مايروس النجوم الا سهيل ولا يقود الظبا غير العنود

البارت الخامس والعشرين

<جناح سيل و ودق>
سيل دخل وواضح عليه التعب
ودق كانت بصالة لسى لابسة فستانها شفته ووقفت:وش فيك؟
سيل انتبه عليها وراح لها:بس تعب مانمت زين ولا اكلت زين
ودق راحت للمطبخ حقهم:اجلس بسوي اندومي
سيل ضحك:اندومي عاد الواحد تسوي له زوجته مفطح كبسة شي له القيمة مو اندومي
ودق تكتفت ورفعت حاجبها:تبي ولا اسويلي لحالي؟؟؟
سيل جلس:ابي ابي
ودق دخلت المطبخ ورجعت معاها الصينيه وفيها الاندومي
سيل ناظرها:هذا مو اندومي
ودق هزت راسها:ايه خفت اقول نودلز كوري و ماتاكله وانت قلت انك ما اكلت زين
سيل باس يدها:يعطيك العافية عادي انا اكل كل شي
ودق ابتسمت وسحبت يدها وسيل حس عليها:الله يعافيك ايه وش صار سمعت البنات يقولون شي بس ماحبيت اسالهم
سيل وهو ياكل:طلقها
ودق لفت عليه كلها:يوسف طلق لتين؟؟؟؟؟
سيل عقد حواجبه وهز راسه بنفي:لا سهيل طلق العنود
ودق حطت يدها على فمها:لييش؟
سيل رفع اكتافه:مدري بس تذكرت يوم سافرنا الخبر قالت العنود لسهيل لا تنسى زواجنا على ورق او اتفاق ما اتذكر زين بس انا متاكد انها قالت شي من الاثنين وقلت لهم حسابنا بالرياض بس نسيت السالفة والحين تذكرتها
ودق صارت تفكر معاه:يمكن شي صار من زمان او هم يقصدون شي ثاني وانت فهمت شي غلط
سيل كمل اكله:يمكن يلا كلي قبل مايبرد اكلك
ودق صارت تاكل
سيل ناظرها:اهلك ماشفتهم صاير شي معاهم؟؟
ودق تذكرت اهلها وابتسمت بحزن:لا بخير بس مسافرين وانا باركت لنوره عشان بنتها
سيل ابتسم:ايه يوصلون بسلامه استغربت بس انهم مو موجودين
ودق :ايه دقيت عليهم اعلمهم بس قالت امي انهم سافرو الصباح وقالو بيرجعون بس انا قلت لا خلاص نشوفكم بالعرس الكبير ان شاءالله
سيل:ايه احسن مدامهم الصباح سافرو خلهم يستانسون شوي وناظرها ليش للحين لابسه ما بدلتي؟
ودق ناظرت فستانها:توني رقيت للجناح كنت بالمجلس عندي قضية وبمشي الصبح
سيل عقد حواجبه:بتمشين وين؟
ودق وهي تاكل:الكويت
سيل ترك الملعقه:الكويت وش تسوين هناك؟
ودق:قلت لك عندي قضية وموكلي بالكويت
سيل:فيه عن بعد حليها هنا مو لازم تروحين
ودق استغربت:لازم اروح خلصت الجلسات حقت عن بعد والحين عندي جلستين لازم حضوري بروح الفجر وبرجع الفجر اليوم الثالث مراح اطول وبعدها باسوعين عندي الجلسه الاخيره
سيل حط يده على راسه من كثرت الذكريآت:طياره؟؟
ودق هزت راسها بنفي:سيارة
سيل وقف:لا وكلي احد ثاني يمسك مكانك
ودق وقفت معاه:ما اقدر يا انا يا يوسف نروح وهو توه تزوج فبروح انا
سيل ناظرها وهو معقد حواجبه:يوسف وش عرفك فيه؟؟؟
ودق توهقت:ايه توني عرفت عشان كذا مسكت القضية عنه طلع يوسف عبدالله ال ملهم اخو العنود هو شريكي بالقضية وهو اخذ اجازه فبروح مكانه
سيل :لا منتي رايحة الحين اكلمه يروح بدالك
ودق:لا انا قلت كلمتي وبروح هو توه تزوج واخته توها تطلقت مانب زايدته مصايب بروح وارجع مو اول مره اروح
سيل هز راسه بنفي:لا سياره مافيه الحين احجز لك طيارة وارجعي متى ماتبين بس سيارة لا
ودق تنهدت:حاولت مافيه رحله الا بعد العصر وانا قضيتي الظهر ما اقدر دورت بكل شركات الطيران
سيل طلع جواله:ندور لك حتى لو الدرجة الاقتصادية اهم شي بطيارة
ودق جلست:مابديت الا فيها وما انتهيت الا بدرجة الاولى مافيه
سيل جلس جنبها ويدور بجواله عن رحلة ويتافف
ودق ناظرته:طيب تعال معاي
سيل بتردد:ما اقدر
ودق تفشله شوي:خلاص اجل بروح ارتاح شوي وبمشي يمكن تكون نايم بس اعطيك العلم ووقفت راحت الغرفة تغير وحطت شنطه صغيرة فيها ملابس مريحة ونسدحه تنام بعد ماحطت المنبه
