مايروس النجوم الا سهيل ولا يقود الظبا غير العنود

البارت الخامس عشر💗

الصباح بالفندق
سيل نام بصالة وفز على صوت جواله لانه توه غفى:هلا؟
الجد ساهر:للحين نايم قم بتروح عليكم الطيارة
سيل مسح وجهه عشان يستوعب:يبه معليش زوجتني غصب وسكت والحين بتسفرني غصب لا والف لا معليش
الجد ساهر:حجزت لكم اشوفكم بالمطار الساعة ٩
سيل:مراح نجي لاتتعب نفسك على الفاضي
الجد ساهر سكر الجوال بوجهه
سيل طلب فطور لانه ما اكل من رجعو من الخبر ووصل الاكل ودخله الجناح وجلس ياكل لحاله ورفع راسه لفتحت باب الغرفة
ودق طلعت وهي لابسه عبايتها وطرحتها وجوالها بيدها
سيل رجع ياكل:مراح نسافر شهر عسل روحي بدلي
ودق تلبس نظارتها الشمسية:من قالك لابسه عشان شهر عسلك عندي قضية مو فاضية للعب المراهقين ومشت تطلع
سيل ناظرها لين سكرت الباب ووقف ينفض يده بعد الاكل وقام يغسل ويتروش ويطلع لشغل نفسها
ودق من طلعت من الفندق وهي تدق على يوسف بس مايرد عليها ودقت على العنود وردت:العنود لازم اقابلك
العنود:وعليكم السلام اهلين ياعروسه انا بخير انتي كيفك؟؟
ودق تنهدت:معليش الحمدالله بس لازم اشوفك وينك فيه؟
العنود اخذت شنطتها:بطلع الحين من البيت مهم موضوعك؟
ودق مستغربة:العنود اكيد مهم موضوعي
العنود اخذت مفتاح سيارتها:تمام اشوفك بالكافي الي نروح له دايم
ودق:تمام وقفلت وقالت لسايق يوديها للكافي
العنود دخلت وطلبت ماتشا وتستنى ودق وشافتها دخلت الكافي واشرت لها وجلست معاها:اهلين فيه عروسة تطلع من صباحيتها للكافي
ودق:العنود تعرفين انه غصب عني العرس واني للحين احب يوسف
العنود تكتفت:بس انتي الحين زوجة وتحملين اسم سيل
ودق بنفعال:غصب عني افهميني
العنود هزت راسها:غصب ولا لا خلاص انتي الحين حرم سيل وسيل ويوسف اخوان برضاعه انسي يوسف وعيشي مع سيل
ودق مسكت يدها:العنود الله يخليك انا احب يوسف
العنود سحبت يدها:وانا احب يوسف وسيل وان شفت شي يخرب علاقة اخواني ببعض راح امحيه وهذا الكلام يشملك انتي الحين زوجة سيل وتصرفي على ذا المبدا وانسي يوسف ووقفت اخذت شنطتها والماتشا وطلعت
ودق بحالة صدمه انه كيف تقول ذا الكلام وليش ما ساعدتني اكلم يوسف بس كنت بقول له اني مجبوره واني لسى احبه ومستحيل احب شخص غيره ومسحت دمعتها بقوه ووقفت تطلع من الكافي وصادفت سيل يدخل الكافي
سيل مشى من جنبها ولا كانه يعرفها وراح يطلب وهي طلعت تستنى اوبر وماسكه دمعتها لاتنزل
العنود تنهدت و وقفت عندها:تبين اوصلك؟؟
ودق هزت راسها بنفي وماردت
العنود فتحت الباب الي بجهة ودق:اركبي
ودق ركبت ولغة الاوبر
العنود تنهدت:شفت سيل يدخل
ودق ماردت
العنود:اسفه اذا قلت كلام يجرحك بس ذول اخواني
ودق ناظرتها:ليش ماتبين تساعديني؟
العنود وقفت عند حديقه:وش اساعدك فيه لو خليت يوسف يكلمك وش بتقولين والله اهلي غصبوني اتزوج اخوك؟؟ ولا ابوي يشوفك فقير ومو من مستوانا عشان كذا زوجني من اخوك برضاعه عشانه اغنى منك؟؟ علميني  كل ذا الكلام مايفيد انا ابي اساعدك بس مافيه اي طريق حتى تحسبين اذا تطلقتي من سيل بياخذك يوسف لا لانهم اخوان ومستحيل يوسف ياخذ شي كان لسيل او حتى العكس
ودق بدموع:بس انا كنت ليوسف
