مايروس النجوم الا سهيل ولا يقود الظبا غير العنود

البارت الثامن والعشرين

~الاستراحة ~
سيل ناظر يوسف:كم لك تضحك علي؟؟
يوسف:ماضحكت عليك انت اخذتها وانا بعدت
سيل اشر على مكان النار:جيت اخذتك من هنا ماقلت لي شي ولا لمحت لي بشي
يوسف هز راسه:وش تبيني اقول هي صارت بذمتك
سيل اشر عليه بعصبية:انت الي دخلتها بذمتي انت الي سحبتني للمملك وشهدت وماقلت حرف وانا ترجيتك تطلع عشان ماتدخل بذمتي
يوسف سكت وسيل تقدم ودفعه:تكلم قل شي
يوسف:طلقها ولاتخاف ولدك ولا بنتك الجاي بحطه في عيوني
سيل عقد حواجبه من الكلام:يوسف تسمع نفسك؟ ودق مانب مطلقها انا حبيتها وهي حبتني والحين بيجينا طفل
يوسف:بس هي خبت عليك انها تحبني
سيل قاطعه:كانت تحبك انا ماجبتك هنا عشان اقولك بطلقها انا جبتك لانك خبيت علي اذا هي خبت فهي معذوره ماكانت تعرفني بس انت انت اخوي مافكرت لو ثانيه انه ممكن تخرب علاقتنا؟؟
يوسف بتعب الدنيا عليه:فكرت فكرت وكثير بس خفت عليها خفت انك ترجعها لاهلها وهم باعوها يوم ملكتك امها الي ردت بالموافقه مو هي وبديت ابحث عن الموضوع ابوها مديون لو طلقتها انت مستحيل يعطيني اياها بيعطيها واحد عنده فلوس ثاني وبتنقطع اخبارها ما علمتك عشان كذا خفت وجلس حط يده على راسه بضعف
سيل اعتلته الصدمة:ابوها مسافر وش تقول انت!!
يوسف هز راسه بنفي:ابوها انحاش هو وامها ابوها كان يدخل باستثمارات خسرانه عشان ياخذ التامين لين مابدت الشرطة تحقق بموضوعه هو عرف وخطط مع بنت اختك يضحكون على عمي ساهر بس انا مسكتهم اول وعلمت عمي ساهر انه مايدخل معاه باي شراكة لانه بيوهقه واول ماعرف اخذ زوجته وسافرو محد يعرف لهم موطى رجل
سيل جلس جنبه:كل هذا يصير وانا غافل ليش ما ادري؟؟
يوسف رفع اكتافه بمدري وتنهد
سيل لف عليه وعقد حواجبه:بنت اختي؟؟
يوسف:زوجتي المصون لتين
سيل هز راسه بنفي:لا لتين ماتسويها تعرف انه اذا دخل شراكة يمكن نخسر كل شي ولتين مو غبيه لذي الدرجة
يوسف ناظره:عمي ساهر قال انه لتين وودق صديقات وهي الي رشحتها زوجة لك
سيل هز راسه بنفي:لا قالي انه يعرف ابوها وبينهم شغل
يوسف وقف:
~ قصر ساهر ، مجلس البنات ~
لتين دخلت عليهم بعد ما تعدلت شوي:هاي بنات
اشجان ابتسمت:هلا بطش ورش وشلونك؟
لتين أبتسمت:الحمدلله وشلونكم انتو
البنات:الحمدلله
لتين جلست:وش سويتو وش ماسويتو؟
لين :ابد والله من الجامعة للبيت ومن البيت للجامعة طفشت
اشجان هزت رأسهآ:صادقه
عشق ناظرتها:ماشفتي ودق وانتي جايه قالت بتروح وترجع
لتين تذكرت يوسف وهزت راسها:لا انا سلمت على امي كانت جالسه مع خالتي حصه محد كان معاهم
عشق هزت راسها:يمكن راحت غرفتها
اشجان ناظرت لتين:وشلون العنود ان شاءالله بخير؟؟
لتين ابتسمت:ايه الحمدلله هي و ادومي يهبلون
اشجان صرخت:يمه يهبل مريت شفته وكنت بروح اشوفها بس محب قال بالجامعه وقلت مره ثانية مره من زمان ماشفتها
لتين هزت راسها:ايه مسكينة ماترجع الا العشاء وغير كذا واجبات وبحوث حتى انا يادوب اشوفها
لين ساكته تسمع
توق ناظرت لين:ما تصالحتو للحين؟؟
لين هزت راسها بنفي
اسيا :احسن لا تصالحينها كم لكم سنه متزاعلين ولا جاء بخاطرها تتصل ونعم الصديقه والله
اشجان تكتفت:وانتي كم لك يضحك عليك سهيل وما جاء يخطبك ونعم الكرامة عندك والله
اسيا سكتت
توق ضحكت:وش فيك يبي يكون نفسه
البنات ضحكو
ماجد دق الباب:ادخل؟؟
لتين ابتسمت:ايه ياحبيبي ادخل
ماجد دخل والابتسامة شاعه بوجهه:السلام عليكم
البنات:وعليكم السلام
لتين قامت:مبروك عليكم ان شاءالله نشوفكم من اعلى لاعلى
ماجد:اللهم امين
لين:وش تباركين له؟؟
ماجد ناظرها:تذكرين الشركة الي عطاني اياها جدي؟؟
لين هزت راسها:ايه
ماجد زادت ابتسامته:فازت على شركة جدي
لين ضحكة:مبرووكك
عشق ضحكت:جدي يقول علمته الرمايه فلما اشتد ساعده رماني
ماجد ضحك:والله احنا تعبنا ودي تشوفين وجه جدي وسهيل لما طلع اسمنا قبل اسمهم وقلد صوت المقدم السيد ماجد صالح ال صالح والسيده العنود عبدالله ال ملهم كان ودي الكاميرا تكون مسجلتهم
اسيا فزت:سهيل شاف العنود!!!
