သူ ဘယ်သူလဲ

အပိုင်း ၃၉

သူဘယ်သူလဲ

အခန်း (၃၉)ပန်းချီအင်မော်တယ်၏ အကြွင်းအကျန်များ

" ဟမ် "

လီချန်ချန်းက ထိုကဲ့သို့ပြောလာလိမ့်မည်ဟု ယင်ချန်းလီ က မမျှော်လင့်ထားခဲ့ပေ။

ရှမူဟိုင် လည်း အတော်လေး အံ့ဩသွားခဲ့သည်။ လီချန်ချင်း က သူ့ကလေးကို အလိုလိုက်ခြင်းမှာ လွန်လွန်းလှပေသည်။

အနာဂါတ်မှာ သူ့သား ကို အကူအညီပေးဖို့ လူငယ်လေးတစ်ယောက်ဆီမှာ ရတနာတစ်ခုကို ရင်းနီးမြှုပ်‌နှံနေတာလား။

သို့သော်လည်း လီချန်ချင်း က ယင်ချန်းလီကိုသာ ရင်းနှီးမြုပ်နှံနေခြင်းမဟုတ်သည်ကို ရှမူဟိုင် သည်လည်း နားလည်လိုက်သည်။

သူက ယင်ချန်းလီ ၏ နောက်ခံ ကို ရင်းနှီးမြုပ်နှံနေခြင်း ဖြစ်ပေသည်။

ဆေးဘုရင်တောင်ကြား။

စန်းယွမ် နယ်မြေ ထဲမှ အများကလက်ခံထားသည့် ပထမဆုံး ဆေးပညာဂိုဏ်း။

ဆေးဘုရင်တောင်ကြား၏ နောက်ကွယ်က အင်အားက ကြီးမားလှပေသည်။

ယင်ချန်းလီ က ရွယ်မူ ခန္ဓာကိုယ် ရှိပြီး မူချင်းကော၏ ကိုယ်ပိုင်တပည့်တစ်ယောက်လည်းဖြစ်ပေသည်။ ဆေးဘုရင်တောင်ကြားရှိ သူ၏ အနာဂါတ် ရာထူးက သေချာပေါက် မြင့်မားပေသည်။ ထို့အပြင် မူချင်းကော က ဆေးဘုရင်တောင်ကြား ခေါင်းဆောင်၏ သမီးဖြစ်ပေသည်။ ဤဆက်ဆံရေး၏ ရည်ရွယ်ချက်မှာ ထုတ်ပြောစရာမလိုလောက်အောင်ကို သက်သေပြပြီး ဖြစ်လေသည်။

သို့သော်လည်း .... လီချန်ချင်း ၏ ခွန်အား နှင့် အံ့အားသင့်ဖွယ်ကောင်းသည့် စွမ်းရည်များက သာမန်ထက် ထူးခြားသည်ဟု ရှမူဟိုင် က ခံစားနေရဆဲဖြစ်ပေသည်။

အကယ်၍ သူက လက်ကို ဝှေ့ယမ်းလိုက်ပြီး လှုပ်ရှားမှု လုပ်လိုက်မယ်ဆိုရင် မရေမတွက်နိုင်အောင် သန်မာလှသည့် လူများက သူ့နောက်သို့ လိုက်ချင်နေကြပေလိမ့်မည်။