مايروس النجوم الا سهيل ولا يقود الظبا غير العنود

البارت الثالث

< بيت سهيل >
ليلي دخلت على العنود الي تمسح الميك اب حقها وناظرتها وصارت تلملم الاغراض الي بالغرفة
العنود ناظرتها من المرايه:وش فيك؟؟
ليلي هزت راسها:مافيني شي
العنود لفت جسمها لها: ليلي لاتكذبين قالك شي الي تحت؟؟
ليلي هزت راسها وهي تصفط الملابس:لا
العنود قامت ومسكت يدها:وش فيك تكلمي صاير شي؟؟
ليلي ناظرتها:افكر وش بيصير لي انتي بتروحين قصر السيد ساهر ومدري اذا لي مكان معاك ولا لا
العنود ابتسمت:ليش تفكرين وشاغله بالك انتي اول وحده بتسكنين معانا انتي معاي طول العمر ليلي لاينشغل بالك على شي سخيف والله احسبه قالك شي بغيت اروح اتوطى ببطنه قاهرني من اليوم
ليلي ضحكة:لا ماقال شي قال اسالي العنود اذا تبيك ولا تحجز لك
العنود كشرت:ياشينه ودي احجز له هو وافتك منه الغثيث
ليلي ضحكة ورجعت ترتب الملابس الي بعثروها قبل ما يطلعون للقصر والعنود رجعت تمسح الميك اب وتسولف معاها لين ماخلصو كلهم وراحو ينامون
مر الاسبوع عادي عليهم كلهم وجا صباح النقله لقصر ساهر
العنود تطلع شنطها المهمه مع ليلي:خلاص هاذي اخر شي ابيه
ليلي هزت راسها ونزلت الاغراض مع العاملات ويرتبونها بسياره
العنود صارت تناظر الغرفة:يعني بحياتي ماتوقع بفقد هل غرفه واليوم احس صدق بفقدها يووه
ليلي جت وراها:مس عنود جاهزه؟؟
العنود ناظرتها والحزن بعيونها:ليلي لازم تروحين خليك معاي بالقصر مدري كيف بتحملهم
ليلي ابتسمت:لو مو تخرج ولدي وزواج بنتي كان جلست معاك بس لازم اروح واكون معاهم وبرجع باقرب فرصه بس انتي انتبهي على نفسك وكلي الادوية على الوقت واذا حسيتي انه النوبات بتجيك بعدي عن الاماكن الي فيها شي حاد ولا سميك الحمامات وطاولات والمطبخ لاتدخلينهم الا تتاكدين انه معاك احد بالغرفه تمام؟؟
العنود حضنتها:ان شاء الله ابشري كل شي تقولينه على عيني وراسي
ليلي شدت عليها وبصوت باكي:وانتبهي واذا اشتقتي لي اتصلي حتى لو فرق التوقيت غير عادي
العنود مسحت دمعتها الي طاحت بس تبي تكون قويه وبعدت عنها:ابشري وانتي اتصلي اي وقت تبين
ليلي ابتسمت:يلا سيارتي تستناني تحت مدامك خلصتي اغراضك كلها وتاكدت انه كل شي موجود
العنود ابتسمت:توصلين بسلامة وعلميني اذا وصلتي
ليلي هزت راسها:تمام وطلعت من البيت تركب السياره
العنود رفعت راسها تداري دمعتها لاتنزل ولفت على صوت من وراها -جاهزه ؟؟- وهزت راسها ومشت مع سهيل لسيارة حقته
سهيل :سيارتك بكره بيجيبونها
العنود:زين وعم السكون بالسيارة لين ماوصلو قصر ساهر ودخلو ماسكين يدين بعض وسلمو على الجد ساهر لانهم اول الواصلين
