مايروس النجوم الا سهيل ولا يقود الظبا غير العنود

البارت الثاني

<<خارج القصر بالحديقه>>
سهيل كان يضحك بالجوال:حبيبتي متى تجين اشتقت لك جيت لقصر ساهر عشان اشوفك وادورك ما الاقيك بينهم وينك؟؟
بدلع:الحين بيبي بجي بس رحت الصالون قلت بغير شعري واظافري صح العنود معاك ولا جيت لحالك؟؟
سهيل كشر يوم جاه اسم العنود:ايه فيه تعرفين جدي مدري وش يحب فيها
بدلع زياده:بيبي عادي خلها تطلع من البيت تغير جو ماعلينا منها اهم شي انت
سهيل رجع ابتسم:يلا تعالي ابي اشوفك ولف على الي يتنحنح وغمض عيونه سهيل وقال شوي واكلمك باي وقفل
سعود رافع حاجبه:ان شاء الله انه الي سمعته مايكون صدق
سهيل ابتسم:لا صدق
سعود عصب:انت تخونها عيني عينك
سهيل هز راسه:ماخنت احد انا
سعود تقدم بيضربه بس مسك نفسه يوم شاف عمته اريج جايه جهتهم
اريج:وشلونكم ياعيال ان شاء الله بخير
سهيل وسعود:الحمدالله طيبين انتي وشلونك؟؟
اريج ابتسمت:الحمدالله اووه سعود تصدق احسبك ماجد الحمدالله على سلامتك أخيرًا رجعت
سعود ابتسم:الله يسلمك ياعمه ايه خلاص رجعت
اريج ابتسمت:ايه زين انا رحلتي الفجر بروح برلين
سعود ابتسم لانه يعرف عمته كيف تحب السفر:ايه توصلين بسلامة عاد برلين حلوه مره
اريج :اشوا اجل مدامك تقول انها حلوه خلاص حلوه كنت متخوفه انها تطلع بس صور
سعود هز راسه:لا لا حلوه اختيار موفق والله
اريج لفت على الي نزلت من سيارتها:اووه مامي احسبك داخل وين رحتي
اسيا ابتسمت وحضنت امها:مامي رحت الصالون طفشت من البيت قلت اروح اغير شكلي شوي ونزلت طرحتها وطلعت شعرها كيف حلو؟؟
اريج هزت راسها:ايه تهبلين يامامي انا بدخل اسلم على ابوي قبل مايفصل علي باي بويز ودخلت
اسيا لفت على سعود:سعود الحمدالله على سلامتك كان قلت لنا انك بتجي نسويلك حفله صغيره كذا
سعود ابتسم وهز راسه:الله يسلمك لا مايحتاج اصلا انا جاي بسر عشان ماتسون شي
اسيا ابتسمت:خساره والله يلا انا بدخل اشوف البنات باي ودخلت
سهيل يناظرها لين مادخلت ولف على سعود
سعود ناظره:انت منتب تايب صح؟؟
سهيل عقد حواجبه:اتوب عن وش؟؟؟
سعود تنهد:سهيل انت متزوج بذمتك وحده غيرها اخجل استح طلعها من بالك ولا طلق العنود واعتقها خلها تشوف نصيبها
سهيل:ما اقدر اطلعها من بالي احبها والعنود ذي ماقدر اطلقها انت تبي جدي يسلخني انت تعرف عبدالله ذا وش بنسبه لجدي
سعود:ادري عشان كذا اقولك طلعها من بالك و ماضنتي العنود ترضى يصير على راسها شريكه
سهيل ضحكة بسخرية:وانا بستناها ترضى ولا ماترضى بطقاق الي يطقها
سعود هز راسه ومشى:هذي ثاني مره اقول لك الحكي ضايع معاك ودخل القصر
سهيل لحقه:استناني طيب ودخل وراه
< المجلس الداخلي >
ماجد هز راسه:لا لا خليك مدامك تبينها تسمع انتي حره
