مايروس النجوم الا سهيل ولا يقود الظبا غير العنود

البارت التاسع

< قصر ساهر >
دخل سهيل مسرع
ام سهيل شافته:هو سهيل تعال سلم وش فيك داخل كذا
سهيل هز راسه:السلام عليكم وين العنود
ام سهيل قلبت عيونها:بغرفتها ست الحسن و دلال مانزلت من الفطور
سهيل هز راسه:تمام برقى لها تبون شي
الجد ساهر ناظره:نادها وتعال قالت انه بتكلمني بموضوع
سهيل تنهد انها بتقول له عن العملية:طيب ورقى للجناح ودخل
العنود كانت تكلم:لا حبيبي وشافت سهيل الي تقدم لها ورجعت تكلم تمام شوي واكلمك تمام باي وقفلت
سهيل رفع حاجبه:من تكلمين؟؟
العنود ناظرته بستغراب:وش صرت تحاسب من اكلم ووين طالعه؟؟
سهيل هز راسه:ايه من حقي اسال انا زوجك
العنود ضحكة بسخرية:استغفرالله والله انك نكته
سهيل رفع حاجبه:العنود تكلمي معي زين من كنتي تكلمين
العنود تكتفت:مايخصك من اكلم وش تبي؟؟
سهيل صار عينه بعينها:محب؟؟
العنود:مالك دخل من اكلم
سهيل ابتسم:مدامك قلتي كذا محب اكيد
العنود هزت راسها:لا موب محب
سهيل زادت ابتسامته انه محب للحين ماقال لها شي:تمام جدي يقول اناديك بتكلمينه بموضوع
العنود هزت راسها واخذت عبايتها:تمام
سهيل سحبها على خفيف:اذا كان موضوع العملية الي قلتي عنها بقول اني رافض الفكرة من الاساس واكيد جدي بيايدني
العنود ابتسمت بتحدي:تمام خلنا نشوف من بيايد
سهيل عجبه التحدي:تمام ونزلو للجد ساهر الي ناداهم بالمكتب حقه
الجد ساهر ابتسم يوم شاف العنود وسهيل داخلين:هلا بقائدة الظبا
العنود ابتسمت:هلا فيك ساهر اليل وجلست وجلس قدامها سهيل
الجد ساهر:ايه وش تبين يالعنود
العنود:احب لما تدخل بالموضوع على طول جدي انا لقيت دكتور يقول انه يقدر يسويلي عملية عشان الصرع واحتاج مبلغ وبرجعه لك اذا توظفت ان شاء الله
الجد ساهر هز راسه وهو يسمع كلامها:تمام
سهيل ناظر الجد ساهر بصدمة:وش تمام جدي تقولك بيفتحون راسها عشان بس توقف دواء
الجد ساهر:طيب خلني اكمل كلامي وناظر العنود تمام بس انتي ضامنه انه راح يطلعك من العمليات حيه؟؟
العنود هزت راسها بنفي:لا بس الاعمار بيد الله واذا ربي كاتب يومي وانا بالعمليات ما نقدر نعترض
الجد ساهر تنهد:تعرفين انه ابوك الله يرحمه جلس معاي هذي الجلسة وانه يبي يسويلك العملية بس تعرفين كم قال الدكتور نسبة النجاح ١٠٪؜ هذا يوم كان عمرك ١٨ سنه الحين كم قالك الدكتور نسبة النجاح؟
العنود بتردد:٥٪؜ واحتمال تنزل
سهيل ضحك:وتبين تسوينها انا اقول نجوم السماء اقرب لك وناظر جده معليش جدي بس هذا الموضوع قفلنا مافيه عمليه ولا فلوس شكرا ووقف وسحب العنود معاه وطلعو من المكتب
العنود تحاول تسحب يدها:اتركني
سهيل يسحبها وكانه مايسمع ودخل الجناح وتركها:عمليه مافيها قفلي الموضوع
العنود بعصبيه:مالك دخل تفهم مالك دخل
