مايروس النجوم الا سهيل ولا يقود الظبا غير العنود

البارت الثالث والثلاثين

~ قصر ساهر ~
البنات جالسين مع امهاتهم يسولفون
ام عشق:والله يبيلها سفره تغير جو ولا؟؟
اشجان ناظرتها:والله افكارك تجيب العافيه ياعمه فكرتن منتازه
ام سعود ناظرت اشجان:شف فكره ممتازه وهي تخاف من المطار
اشجان هزت راسها:يا ماما هذا اول الحين بصير نفس عمه اريج وسعود ان شاءالله مانب مخليه مكان الا انا رايحه له
ام سعود ضحكة:ايه طيب نشوف
عشق ناظرت امها:والله ماما فكره حلوه خلونا نسافر نغير جو كذا ننتعش شوي
لين هزت راسها:صح ونقول للتين والعنود يجون معانا يستانسون
اسيا رفعت ظهرها:لتين بنت خالتي وعرفنا عنود ليش نعزمها؟؟
ام ماجد ماعجبها كلام اسيا:هو اسيا العنود بنت ذا البيت تربت معاكم موب عشانها انفصلت عن سهيل خلاص امباعة العشره
اسيا:والله ياخاله هي الي باعتها
ام ماجد بحزن:كان شريتوها اذا هي باعتها و ماخليتوها لو مو لتين عندها ماكان عرفنا عن ارضها من سماها يايمه 
لين حست بحزن امها وتبي تغير السالفة:شارينها يمه شارينها ولا يتكدر خاطرك اول مانقرر اذا بنسافر اول تذكره لها ومراح نقبل رفضها
ام ماجد أبتسمت للبنات
والبنات ناظرو اسيا بكره لانه كلهم عارفين وش كثر ام ماجد وام سعود يحبون العنود وكيف تغيرو بعد ماراحت
توق طلعت جوالها:خاله اريج وين تحسين مكان كذا عايلي وحلو لسفر
ام اسيا رفعت اكتافها:والله فيه اماكن كثيره بس اسألي سعود هو اعلم مني لاني انا اروح لشوبنق ما اهتم للأماكن وطبيعة كثير
لين ضحكة:شف طلعت جوالها قبل ماتقول لجدي
سعود دخل:السلام عليكم
:وعليكم السلام
توق بستعجال:جابك الله وش احسن مكان كذا سفره عائليه طبيعه وجمال
سعود جلس بعد ماسلم على امه وزوجات اعمامه:بسم الله خليني اجلس طيب
اشجان ضحكة:ماعندنا وقت
سعود ابتسم:ايه قلتي لي تبين مكان طبيعة وجمال؟
توق هزت راسها:ايه خططنا نسافر وش تحس انت احسن مكان لنا
سعود اتسعت إبتسامته:عندي مكان لكم بتطيرون فيه
البنات تحمسو
سعود اتسعت ابتسامتة اكثر:البيت
البنات يحاولون يستوعبون
اشجان:الحين هو ينكت ولا من جده لاني مافهمت للحين
توق رفعت اكتافها:والله ذا اخوك انتي الي المفروض عارفته
سعود ضحك:والله اني صادق لانه مافيه مكان يلمكم انتم بيرجعونكم من المطار اذا تجمعتو وانتم متحمسين
عشق:كنت حاسه انه المفروض مانعلمه لانه بيطقطق علينا
البنات هزو راسهم بتاييد
ام سهيل دخلت الصاله:السلام عليكم
اختلف الجو يوم دخلت لانها صارت ضعيفه وهزيلة بعد ماطلع سهيل من القصر ومعد صار يجي كثير
ام سعود أبتسمت:وعليكم السلام تفضلي اجلسي معانا البنات يخططون يسافرون
ام سهيل ناظرتهم:العنود بتروح معاكم
اسيا تاففت بصوت والكل لف عليها
اشجان ابتسمت لام سهيل:بنعلمها بس نختار مكان
سعود ناظر ام سهيل:عمه حنان كلمتي سهيل اليوم؟؟
ام سهيل هزت راسها:ايه اتصلت قال انه مشغول وبيكلمني بعدين
سعود ابتسم بهدوء وهز راسه
اسيا بدلع:عمتو حنان انا بطلع بقابل وحده من صديقاتي على جهة فلة سهيل تبين انزلك عنده؟
عشق قلبت عيونها من دلع اسيا الزايد