العنود تكتفت ثاني مره ورفعت حاجبها:تفضل؟؟
ماجد ابتسم:انتي تعرفين سهيل ليش يتاخر كل يوم على رجوعه للبيت؟؟
العنود رفعت حاجبها وهي اصلا ماتدري اذا يتاخر ولا لا:اكيد اعرف المهم انت تدري ولا؟؟
ماجد انصدم:تعرفين؟؟
العنود هزت راسها بثقة:ايه تحسب زوجي يخبي علي شي؟؟
ماجد ناظرها بشك:يعني عادي عندك؟؟
العنود رفع حاجبها:عادي عندك انت؟؟؟
ماجد ابتسم على جنب لانه عرف انها ماندري وين يروح سهيل :يعني تقولين لي انه عادي عندك سهيل مع ب وقطع عليه دخلو سهيل الي رفع حاجبه يوم شافهم وتقدم للعنود و حاوط خصرها
سهيل ناظر العنود:فيك شي حبيبي؟
العنود ابتسمت وهزت راسها:لا بس ماجد جاي يقولي وين انت تروح وليش تتاخر كل يوم عن البيت وقلت له اني اعرف ليش تتاخر
سهيل ابتسم بوهقه:تعرفين؟؟
العنود هزت راسها وببرود:ايه اكيد اعرف ولفت على ماجد ليش ماجد كنت بتخرب المفاجاة
ماجد ناظرهم وابتسم:انا ماقلت شي بس كنت اشوف اذا تعرف ولا
العنود ابتسمت:انا العنود ما يتخبى شي عني
ماجد هز راسه وابتسم على جنب:تمام يلا انا بطلع جدي يستنى وطلع
العنود بعدت عن سهيل وهمست:اوف وش ذا ومشت بتطلع
سهيل وقفها:تعرفين وين اروح؟؟
العنود لفت عليه ببرود:لا ومايهمني وطلعت
سهيل تنهد براحه:اوف وش ذي الكارثة لو درت
ليلي ناظرته وسمعته وطلعت ورا العنود
العنود طلعت ولقت اسيا قدامها وحضنتها:وحشتيني وينك
اسيا ابتسمت:والله رحت الصالون لقيت صالون يجنن كلمة يجنن قليله عليه سويت رنساج بعد الصبغه الاخيره كانت مو حلوه بعد ماخفت وسويت اظافري شغلهم خيال والله
العنود ابتسمت:ايه واضح مره حلو شغلهم شكلي بروح ودي اقص شعري بس خايف محب ويوسف يقصون راسي
اسيا ضحكة:والله انك صادقه اتذكر كل ما شافوك وانتي بطرحه ياخذونك على جنب عشان يتاكدون انتي قصيتيه وخبيتي عنهم ولا بس حاطه الطرحة كذا
اشجان ضحكة:ايه اتذكر ياربيه لا لا صدق العنود لاتقصين شعرك والله انا تحسفت يوم قصيته
العنود ناظرتها:عاد شعرك حلو الحين مره
اشجان هزت راسها:لا ابيه يرجع يطول مو حلو كذا
لين ابتسمت:كذابه تقول مو حلو وهي كل مطال شبر قصته
اشجان:ياختي يتعب الطويل
العنود ضحكة:توك تقولين مو حلو
اشجان ضحكة:كل الشعر يتعب ودي اصير قرعه وافتك
العنود ضربتها:لاتقولين كذا فيه ناس تتمنى الشعر استغفري اقول
اشجان ابتسمت:استغفرالله اسفه اسفه ماما العنود
العنود ابتسمت:شاطره بنيتي
لين ضحكة:صدقت
الجد ساهر ناظرهم كلهم :وين سيل؟؟
سعود كان بيتكلم الا دخل سيل طاير:هنا يبه هنا
الجد ساهر ناظر لبسه:من وين جاي؟؟
سيل ابتسم:من النادي
الجد ساهر:انا موب قلت لك اليوم كلنا بالبيت والكل يجي قبل العشاء تقوم تروح النادي ليش؟؟
سيل حك اذنه:يبه طلعت من الشغل على النادي على طول ونسيت انك مسوي عزيمه
