مايروس النجوم الا سهيل ولا يقود الظبا غير العنود

البارت الاول🦌

بطلتنا بالمطبخ تسوي فطورها وتصور فلوق مثل ماتعودت
:هاي بنات اليوم بسوي معاكم فطور صحي تقدرن تاخذونه معاكم لدوام او حتى تاكلونه بالاجازه لذيذ مره
دخلت العاملة :مس العنود روحي انا اسويه ارتاحي
العنود ابتسمت وحضنتها وناظرت الكاميرا:اكيد تعرفون ليلي يدي اليمين بالبيت قولي هاي ليلي
ليلي سوت هاي بيدها ببتسامة وهمست:هل اخذتي ادويتك؟؟
العنود هزت راسها ببتسامة:يلا نسوي الفطور ليلي
العنود تحط المكونات بصحن وكانت ليلي تساعدها بكل شي واذا ماقدرت تفتح شي تفتحه ليلي عنها
العنود لفت عليها:ليلي وسكتت يوم دخل المطبخ وصب له قهوه وطلع
ليلي ناظرتها:مس ماذا تردين؟؟
العنود هزت راسها:لا خلاص وتوجهت انظارها للكاميرا وهمست اكيد شاف الكاميرا معلي منه ورجعت تكمل طبختها وسكرت الكاميرا بعد ماودعت الكاميرا الي هي بس تشوف الفيديوهات الي فيها
ليلي تقدمت لها :بعطي سيد سهيل الافطار دقايق لا تذهبين لمكان
العنود هزت راسها:روحي انا بالحديقه تعالي هناك
ليلي اخذت الاكل وطلعت لغرفة سهيل ودقت الباب:سيدي هل ادخل الافطار؟
سهيل هز راسه وهو غارق بالملفات حقته:ايه حطيه على الطاولة
ليلي هزت راسها ونزلت الاكل وناظرته:مس العنود بالحديقه
سهيل ناظرها ورفع حاجبه:طيب وش المطلوب؟؟
ليلي خافت:اقصد يعني اذا حاب تنزل تفطر معاها بس
سهيل للحين يناظرها:هي راسلتك؟؟
ليلي هزت راسها:لا والله بس الجو جميل قلت يمكن تبي تنزل معاها اعتذر منك
سهيل نزل انظاره للملفات ثاني مره وماتكلم
ليلي طلعت من المكتب حقه لانه عارفه مراح ينزل
العنود جالسه بالحديقه تفطر وتناظر الحديقة حقت البيت الي كانت الاشجار تتساقط لانه بنص فصل الخريف ولفت على ليلي الي طلعت ورجعت تكمل اكلها
ليلي حطت عليها الشال:مس العنود بيدخل الشتاء انتبهي تمرضين
العنود ابتسمت:وش طردك نفس العاده؟؟
ليلي هزت راسها بنفي:لا مارد على من الاساس
العنود ناظرتها:قلت لك لعد تروحين له يبي يطلع يطلع محد ماسكه بيته هو
ليلي خايفه تزعل عليها:مو قصدي اني اجبره بس قلت يغير جو من المكتب للغرفه لشغل قلت الجو جميل يجلس معاك شوي يعني
العنود:مابيه يجلس معاي ياختي بيحسب اني راسلتك خليه مرتاحه كذا بالبيت كله
ليلي هزت راسها:تمام اسفه معد بقوله شي بس تراه زوجك يعني تكلمو سولفو ترا زين لكم
العنود ابتسمت:وش امي انتي؟؟
ليلي بمزح:ياليت امك تدري عنك الي ادري كان رقتك له
العنود ضحكة:اشوا انها ماتدري اجل ارتحت
سهيل نزل ووصل للحديقة عشانه بطلع من البيت ووقف عندها:بنروح لاهلي بليل تجهزي ومشى بدون مايسمع ردها
العنود ما بالت لانها تعودت انه يقول كذا ويمشي وناظرت ليلي ببتسامة:وش البس؟؟
ليلي هزت راسها باسف عليها:يعني مازعلتي انه مشى وماسمع اذا موافقه ولا لا
العنود ابتسمت:ليش ارفض صاحيه انتي ابي اطلع انا من ذا البيت الكئيب