سهيل عصب معاها:الا لي دخل انا زوجك وش بقول لاخوانك اذا ماطلعتي من العمليات علميني ولا اقولك انتي قوليلهم خلينا نشوف وش بيسون وطلع جواله بمين تبين اتصل اول بيوسف ولا محب؟؟
العنود هزت راسها:لا لا لا تعلمهم
سهيل:الا موب انتي تبين العملية خلنا نكلمهم نشوف رايهم بعد من بيكونون واقفين بصفه؟
العنود بضيق وضعف:سهيل لا تعلمهم
سهيل دايم يسمع اسمه من اسيا بس مايحس بطريقه الي يحس فيها اذا قالت العنود اسمه وابتسم:يعني تعرفين اسمي ليش ما اسمعه كثير منك
العنود ارتاحت انه تغير الموضوع:ثقيل اسمك وما احب اقوله
سهيل ابتسم:انتي لو تقولينه دايم مراح تحسين انه ثقيل صدقيني
العنود هزت راسها:لا مراح اقوله كثير
سهيل ابتسم على جنب:مراح تقولينه يعني؟
العنود ناظرته:ايه
سهيل رفع جواله ودق وابتسم:يوسف وشلونك الحمدالله احنا طيبين الحمدالله اسمع العنود تقول وسكت يوم حطت العنود يدها على شفايفه تمنعه يقول شي وهزت راسها بنفي
سهيل شال يدها وكمل وهو شاد على يدها:تقول اكلمكم عشان اعزمكم عندنا نهاية الاسبوع الجو زان نشوي وكذا يعني تمام على خير ان شاء الله مع السلامة وقفل
العنود بتسحب يدها وهو شادها:اتركني
سهيل هز راسه:لين ما اسمع اسمي
العنود هزت راسها بنفي
سهيل سحبها له بسرعة وشعرها طاح على وجها وحرك خصلتها يبعدها عن عينها وقال
يا شعرها .. على يدي
شلال ضوءٍ أسود ..
ألمه .. ألمه
سنابلاً لم تحصد ..
لا تربطيه .. واجعلي
على المساء مقعدي ..
من عمرنا .. على مخدات
الشذا ، لم نرقد.
وبعدت عنه العنود بسرعة ورجعت شعرها ورا اذنها:بروح الغرفة
سهيل استوعب وترك يدها ولف وجهه عنها العنود راحت غرفتها وسهيل مسح وجهه:وش فيك سهيل اثقل مستحيل حبيتها بسرعه وتذكر العزيمة ولازم يعلم جده وطلع من الغرفة لصاله وسلم على الموجودين وجلس معاهم
اشجان ناظرته:العنود مراح تجي؟؟
سهيل:مدري
اسيا ابتسمت وهي على جوالها
لين ناظرت اشجان:نروح لها؟؟
اشجان وقفت:يلا
لين ناظرت الجد ساهر:جدي بنروح للعنود نجلس معاها شوي
الجد ساهر هز راسه:زين روحو
سيل ناظر سهيل:يوسف يقول وش يجيب معاه لوش؟؟
سهيل تذكر:يووه جدي عزمت يوسف ومحب نشوي وكذا والعنود تغير جو شوي معليش عزمتهم بدون ما اشاورك
الجد ساهر ابتسم:لا زين سويت احسن يغيرون جو ويفرحون العنود شوي شكلها تعبان
سهيل هز راسه:ايه حتى انا قلت
ام ماجد ابتسمت:زين يمه ماتسوي خلاص ننزل السوق ونشتري كل شي ناقص
لتين ابتسمت:انا بوديك بس قولي متى وانا جاهزه
ام ماجد مسحت على شعرها:امي انتي الله يحفظك يابعد قلبي
لتين ابتسمت
جناح العنود وسهيل
اشجان كانت تطق على الباب وترقص:يا العنود افتحي افتحي افتحي وتهز راسها
لين تضحك وتصور اشجان
العنود طلعت من غرفتها وسمعت صوت البنات وطلعت وسكرت باب غرفتها بالمفتاح وراحت تفتح لهم وهي تضحك:وش فيكم؟
اشجان حضنتها:اشتقت لك ياختي وش ذا كانت علاقتنا احلى بدون سهيل
لين هزت راسها بتاييد:ايه والله انك صادقه
العنود ابتسمت:وش رايك اطلقه؟؟
