သူ ဘယ်သူလဲ?
ဘာသာပြန် - Zeus
အခန်း(၂၅) ပထမဦးဆုံးတွေ့ဆုံမှု
“ဘာဖြစ်နေလို့လဲ”
ရှမူဟိုင်သည် ချက်ချင်းမငြင်းခဲ့ပေ။ပုံမှန်အတိုင်းဆိုလျှင် သူက ထိုကဲ့သို့သော သေးငယ်လှသော ယန်မိသားစုကို သောက်ဖက်လုပ်စရာ မလိုပေ။သို့သော် ယခု ယန်မိသားစု၌ လီချန်ချင်း ရှိနေခဲ့သည်။ထို့ကြောင့် ယန်မိသားစုကို အနည်းဆုံးတော့ မျက်နှာသာ အနည်းငယ်တော့ ပေးရပေလိမ့်မည်။
ရှမူဟိုင်၏ အမေးကို ကြားသော် ယန်ပါးထောင်သည် စာတစောင်ကို ထုတ်ကာ ရှမူဟိုင်အား အလျင်အမြန်ပင် ကမ်းပေးလိုက်တော့သည်။
“စာထဲမှာ ရေးထားတဲ့အတိုင်း ကျုပ်တို့ ယန်မိသားစုရဲ့ တောင်ဘက်မိုင်းတွင်းထဲမှာ ဒီလို မတော်တဆမှုတွေ ဖြစ်နေခဲ့တယ်”
ရှမူဟိုင်သည် စာကို အေးအေးဆေးဆေး ဖောက်ကာ ထိုင်ရင်းဖတ်လိုက်လေသည်။ဖတ်ရင်းနှင့်ပင် သူ့မျက်နှာထက်ရှိ အမူအရာများမှာ တဖြေးဖြေးနှင့် လေးနက်လာခဲ့တော့လေသည်။
ထိုအချိန်၌ ယန်ပါးထောင်က အကြီးအကဲများကို စေလွှတ်ကာ ဝမ်ရှုမျှော်စင်မှ လီချန်ချင်းအား ရှမူဟိုင်နှင့် တွေ့ဆုံလိုခြင်း ရှိ၊မရှိကို သွားမေးမြန်းစေခဲ့သည်။
တောင်ဘက်မိုင်းတွင်းသည် ယန်မိသားစု၏ မိုင်းတွင်းများစွာတို့မှ တခုပင် ဖြစ်သည်။ထို့နေ့၌ မိုင်းတွင်းရှိလူများသည် ကြယ်တံခွန်တခု ဖြတ်သန်းလာသည်ကို မြင်တွေ့ခဲ့ကြလေသည်။ထို့နောက်တွင် သူတို့အားလုံးမှာ သတိမေ့သွားကြလေ၏။
သို့ပေမယ့် သူတို့ပြန်လည်နိုးထလာသည့်အခိုက်တွင်တော့ သူတို့ကိုယ်သူတို့ သိလိုက်ကြရသည်မှာ သူတို့သည် ရှိရင်းစွဲအသက်ထက် ဆယ်နှစ်ကျော်ခန့် ပိုမို ကြီးရင့်သွားသည်ကို ထိတ်လန့်တုန်လှုပ်ဖွယ်စွာ သတိပြုမိလိုက်ကြလေတော့သည်။
ESTÁS LEYENDO
သူ ဘယ်သူလဲ
Fantasíaမိတ်ဆက် "စုတ်ချက်တိုင်းမှာ မြစ်ချောင်းနဲ့ ပင်လယ်ကို ရေးဆွဲတယ်..ပြီးတော့ စုတ်တံနဲ့ပဲ တောင်နဲ့ မြစ်တွေကို အဆုံးအဖြတ်ပေးတယ်" တချို့လူတွေကတော့ တောင်ထိပ်ပေါ်မှာ မာန်ကြွနေတဲ့ ကျွဲတကောင်ပုံကို ရေးဆွဲထားတဲ့ ပန်းချီကားချပ်ကို ကြည့်ပြီးတော့ စွမ်းအားကြီးမားလှ...