ليلي:يلا نختار لك اوتفت حريقه
العنود ضحكة:من يقول حريقه الحين ياختي
ليلي ضحكة:انتي بس تدققين
العنود ضحكة معاها ودخلو البيت يختارون ملابس ل العنود
ليلي دخلت خزانة العنود الي فيها كل الماركات والملابس وشنطة العالمية:انا كل مادخلت هل غرفه تجيني الضيقة خففي ملابس
العنود جلست على الكرسي إلي بالغرفة:والله حتى انا ودي اغيرها اسمعي اذا رجعنا تاخذين الي تبينه كل شي شنط كعوب فساتين بلايز كل شي تحتاجينه خوذيه بعدين نفرز الي مانبيه ونعطيه الجمعيات تمام
ليلي ناظرت الملابس:كلها؟؟؟؟
العنود ابتسمت:ايه
ليلي راحت للملابس وطلعهم:حرام عليهم الستكر للحين ما لبستيهم جديده
العنود هزت راسها:تمام نخلي الي ابي ونطلع الباقي تمام؟؟
ليلي هزت راسها:تمام وبدت تطلع ملابس عشان تاخذ راي العنود الي مايعجبها شي
ليلي جلست على كومة الملابس:مس العنود اختاري انتي انا تعبت كل شي لا وش تبين تلبسين طيب؟؟
العنود رفعت اكتافها:مدري انتي قلتي بتختارين لي مو انا اختار
ليلي مدت لها فستان:هذا خلاص البسيه معد فيه وقت الحين العصر بياذن باقي شعرك والميك اب
العنود اخذته وليلي صارت ترتب الغرفه بعد الحوسه الي صارت
<< شركة سهيل >>
سهيل جالس على مكتبه وقدامه ايباد ولابتوب ويراجع الملف ورفع راسه لانه بدا يجتاحه الصداع وسند راسه على الكرسي ونفتح الباب بسرعة ودخل ونطق سهيل:ماجد مصدع خل مواضيعك بعدين
ماجد جلس:بتجي اليوم؟؟
سهيل هز راسه:ايه
ماجد ابتسم:والعنود؟؟
سهيل:ايه معاي
ماجد هز راسه ووقف:يلا انا بروح اشوفك بالبيت
سهيل هز راسه وغمض عيونه
:وش فيك مصدع؟؟
سهيل فتح وناظر مصدر الصوت وابتسم ووقف يحضنه:سعود متى رجعت؟؟
سعود رد الحضن:توني نازل من الطياره لين عندك حتى لسى ماشفت اهلي
سهيل ابتسم:اجلس اجلس سعود جلس وجلس قدامه سهيل وشلونك وش ذا الغيبه انا قلت مو راجع هسنه
سعود ابتسم:لا والله طفشت قلت خلني ارجع واستقر مع اهلي
سهيل هز راسه:زين اشوا غيرت قرارك ورجعت
سعود:فيك شي؟؟
سهيل عقد حواجبه:لا ليش؟؟
سعود يناظره بشك:لا بس اسال
سهيل ابتسم:لا الحمدالله مافيه شي
سعود يناظره بنظرات تفحص:ايه زين
سهيل  :ايه قل وين رحت هسنه؟
سعود ابتسم:ابد والله رحت اليابان
سهيل بصدمة:كل الثلاث سنوات كنت باليابان؟؟
سعود هز راسه:لا بعد عرسك درت اسيا كلها بس اليابان غير عالم خارجي رحت لها ثلاث مرات من كتر ماعجبتني
سهيل ابتسم:والله زين يبيلها روحه شكله
سعود هز راسه:ايه خذ العنود ورح صح وين رحت شهر العسل بشرف اذا رحت ولا
سهيل حك خشمه:مارحنا
سعود يناظره بصدمة:مارحت؟؟
سهيل وقف وراح لمكتبه:ايه عندي شغل ماقدرت اجله
سعود لف عليه:ماقدرت تاجله اسبوع واحد عشان تسافر؟؟
سهيل هز راسه وابتسم:ايه شغل مهم كان
سعود رفع حاجبه:كان يعني خلصته سفرتها طيب؟؟
سهيل:لا لسى
سعود يناظره:ثلاث سنين مافضيت اسبوع تسفرها؟؟
سهيل هز راسه:لا
سعود:ماجد يقول انكم رحتو لكاس العالم بقطر اخذتها؟؟