العنود هزت راسها:يوسف ماعلم احد انك له ولا حتى لسيل وهو اقرب شخص له لو انه يوم خطبك علمتو الناس و ماخبيتو كان سيل مستحيل فكر ياخذك حتى لو على رقبته حد السيف انا اصغر منك بالعمر بس اكبر منك بالمعرفة بسيل ويوسف وانتي الخيط الرفيع الي بيقطع علاقتهم ببعض تبين تعلمين سيل انك كنتي خطيبة يوسف انتي حره بس تذكري انك راح تقطعين علاقة اخوان واصدقاء وحاملين اسرار بعض من سنين
ودق لفت راسها لدريشة وسرحت تفكر وش بتسوي
العنود شغلت السيارة:فيه مكان محدد تبين اوصلك؟
ودق هزت راسها:الفندق
العنود حركة سيارتها وتوجهت للفندق وبعد مده وقفت قدام البوابة:بقولك نصيحة أخويه لاتخربين بيتك بيدك مدام امك وابوك اختارو لك سيل اكيد اختيارهم صح ويمكن حياتك مع سيل تكون افضل من حياتك مع يوسف
ودق ابتسمت ونزلت:انتبهي لطريق مع السلامة
العنود ردت الابتسامة:ان شاء الله مع السلامة ومشت
العنود توجهت لمكان ونزلت من سيارتها ورفعت انظارها للمدخل ومشت تدخل كان صوت كعبها يرن بالمكان من خلوه
:وش سويت انا اليوم عشان تشرفني العنود بمكاني
العنود ابتسمت بخفيف:اكيد انك سويت شي عظيم يا ماجد
ماجد ضحك:تعجبني ثقتك ليش دقيتي علي؟
العنود تناظر المكان:ابي ذا المكان
ماجد عقد حواجبه:تبينه؟ ليش؟
العنود تكتفت:مو لازم تعرف كل شي بتعطيني اياه؟؟
ماجد هز راسه:كله لا بس النص لك تمام
العنود ابتسمت:اصلا انا ما ابي الا النص
ماجد ابتسم ومد يده:نورتي يا شريكة
العنود ناظرت يده ورفعت حاجبها:يبقى سر بيننا ومشت وصار صوت كعبها وخطوتها تبعد عن ماجد كل شوي لين ما اختفى الصوت
العنود حركة سيارتها متوجهة للبيت ودق جوالها:الو مين؟
سهيل ابتسم:انتي متى بتسجلين رقمي؟؟؟
العنود عقدت حواجبها:مين؟؟!
سهيل بعد جواله بعدين رجعه:سهيل مين يعني؟؟
العنود ناظرت الرقم:هذا مو رقمك
سهيل ابتسم اكثر:يعني مسجله رقمي
العنود تاففت:وش تبي قاعده اسوق؟؟
سهيل عقد حواجبه:تسوقين وين رايحه؟
العنود:البيت
سهيل:البيت!! وين كنتي فيه؟؟
العنود تاففت:اوف وش تبي بسرعة؟؟؟
سهيل ناظر الساعة:تبين نتغدا مع بعض؟
العنود:لا تبي شي ثاني؟
سهيل:لا بس وبعد الجوال الا العنود قفلت ورجع دق عليها
العنود ردت:الو مين؟
سهيل:سهيل شكله قطع عندك ودقيت ثاني مره
العنود قلبت عيونها:ماقطع انا قفلت انت قلت ماعندك شي وقفلت عندك شي الحين؟؟
سهيل:الغداء؟؟؟
العنود:قلت لا
سهيل تنهد:العنود خلينا نتغدا مع بعض
العنود وقفت:برسلك لوكيشن تعال وقفلت ورسلت له
سهيل ابتسم وقام من مكتبه وطلع من الشركة وكان كل من بيكلمه يقوله بعدين وركب سيارته ومشى على الوكيشن
العنود جالسه بطاولة المطعم وقاعدة على جوالها تستنى سهيل
سهيل وقف قدام المطعم وكشر ودق عليها:هلا العنود لقيت مطعم افضل من ذا اطلعي نروح له
العنود:اذا طلعت بروح البيت ماعندي وقت الفلف بالمطاعم بتدخل تعال بسرعة ولا مشيت ولعد تقول بنتغدا ولا نتعشى بمكان
سهيل تنهد:تمام نازل الحين وقفل ونزل ودخل المطعم كانت العنود جالسه بنفس الطاولة الي يجلس فيها سهيل واسيا اذا جو للمطعم وتقدم لها
العنود قفلت جوالها وناظرته:وش بتطلب؟
سهيل اخذ المنيو يسوي نفسه مايدري وش ياخذ