الجد ساهر عصب:وش نسيت انا مذكرك عشر مرات قبل ماتطلع الصبح وتنسى حمار انت ولا بزر
سيل ابتسم:لا يبه بس اليوم عندي اجتماعات كثيره واختلطت علي الايام والساعات اعتذر مراح اعيدها
الجد ساهر:كل مره تقول ما اعيدها وتجي اخر واحد
سيل :يبه موب انا اخر واحد لسى نوف ماجت ولف على بناتها وين امكم ابوي قال الكل موجود قبل العشاء ليش ماجت؟؟
توق رفعت كتفها:مدري والله بس اكيد جايه بطريق
سيل بسخافه:بطريق ولا زرافة
العنود ضحكة بخفوت:ياربيه
سيل لف عليها:عنوودي انتي هنا
العنود بمستوى سخافته:لا هناك
سيل ضحك:ياربيه وحضنها على الجنب محد بذي العايله فاهمني كثرك بس لو سهيل يجي يسكنك معانا ابرك
العنود ابتسمت وهمست:لا لا الله يخليك خلني لحالي بالبيت معرف اتعامل مع جدي ساهر
سيل ضحك وهمس:حتى انا للحين ما اعرف
الجد ساهر ناظرهم:وش عندكم تتساسرون قولو بصوت عالي
سيل ابتسم:يبه اسالها عن يوسف ومحب
الجد ساهر رفع حاجبه:ليش ماشفتهم بنادي؟؟
سيل حك حاجبه:الا شفت يوسف بنادي بس محب ماشفته قلت اسال عنه
الجد ساهر هز راسه:زين ولف على بنات نوف انتم اتصلو على امكم بسرعة
عشق هزت راسها بخوف:ابشر الحين وطلعت جوالها تتصل على امها
نوف ام عشق وتوق:نعم ياعشق وش تبين؟؟
عشق متعوده على اسلوب امها:ماما جدي يقول وينك؟؟
نوف:ويني فيه يعني بروما ولا إيطاليا بشغل اكيد وش تبون؟؟
عشق:اليوم فيه عزيمه جدي نسيتي؟
نوف حطت يدها على عيونها:يووه راح عن بالي طلعي له اي عذر مقدر اجي
عشق بهمس:ماما وش اقول تعرفين جدي ساهر بيعصب علي
نوف تاففت:اووه عاد ياعشق قولي له اي شي وقفلت بوجه عشق
عشق ناظرت جدها:جدي امي تقول عندها اجتماع ماتقدر تطلع منه
الجد ساهر:ما شاء لله اليوم كلكم عندكم اجتماعات طول الاسبوع ماعندكم شي بس اذا قلت جمعتنا باليوم الفلاني كلكم انشغلتو
العنود ابتسمت:جدي هذانا موجودين كلنا واذا كان على خالتي نوف عندها اجتماع ولا كان اول وحده جت قبلنا كلنا
الجد ساهر هز راسه:يلا نشوف
سيل راح لجهة العيال الي كانو يسولفون
سيل وقف جنب سعود:الحمدالله على السلامه سعود
سعود ابتسم:الله يسلمك
سيل ابتسم:خلاص رجعت نهائي ولا لسى
سعود هز راسه:ايه خلاص ابي ارتاح شوي بعدين ارجع اروح الاماكن الي عجبتني ثاني مره بس ما اتوقع قريب اسافر
سيل هز راسه:ايه زين ارتاح شوي ولف على سهيل الي جالس على جواله وانت وشلونك؟؟
سهيل رفع راسه:انا الحمدالله والله
سيل :الحمدالله كيفك انت والعنود ترا يوسف كل يوم يسالني عنها
سهيل ابتسم ببرود:الحمدالله خله يجي طيب يشوفها ولا فالح بس سؤال
سعود غمض عيونه من العيد الي جابه سهيل
سيل رفع حاجبه:وش تعني؟؟
سهيل :ما اعني شي بس مدامه يسالك كل يوم ليش مايجي يطق الباب ويدخل ولا رموها علينا ونسو انه عندهم بنت؟؟