سهيل هز راسه:لا رحنا نشوف مباراة وش تبي فيها هي مو راعيه مباراة
سعود بدا يتنرفز:رحت للمباراة وما رحت شهر عسل مع زوجتك؟؟؟
سهيل زفر:ايه مارحت ياخي مابي اروح معاها مكان زواجنا غصب واروح معاها بعد غصب لا تخسي ماسافرت معاها
سعود رماه بحقة الاقلام بس بعد وتناثرت الاقلام بالارض:تبيني اصكك بالدرع ذا
سهيل ناظر الاقلام وتنهد:وش تبي ياخي هاذي حياتي مالك دخل فيها
سعود معصب:كيف هذي حياتك ترا معاك احد بحياتك مو لحالك عندك وحده مسوؤل عنها
سهيل هز راسه:طيب عندها ماكل مشرب ملابس تبي تسافر عندها البطاقة تحجر محد قالها شي
سعود وقف:انا بمشي انت الكلام معاك ضايع
سهيل ابتسم:طيب ندوره
سعود رمقه بنظره
سهيل ابتسم:بتجي اليوم؟؟
سعود هز راسه:ايه دق علي الشايب يوم عرف اني وصلت وقال تعال
سهيل ابتسم:جدي مدري وشلون يعرف كل شي
سعود ضحك:شكله ساحر
سهيل ضحك:شكله
سعود:يلا انا بروح اغير والبس و الاقيك ببيت جدي
سهيل وقف:خلاص حتى انا بروح البس والحقك
وطلعو من الشركه وكل واحد واتجه لبيته
سهيل دخل البيت وكان كل عاده هادي لانه تكون العنود بغرفتها وماتطلع منها وتوجه لغرفته يلبس للعزيمة حقت الجد
العنود بغرفتها لبست وحطت ميك اب وسوت شعرها
ليلي ابتسمت:الله سيم سيم عروسة
العنود ضحكة
ليلي ضحكة معاها:نسيت اني اعرف عربي شفتي جمالك وش يسوي
العنود باستها:عمري انتي والله
ولفو على طقت الباب الي هي اشاره انه يستناها بسياره
ليلي جابت عباية العنود ولبستها وناظرتها:اخذتي ادويتك
العنود وهي تلف حجابها هزت راسها ببتسامة:اييه والله اخذتهم بشنطه يلا خلينا ننزل
ونزلو وركبت قدام جنب سهيل وليلي ورا وحرك السيارة لين قصر جده ووقف السياره بواقف البيت ونزل ومشى لبابها وفتحه ونزلت منه ببتسامة وشبك يده بيدها
ليلي ناظرت شبابيك القصر وشافت جده ساهر واقف بشموخه المعتاد وعرفت ليش فتح لها الباب وشبك يدينهم ببعض وتنهدت وقالت بينها وبين نفسها ياليت تشوفهم مثل ماشوفهم بالبيت
سهيل لف على العنود ببتسامة:اي سؤال ماتعرفين تردين عليه شدي يدي مو تهبدين اي شي طيب؟؟
العنود رفعت يدها لحاجبه ومسحت عليه وبابتسامة:تمام ودخلو البيت وكانت ام سهيل ترحب وتهلي فيه
ام سهيل :هلا امي هلا وشلونك يمه وشلونك ماشفتك من زمان
سهيل باس راسها:هلا يمه الحمدلله طيبين انتي اخبارك وش مسوية
ام سهيل ببتسامة:ابد يمه ماسويت شي توني لقيت عياده تهبل شدت وجهي وسوت لي فيلر حلو؟؟
سهيل هز راسه:كل شي تسوينه حلو عليك يالغالية
العنود ابتسمت:وشلونك خالتي؟؟
ام سهيل ناظرتها من فوق لتحت وناظرت سهيل :يمه ادخل ارتاح بصاله فيه عمانك وعيالهم
العنود ابتسمت لانها عارفه انه ام سهيل ماتطيقها ولا همها اصلا عشان تتضايق ولا تزعل اذا طنشتها ولفت على سهيل :انا بدخل للبنات
سهيل ابتسم:روحي ادخلي
العنود تركت يده ودخلت المجلس الي دايم يجلسون البنات فيه ولحقتها ليلي
العنود ببتسامة:هااي