العنود ضحكة بخفوت:لك طاولة خاصة بالمطعم وماتعرف وش تاخذ؟ صدقت
سهيل ابتسم وناظر النادل:ابي المعتاد
النادل هز راسه وناظر العنود
العنود هزت راسها:ابي مويه لو سمحت
النادل ناظرها:بس؟؟
العنود ابتسمت له:ايه شكرا
مشى النادل
سهيل ناظرها:وش يدريك عن الطولتي الخاصة؟
العنود:جيت انا والبنات وقالت اسيا انه عندك طاولة خاصة بالمطعم
سهيل ابتسم بتوتر:ايه عشان عشاء العمل
العنود ابتسمت:او ديت صح انت رجال سنقل
سهيل:وين عايشين ديت ترانا مو بلوس انجلس
العنود ابتسمت واخذت جوالها:اذا خلصت اكلك علمني عندي اشياء مهمه
سهيل ابتسم:الله وشركات الي عندك يوم انه عندك اشياء مهمة
العنود ابتسمت بتسليك رسلت عقد لماجد عن سرية الشراكة وانه لها النص وكتبت اقرا العقد واذا بتضيف شي اكتبه عشان نوقعه
ماجد رد عليها:انتي لو تقولين لي طب من سطح الشركة طبيت كم العنود عندي استناك نوقع واشوفك وش رايك عشاء؟؟
العنود:ولا تحلم اقرا العقد زين عشان ماتقول اني ضحكة عليك
ماجد:لك عيوني ياعيوني
العنود كشرت وسكرت جوالها ونادت النادل:لو سمحت ابي نفس طلبه
سهيل ابتسم:بتاكلين الحين معاي؟
العنود ابتسمت:مو قلت اننا نكون اصدقاء تحت التجربة احس انه هذي البداية
سهيل ابتسم اكثر:زين الحمدالله كل شي له بدايه وهذي بدايتنا
العنود ابتسمت على خفيف وهزت راسها بدون رد
سهيل يحاول يكلمها:ايه وش تخصصك؟
العنود ابتسمت:قانون اكيد بالعائلة يكفي دكتور واحد ومحامين انا ويوسف
سهيل:دخلتيه عشان يوسف؟
العنود عقدت حواجبها:لا وايه بنفس الوقت
سهيل يفكر:كيف يعني؟
العنود ابتسمت:يعني انا ماكان حلمي اصلا قانون بس يوسف حببني فيه كان دايم يتكلم عن القضايا وكيف يحلها وكان القانون اقرب شي لحلمي
سهيل هز راسه:اهاا وش كان حلمك؟؟؟
العنود ابتسمت وسندت ظهرها على الكرسي وجاء النادل يحط الاكل كان سهيل يستناها تتكلم بس ماتكلمت انه وش حلمها وبدا ياكل معاها بهدوء لين خلصو والعنود رفعت راسها و تسعت ابتسامتها واشرت
سهيل رفع راسه وصد على طول
العنود ابتسمت:هاي كيفك؟؟
اسيا ابتسمت بتسليك:الحمدالله انتي كيفك؟
العنود اشرت لنادل يجيب كرسي:تفضلي تونا خلصنا اذا تبين نطلب لك شي تاكلينه عادي
اسيا جلست:لا اكلت ورمقت سهيل ورجعت تناظر العنود
العنود حطت يدها على يد اسيا:مره شكرًا انك قلتي انه فيه طاولة خاصة بالمطعم ماكنت اعرف
اسيا ابتسمت:ايه تذكرت يوم دخلت المطعم
العنود ابتسمت:ايه صح وش جابك؟؟
اسيا رفعت حاجبها:ليش مكانك هو عشان ما اجي؟؟؟
سهيل ناظرها:اسيا
العنود ببتسامة:لا قصدي استغربت لانه المطعم بعيد عن البيت بس اسال
اسيا ابتسمت:لا جايه استنى صديقتي قالت عطيني مطعم حلو وقلت لها عن المطعم وراحت هي وزوجها والحين عزمتني عشان تشكرني
العنود هزت راسها:اهاا مره حلو صدق المطعم ولفت على جوالها الي دق وناظرتها معليش ووقفت ترد
سهيل ناظرها:وش جابك؟؟
اسيا ماسكة نفسها:اجل اعرف من النادل انك جايب بنت غيري للمطعم وش تتوقع اسوي غير اجي واشوف بعيني
سهيل يشد على اسنانه:موب بنت هذا العنود زوجتي
اسيا ناظرته بحده:كان بذا المطعم انا زوجتك تقوم تجيبها