العنود من وراه:محد نساني وانتبه لكلامك اذا جيت تتكلم عن اخواني
سهيل ابتسم:ابشري بس انا اسال بس
سيل:هذي مو طريقة سؤال يا سهيل
سهيل رجع لجواله:والله هذي طريقتي بسؤال عاجبكم زين ماعجبكم ذي مشكلتكم
ماجد ناظر العنود ابتسم على جنب
سعود يبي يرقع:العنود تعرفين اسلوب سهيل كيف لاتشيلين بخاطرك
العنود ابتسمت:لا وين اشيل بخاطري اصلا الكلام دخل من اذن وطلع من الاذن الثانية ما همني طريقة سؤاله المهم عندي يحترم اخواني ثاني مره وهو قال ابشري هذا المهم عندي وناظرت سهيل الي رفع راسه لها ورمقته وراحت للبنات
ماجد ابتسم على جنب:ما شاء لله ونعم الزوجة ياسهيل
سعود ناظر ماجد بحده وماجد حك جبينه
جهة البنات
كانت اسيا على جوالها
لين بملل:جدي يجيبنا هنا بس كذا لا فعاليات ولا شي
اشجان هزت راسها:والله انك صادقه طفش طول عمري ابي اطلع من بيتنا واذا جيت بيت جدي اتمنى ارجع البيت
اسيا ناظرتهم:هذا وانتم تجون مره بالاسبوع طفشتو كيف انا وانا ساكنه هنا اوف والله
العنود ابتسمت:تعالي عندي طيب اذا طفشتي نطلع نروح نتمشى ولا تجلسين لحالك كذا
اسيا:لا وين فشله سهيل عندك يمكن يحتاج شي ولا يبي شي
العنود هزت راسها:لا حبيبتي دايم يتاخر بدوام ومايجي الا اخر اليل تعالي نستانس وروحي قبل مايرجع
اسيا هزت راسها:لا لا ماينفع يمكن يطب على غفله
العنود ابتسمت:بكيفك بس انا بالبيت اذا بتجين عادي
اسيا ابتسمت:ان شاء الله ورجعت لجوالها
توق ناظرتها:وش عندك اسيا تكلمين البيب؟؟
اسيا توترت:خير انتي وش ذا الكلام وقفلت جوالها بتوتر
لتين رفعت حاجبها وابتسمت على جنب على ردت فعل اسيا كانها تاكد كلام توق:اسيا تعالي نتمشى بالحديقه شوي طفشت هنا
اسيا ابتسمت:طيب وراحت هي ولتين
اشجان ناظرتهم:اسيا مدري وشلون تبلع لتين معليش لين بس اختك كريهة
لين تشرب شاهي:عادي مو اول وحده تقولين المهم لاقو لنا لعبه ولا رحت البيت
العنود ناظرت الجد ساهر:مدري احس جدكم عنده شي ماتحسون؟؟
اشجان هزت راسها:ايه والله من اليوم يطالع على الصامت مدري وش فيه
توق بتهور:جدي العنود تقول انه فيك شي وش فيك؟؟
العنود ناظرتها ببرود بس ماكلها الخوف انها قالت اسمها:انا قلت جدي كانه فيه شي ماحسيتو ماقلت فيه شي ركزي حبيبتي
الجد ساهر ناظر العنود:العنود معاها حق انا فيني شي ولازم تعرفونه
العيال كلهم تجمعو يجلسون يسمعون بانصات
الجد ساهر ناظرهم:كنت بقول ذا الكلام بعد مده بس مدامكم تجمعتو بقول لكم الحين
ابو سهيل:وش فيك يبه عسى ماشر؟؟
الجد ساهر:مانب لاف وداير رحت المستشفى لمراجعتي المعتاده واكتشفو باخر مراجعه انه فيني لوكيميا وانتو عارفين انه ماله علاج والاعمار بيد الله بس الدكتور الي حدد مده قال من سنه لستنين باقي لي مع الكيماوي وبدون الكيماوي عندي من ٦ شهور لسنه