لين راحت لها:هاي العنود حسبتك مراح تجين وحضنتها
العنود ردت لها الحضن:لا اكيد بجي
لتين بهمس:ياليتك ماجيتي
عشق:صادقه
توق دخلت والعنود بوجها:وع وش جابك انتي؟؟
العنود سفهتها ولا كانها تسمعها:وينها اشجان لسى ماجت؟؟
لين هزت راسها:لا لسى اليوم جاء سعود من السفر تلقينهم مسوين له حفله
العنود ابتسمت:اوك الحمدالله على سلامته
لين ابتسمت:الله يسلمك ياحبيبتي تبين نجلس هنا ولا نطلع لعماني برا
عشق قمت:خلينا نطلع بدا يضيق المكان وصار كتمه
لتين هزت راسها:ايه والله انك صادقه وطلعو من جنب العنود ولحقتهم توق
لين ابتسمت بفشله:لا تاخذين بكلامهم
العنود لفت عليها:اي كلام؟؟
لين استغربت:الي قالوه قبل شوي لتين وعشق
العنود عقدت حواجبها:من ذول اصلا؟؟
لين ضحكة لانها عرفت انه العنود ماهمها الي قالوه:يلا نطلع اجل نجلس بصاله لين تجي اشجان
وطلعو لصاله الي الكل موجود فيها
العنود راحت للجد ساهر وباست راسه:السلام عليكم وشلونك جدي
الجد ساهر ابتسم:الحمدالله احسن بشوفتك
العنود ابتسمت:جعلك دايم وجلست جنب سهيل الي اشر لها بعينه تجي جنبه ودخل كفه بكفها
لتين ناظرتها بكره وبهمس:وع بنت الفقر نشبت فيه
توق قربت من لتين:ولد عمك ذا وش حاب فيها لا حلى ولا ملح
عشق بزله:لا والله تهبل شوفي ذا الوجه لو عندي صرت مودل
لتين رمقت عشق وخافت عشق:يعني عاديه انتي احلى
لتين بغرور:وش تقارنيني فيها انا وين وهي وين هي الثرى وانا الثرياء
عشق بهمس:ياخوفي انه العكس
توق نغزتها تسكت لانها قاعده تعصب لتين ويخافون من عصبيتها
ام ماجد ابتسمت للعنود:العنود وشلونك يايمه كيف الدراسه معاك ان شاء الله زينه
العنود ببتسامة:ايه الحمدالله خالتي نوره والدراسة مافيه احلى منها كلها جايبه فيها +A ان شاء الله
ام ماجد ابتسمت:ايه شدي حيلك وجيبي الدرجات الزينه عشان تلاقين وظيفه زينه بعد
لتين بغرور:ليش تشتغل وهي ماخذه ولد ال نوفل كل شي يجيها لين عندها موب للحين عند الملهم ماوراهم شي
العنود كل شي الا عايلتها لا يغلطون عليها:والله ال ملهم الي مو عاجبينك وماورانا شي يشتغلون ويكدون عشان يصير وراهم شي مو نفسك كل شي بابا وماما ابي عطيني شي واحد من دولابك جايبته من عرق جبينك يا بنت ال نوفل وغمضت عيونها بالم يوم شد سهيل على يدها واوجعها
ام ماجد بتغير الموضوع ابتسمت:هو لتين فلوس زوجها فلوسها وفلوسها فلوسه
العنود قاعده تتحمل شدت سهيل :لا خالتي كل واحد له فلوسه فلوسي لي وفلوسه له محد يصرف على الثاني انا اعيش على الي يرسله ابوي الله يطول بعمره واخواني يوسف ومحب الله يحفظهم وغمضت عيونها اقوى تحس يدها بتكسر من شده عليها
الجد ساهر ابتسم:تقولين لي سهيل مايصرف عليك؟؟
العنود ابتسمت بالم:لا جدي اذا احتجت شي طلبت منه بس الحمدالله المصروف الي يعطوني اياه اهلي يكفيني وزود فمحتاج اخذ منه
الجد ساهر هز راسه:ايه قولي كذا احسب يموتك من الجوع