الجد ساهر ابتسم:هلا كنت متوقع انكم اخر ناس تجون لانكم الي كنتم رافضين الفكره
العنود ابتسمت:جدي ماكنا رافضين بس نتغلى وجلسو على الكنب
الجد ساهر ضحك ولفو على اسيا الي نزلت من غرفتها
اسيا لابسه بجامتها:هاي انتو اليوم بتجون نسيت وباست راس جدها صباح الخير جدو
الجد ساهر ناظرها:صباح النور يا اسيا
اسيا سلمت على العنود وسهم:بس انتو الي جيتو؟؟
سهيل ببتسامة:ايه احنا اول الواصلين
اسيا ابتسمت:زين العنود وشلونك
العنود ابتسمت:الحمدالله انتي كيفك من اسبوع اختفيتي معد لك حس ولا خبر سالتك عن الصالون بس مارديتي
اسيا بحزن:اقولك طاح جوالي بمسبح النادي وخرب مره حزينه
العنود:يووه كان شريتي جديد
اسيا ناظرت جدها:جدو سمعت تقول اشتري جديد
الجد ساهر ناظرها:مافيه هذا خامس جوال تخربينها بس بشهرين
اسيا ناظرت العنود:شفتي وسحب مني البطاقة ويقول مافيه متخيله
العنود ابتسمت:والله جدي صادق اجل خامس جوال حرام والله
اسيا بدلع:العنود لا تايدينه والله مراح يجيب لي
العنود ضحكة وناظرت الجد ساهر:ايه جدي لاتجيب لها خلها تشتغل وتجيب لها والله بتخاف عليه من الملمس بعد
اسيا بدلع زايد:العنوود لا تقولين كذا وناظرت سهيل سومي كلمها لاتقول كذا لجدو
العنود ابتسمت لانه تعرف انها دايم تدلعه عادي:لا تحاولين حتى هو معاي ومع جدي
الجد ساهر ناظر اسيا الي زعلت:اسيا روحي غيري
اسيا ناظرت لبسها:وش فيه جدو؟؟
الجد ساهر عقد حواجبه بنزعاج:قلت روحي غيري ولعد تلبسين بجايم بالبيت البيت بيصير فيه رجال عيب تقعدين عندهم كذا
اسيا تاففت:طيب وراحت لغرفتها
سهيل وقف:جدي عندي شغله بخلصها وارجع تامر على شي؟؟
الجد ساهر هز راسه:سلامتك انتبه لطريق
سهيل ابتسم:ابشر وطلع بدون مايقول شي للعنود
الجد ساهر ناظرها بشك:العنود سهيل كذا دايم يطلع بدون مايبلغك ولا يسال اذا تبين شي؟؟
العنود توترت بس ابتسمت:لا جدي قالي قبل ماندخل وسالني اذا ابي شي وانا قلت له لا
الجد ساهر هز راسه:ايه زين
العنود ابتسمت:جدي بروح اشوف جناحنا وارتب الاغراض اذا تسمح لي
الجد ساهر:روحي يابنتي
العنود اخذت شنطتها ورقت الجناح مع عامله توصلها للجناح ودخلت الجناح وراحت العامله العنود ناظرت الغرف وتدعي انه يكون فيه غرفتين او اكثر وصارت تفتح ابواب وتنهدت براحه انه فيه ثلاث غرف:اووفف الحمدالله  ودخلت اغراضها بالغرفه الي اختارتها ولبست بجامه مريحه وصارت ترتب ولفت على تحريك مسكت الباب وطق الباب
العنود غمضت عيونها:غرفتي ذي
سهيل:اطلعي كيف تاخذينها كذا
العنود:انا حطيت اغراضي اول يعني صارت لي