سيل:اكيد بتبدا العلاج صح؟؟
الجد ساهر ناظره:عمري مايساعد اخذ العلاج لانه بيكون لازم مراقبه على مدار الساعة
سيل:اجيب لك ممرض بس لازم تبداه
الجد ساهر تنهد:سيل مو موضوعنا ببدا اخذ العلاج ولا لا
سعود:جدي الا هو موضوعنا كيف تقول مو موضوعنا
الجد ساهر بحزم:خلوني اخلص كلامي
نوره ام ماجد ببكي:يبه وش بتقول بعد الي قلته انت تموت وماتبي تبدا علاج يبه ان رحت معد يبقى لي ظهر استند عليه
الجد ساهر ابتسم لها:لك سند وظهر ياحبيبتي لك اخوانك وعيالك
نوره ببكي:يبه بس الابو غير اخواني وعيالي الله يطول بعمرهم بس ابيك معاهم لا تخلينا انت صرت ابو لعيالي بعد ما مات ابوهم لا تيتمهم مرتين وتيتمني معاهم ابدا العلاج والدكتور ذا اصلا مايفهم كيف يعطيك مده
الجد ساهر هز راسه:خلوني اخلص موضوعي اول بعدين نتناقش بموضوع العلاج
فيصل ابو سهيل :سم يبه قل وش الموضوع
الجد ساهر ناظرهم كلهم:عيالي وعيال عيالي كلكم تجون تسكنون بالقصر
سهيل توهق:بس جدي مقدر اخلي بيتي والعنود ماتقدر تسكن هنا
الجد ساهر:ليش ماتقدرين يالعنود تسكنين معانا
العنود ناظرته:جدي لك طوالة العمر ان شاء الله بس انا شارطه بالعقد انه لي بيت مستقل واذا جيت القصر كاني كسرت الشرط
الجد ساهر هز راسه:ولك جناح خاص لو تبين دور لك خاص ابشري
العنود استحت انه يعرض عليها شي زي كذا وهي رافضة فكرة انها تعيش مع سهيل بغرفه:اعتذر جدي
حنان ام سهيل :انتي هي يقولك بيموت واخر شي يبيه انه يجمع عياله واحفاده ببيت واحد وترفضين ولفت على الجد ساهر هذي ياعمي الي زوجت ولدي اياها ايه عايشه بفله يطرد فيها الخيل وسيده البيت وش تبي تجي هنا خلي عمي ساهر يموت وهو ماشاف حفيده سهيل قولي انك تبين كذا
العنود ناظرتها:الله يطول بعمر جدي وجدي بيبدا علاج ويطيب ان شاء الله وانا ماقلت ابي امنع ولدك من جده ولا ماهمني الفله الي يطرد فيه الخيل ولا بعير انا يهمني الي بلبيت ياخذون راحتهم وانا اخذ راحتي بالقصر فيه بنات وعيال عيالكم وبناتكم متربين مع بعض ويكشفون لبعض بقعد انا بطرحتي وعبايتي طول اليوم ولا لازم يتنحنحون قبل مايدخلون لا انا ارتاح ولا هم يرتاحون تبينا نجي كل يوم ياجدي ابشر وعلى عيني وراسي بس اني انام واصحى هنا معليش اعتذر منك جدي
الجد ساهر ناظر سهيل :عندك شي تزيده على كلام زوجتك؟؟
سهيل ناظر العنود الي مارف لها جفن:الشور شورك ياجد لو تبينا نسكن هنا رحت الحين اجيب الاغراض بس اهم شي صحتك
العنود نزلت راسها وابتسمت على جنب من كلامه
الجد ناظرهم كلهم ثاني مره: انا قلت كلامي تبون تسكنون بالقصر ببدا علاج ماتبون مانب مسوي شي
محمد ابو سعود:لا لا بنجي بس قل لنا متى تبدا
الجد ساهر ناظر العنود:بتسكنين معانا؟؟