اشجان قامت:كلن على همه سرا اصبري خلينا نشوف العنود وش تسوي هناك ووش دخلها بشركته
ماجد ابتسم:العنود شريكي واشغلنا مع بعض لين وصلنا الحمدلله احسن شريك والله
اسيا تقدمت:الحين عرفتي اجلسي قولي سهيل شاف العنود؟؟؟
ماجد هز راسه:اكيد شافها بالحفل وجاء لشركة بعد مره مع جدي ومره لحاله
اسيا:كلمها وش قال لها؟؟
ماجد هز راسه بنفي:جاي يسالني اذا تزوجت
توق ماتت ضحك:بموووتتت اسيا تفشلين اسكتي الله يخليك طول السنين وانتي قدامه وهو شافها لاقل من الثانية وراح يتاكد اذا اخذها احد غيره ولا لسى له
اسيا بعصبية:انا الي له مو احد ثاني انا
عشق:حبيبتي من طلعت العنود وهو مقلوب حاله تذكرين سيل يوم تتوفى صبا الله يرحمها سهيل وصل لذي المرحلة يوم طلعت العنود سافر شهر كامل وسكن بفلتة ومعد يرد عليك حتى للمهم واذا جاء مادخل جناحهم عشان العنود مو فيه ممكن تركزين وتقولين لخالتي اريج تشوف لك خطابه وتفكين الرجال من شرك
اسيا طلعت من المجلس بعصبية
ماجد ناظرهم:هذي سايكو انتبهو منها اقول
اشجان هزت راسها:والله انك صادق المهم وش قلت له يوم سال؟؟
ماجد غمز وابتسم:ماقلت شي عشان غموض وكذا
لتين ضحكة:كفو احسن خله يندم على الساعه الي طلقها فيه
ماجد ضحك:بروح ارتاح عندي الصباح شغل يلا باي
البنات ودعوه وطلع
لين بحزن:لو اتصلت عليها بترد علي؟؟
توق رفعت أكتافها:مدري والله تاكدي بس مو الحين يمكن نايمه
ودق دخلت راسها:لتين عادي تجين شوي؟؟
لتين وقفت بعد ماستاذنت من البنات وراحت لودق:هلا؟
ودق ابتسمت ببهوت:كيفك؟
لتين ابتسمت لها:الحمدلله
ودق هزت راسها:الحمدلله بسالك شفتي سيل وانتي داخله؟؟
لتين:ايه سالني عن يوسف وقت له بالمجلس
ودق تمسكت بالباب:يارب
لتين خافت:ودق بسم الله عليك ودخلتها المطبخ اجلسي وش فيك تبين اوديك المستشفى معليش سمعت مكالمة سيل ويوسف مبروك
ودق نزلت دمعتها:الله يبارك فيك وعقبالك يارب
لتين هزت راسها بحزن:امين
ودق:قلت لسيل عني و عن وسكتت عن الخطبة قصدي
لتين فهمت وهزت راسها:ايه
ودق بكت:عصب علي وقال اني اضحك عليه واني مستغبيته بس والله ماقلت له الا عشان ابي طفلنا يجي بدون خوف ولا رعب انه باي لحظه بيدري ويخلينا والله احب سيل انا وما افكر بغيره ولا ابي افكر والله بس خايفة
لتين حضنتها:لا تخافين سيل ويوسف عاقلين وقالت بمزح صح انه بياخذ الطفل بس عادي
ودق خافت:لا الله يخليك
لتين ضحكة:امزح والله سيل يموت عليك ومستحيل يسويها بعد شوي تلاقينهم جايين يضحكون ويعتذر وبيحب راسك بعد
ودق ارتاحت شوي:ان شاء الله انا بس ابي اشوفه طلع وهو معصب
لتين عطتها موية:اشربي وخلي عنك القلق الي ماله داعي مو زين لك
ودق تشرب:شكرا
لتين ابتسمت:مابيننا ودق جوال لتين كان يوسف وردت هلا يوسف
ودق ناظرتها بخوف وفتحت السبيكر عشان تطمن ودق
يوسف بهدوء غريب:انتي قلتي لجدك انك تعرفين ودق وانكم صديقات وتصلح لسيل؟؟
لتين ناظرت ودق وهزت راسها بنفي:لا والله اصلا ماعرفت ودق الا من بيتكم وما دريت اصلا انها بتتزوج سيل الا بالملكه يوم دخلت العنود
يوسف:تمام
لتين بتساله عن سيل:سي وقفل قبل مايسمعها وابتسمت بفشله اكيد مافيه تغطية