اشجان هزت راسها بتاييد:ايه ايه
لين هزت راسها بلا:لا ياغبية اذا طلقته بتروح نسيتي
اشجان ابتسمت:خلها تروح عشان اروح لها دايم
العنود ناظرتها:اكيد مو عشان تشوفيني عشان تشوفين احد ثاني
لين ضحكة:ايه يبدا اسمه ب محب
اشجان ضربتهم واستحت:عيب عليكم وجع
العنود ضحكة:ياربيه شكلك تحفه وانتي مستحيه
لين ضحكة:ايه
اشجان وقفت:انقلعو بروح غرفتي ابرك
العنود مسكتها:لا لا اجلسي خلاص مراح نقول شي بس اجلسي
اشجان جلست:طيب بس هل مره
لين:خلاص خلاص وناظرت الجناح والله جناحكم حلو وكبير وماتوقعت احسبه بس غرفه وصاله
العنود هزت راسها:حتى انا توقعت كذا
اشجان ابتسمت:ايه عشان اذا تزاعلتي مع سهيل تروحين تنامين بغرفه غير عشان يجي ينام معاك بنفس الغرفه ويقولك مهما تزاعلنا لاتتركيني وتنامين بعيد عني الله رومنسي كاني بفيلم
العنود:والله صدق انك بفيلم لو تزاعلنا طردته من الغرفة ليش انا الي اطلع
لين ضحكة:انتي وش صار لك كنتي اكثر شخص رومنسي بالحياة وراك صرتي جافه كذا بتطردين الرجال من غرفته
العنود تكتفت:يعني انا الي اطلع من غرفتي؟ خووشش
اشجان ضحكة:ياربيه خوش طالعه من قلب
العنود ابتسمت
اشجان صفقت بيدها:صححح ابي الفواحة هذيك اذا تذكرينها
العنود تحاول تتذكر:فواحه ولا المعطر حق الفواحه
اشجان هزت راسها:المعطر قصدي
العنود وقفت بتروح الغرفة
اشجان ضحكة:العنود وين رايحه هذي غرفتك تذكرين يوم تطيحين هنا دخلتك
العنود ضحكة بوهقه:ايه خربطة جالسه احاول اتذكر وتوجهت لغرفة سهيل بس رجل تقدم ورجل تاخر ماتبي تدخل غرفته ودخلت بنهاية
لين تشوف جوالها:امي تقول بيسون مشوي وحركات وعازمين يوسف ومحب عشان العنود تقول اكتبو قايمه بالي تبونها
اشجان وقفت:يوه ابي اشياء كثيره وصوتت العنود بروح غرفتي بعدين اجي اخذ منك المعطر وطلعو هي ولين وقابلهم سهيل
سهيل ابتسم:وش فيكم؟؟
اشجان هزت راسها:مافيه شي بس بنروح نكتب قائمة بالي نبيه عشان الباربكيو بارتي
سهيل:الله بارتي مره وحده ترا احنا ويوسف ومحب وين البارتي بالموضوع
اشجان رمقته:انت دايم تخرب الاحلام
سهيل ضحك:طيب وين العنود
لين:بغرفتكم وحده الله يستر عليها قالت تبي معطر بعدين سحبت عليها وطلعت من الغرفة
اشجان ضربتها:ماسحبت قلت لها بس شكلها غاصة بتدوير
سهيل ابتسم:قلتي غرفتنا؟
اشجان هزت راسها:ايه علمها اننا طلعنا يمكن ماسمعت
سهيل مشى بسرعة:طيب طيب ودخل الجناح وقفله بالمفتاح
كانت العنود للحين بالغرفة تحاول تفتح الباب المشترك بس ماينفتح عشانها حاطه المفتاح على القفل وزفرت بعصبية:وجع الحين علقت
سهيل ابتسم ودخل على خفيف ووقف وراها:وش تسوين بغرفتي؟
العنود شهقت بخوف ولفت عليه:اسكت البنات برا بيسمعون
سهيل قرب منها وهمس:شفتهم بس وش تسوين هنا وتاركتهم؟
العنود تنهدت:اشجان قالت تبي معطر وماقدرت ادخل غرفتي لانك قلت لها تدخلني غرفتك هذيك المره الي طحت فيها
