုက်၏။

သို့ပေမယ့် ပြန်လည်မွေးဖွားခြင်းအဆင့်နှင့် မူလအဆင့်မှာ တဆင့်သာကွာသော်လည်း ကွားခြားမှုမှာ မိုးနဲ့မြေပင် ဖြစ်နေခဲ့သည်။

ဓားချက်၏အောက်တွင် ရွှေအိုရောင်အလင်းတန်းမှာ တို့ဖူးတုံးတတုံးကဲ့သို့ နှစ်ပိုင်းပြတ်သွားကာ အကြီးအကဲ လင်းဖန်း၏ သွေးများမှာ ဖြာထွက်ကုန်သည်။သူ၏ လက်မောင်းတဖက်လုံးမှာ ဓားချက်ကြောင့် အရင်းမှ ပြတ်ကာ လွင့်ထွက်သွားတော့၏။

“အကြီးအကဲ”

အနောက်တွင် ရပ်နေကြသော သတ်ဖြတ်သူတသောင်းတောင်ထိပ်မှ တပည့်များသည် ထိုမြင်ကွင်းကြောင့် အံ့အားသင့်စွာ အော်ဟစ်လိုက်ကြလေ၏။

အကြီးအကဲ လင်းဖန်၏ မျက်နှာမှာ ဖြူရော်သွားကာ နာကျင်သော ညည်းသံတခုသည် သူ၏ နှုတ်မှ ထွက်လာခဲ့သည်။သူက သွေးများ ဖြာကျနေသော ညာလက်ကို ဘယ်ဖက်လက်နှင့် အုပ်ကိုင်ကာ အနောက်သို့ ခြေလှမ်း အနည်းငယ် ဆုတ်လိုက်လေတော့သည်။

သူ့ အရှေ့တွင် ရပ်နေသော သူမှာ မျက်လုံးကို အဝတ်စည်းထားသော မျက်မမြင်တစ်ယောက်ဖြစ်ပေသည်။