توق مسكت راسها:ياربيه وش ذا
لين كاتمه ضحكتها عشان امها وزوجات خوالها ما يشكون باسيا وهمست:استغفرالله
ودق وسيل نزلو وسلمو وجلسو مع العايله
ودق بحماس:جو؟؟
سعود هز راسه لها بنفي ويسكتها
البنات ناظروها:مين؟؟
ودق شافت سعود وابتسمت بوهقه:مين؟
ام سعود حست بسعود:سعود
سعود تنهد:يمه اصبري الله يخليك
اشجان:يمه وش فيكم وش عارفين و ماتبون تعلمون؟؟وناظرت سعود وودق
سعود رفع اكتافه:مانب معلمك
سيل ناظر ودق ورفع حاجبه:وش فيه؟
عشق سمعته:احح سيل مايدري يمه شكله شي قوي
سهيل دخل القصر:السلام عليكم
ام سهيل وقفت:وعليكم السلام يايمه
سهيل ابتسم لامه وحست ام سهيل بتغير وجه سهيل وابتسمت
سهيل لف للباب ودخلت العنود شايله ادم:السلام عليكم
لفو كلهم على صوتها الي غاب عن القصر
اشجان وقفت:يمه يمه
ام ماجد وقفت معاها:هنا هنا هي اسكتي
العنود ضحكة بخفيف وماحست الا برتطام اشجان ويد سهيل على ظهرها يحميها من انها تطيح
اشجان حضنتها:يمه وش تسوين هنا قلتي انه عندك ديت مع ادم
العنود شدت عليها بيد والثانيه شايله ادم:ايه شوفينا كاشخين
اشجان بعدت واخذت ادم من يد العنود بسهولة لانه عطتها اياه:ادومي وحشتني وحضنته
العنود تقدمت لام ماجد:خاله نوره
ام ماجد حضنتها:امي انتي اشتقت لك يايمه
العنود شدت عليها:وانا بعد اشتقت لك كثير خاله
ام ماجد بعدت والعنود مسحت دموعها:ليش البكي ليش؟
ام ماجد بدموع:هذي دموع الفرح يا يمه دموع الفرح برجعتك لنا لعد تقطعينا نفس كذا تعالي زورينا مري علينا حتى لو سلام يايمه راضين
العنود ابتسمت
ام سعود بزعل خفيف:ايه كانها بتسمع طلعت ماسلمت علينا حتى
اشجان:هو يمه الحين كل يوم تبين ادق عليها عشان تسمعين صوتها والحين يوم شفتيها زعلتي ماعرفنا لك يا ام سعود
العنود ضحكة بخفيف وراحت لام سعود وحبت راسها:وهذي حبت راس بس لاتزعلين مني اعتذر منك ومن خالتي نوره اني ماودعتكم زين وعلمتكم اني بروح اسفه
ام سعود ابتسمت وحضنتها:لا يمه لاتعتذرين لا تعتذرين
العنود حضنوها البنات وسلمت على الباقين ووقفت عند اسيا
اسيا ناظرتها ومدت يدها تصافحها وهمست:مو قلتي مراح ترجعين لحياتنا؟؟
العنود ابتسمت وشدت على يدها:ما دفعتي انتي
اسيا أبتسمت بسخرية:مايحتاج ادفع ماردك زياره او زيارتين ومعد نشوفك
العنود ابتسمت اكثر:مع الاسف اكبر كوابيسك تحققت وهي تناظرها وشدت على يدها اكثر حبيبي شنطي بسياره ممكن ترسل احد يجيبها
سهيل ابتسم لتسميه:ابشري ياقلبي
اسيا اختلف وجها مليون بالميه بصدمه:كيف كي
العنود قاطعتها بهمس:اووشش امك وخالاتك حولك لا تجيبين الفضيحة لنفسك وتركت يد اسيا وراحت وقفت جنب سهيل ودخلت يدها بذراعه
كان زياده على صدمة وجودها صدمة رجعتها مع سهيل
البنات صارو يباركون لهم بوناسه وحماس
اشجان بحماس:يعني ادومي بيجلس عندنا؟
العنود هزت راسها وكانت بتسحب يدها يوم حست انه انتباهم توجه لادم وشد على يدها سهيل يخليها بمكانها على ذراعه وناظرته بس هو عيونه على ادم وخلتها
ام سهيل ابتسمت:اجلسو يمه ليش واقفين؟
العنود عقدت حواجبها وهمست:يمه!!!