سهيل يطق اقوى:العنود اخلصي اطلعي
العنود سفهته وصارت تدندن وتهز اكتافها وهي ترتب ورفعت راسها للمرايه وشهقت كان سهيل واقف وراها ومتكتف وناظرت الباب كان مقفل بالمفتاح:كيف دخلت انت
سهيل اشر على الباب الي وراه:هذي غرفه مشتركه ياذكيه
العنود لبست جاكيتها لانها كانت لابسه بجامه توب:طيب وش تبي الحين؟؟
سهيل ابتسم:هذي غرفتي انتي الي وش تبين؟؟
العنود ناظرت الغرفة:حطيت اغراضي يعني غرفتي
سهيل:هذي والي وراي كلهم غرفي هذي مكتب وهذيك انام فيها
العنود رفعت حاجبها:معليش بس هل حلم تحلم فيه دايم؟؟
سهيل رفع حاجبه نفسها:لا انا احلامي كلها حقيقه ف شيلي قشك وروحي الغرفه الي بزاوية
العنود هزت راسها بطريقة هنديه:اوك بابا وشمقت له ورجعت ترتب اغراضها على التسريحه ورجعت تدندن
سهيل تنرفز:عنود اخلصي
العنود ناظرته من المرايه:العنود ياجاهل
سهيل تنرفز زياده:العنود ولا زفت اخلصي علي شيلي اغراضك
العنود:تبي تشيل شيل انت وودهم ولاتنسى ترتبهم لاني تعبت غير كذا مانب شايلتهم ولا اقولك قل لوحده من العاملات تجي تشيلهم وتعلم علينا وش رايك؟؟
سهيل زفر بعصبيه وطلع من الغرفة وراحت العنود قفلت الباب وراه بالمفتاح وخلت المفتاح على الباب عشان اذا كان معاه نسخه ثانيه مايقدر يفتحه ونسدحة على السرير بعد ما خلصت وغفت لانها صاحيه من بدري
سهيل جلس يرتب الاغراض وابتسم على الاتصال:هلا حبي؟
سعود ابتسم:الله الحين انا حبك حبتك القراده
سهيل ضحكة:الحين مافهمت انت راضي ولا لا
سعود :وينك فيه بس؟؟
سهيل يناظر الساعه:في بيت ساهر اليل
سعود ابتسم:زين انزل ابيك بمشوار
سهيل :وين؟؟
سعود:اقولك مشوار انزل بسرعه
سهيل حط اغراضه بجيبه:اوك يلا نازل وقفل سعود منه وطلع سهيل لسعود
سعود متسند على سيارته يستنى سهيل يوم شافه عدل ظهره:هلاا وسلم عليه
سهيل ابتسم:وين ماخذني؟؟
سعود:بنروح جرير بشتري سماعه سماعتي ضاعت وبشوف كذا شي
سهيل هز راسه:طيب يلا وركبو السياره وتوجهو لجرير ونزلو يشترون اغراض سعود
سهيل راح جهة الجوالات ويقلب فيها
سعود وقف عنده:وش تبي تغير جوالك؟؟
سهيل ابتسم:افكر
سعود :جوالك جديد ليش تبي غيره
سهيل يقلب بجوال:ماقلت بغيره قلت افكر
سعود هز راسه وراح يحاسب على اغراضه
سهيل طلب من الي يشتغلون:ابي هذا ابي الون البنك الجديد
الموظف هز راسه:ابشر وراح يجيب له من المخزن وراح يحاسب وطلع مع سعود الي ضحك
سهيل ناظره:وش فيك؟؟
سعود ناظر الجوال:قل انك بتجيب للعنود جوال جديد ولا تقول تفكر
سهيل ابتسم بدون رد
سعود رفع جواله الي دق:سم يبه؟؟ تمام ايه اغراضي معاي بسياره اصلا انا متوجه لبيت جدي تمام يلا توصلون بسلامة مع السلامة وقفل