سيل بدت تجيه الافكار السيئة من دخلت ودق حياته وهو تجيه كوابيس وافكار تذكره فيهم ومايقدر يطلعهم من راسه والحين ودق تبي تروح الكويت بنفس الطريق الي راحو فيه منه صارت الافكار وذكريات تهاجمه من كل جهة لين صدع وسدح راسه وغفى على الكنب
~ مكان العنود ~
العنود ناظرت المكان الي ودها يكون اخر مكان تجيه وسندت راسها على الدركسون تاخذ نفس وفتحت الباب ونزلت على طول لانه اذا جلست كثير مراح تنزل وصارت تمشي للمكان ودخلت وصوت كعبها يرن بالمكان
صوت ضحك:كنت واثق مليون بالميه انك راح تجين هنا و ماخيبتي ثقتي شكرا لك
العنود بدون ماتلف عليه:وش سويت؟؟
:كل شي بيرفكت وراح يجيك خبرهم
العنود ابتسمت:قل ان شاءالله لانه لو جاء شي وخرب وتغيرت ملامحها للجديه راح ادمرك معاهم تذكر كلامي
بخوف:لا لا تخافين كل شي تمام ان شاءالله
العنود طلعت وراح لبيتها وتنهدت براحه انه سياره يوسف مو موجوده يعني لسى ماوصلو نزلت شنطها واغراضها وخلتهم عند الباب عشان تبين انها من زمان بالبيت ورقت غرفتها على السريع واخذت شور ولبست ملابس وسيعه عشان خالد موجود ونشفت شعرها وجلست بصالة:اوف جوالي طفى وشبكته بشاحن وانسدحت تقلب بالقنوات وغفت بتعب على الكنب
~سيارة يوسف ~
كان كل ما تاخر الوقت زاد قلقهم وخوفهم اكثر دوروها بكل مكان ومطرح
محب جالس على اعصابه وكل الافكار توديه للقصر يروح يشب فيه عشان تطلع العنود ولا يروح يخطف احد عشان يطلعون العنود ولا يكلم الشرطة
يوسف كان عكس محب هادي يفكر وين يلاقي العنود فيه او هي وين تفكر تروح اذا زعلت او حزنت على شي
خالد قطع الصمت:احنا ندورها بشارع ولا دورناها بالبيت يمكن راحت هناك
محب هز راسه بنفي:ما اتوقع لانه يوم طلعت قبل كم يوم ماجت عندنا
يوسف:طيب نمر نتاكد اذا فيه سيارتها الف الحمدلله واذا مو فيه نرجع ندورها
خالد هز رآسه بتاييد:صح
يوسف توجه لبيتهم ووصلوا ولمح سيارتها وتنفس براحه:موجوده موجوده الحمدلله
محب حط يده على راسه هم و انزاح عنهم كلهم يوسف وقف السيارة اي كلام ونزلو يركضون لداخل
محب زفر براحة يوم شافها على الكنب نايمه:الحمدلله
يوسف راح لها وحضنها وخوفها
العنود صحت مرتاعه:وش وش صار من انت؟؟
يوسف شد عليها:يوسف يعني من!!
العنود ارتاحت:اووف خوفتني وش فيك؟
يوسف بعدها بقوة:مفتاح السيارة حطيه قدامي بسرعة
العنود حطت القبعة على راسها يوم دخل خالد:ليشش!!
محب تقدم:لا تجادلين حطي المفتاح بسرعة
العنود تحاول تبرر:قلت لكم بلحقكم للبيت انتم ماسمعتو مني بعدين ما احب احد يسوق سيارتي يخرب الكرسي وانا مرتاحه بسواقه فيها
يوسف ناظرها بحده:المفتاح يالعنود
العنود خافت:فوق بالغرفة
خالد ابتسم على خوفها الي جذبه زيادة لها واستغفر ومثل العصبية:هذي مو حاله يالعنود اقل شي دقي عشان نعرف انتي وين مو ندور بكل مكان حتى الاماكن الي مابي اذكرها دورناك فيها استغفرالله بس
العنود زعلت شوي انها خلت اخوانها يقلقون وناظرتهم:اسفة والله بس جيت على طول البيت وجوالي بشاحن من طاح هذاك اليوم وهو صاير يطفي بسرعة اسفه
محب تقدم لها وحضنها على جنب:العنود حبيبتي احنا كنا خايفين عليك بس لا تتضايقين وتزعلين
العنود بابتسامة عريضة :بتخلي سيارتي معاي؟؟؟
محب ابتسم مثلها:اكيد لا الحين بروح اخذه من غرفتك
العنود كشرت مما خلى خالد ويوسف يضحكون
العنود مدت يدها ليوسف:ابي جوالك بطلب اكل جوعانه
يوسف ابتسم وصار يدور جواله:شكله بسياره اصبري
خالد مد له جواله:خذي
العنود اخذته:كم الرقم السري؟؟
خالد ابتسم:389775
العنود كتبت وفتح:اوك