العنود ابتسمت:لا وين الحمدالله كل شي تمام
الجد ساهر ناظر العيال:ماجد دق على سعود يخلص يجي
ماجد طلع جواله وعينه على العنود:ابشر
سعود ضرب كتفه يخليه ينتبه:مايحتاج تتصل انا جيت
ماجد ابتسم بخوف:هلا الحمدالله على السلامة وحضنه
سعود هز راسه:الله يسلمك وهمس انتبه لعينك
ماجد بعده وابتسم بخوف
سعود ابتسم وراح لجده:ساهر اليل وحب راسه وشلونك
الجد ساهر ابتسم على التسمية:الحمدالله طيب انت وشلونك وشعلومك كيف السفر
سعود سلم على عمامه وانتبه ليد سهيل الي شاده على يد العنود وراح له:معليش العنود تعرفين ولد العم ومشتاق له باخذ مكانك
العنود وقفت ببتسامة:لا عادي اصلا بروح لاشجان والحمدلله على سلامتك
سعود ابتسم:الله يسلمك وجلس مكانها بعد ماراحت ورجع يكلم جده والله سفره ذي السنه غير رحت شفت عالم ثاني شي ماشفته عندنا ابد
الجد ساهر:يبيلي اروح اجل
سعود ابتسم:خلاص تم متى تبي وانا احجز ونروح لانه لازم اروح مره عشره
العنود واقفه جنب اشجان الي تسولف معاها ومندمجة بسوالف لانهم مايشوفون بعض كثير
الجد ساهر ابتسم:وينها ذي المدينة الي بتروح لها مره عشره
سعود ضحك:جدي اليابان
العنود لفت عليه:الله رحت اليابان
اشجان ضحكة لانها تعرف مدا حب العنود لليابان وكانت تجمع فلوسها عشان تروح بس ماقدرت:والله قلت انك بتنسين السالفه اذا سمعتي اليابان
سعود ضحك على عفويه العنود:ايه اليابان عالم ثاني والله
العنود مندمجه تشرح:مره شفتها بالفيديو والصور تهبل تهبل صدق عالم ثاني
سعود ابتسم:مره عالم ثاني كنت احسبها نفس كوريا والفلبين بس طلعت غير كلها الكترونيات وانمي ومانجا حتى تمشي بكل مكان ناس لابسين نفس الانمي وما تحسين انهم يستغربون لا عادي عندهم انا انصدم انهم كيف لابسين كذا بس عادي عندهم
العنود ضحكة:ايه اشوفهم يوه ياحظك المره الجايه رجلي على رجلك انا حطني باليابان وانت روح وين ماتبي
عشق ناظرتها:انتي هي وش ذي الارياحيه يوم انك تقولين رجلي على رجلك سلامات احنا واحنا نقرب له ماتكلمنا معاه كذا انتي يالغريبه عادي عندك والله صدق المثل اللي اختشوا ماتوا
العنود استحت انها صدق تكلمه بارياحيه:معليش ماستوعبت بس دايم يشدني موضوع اليابان اعتذر اذا ضايقتك
سعود هز راسه:لا عادي خلاص وعد السفره الجايه اخذك انتي واشجان لانها قالت لي بعد انها تبي تروح
الجد ساهر:سعود وش توعد تاخذها زوجها جنبك يوديها اذا تبي
سهيل رمق العنود ولف على جده:اكيد جدي بس هي تعرف ظروفي عشان كذا ماقالت لي شي
ابو سهيل ابتسم:ايه يابوك ودها الي تبي لاتقصر عليها
ام سهيل بكره:ولدي طول عمره مو مقصر وش يترك شغله ودنيته عشان يسفر ست الحسن والدلال
العنود ابتسمت:لا مايحتاج يسفرني لو ابي حجزت لي لحالي بس انا ابي مع زوجي واعرف انه مشغول عشان كذا ماكلمته عن الموضوع
سهيل ناظرها ببتسامة ونزل عينه لسعود الي رافع حاجبه وتلاشت ابتسامته وحك خشمه وسند ظهره زين