سهيل سمعها وراح يجلس وجلسها جنبه
البنات يلعبون مع ادم وهو مستانس معاهم
ام ماجد ابتسمت:هذا ولد صديقتك الله يرحمها
العنود هزت راسها:ايه ادم ماتت وهي تولده وابوه صديق يوسف مسكين ماعرف وش يسوي عشان شغله يجي يشوفه كل شهر ويحول مصروفه
اسيا بكره:كان تزوجتيه ليش تحرمين الولد من ابوه؟
العنود هزت راسها:ما اخذ شخص مو لي انا اعرف حدودي هي من اول كانت تعرف انها يمكن الحمل ينهي حياتها وخلتني اوعدها اني اربيه حتى زوجها كان راضي بقرارها لانه عارف طبيعة شغله كيف وانا ما حرمته انه يشوف ولده اي وقت يبي يجي يشوفه حياه الله وناظرت سهيل حبيبي موجود يطلعه له
سهيل ابتسم:انتي امري بس
العنود ابتسمت بتسليك وناظرت اسيا ورفعت حاجبها ببتسامة خلى اسيا تنقهر زيادة
مر الوقت وهم يسولفون لين نهاية العصر
ادم بدا يتعب ويبي ينام
عشق بهيام له:يوه يوه ياحلو الي يتثاوبون ويبون ينامون ووقفت تمده لسهيل والعنود اخذته قبل ما يمسكه
العنود ابتسمت وشدت على ادم:مايعرفه يتضايق
عشق:يوه ماعرفت احسبه عادي نفس معانا
العنود هزت راسها:لا مافيه الا انتم وماجد وهو الي عادي يشيله لانه يعرفه لانه يجي للتين كثير وتعود عليه
سهيل ابتسم:عادي الحين بيشوفني كل الوقت ويتعود على ومعد يتركني العنود حست انه يقصدها بس تجاهلت الموضوع
سهيل وقف:بنروح نرتاح شوي صاحين من بدري
الكبار:روحو روحو ارتاحو يا يمه ،مع السلامة
سهيل اخذ يد العنود ومشى لجناحهم القديم ودخل الجناح
العنود تركت يده وتنهدت براحة:اخيرا
سهيل:كان قلتي انك تبين تنفردين فيني كان مشينا من اول
العنود شمقت له وهو ضحك ومشت تروح لغرفتها القديمة بس وقفه صوته:اووه صح نسيت اقولك غرفتك صارت مكتب لي وتحتاج وقت عشان تفضى ماتوقعت انك بترجعين وخليتها مكتب
العنود ناظرته بصدمه:مكتب!!!!
سهيل هز راسه:اذا مو مصدقتني ادخلي شوفي
العنود دخلت كانت مكتب صدق طاوله ورفوف عاليه وفيها كتب وملفات واغراض كثيره ورجعت طلعت:قول انك تبينا ننام على الارض عرفت ليش قلت بتساعدني عشان تذلني صح انت قلت انك طول السنه تفكر كيف تدمرني ولقيتها فرصه
سهيل تكتف:خلصتي؟؟ادخلي غرفتي حطيت سريرين منفصلين وسرير اطفال بيننا لادم
العنود هزت راسها:لا انا وانت مايتسكر علينا باب واحد
سهيل اشر على باب الجناح:وهذا وش؟
العنود ضربت رجلها بالاراض:ياثقل دمك
سهيل ضحك:ادخلي كم يوم واشوف عمال يشيلون الاغراض
العنود ناظرت الجناح:صح فيه الغرفه الثالثة
سهيل:حاطين الاغراض الي جبناها معانا من الفله
العنود تذكرت وتاففت:اوف
سهيل ناظر ادم الي بدا يتضايق ويبي ينام:ادخلي غيري له مسكين يبي ينام
العنود تنهدت ودخلت الغرفه وتذكرت يوم تدخل غرفته عشان تجيب المعطر الي طلبته اشجان منها وحطت ادم على سريرها وشالت عبايتها وطرحتها وحطتهم على جنب وراحت تغير لادم ولبسته بجامه وحطته على سريره ونام على طول
العنود طلعت وكان سهيل جالس على الكنب مع جواله ورفع راسه يوم حس عليها:تبين نطل وانصدم شعرك
العنود مسحت على شعرها بخوف انه حشره ولا شي عليه:وش فيه؟؟؟
سهيل وقف وراح لها:شعرك وين وش سويتي؟؟
العنود ارتاحت:خوفتني احسب فيه حشره قصيته من زمان