سهيل ابتسم ونزل راسه لانه عارف انها بترفض
العنود ابتسمت:ابشر لجل عين تكرم مدينة كم عندنا ساهر احنا
سهيل تلاشت ابتسامته ورفع راسه لها وكانت تبتسم بنفس طريقته
الجد ساهر ابتسم:خلاص اسبوع وتخلص جناحاتكم كلكم
سيل ابتسم ببتسامة ابوه:طيب يبه مواعيدك ابيهم كلهم ونشوف الفحوصات حقتك واذا احتجت تسافر للعلاج كلنا بنجي معاك
الجد ساهر:مايحتاج سفر وبكره اوديك لدكتور حقي عندي فحوصات وناظر نوره ام ماجد الي تبكي وفتح يده تعالي يابوك وشوله البكي وشوله
نوره حضنته:اكيد بتبدا علاج؟؟
الجد ساهر ابتسم:لعيونك حتى لو قالو ماينفع بقول لهم لا لازم بنتي النوري تبي العلاج
اريج وقفت وسلمت على راسه:ماتشوف شر يبه وان شاء الله تقوم بسلامة انا لازم امشي
سيل ناظرها:وين بتروحين؟؟
اريج اخذت شنطتها:عندي رحله بعد كم ساعه
سيل عقد حواجبه:عندك رحله وابوي مريض وش انتي ماتقدرين؟؟
اريج تكتفت:ابوي مافيه شي الحمدالله ومن انت عشان تحاسبني اسافر ولا لا والله بزارين اخر زمن
سيل وقف وكان بيتكلم بس قاطعه الجد ساهر:روحي يابنتي توصلين بسلامة
اريج ابتسمت لابوها:الله يسلمك وناظرت سيل من فوق ولتحت ومشت
سيل ناظر ابوه:يبه كيف تخليها تسافر وش ذا انت مريض وهي رايحه تستانس؟؟
الجد ساهر ناظره:سيل انت عارف اختك مايهمها الا نفسها هذي بنتها كم عمرها الحين ٢٤ ولا ٢٥ ماتشوفها الا بزيارات وزين بعد اذا جت ولا حتى جوال ماترفعه
محمد ابو سعود:والله يبه ذي غلطتك مع كامل الاحترام لك بس لو ممسكها بنتها ومخليها تتعلم المسؤلية من اول ماصارت كذا ولا ولا واحد فينا صار كذا الا هي حتى نوف الي عليها حركات ماخلت بناتها كذا
الجد ساهر تنهد:عاد فات الفوت والحين ماينفع الصوت
فيصل ابو سهيل :يبه رح ارتاح لو تبي وبكره كلنا بنروح معاك نتاكد وبنشوف دكتور ثاني بعد
الجد ساهر هز راسه:يلا تصبحون على خير ووقف يروح لغرفته
سهيل دخل كفه بكف العنود:واحنا نستاذن وسحبها معاه بدون مايسمع رد احد والعنود تمشي معاه ببرود ولحقتهم ليلي
وتفرقو العايله والكل راح بيته
< سيارة سهيل>
كانت السياره هاديه جدا ماينسمع فيها الا صوت الشارع ووصلو فلة سهيل ونزلو العنود وليلي دخلو اول وسهيل صار يناظرهم ودخل وراهم
العنود حضنت ذراع ليلي:اوف تعب كل مارحت هناك ابذل مجهود بحياتي مابذلته مدري كيف الحين بسكن معاهم
ليلي تمسح على شعرها وهي تمشي:عادي عادي بتتعودين
سهيل ناظرهم يمشون:وقفي
ليلي وقفت ولفت عليه تحسبه يقصدها والعنود كملت تمشي
سهيل :قلت لك وقفي
العنود لفت تبي تتاكد اذا يكلمها ولا يكلم ليلي وشافت انه يناظرها:تقصدني؟؟
سهيل هز راسه:ايه اجل من اقصد غيرك
العنود:حسبتك تقصد ليلي وش تبي؟؟
سهيل ابتسم بسخرية:لجل عين تكرم مدينة ما شاء لله عليك تعرفين كيف تجيبين الساهر لجهتك