محب ناظر خالد:العنود
العنود ناظرته:هلا
خالد ابتسم وحك اذنه:بروح اغير انا ومشى يروح غرفة محب لانه ينام معاه
محب ابتسم للعنود:وش بتطلبين؟؟
العنود رفعت أكتافها:مدري احس مشتهيه سوشي
يوسف ناظر محب واشر له يجي معاه ووقف:بروح اجيب جوالي وارجع
العنود هزت راسها وصارت تدور مطعم
محب تثاوب:بروح اغير وارجع اطلبي لنا كلنا العنود ابتسمت ومحب لحق يوسف بدون ماتحس العنود
العنود شافتهم وتنهدت وسندت راسها على الكرسي وحطت جوال خالد جنبها وغطت وجهها بيدها
يوسف جالس بسيارة يستنى محب ودخل محب
محب:وش فيك؟؟
يوسف ابتسم:ابد سلامتك مافيه الا انه العنود رجعت عندنا
محب استغرب:طيب هذا الي نبيه من زمان
يوسف:محب استوعب العنود رجعت عندنا لا بكت ولا حبست نفسها بالغرفة ولا سوت شي هذي مو العنود محب العنود الي اعرفها لو تهاوشت مع اشجان او لين او حتى تهاوشت معانا ما اكلت ولا شربت شي كان جلست بالغرفة وقفلت عليها كان محد يطلعها من الغرفة الا ابوي
محب بدًا يستوعب:يمكن تغيرت تراها بعيده عننا ثلاث سنين ماندري وش عاشت ووش شافت خلها انت مدامها الحين كل شي تمام مانبي نفتح موضوع واحنا نبي ننساه
يوسف تنهد:اخاف تكون كاتمه بداخلها ويأثر عليها كثير
محب تافف:خلأص يهدا الوضع ونسالها بس خل هل ليله تعدي مدامها تبي تاكل خلها شوي ونسالها تمام؟
يوسف هز راسه:تمام
عند العنود
حطت يدها على وجهها وحست احد يلمس يدها ورفعت يدها وكان خالد واقف فوق راسها
خالد ابتسم:وش تفكرين فيه؟؟
العنود تنهدت
خالد راح يجلس جنبها:اح اح تنهيده مره وحده لازم اعرف الحين وش تفكرين فيه؟
العنود مدت جواله:ماعرفت وش اطلب كنت مشتهية سوشي بس المطاعم صارت كثيره ولا ادري اي مطعم اطلب منه
خالد ضحك:الحين ه تنهيده عشان مطعم اطلبي من كل المطاعم وريحي نفسك
العنود ابتسمت وهمست:ياليت همي مطعم
خالد سمعها بس مايبي يضغط عليها:وش قلتي؟
العنود هزت راسها بنفي:ولا شي انت اختار مطعم مابي اجيب كثير انت ماتاكل سوشي ويوسف فيه حساسيه يوووه ذكرني اقول له يقول للتين انه فيه حساسية من السمك
يوسف دخل:بقول لها مابيها تذبحني
العنود ضحكت:ذكرها كل مره ترا عادي تتجاهل الموضوع
يوسف ابتسم: عن موضوعي مستحيل تتجاهله
العنود صفرت:اووه اوه ولد عبدالله جايب راسها والله
يوسف بغرور:اجل من شايفه وجلس
العنود ناظرتهم:محب الحين ينزل قال بيغير ملابسه طيب اطلبو عشان يوصل وناكل مره ابي انام
يوسف ابتسم:العنود وشلونك؟
العنود فاهمه سؤاله وابتسمت:الحمدلله
يوسف هز راسه ببتسامة خفيفه:الحمدلله الحمدالله
خالد كان يختار مطعم وطلب وحط جواله على الكنب وناظرهم
محب نزل وجلس جنب العنود:ماطلبتي للحين انا قلت بنزل الاقي جميع الانواع والاصناف مدام خالد الي بيدفع
العنود ضحكة:كان ودي بس البخيل اخذ جواله قبل ما اطلب شي
خالد مصدوم:ياكذوب انا عطيتك الجوال ونزلت لقيتك حاطته على الكنب وسرحانه
العنود تاشر له يسكت:وين سرحانه كنت برجع انام انتم تاخرتو المهم ماعلينا وناظرت يوسف متى العرس؟؟
يوسف ضحك انها تغير الموضوع:تونا قلنا بسم الله وش عرسه خلها شوي تعرفني تفهمني تعرف وش احب ووش ما احب وانا اعرف وش تحب وماتحب
العنود بمزح:تحب الفلوس الماركات النوم الكسل كل شي انت ماتحبه لتين تعشقه ابشرك
يوسف ابتسم وقال بداخله هذا المطلوب
خالد ابتسم:عادي تتعرف عليها وهي تتعرف عليك
محب ناظره:باشوفك تاخذ وحده تتعرف عليها
خالد سند ظهره وناظر العنود:باخذ وحده كل يوم بتعرف عليها وما امل منها ان شاء الله
العنود لفت على خالد ببتسامة وهو صد عنها وضحك محب

تفاعلو 😭😭