سهيل:ليش ليش قصيتيه؟
العنود عقدت حواجبها:وش ليش قصيته
سهيل رفع يده وهو يناظر شعرها ومسك خصله منه
العنود بعدت عنه:يدك وصدت عنه وراحت للمطبخ
سهيل لحقها:ليش قصيتيه كيف وافق محب انك تقصينه
العنود عقدت حواجبها:مالك دخل هذا شي بيني وبين اخوي مايحتاج اعلمك عنه وقصيته وخلاص شعري ترا
سهيل تنهد وطلع من المطبخ العنود استغربت بس طنشت وصارت ترتب اغراض ادم بالمطبخ عشان يكون كل شي جاهز
سهيل رجع دخل:بس علميني ليش؟
العنود فزت وناظرته:اخذت المقص وقصيته وطلعت لمحب ويوسف ارتحت؟؟
سهيل مسح وجهه:ماقلت كيف قلت ليش؟؟
العنود زفرت:يذكرني بكل شي شين صار لي يوم الهير ستايل تسويه عشان انزف لك يوم تمشطه ليلي يوم تمسكه انت كل شي مابي اتذكره قصيته مع شعري ارتحت؟؟ولفت على رنين جوالها واخذته وردت هلا خالد؟
خالد فز على صوتها:وش صوتك؟
العنود مسحت وجها:مافيه شي كنت بنام شوي فيك شي؟
خالد ارتاح:كنت بطمن عليك محب قال انك رحتي معاه ويوسف كان متضايق
العنود تنهدت:ومن الي مو متضايق من علمني؟
خالد:تبين اجي؟
العنود:لا اذا احتجتك ولفت على سحبت الجوال
سهيل الشرار يطلع من عيونه:مراح تحتاجك وقفل
العنود ناظرته ببرود ومدت يدها
سهيل حط الجوال بيدها ومشت:لعد تكلمينه
العنود وقفت ثواني وكملت مشي للمكتب حقه ودخلت وقفلت الباب واخذت نفس عميق وجلست على الكرسي وصارت تدور فيه وهي رافعه راسها ومغمضه
سهيل وقف عند الباب ودقه:العنود؟
العنود على نفس وضعها:ادخل
سهيل دخل وشافها وتنهد:وش تسوين
العنود:افكر
سهيل:بوش؟
العنود لفت على الطابعه واخذت الورقه وحطتها على الطاولة:وقع
سهيل تقدم وضحك يوم شاف العنوان اتفاقيه:هذا الي تفكرين فيه؟
العنود ناظرته:كنت بعطيك اياها قبل ما اروح معاك بس طلعت بدري
سهيل تكتف:وش الي يخليني اوقع طيب ما انتي جيتي معاي
العنود ابتسمت حطت مشرط الورق على رقبتها
سهيل فز:العنود نزليه
العنود ميلت راسها وتقدم سهيل:وقع
سهيل اخذ القلم ووقع بخوف:وقعت وقعت اتركي المشرط
العنود حطته على الطاولة ووقفت وراحت جنبه:لا تحبني
سهيل لف عليها:قلتيها متاخر
العنود ابتسمت رفعت اكتافها ومشت تطلع من المكتب
سهيل ناظر الورقة للحين مكانها ما اخذتها نفس ماسوا واخذها كان مكتوب اتفاقية وتحته كلمات مخربطة وتنهد  لانه عرف انها سوت كذا عشان تشوف ردت فعله وعرفت انها نقطة ضعفه و جعلك الورقة ورماها بزبالة وطلع لقاها بصالة ودخل الغرفة يغير ثوبه ويلبس شي مريح وخلص ووقف عند ادم الي كان يناظره ويبتسم ويرفع يده يبيه يشيله
سهيل ابتسم:امك ماتبيني اشيلك بس كاننا بنسمع كلامها بعد الي سوته وشال ادم الي ضحك كانه ياييده وطلع
جلس على الكنب معاها وبحضنه ادم الي يلعب بيد سهيل الكبيره عند يده
العنود رفعت راسها وشافتهم:سمعت البنات يفكرون يسافرون هذي فرصه ندور بالمكتب
سهيل استغرب انها ما اخذت ادم:بس جدي مايسافر
العنود:اقنعه مو تقول انك بتساعدني؟
سهيل هز راسه:بساعدك بس انتي طول السنين الي عشتي فيها هنا قد شفتيه سافر كان ابوك الي يسافر عنه والحين صرت انا او سيل مايسافر ابد هو مايسافر
العنود مسحت وجها بعصبية