سهيل:جاين؟؟
سعود هز راسه:ايه يتاكدون اذا اخذت اغراضي عشان يسكرون البيبان
سهيل:زين
وربع ساعة و وصلو لقصر ساهر ونزلو
سهيل مسك عضد سعود:لاتعلم احد اني شريت جوال
سعود ضحك:تمام يلا ودخلو القصر وكانت الصالة تقريبًا مليانه موب ناقص الا اريج الي مسافره وسيل الي لسى ماصحى من النوم
سهيل خبى كيس الجوال بكياس سعود الي ابتسم ودخل يسلم على الموجودين وجلسو
الجد ساهر ابتسم وكانت عيونه تلمع انه اخيرا جمع عياله واحفاده ببيت واحد من بعد مده طويله
لتين بكره ناظرت العنود من فوق لتحت:ياربيه وشلون بتحملها الحين كيف بشوفها كل يوم وعع
عشق بهمس:عادي نطلع جنونها ونقول لجدي يطردها وش رايك؟؟
لتين اعجبتها الفكرة:والله حلوه الفكرة ياهي بتعيش ايام سوداء وناظرت اسيا الي ماشالت عينها من سهيل وابتسمت على جنب بحقد
العنود ابتسمت يوم شافت جوالها وستاذنت ترد وردت وهي تمشي:هلا حبيبي
محب ابتسم:هلا ياعيون محب انتي
العنود ضحكة:الله غزل ودنيا
محب ضحك:ايه عشان تقنعين امي اني رومنسي وانه عادي اتزوج
العنود:ايه قل انك تتغزل فيني مصلحة عشان اقول لماما تدور لك
محب:الله الله اجل وش ابي اتغزل فيك وعندك رجلك؟؟
العنود كشرت:بسحب عليك باي
محب ضحك:لا لا اصبري وينك فيه؟؟
العنود ناظرت حولها:بقصر جدي ساهر
محب عقد حواجبه:الحين الظهر مايسوي عزايمه الظهر وش صاير؟؟
العنود تنهدت:بعدين اقولك الحين انت وش تبي؟؟
محب:وش اقفل يعني احس انك طردتيني
العنود ضحكة:لا ماطردتك استغربت ليش متصل وقلت اسال
محب ابتسم:امي تسال عنك الاسبوع الي راح ماجيتي لنا وقلقت عليك قلت اتصل اشوف كيف حالك واحوالك
العنود ابتسمت:ياحبيبتي اليوم بجي ان شاء الله بعد شوي بطلع واجيكم
محب:خلاص اجل بجي اخذك ابي اجلس معاك اكثر منهم واقهر يوسف
العنود ضحكة:ياربيه ماتتعب من المجاكر انت
محب ضحك:لا يلا بجي ربع ساعة نص ساعة كذا وانا عندك
العنود ابتسمت:تمام انتبه لك وانتبه لطريق بستناك بقصر جدي ساهر
محب:تمام يلا مع السلامة وقفل بعد ماردت عليه العنود
العنود رجعت لصاله الي صارت شبه فاضيه لانهم راحو يرتبون غرفهم واغراضهم
العنود جلست ووجهت انظارها للجد ساهر:جدي محب بيجي ياخذني بروح بيت اهلي وبرجع قبل المغرب ان شاء الله
الجد ساهر ابتسم وهز راسه:ايه زين يابنتي روحي شوفي اهلك وسلميلي عليهم وقولي لابوك اني شرهان عليه
العنود ابتسمت:ابشر بس لايطول الشرهان على الغالي ترا ازعل
الجد ساهر ضحك بخفوت:على ذا الخشم
العنود قامت تروح الغرفة تغير وتستنى محب يجي
الجد ساهر ناظر سهيل الي على جواله:سهيل!!