ابو سهيل ناظر العنود:وشلونه ابوك يالعنود معد سمعنا شي عنه
العنود ابتسمت:الحمدالله طيب يسلم عليكم رحت لهم قبل كم يوم مره مشغولين بخطبت يوسف ان شاء الله الحمدالله لقى بنت الحلال الي يبيها وتبيه
الجد ساهر ابتسم:اوه مبروك مبروك اجل يبيلي اكلمه كان يقولي انه يوسف يبي بنت بس ما قالي عن الخطبة
العنود:لسى ماخطبو رسمي بس كلام جوال اكيد بيعلمك انت صديقه الروح بروح
ابو سهيل :وانت سهيل رحت لعمك تسلم عليه؟؟
سهيل حك ورا اذنه بوهقه:والله ماطلع لي وقت بس ان شاء الله قريب
الجد ساهر ناظره:سهيل رح بكره لهم
سهيل هز راسه:ابشر بكره اخلص مواعيدي واروح لهم
الجد ساهر هز راسه
ليلي جت معاها شنطة العنود وهمست:مس العنود الدواء
العنود هزت راسها:عن اذنكم بروح دورة المياه وانتم بكرامه وطلعت مِن الصاله
لتين:عشتو معاها شغاله شايله شنطتها
توق:بحياتها كلها محد شال لها شي هي الي كانت تشيل الحين شوفي ماركات وشغاله وراها
عشق ناظرت جدها الي يخزهم:جدي يناظرنا اسكتو شوي
لتين بحقد :محد مقوي شوكتها الا جدي
الجد ساهر بحزم:وين البقية انا قلت لكم بنصلي العشاء مع بعض وراهم يتاخرون كذا
سهيل طلع جواله:جدي بكلم عمتي نوف وعمتي اريج اكيد انهم جاين
الجد ساهر هز راسه:رح رح
سهيل وقف وطلع يكلم عماته
سعود ابتسم:بروح اكلم سيل اكيد انه نسى نفسه بشغل نفس العاده
الجد ساهر هز راسه ووقف سعود يكلم
الجد ساهر ناظر اشجان:اشجان روحي شوفي العنود وشفيها تاخرت
اشجان هزت راسها:ابشر وراحت هي ولين لجهة العنود
العنود فكة الطرحة عن شعرها وجلست على الكنب الي بالمجلس ودخلت اشجان ولين
اشجان بخوف:فيك شي؟؟
العنود هزت راسها:لا والله بس احتريت وقلت اشلها شوي
لين :اكيد اذا فيك شي علمينا
العنود ابتسمت:والله مافيني شي ما جت اسيا للحين؟؟
اشجان ضحكة:كانك ماتعرفين اسيا تحب تكون اخر وحده عشان تلفت الانظار
العنود ضحكة:ايه صح نسيت
لين ابتسمت:ياربيه والله اشتقت لجلستنا كذا الحين بس نشوف بعض بالمناسبات ولا العزايم
العنود هزت راسها:طيب تعالو لي بالبيت اجلس لحالي دايم
اشجان عقدت حواجبها:ليش سهيل مو موجود معاك؟؟
العنود توترت:الا بس دوامه يطول مسكين
لين هزت راسها:ايه حتى اشوف ماجد يتاخر كل يوم يقول عندهم ضغط بيفتحون مشروع جديد مدري عمل جديد
اشجان:اووك مساكين اجل الله يكون بعونهم
ليلي دخلت عليهم المجلس:سيد ساهر يناديكم
اشجان ولين سبقو العنود الي قالت بتزين طرحتها وتلحقهم
دخل ماجد عليها وهي تزين طرحتها وناظر ليلي:ليلي خلينا شوي
العنود رفعت حاجبها:ليلي خليك
ماجد ابتسم على جنب:بتكلم معاك بموضوع مابيها تسمعه
العنود تكتفت:مافيه موضوع يتخبى عن ليلي عندك شي تقوله قله وليلي موجوده غير كذا انا استاذن وكانت بتمشي
ماجد هز راسه:لا لا خليك مدامك تبينها تسمع انتي حره
العنود تكتفت ثاني مره ورفعت حاجبها:تفضل؟؟
ماجد ابتسم:...

تفاعلو عشان انزل بارتات جديده من روايتي الجديدة😭🤍🤍