سهيل كان بيتكلم بس ابتسم للعنود جايه لهم
العنود اخذت شنطتها:معليش عندي شغل وناظرت اسيا يلا حبيبتي اشوفك بالبيت
اسيا ابتسمت:لا اجلسي بعد احس معد اشوفك كثير
العنود ببتسامة:اليوم برجع اشوفك بالبيت اكثر واحسن
سهيل ابتسم:بجي اخذك جهزي اغراضك
العنود ابتسمت:ان شاء الله
اسيا انقهرت:بس جدي يقول عندك شغل كثير اليوم
سهيل ناظر اسيا:عادي اكمله اذا رجعت مو اول مره اشتغل بالبيت
العنود ناظرتهم ببتسامة:بمشي انا اشوفك بالبيت حبيبتي اسيا
سهيل وقف معاها:حتى انا بمشي
اسيا بسرعه:استنى معاي لين تجي صديقتي اخاف اجلس لحالي والمطعم فاضي
سهيل ناظر العنود ورجع ناظر اسيا وابتسم:قلتيها عندي شغل كثير يقول جدي بخلصه قبل ما اخذ العنود احسن عشان اجلس معاها اكثر
العنود اخذت اغراضها وودعت اسيا ويوم جت تمشي وقف جنبها سهيل ومد ذراعه شوي لها وابتسمت لاسيا ودخلت يدها بذراعه ومشت هي وياه
اسيا استنتهم يطلعون ووقفت سحبت الشرشف الي على الطوله وتناثرت الصحون والكاسات بالارض كل الي بالمطعم من عمال وشيف طلعو وتقدم لها واحد
آسيا مدت بطاقة:هو الي بيدفع كل شي تفاهم معاه واذا ماعطاك حقه بلغ الشرطة وعطهم كل الفيديوهات الي مصوره فيها انا والشخص الي طلع مع وحده ثانيه الحين ومشت تاركه وراها فوضى
المدير دق على رقم عشان وظيفته بتروح اذا محد دفع:السلام عليكم اخوي معليش ازعجتك بس اختك الي قلت عنها انه مو بقواها العقلية جت وسببت فوضى بالمطعم وعطتني ورقه نفس الي عطيتني تقول انه بيسدد واذا ماسدد اعطيه الفيديوهات بس مدري اي فيديوهات اسمه ساهر ال نوفل بس اخذتها انا تسليك عشان ما اضغط عليها
ماجد ابتسم:الله يعطيك العافية معليش والله على ازعاجك بس اختي كانت متزوجة وكان غني ويعرف ساهر ال نافل وكان اذا سوا شي يعطيهم نفس الرقم الي عطتك بس ساهر ال نافل مايعرفهم لا هي ولا زوجها ورفع عليهم قضية ونسجن زوجها وطلقها بسجن وهي الله يهديها ويشفيها انجنت بس مشكور انك علمتني وانا بدفع كل شي اعتذر مره ثانية الحين بجي وادفع كل شي بس جهزلي الاوراق والورقة الي عطتك ارمها عشان مانزعج الرجال تعرف ناس كبار ماينلعب معاهم
المدير ابتسم وجعلك الورقة:ايه والله انك صادق خلاص بشوف الاضرار واذا جيت ان شاء الله تنقشنا
ماجد ارتاح انه صدقه:على خير فمان الله وقفل ورجع يقرا الاوراق والعقد الي ارسلته العنود له ولف على صوت الكعب وابتسم وهو يناظر الاوراق:مرتين باليوم ترا كثيره على قلبي ورفع راسه وتلاشت ابتسامته
لتين ابتسمت:اكيد ماتقصدني صح لانه ذي اول مره اجي
ماجد رجع ابتسم:انتي من اول مره كثيره على قلبي لتوني وحضنها وش تسوين بهل حوسه؟؟
لتين تناظر المكان:اشوف شركة اخوي قالت لي امي عن الكلام الي قاله جدي وجيت اشوف اذا صادق بكلامه
ماجد:لسى ماصارت شركتي بس ان شاء الله عن قريب تكون لي
لتين:ان شاء الله يلا عازمتك على الغداء
ماجد اخذ اغراضه:سيارتي ولا سيارتك؟؟
لتين دخلت يدها بذراعه:سيارتك جيت مع السواق وراح
ماجد يمشي معاها لين السيارة وركبو وتوجهو للمطعم الي عازمته لتين فيه
<بيت عبدالله>
دخلت العنود وجلست بصالة وشالت كعبها وسندت راسها على الكنب
