သူ ဘယ်သူလဲ

အခန်း ၂၂

သူ ဘယ်သူလဲ

ဘာသာပြန် - Zeus

အခန်း(၂၂)

ဤလောက၌ မည်သူမျှ ထိုအရာကို သိကြလိမ့်မည် မဟုတ်ပေ။

သို့သော် ပီကာချူးကို လက်ထဲ၌ ကိုင်ထားရင်းနှင့်ပင် ယန်ဟန်ကျိုးမှာ ကွဲပြားသော ခံစားချက်ကို ထိုအချိန်၌ ခံစားလိုက်ရတော့သည်။

သူ့အရှေ့ရှိ ထိုအမည်မသိသော သတ္တဝါမှာ အသက်ဝင်လာသလိုမျိုး ခံစားလိုက်ရသည်။

သူ့ အရှေ့မြင်ကွင်းရှိ လောကကြီးမှာ တဖြေးဖြေးနှင့် မှုန်ဝါးသွားခဲ့တော့လေ၏။

လောကကြီးတခုလုံးမှာ အမှောင်ထုက ဖုံးလွှမ်းသွားသည့်အလားပင်။သူ့ အရှေ့တွင် ရှိနေသော ပီကာချူးကသာ ခပ်ဝါးဝါးနှင့် အသက်ရှိနေသည့်ဟန်ပင်။

ရုတ်တရက်ဆိုသလို ခမ်းနားလှသော မိုးကြိုးစွမ်းအားများသည် ပီကာချူးထံမှ ပွင့်ထွက်လာခဲ့သည်။

ထိုမိုးကြိုးစွမ်းအားများမှာ အရာအားလုံးကို ဖျက်ဆီးနိုင်သည့်အလားပင်။

မိုးကြိုးကျရောက်သွားသည့် နေရာတိုင်းတွင် အရာအားလုံး ပျက်သုဉ်းသွားသည်ကြီးသာ

မိုးကြိုးအချို့မှာ ယန်ဟန်ကျိုး၏ နားရွက်နားမှ သီသီလေးကပ်ကာ ဖြတ်သန်းသွားခဲ့လေ၏။ထိုအချိန်၌ ယန်ဟန်ကျိုးမှာ မှင်သက်နေခဲ့၏။သူက ထိုကဲ့သို့သော ကြောက်ရွံ့ဖွယ်ကောင်းသော သတ္တဝါမျိုးကို မမြင်တွေ့ခဲ့မိဖူးပါ။

ဒါက ဘာကောင်လဲ

ဘာလို့ သူ့မှာ ဒီလိုစွမ်းအားကြီး ရှိနေရတာလဲ

ဒီလို သတ္တဝါမျိုးက ဘယ်သူမှ ဘာလို့ စာအုပ်တွေထဲမှာ မှတ်တမ်းမတင်ထားတာလဲ။