سهيل هز راسه:اووك والحين تحاولين تفتحين الباب عشان تدخلين غرفتك
العنود هزت راسها:ايه اسمع ادخل غرفتي على انها مكتبك وافتح الباب
سهيل هز راسه بنفي:ما احس ودي
العنود ناظرته بصدمة:اخلص طولت عليهم الحين بيفهمون غلط
سهيل انسدح:خلهم يفهمون الي يفهمونه ماعلي منهم
العنود ناظرته بحده وكانت بتمشي
سهيل ابتسم بخبث وقال بصوت عالي:لا العنود شوي شوي البنات بيسمعونا العنود
العنود لفت عليه بصدمة وراحت تركض تسكر فمه وبهمس:خير وش فيك وش العنود البنات بيسمعونا وش جاك
سهيل يناظر عيونها وشعرها وقربها منه ومارمش
العنود ناظرته بتهديد:بشيل يدي ياويلك تسويها ثاني مره
سهيل غمض وفتح وشالت يدها وهو دخل يده وقلبها على السرير صارت تحته وهو فوقها وصرخت من سرعته وماحست الا انها على السرير
سهيل حط يده على فمها نفس طريقتها:اوووش البنات بيسمعون
العنود تضرب يده
سهيل شال يده:اح ليش تضربين؟
العنود بهمس:ليش تسحبني
سهيل ابتسم:كذا بس
العنود دفته وقامت وطلعت من الغرفة وناظرت الصاله الي كانت فاضيه ولفت على ضحكة سهيل الي ملت المكان
سهيل:لو تشوفين وجهك الحين اوف
العنود بستغراب:وش البنات بيروحون يعلمون علينا وانت تضحك
سهيل يضحك:البنات طالعين من زمان من قبل ما ادخل اصلا بس قلت خلني اسوي مقلب فيك بس والله ضبط ورجع يضحك
العنود تناظره بصدمة هو صادق ولا:طلعو صدق؟
سهيل هز راسه:ايه والله وحتى لو ماطلعو اكيد بيشوفوني دخلت بيطلعون بدون ما اقول شي
العنود تقدمت وضربته:ياسخفك والله قلت انهم فهمو غلط وطلعو مستحين اوف اشوا
سهيل ابتسم:لا مستحيل اسوي ذي الحركه عندهم
العنود ابتسمت براحه:اوف وضحكة استغفرالله اتخيل شكل لين واشجان والله مايطالعون فينا لو صدق سمعو شي
سهيل ضحك معاها:يوووه اشكالهم بتصير ذكرى
العنود ابتسمت وناظرته
سهيل تنهد من كثر الضحك وناظرها:ليش ماصرنا كذا من البداية
العنود رفعت اكتافها:انت وعقدك الي خرب كل شي
سهيل ابتسم:خلنا نبدا من جديد مانقول اصدقاء بس خلينا نقول اصدقاء تحت التجربه
العنود ابتسمت:مدري ما احس بروح انام ومشت
سهيل مسكها:العنود بس نجرب عطيني فرصه
العنود تنهدت:طيب افكر
سهيل ابتسم:افكر يعني موافقه
العنود:قلت افكر فيه فرق
سهيل:انا اسمعها انك موافقه
العنود ضحكة:تمام بس اصدقاء تحت التجربة
سهيل اتسعت ابتسامته:مراح تندمين ياصديقتي تحت التجربة
العنود دخلت لغرفتها والابتسامة بوجها وشافت وجها بالمرايه وتلاشت ابتسامتها:لازم يصدق اني معاه عشان اسوي العملية واخلص منه ومن ذي العايلة وجلست على السرير تفكر بخطتها الجديدة
مر الاسبوع وكان علاقة العنود وسهيل تتحسن بنظرهم واسيا زادت غيرتها لانه سهيل صار كل انتباهه للعنود واختلافه الشديد حتى ماصار يرد عليها اذا ارسلت له الا بعد ساعات وصارت تشد عشان تلاقي شي تعطيه محب وياخذ العنود من البيت