سهيل:راح نلاقي حل بنلاقي تونا دخلنا البيت عندنا وقت
العنود وقفت بعصبية:ماعندي وقت ماعندي وعدت محب ويوسف اني ارجع ووعدت خالد ماعندي
سهيل:وش وعدتي خالد فيه؟
العنود ناظرته:اني اروح له نهايه هذا الترم اني اطلع من الرياض واكمل دراستي بالبحرين بس قلت له اذا جبت حقنا جيت لك
سهيل غمض عيونه وهو يسمع كلامها العنود تكمل:وعدته اني ابدا حياة جديده بعيد عنك وعن عايلتك
سهيل وهو مغمض:معاه؟؟
العنود لفت وهزت راسها بنفي بس هو كان مغمض:انتبه لادم شوي بغير واجي اخذه واذا قدرت تطلب اكل جوعانه اطلب ولا علمني اطلب من عندي
سهيل قلبه يحرقه لدرجة باليالله طلعت الكلمه:تمام صار ياخذ شهيق وزفر بقوه يبي تخف حرقة قلبه بس كانت تزيد كل مايتذكر كلامها وحس انه ادم يحضنه وشد عليه وابتسم وطلب الاكل ووقف يوم دق الباب
سهيل فتح وهو شايل ادم وتافف من شاف اسيا:نعم؟
اسيا بدلع:كذا تسوي فيني ترجعها وانا قدامك طول الوقت ليش وقربت منه
سهيل رجع ومد يده يوقفها:ارجعي لا تتعدين الباب ارجعي
اسيا رجعت:ليش تسوي فينا كذا؟
سهيل رفع حاجبه:مافهمت وش سويت؟؟
اسيا:حبنا ليش تسوي فيه كذا
سهيل ضحك:انتي للحين ماوصل لك اني كنت اضحك عليك ولا انك تدرين و تستغبين
اسيا مدت يدها لذراعه:ما استغبي ياخوفي انك انت الغبي تراها تدري عننا من زمان من كنتم متزوجين اول مره ولا قالت شي لانها تبي تفضحك فطلقها قبل ماتصير سيرتنا على كل لسان
سهيل هز راسه:خلصتي؟
اسيا ابتسمت:لحد الان ايه ومشت
سهيل سكر الباب ولف لقى العنود متكتفه وتناظره من عند باب الغرفة وضحكة بسخرية خفيفه ومشت اخذت ادم منه
سهيل:هي الي جت
العنود مشت بهدوء:ماسالت
سهيل تنهد:معد صار لنا تواصل من زمان صدقيني
العنود هزت راسها:تمام وكملت مشي ووقفت مايحتاج تبرر هذي حياتك قلتها لك من قبل وبقولها الحين انا جايه عشان حقي وامشي ودخلت الغرفة وحطت ادم على السرير حقها مع العابه وهي جلست على التسريحه تحرك رجلها بعصبية ووقفت حطت ادم بسريره وحطت العابه وفتحت الباب الفاصل بعصبيه
سهيل رفع راسه يوم شافها العنود بعصبية:تبي تكلمها كلمها برا مو وانت شايل الولد تكلمها تعلمه اشياء مو زينه تبي تسولف وتضحك معاها بعيد عن غرفتي وولدي فهمت
سهيل هز راسه و ببتسامه
العنود رجعت الغرفه وسكرت الباب الفاصل وغمضت عيونها بفشله من الي سوته وناظرت ادم:انت السبب
ادم ضحك وكمل لعب
سهيل طق الباب:الاكل وصل
العنود شالت ادم:يبيلي اشتريلك مشايه وطلعت مسويه للحين معصبه
سهيل شافها وكتم ابتسامته وهو يمسح على شنبه وفمه وجلست
العنود:بكره بودي ادم الحضانه وبروح المكتب ويمكن اتاخر عندي اجتماعات عادي تاخذه وتجيبه المكتب لانه ماجد معاي مايقدر يجيبه
سهيل هز راسه:تمام بجيبه ونستناك
العنود هزت راسها:لا تستناني حاول تجي القصر قبل مايطلع جدك من الشركة عشان تشوف اذا تقدر تدخل المكتب وتدور
سهيل حك حاجبه:تمام وكملو اكل
العنود تذكرت:صح اذا شفت ماجد قبل ما تطلع قل له يشتري مشايه لادم واذا ماقدر يدق علي اشتريله وانا راجعه
سهيل:ترا انا موجود بطلع بدري اخذه و بشتريله تمام مايحتاج اقول لاحد اذا تبين شي علميني بس
العنود:شكرا

تفاعلو 😢😢