ودق أبتسمت:ايه اكيد مدري وين ارضهم من سماهم ومسحت على ذراع لتين بروح استناه بالغرفه وانتي اذا بغيتي شي ولا احتجتي اي شي تعالي لي
لتين ابتسمت وراحت ودق لجناحهم واختفت ابتسامة لتين وجلست على الكرسي بحزن
~ عند سهيل والعنود ~
العنود تزين كرسي الاطفال ومطنشته
سهيل سحبها من السيارة ونفضت يدها:سلامات تمسكني كذا خير ماني على ذمتك انا
سهيل اشر على ادم:من ولده؟؟
العنود رفعت حاجبها بدون رد
سهيل اشر عليه ثاني مره:واضح انه كبير متى تزوجتي وحملتي فيه
العنود تكتفت:مايخصك بعد عن طريقي
سهيل بعصبية ضرب السيارة وادم بدا يبكي
العنود دخلت السيارة تهديه:بس بس يا مامي لا تبكي
سهيل سكر الباب وركب مكان السواق وقفل السيارة وشغلها
العنود تحس انها مو قادرة تتحمل ادم يبكي وسهيل شغل سيارتها وماتدري هي وين بتروح
سهيل ناظرها من المرايه:بتقولين؟؟
العنود تهدي ادم لانه قاعد يزيد بكى:ادم ادومي بس حبيبي بس وناظرت سهيل وقف السيارة ياخي
سهيل بعصبية:مانب اخوك بتقولين لي ذا من ولده؟
العنود شالت ادم من الكرسي وحضنها وبدا يهدا وهي تهزه على خفيف وتنهدت براحة انه سكت و نام:سهيل وقف السيارة وخلني اروح بحالي
سهيل وقف:انزلي
العنود نزلت براحه بس وقفت يوم شافت فله سهيل وسهيل نزل ومد لها المفتاح وهي مدت يدها بتاخذه وخطف ادم من يدها ومشى للفله العنود صارت تسابق خطاها عشان تلحق تاخذه قبل ما يدخل بس فشلت ووقفت عند عتبة الباب وهو دخل الفلة
العنود رجعت لسيارة تدور جوالها ولقته ودقت على ماجد لانه اذا دقت على محب ولا يوسف بيتذابحون
ماجد شبه نايم:هلا العنود
العنود بخوف:اخذ ادم ماجد سهيل اخذ ادم
ماجد فز:من الي اخذه ووين؟؟؟
العنود:فلته انا واقفه عند الباب الله يخليك تعال طلعه ما اقدر ادخل
ماجد قام بسرعه حتى ماغير ملابسه اخذ مفتاح سيارته:يلا يلا جاي
العنود قفلت والتوتر ياكلها كل شوي تفكر تدخل بس شي يردها وتجلس بسياره بعد ٢٠ دقيقه وقفت سيارة ماجد جنبها ونزلت بخوف:ادخل الباب مفتوح
ماجد دخل بسرعه للفله
سهيل حاط ادم على الكنب ويناظره:امك شكلها ماتبيك صح يمكن مو امك اصلا ولف على دخلت ماجد المسرع ووقف قدام ادم عشان ما ياخذه
ماجد:سهيل بعد عن الولد
سهيل تكتف:دقت على البوديقارد حقها ماجد اطلع قلها تدخل ولا مهي شايفته ثاني مره
ماجد بدا يعصب:سهيل عطني الولد
سهيل رفع حاجبه:ولا؟؟؟
ماجد مسح وجهه:سهيل انت ولد خالي وحسبت اخوي مابي امد يدي عطني الولد وخلنا نمشي
سهيل عقد حواجبه:تصدق بديت استوعب انتم بشركة مع بعض وخارج الشركة بعد واكيد مطاعم كافيهات شاليه وماكمل من لكمة ماجد
ماجد بعصبية:احترم نفسك سكت بس عشانك ولد خالي بس جالس تتمادى انت ودفه بس ماقدر ياخذ ادم لانه رجع دفعه سهيل
سهيل بعصبية:انا محترم نفسي بس انتم الي لا حياء ولا مستحى داقه عليك بنص الليل من بد العالم كلهم كانت ماتحرك اصبع لين تدق على محب ولا يوسف ليش دقت عليك ودف ماجد علمني تكلم ولا من سواد وجيهكم
ماجد دفه على ورا وبعصبيه اكبر وصراخ:عشانه ولدي واشر على ادم هذا ولدي ادم ماجد ال صالح
سهيل بصدمه:من امه؟؟؟
من ورا ماجد:انا
ماجد غمض:العنود
العنود وقفت جنب ماجد
سهيل:يعني!!!!!!

تفاعلو حبايبي🥺🥺