نهاية الاسبوع كان العايله كلها بالحديقه الخارجية
محب ويوسف دخلو قصر ساهر البنات كانو لابسين شي واسع بس مو متغطين عن العيال
يوسف حضن العنود:اخخ وحشتيني
العنود شدت عليه:وانت اكثر ليش معد تكلمني نفس اول زعلان؟؟
يوسف هز راسه:لا والله يابعدي بس شغل والحين محكمة ومدري وش ميراث ونشوف من ابوي مديون عشان نعطيه مانبي شي يبقى على ابوي الله يرحمه
العنود ابتسمت:الله يرحمهم ان شاء الله مايبقى عليهم شي
يوسف بعد العنود عنه:ان شاء الله بروح اسلم على عمي ساهر واشوف سيل
العنود هزت راسها:تمام ومشى يوسف وباقي محب الي مشى بدون مايسلم على العنود وحزت بخاطرها ودخلت وراه وهي كاتمه عبرتها
محب سلم على ماجد:السلام عليكم وشلونك
ماجد ابتسم:الحمدالله وشلونك انت؟
محب :نحمده
ام ماجد جت لهم:هلا امي وشلونك؟
محب حب راسها:الحمدالله وشلونك انتي؟
ام ماجد هزت راسها:الحمدالله يايمه الحمدالله ماجيتو تشوفون اخيتكم والله مسكينه
محب ابتسم بدون رد ومشت ام ماجد لطاوله
العنود وقفت ورا محب:محب
محب تنهد وناظرها
العنود بحزن:زعلان مني؟
محب يمثل البرود:لا ليش سويتي شي انتي ازعل منك عليه؟؟؟
العنود تجمعت الدموع بعيونها:خلاص ومشت تدخل البيت وراحت الجناح
محب تنهد ولحقها:العنود
العنود ناظرته قبل ما تسكر الباب وفتحته ودخل
محب فتح يده:تعالي
العنود هزت راسها بنفي:لا انت زعلان مني
محب ابتسم وهز راسه:لا مانب زعلان تعالي اشتقت لك
العنود ارتمت بحضنه:اكيد منتب زعلان؟؟
محب حب راسها بطريقته:اكيد ياعمري
العنود شدت عليه:اسفه اني رحت ذاك اليوم بس ما اقدر اجلس معاكم
محب بعدها شوي:ليش ماتقدرين وش الي يمنع؟
العنود تنهدت:اشياء كثيره محب اشياء كثيره
محب انفعل:وش هي الاشياء علميني وانا اساعدك فيها
العنود هزت راسها:محب هذاك البيت صار غريب الاسبوع الي جلسته فيه كانو الناس يجون يعزون وانا ما ادري وش اقول وش اسوي وكل شوي اتلفت اشوف اذا ماما بتجي تعلمني واستناها بس ما تجي وينعاد كل يوم نفس الشي واذا دخلتو انت ويوسف احس بيدخل ابوي وراكم نفس العاده بس مايدخل ما اشوفه وطول الاسبوع ادق باب غرفتهم بالغلط احسبهم بيفتحون لي بعدين اتذكر انهم راحو ما اقدر اجلس كذا
محب مسك خدها:عادي بتتعودين بتتعودين نفسنا انا ويوسف
العنود تمسح دمعتها:واذا ما تعودت بموت يامحب
محب حضنها:بسم لله عليك لاتقولين كذا
العنود شدت عليه:اسفه بس ما اقدر
محب:طيب نشتري بيت جديد وتجين انتي و زوجة يوسف بالبيت الجديد
العنود كانت بتتكلم بس قاطعها سهيل
سهيل ابتسم:تقول ماتقدر يامحب خلاص
محب ابتسم وحط العنود تحت يده وحضنها من جنب:وعليكم السلام يوم شفتك تذكرت الموضوع صح العنود شفت سهيل بالمطعم مع
سهيل توتر بس بين عادي:مع اسيا كانت تستنى صديقتها وانا جلست معاها نسيت اقولك
العنود ابتسمت:لا عادي وناظرت محب اسيا كانها اختنا مسكينه ترا قلبها طيب لا تفكر غلط فيهم