سهيل رفع راسه:سم
الجد ساهر عقد حواجبه:حرمتك بتروح لاهلها
سهيل هز راسه وابتسم:سمعتها وش فيها؟؟
الجد ساهر عقد حواجبه زياده:مافيها شي اكيد بس عطها فلوس تشتري شي معاها قلها كلمه قل انك بتروح معاها حتى لو بالكذب حسسها انه تحب اهلها نفس ماهي تحبنا
سهيل ابتسم وهز راسه:ابشر بروح لها الحين اقول لها واعطيها فلوس تامر على شي ثاني؟؟
الجد ساهر:رح رح بس
سهيل ابتسم وراح لغرفة سعود عشان ياخذ الكيس حق الجوال وعطاه سعود وطلع من الغرفة وتوجه لغرفة وطق الباب
:طيب صبر وفتحت الباب
سهيل ابتسم ومد الكيس:يزعلك الجوال و يراضيك سهيل 
اسيا بفرح:الله شكرًا شكرا سومي
سهيل:بس شكرًا كذا حاف؟؟
اسيا طلت براسها عند الباب وباست خده بسرعه وبعدت:لا مو حاف باي وسكرت الباب
سهيل ابتسم وراح لغرفة ولا شيك على الطريق فاضي ولا اذا فيه احد يناظرهم وصورهم ولا لا
سهيل توجه لجناحه هو والعنود ودخل وتوجهت انظاره للعنود الي تقفل باب غرفتها وحطت المفتاح بشنطة ودخلت المطبخ المفتوح واخذت علبة مويه سهيل طلع بطاقته وحطها على طاولة المطبخ عشان تاخذها و راح لغرفة بدون مايقول شي العنود ناظرت البطاقة ومشت ما اخذتها وطلعت من الجناح تروح لمحب الي قال انه يستناها برا
محب وسعود وسيل يسولفون على بال ماتجي العنود
محب ابتسم:من زمان ماشفتكم حتى ماتجون الاستراحة نفس زمان
سعود:والله انا توني راجع من السفر واحس اعاني من تخربط الاوقات يعني الحين انا بنام ومدري متى بصحى
سيل ابتسم:والله انا اشوف يوسف بنادي بس انت قطعت مره
محب:لا والله ماقطعت بس الحين عكسو الشفت حقي صرت اداوم بليل وما اطلع الا الصباح وأحيانًا عندي مناوبات اجلس باليومين
سيل:يووه الله يعينك بس شف تشتغل شي تحبه وطمحت له ووصلت
محب ابتسم:ايه والله الحمدالله
سعود :محب يحب الطب والجراحة وصار دكتور انا احب السفر ليش ماصرت طيار للحين
سيل بمزح:انت زين اذا صرت بواب وضحك
محب عقد حواجبه بضيق انهم يضحكون على تقليل شغلت البواب:تدري البواب الي تضحك على وظيفته وش عانى منه عشان يلاقيها
سيل ابتسم:وش فيك محب كنت امزح بس
محب ابتسم:ادري بس لاتقلل من قيمة وظيفة قدامي
سيل حط يده على خشمه:ابشر على ذا الخشم
محب ابتسم وناظر العنود الي جايه وابتسم زياده
سيل بدون مايلف:العنود جت اكيد
محب هز راسه بايه
العنود تقدمت لهم وحضنت محب الي فتح يده لها على طول
محب شد عليها:اخخ محب العنود ماسموني كذا عبث
العنود ضحكة بخفوت
سعود ابتسم:الله ترا بتخلوني اغار منكم واروح لاخيتي
محب ضحك وحط عنود تحت ذراعه بعد مابعدت
سيل ابتسم:وش يالعنود نسيتيني بعد ماشفتي محب
العنود ابتسمت:وشلون بنساك وانا بصير اشوفك كل يوم
سيل بغرور:يلا بسمح لك تشوفين وجهي الجميل كل يوم
العنود ضحكة:ياشينك
سعود ضحك:والله انك صادقه
العنود تضحك وطلعت جوالها من الشنطه الي يدق وردت:هلا ماما ايه محب جاني ابشري شوي كذا واحنا واصلين ان شاء الله باي وبعدت جوالها وناظرت محب ياويلك من امي تقول محب رقد عندكم قال بيجيبك ويجي ومعد بين
محب حك اذنه انه نسى انه قال لامه موب مطول:يوه يلا اجل مشينا
سعود ابتسم وناظر جوال العنود:يوه وش فيه جوالك؟؟
العنود ابتسمت:طاح مني قبل ما اوصل ونكسرت الشاشه كنت بروح اليوم اصلح الشاشه بس معد فيه وقت