العنود تكتفت وابتسمت:ايه اجل تحسب بسوي مثلك واحط كل شي عليك وصارت تقلده والله العنود ماتقدر تسكن معاكم
سهيل تنرفز:كان رفضتي انتي حجتك اقوى انا وش بقول اذا سالوني ليش ماتبي بيت جدك حطيتها فيك عشان ترفضين ويقدرون ظرفك بس وش سويتي انتي لجل عين تكرم مدينة
العنود :والله يمديك تقول مليون حجه مثل والله اخاف العنود ماتاخذ راحتها والبيت كله رجال ولا بنتشاور ولاقي حل غير السكن بالقصر مو تقول العنود ماتقدر وتسكت وش تبيني اقول قلت كل اعذاري وش النتيجة يقول بيسوي دور لي مراح اقول عاجبك ولا موب عاجبك شكلي قدامهم لانه مايهمني رايك فيني المهم رايي انا وكيف حسيت وقتها وترا لاتحسب اني ميته عليك هناك نفس هنا لو فيه غرفة وحده افضل انوم على الارض ولا انام معاك بالغرفة
سهيل ابتسم على جنب:لا انا الي ميت انوم معاك
العنود ببتسامه استفزاز:لا تموت على النوم معاي ولا تحلم فيه وعطته ظهرها ومشت تروح لغرفتها طول الثلاث سنوات الي تزوجو فيها هذا كان اطول نقاش صار او اطول كلام قاله سهيل لها لانه دايم يقول كلامه مختصر ويتركها بدون مايسمع رد ولا راي
سهيل طلع للحديقة ومعاه دخانه وجواله ورفع جواله يكلم:هلا حبيبتي
اسيا بخوف:بيبي كيف ذا الموضوع الحين؟؟
سهيل يدخن:وش نسوي جدي يبينا ببيت واحد واحسن بعد عشان اشوفك اكثر
اسيا:سومي طيب كلم ماما واخطبني ولا جدي اكيد مراح يرفض انا بنت عمتك
سهيل تنهد من ذا الموضوع الي تعيده دايم:يا بيبي ياحبيبتي كيف اقوله اني ابيك والعنود على ذمتي
اسيا بدلع:بس سومي لين متى بنجلس كذا بس مكالمات ونطلع مطاعم ابي انا وانت ببيت واحد ابي كل وقتي معاك
سهيل ينفذ الدخان:بيبي بنصير كلنا ببيت واحد الحين وبيصير كل وقتي معاك
اسيا تاففت:مو قصدي كذا ابي انا وانت بغرفه وحده ابي اكون اول وحده تشوفها اول ماتصحى واخر وحده تشوفها اذا جيت تنام
سهيل حط يده على عيونه:ياحبيبتي لكل شي وقته بعدين انتي اول وحده اكلمها اذا صحيت وقبل ما انام اكلمك
اسيا بزعل:لاتكذب على تشوف العنود اول ماتصحى وقبل ماتنام
سهيل ماقال لها انهم ينامون بغرفتين منفصلة: اسيا بقفل ياقلبي تعبان وقفل بدون مايسمع ردها ورجع يدخن
ليلي تنحنحت من وراه:سيد سهيل
سهيل غمض بوهقه انها سمعته ولف عليها كانه ماسوى شي:نعم ليلي؟؟
ليلي:كنت بسال انا كيف بكون الاقي وظيفة جديده ولا كيف؟؟
سهيل:مدري انتي مع العنود اساليها اذا تبيك تكملين معاها ولا تترك جدي جابك لها
ليلي هزت راسها:تمام ومشت داخل البيت
سهيل تنهد براحة انها ماسمعته ورجع يدخن ويناظر حديقة البيت الي تغيرت عليه صارت كلها ورود واشجار وصار فيها حياة مو نفس اول ماسكن بالبيت وطفى الدخان ووقف يدخل البيت

تفاعلو🥹