محب ابتسم لها:قلتي لي مسكينه وقلبها طيب زين خلينا ننزل ليوسف ومشى معاها
سهيل تافف:هذا وش فيه علي بس لازم ابعد العنود عن اسيا احسن لي ونزل معاهم
يوسف كان يسولف مع الجد ساهر
الجد ساهر ابتسم:والله ياعيال كبرتو اتذكركم كنتو تلعبون بالمصاقيل ويزعل سيل ويروح لمنى الله يرحمها عشان يفتن عليك
يوسف ضحك بخفيف:الله يرحمها ايه الوقت يمشي ومعد  احنا صغار
الجد ساهر:ايه انتم رجاجيل الحين انت بتعرس ولاحقك محب وسيل ان شاء الله
يوسف هز راسه:ان شاء الله
محب ابتسم وهو حاضن العنود:مانب معرس انا بجلس للعنود
الجد ساهر  رفع يده عشان يحضنه:محب العنود وشلونك يابوي؟
سيل ناظره:ما شاء لله انا ولدك ماحضنتني كذا ولا بس محب
الجد ساهر:لا محب غير عندي هاذا ولدي كنت انت طول اليوم عند عمك عبدالله وخالتك منى ومحب كان عندي طول اليوم
محب ضحك:وش فيك غيران مني
سيل هز راسه ب مكابر:لا مانب غيران بس يعني ماينفع كذا يحضنك قدامي
العنود ضحكة:كل ذا ومنتب غيران اجل لو غيران؟
سيل رمقها ورمى عليه محب المناديل:لا ترمقها لا افقع عينك
سيل:اقول بس
العنود ضحكة
الجد ساهر ضحك:بس انت وياه دايم تتهاوشون اهجدو لو مره
سيل اشر عليه:هو الي بدا وصرخ بالم عشان محب عفط اصبعه
محب شاد عليه:انا كم مره قلت لك لاترفع اصبعك علي
العنود ضحكة ومسكت يدينهم:بس محب بتعوره فكه
محب ابتسم لها وفك اصبع سيل:بس عشان العنود
سيل يمسج اصبعه:خسارة ما كسرته عشان اخليك تعوضني
يوسف:شف يعني مو خايف على اصبعه انه مايرجع يبي التعويض
سيل بمزح:ايه التعويض اهم
اشجان ضحكة:ياربيه موب صاحي يموت على الفلوس
سيل ناظرها:انتي قولي فيه شي اهم من الفلوس؟؟
اشجان هزت راسها:لا وانت الصادق مافيه
محب ابتسم ل اشجان:لا فيه اشياء اهم من الفلوس مليون مره العايلة والصحة والسعادة واشياء كثيره يا اشجان موب بس الفلوس
اسيا ناظرته:بتفهمني الحين انه الفلوس مو شي مهم صدقت على قولتك العائلة تحتاج فلوس لانه حب العايله وتجمعها ماراح ياكلنا ولا يشربنا ولا يجيب لنا احتياجات العايله الاساسيه والصحه تحتاج فلوس عشان تكون قويه اذا مرضت موب تروح المستشفى والمستشفيات تحتاج فلوس والسعادة تحتاج فلوس كل شي بدنيا يحتاج له فلوس لا تضحك على نفسك وتقول مو مهم
محب سند ظهر على الكرسي:انا ماقلت انه مو مهم انا قلت مو اهم شي العايله تماسكها مع بعض بيجمعون الفلوس لو ياكلون خبزه وحده بيتقاسمونها اهم شي عندهم انهم مع بعض والمستشفيات الحكومة ماقصرت مستشفيات حكومية بكل مكان وادويه مجانا والسعادة انتي لو نزل مطر الحين مراح تستانسين ولا قريتي كلام خلاك سعيده يعني هذا بفلوس انا مو قصدي انه الفلوس مو لازمه لا الفلوس لازمه بس مو اهم شي انك تتركين كل شي عشان الفلوس هنا لازم تعرفين انك على غلط

تفاعلو حبايبي
(وش رايكم بكلام محب وش تشوفون الفلوس مهمه ولا لا؟؟)