محب ابتسم:خلاص نمر الحين محل جوالات يصلحها لك ولا نشتري لك واحد جديد
سعود بتسرع:لا لا مايحتاج سهيل مراح يرضى
العنود رفعت حاجبها:مايرضى ليش؟؟
سعود ابتسم ورفع اكتافه:مدري بس انا اقولك لاتدفعين عليه شي بعدين تفهمين
العنود هزت راسها:تمام
محب سلم على سيل وسعود وودعهم وركب سيارته مع العنود
محب لف على العنود:ايوا علميني وش جابك بيت ساهر من الظهر
العنود تنهدت:نقلنا كلنا ببيت ساهر يبي عياله واحفاده ببيت واحد
محب عقد حواجبه:ليش صاير شي معاه؟؟
العنود:مريض يقول فيه لوكيميا وراح لدكتور يقول انه المده الي بيعيشها من سنه لسنتين
محب :دكتور محدد مده؟؟
العنود هزت راسها:هذا الي قاله
محب حط يده على شنبه ولحيته وصار يمسح عليهم ويفكر
العنود ناظرته:وش فيه؟؟
محب ابتسم وهز راسه:لا ياحبيبتي مافيه شي تبين ماتشا؟؟
العنود ابتسمت:هذا سؤال ينسال؟؟
محب ضحك:ابشري وتوجه لمقهى العنود المفضل يطلبلها ماتشا ويطلب له شاهي مغربي وتوجهو لبيت ابوهم بعد تهزي امهم لهم انهم تاخرو
محب دخل مع العنود وفز يوسف يوم شافها
يوسف راح لها يحضنها:يوه يوه وينك وحشتيني
العنود شدت عليه:وانت اكثر والله ليش ماتجون تشوفوني بالبيت
يوسف كشر:تعرفين ما احب اكذب والله اني ما ابلع رجلك ولا اطيقه بعيشت الله
محب هز راسه:والله انك صادق
العنود ابتسمت وبينها وبين نفسها تقول ايه والله
بعد يوسف عنها وحضنت امها الي تجمعت الدموع بعيونها
العنود تمسح عليها:ماما وش ذا لي ثلاث سنين متزوجه وكل ماشفتيني صحتي
ام يوسف:وش اسوي يايمه احس انك رحتي بدري الله يسامح من كان السبب بانه بعدك عني
ابو يوسف نازل من الدرج:لا ادعي علي بعد ادعي وانا من مزوجها فقير ولا شايب انا مزوجها رجال ومن زينه الرجاجيل بعد
ام يوسف ناظرته:والله انت رميت بنتي عليهم ماصدقت خطبوها قلت موافق حتى ماسمعت شور بنتي وحيدتي
ابو يوسف بدا يعصب ويعلى صوته:وش قصدك اني رميتها يامره تراها بنتي نفس ماهي بنتك وش يرمي ومايرمي عيب تقولين ذا الكلام قدام العيال
ام يوسف بعصبيه:ايه رميتها اجل من يزوج بنته بذا الوقت حتى مادخلت ١٨ ولا تخرجت ولا توظفت
يوسف يهديهم:يمه يبه اهدو خلاص الموضوع راح كم لها العنود متزوجه خلاص
ام يوسف بعصبية اكبر:لا مارح لو يمر مو بس ثلاث سنين لو تمر مليون سنه بعيد واكرر بالموضوع الي دمر بنتي وحياتها وتقولي ما زوجتها لا فقير ولا شايب لا انا اقولك هو فقير لانه مايصرف فلوس من شقى عمره وعرق جبينه و شايب لانه اكبر من بنتي ١٥ سنه
العنود تحاول تمسك دموعها:خلاص ماما يوسف صادق راح الموضوع وشوفيني سعيدة ما اشكي من شي ولا اعاتب على شي لانه ابوي عارف مصلحتي
ام يوسف ناظرتها:بس ابوك الي يعرف مصلحتك وانا لا خلاص صار ابوك الي يعرف كل شي وانا الغريبه و الجاهله  خلاص اجل اجلسي اسمعي لابوك وسحبت يدها من يد العنود ورقت غرفتها
ابو يوسف تقدم للعنود ببتسامة وحضنها وهمس:تعرفين انا ليش سويت كذا وزوجتك بدري صح؟؟
العنود هزت راسها:ايه لو مو هذا السبب كان رفضت ماتزوجت وبعد عنها ابوها
ابو يوسف ناظر عياله:امكم زعلت مني
محب ابتسم غبيه:انت دايم تزعل الغاليه شكلي بشوف لها زوج ثاني
العنود ضحكة هي ويوسف يوم رمى ابوهم المنديل على محب

تفاعلو 🥹