محب شافها وراح بسرعة:العنود وش فيك؟؟
العنود رفعت راسها ببتسامة:مافيني شي ياحبيبي توني راجعه من السوق قلت بغير جو شوي وتعبت من المشي
محب جلس جنبها:وش تبين تعذبين نفسك رايحه السوق بكعب؟؟
العنود رجعت راسها للكنب:شكلي نسيت كم هو يتعب
محب:شفتي يوسف؟؟
العنود هزت راسها:لا شفت ودق
محب:رحتيلهم الفندق؟؟؟
العنود هزت راسها:لا هي دقت على يوم طلعت قالت بتكلمني
محب بنصات:طيب ؟؟
العنود تنهدت:مافيه شي جلست تقول انها مجبوره وانها للحين تحب يوسف صاحت شوي بس
محب:وانتي وش قلتي لها؟
العنود:وش بقول يعني يوسف وسيل اصدقاء وقبل مايصيرون اصدقاء هم اخوان واهلك اصلا من اول رافضين يوسف لانه مو من مستواك وزعلت على اني ماساعدتها
محب عقد حواجبه:تساعدينها بوش هي تزوجت خلاص يعني لو لسى خطبه ولا كلام اوك بس ذا عقدت قرانها
العنود هزت راسها:قلت لها بس لا حياة لمن تنادي
محب مسح على كتفها:معليك منها لا تضايقين نفسك وروحي ارتاحي شوي
العنود ابتسمت ووقفت:صح اليوم برجع بيت ساهر انتبهو لكم
محب ابتسم لين شافها راحت وكشر ومسح وجهه
يوسف من وراه:لازم ترجع بيت زوجها
محب تنهد:مدري متى نخلص من ذا الموضوع
يوسف جلس جنبه:مطولين شكله
محب ناظر وعقد حواجبه:ليش فيه شي؟؟
يوسف هز راسه:لا بس هي تحبه واذا قلنا لها سمعت انت وش كان ردها ومشت له وانت خيرتها بيننا وبينه
محب:عادي نحاول مره ومرتين وعشر ومليون لين ماتقتنع
يوسف تنهد:هي اقتنعت زوجها وش يقنعه شفت انت وش سوا بس اخذناها يوم لحقنا للخبر
محب:ماعلينا منه اذا قالت ماتبيه وهو رفض يطلق خلعناها منه ورجعنا مهره كامل وزيادة
يوسف سند راسه وتنهد وقال بينه وبين نفسه مهر العنود غالي نفسها
محب:نمت انت؟؟
يوسف مغمض:لا
محب تنهد:خلاص انساها ياخي غيرها مليون بكره ندورلك غيرها
يوسف ناظره:وش ندور لك غيرها تراها مو ثوب ابدله متى ما ابي واشر على قلبه هنا هي هنا
وجاء صوت العنود من وراه بسرعه:سيل وش جابك؟؟
يوسف غمض لانه كان بيقول هنا ودق الي اخذها اخوي وتنهد
سيل ناظر يوسف:جيت اكلمك
يوسف ابتسم له:اجلس
سيل ارتاح انه ابتسم له:ياخي خوفتني احسبك زعلان مني بعد ما سبيت الي ماتستحي
يوسف عقد حواجبه:سيل
سيل ابتسم:خلاص خلاص اسف مانب جايب سيرتها هي ربي ستر عليها وانت بنلقالك وحده احسن منها مليون مره
العنود جلست معاهم:صادق انت نق بس وانا اروح اسحبها لك
محب هز راسه:حتى انا بعد بصير سواقكم واقفل عليها الباب عشان ماتنحاش
سيل ضحك:وش ذي العايله كلهم مجرمين
العنود ضحكة:وش نسوي هذا عرس اخونا الكبير
يوسف ابتسم:الحين عندي امور ماتوقع تخليني اعرس
العنود خافت انه احد علمه عن ادويتها:ليش وش فيك؟؟
يوسف ابتسم وهز راسه:مافيه شي ياحبيبتي بس مشاكل بشغل ان شاء الله تنحل بعدين نفتح ذا الموضوع
العنود نغزها قلبها واخذت جوالها وابتسمت:نسيت شي بسوق بروح اجيبه وارجع قبل ما ارجع البيت
محب:تبين اوديك؟؟
العنود هزت راسها:لا قريب السوق بروح وارجع وناظرت سيل انت رح لزوجتك عيب عليك مخليها لحالها بالفندق والله لو درا عنك ساهر خلاك بدال مو سيل وادي رح
سيل رمقها:ترا انا اخوك الكبير احترميني
محب ناظره:سيل عينك
العنود ابتسمت بغرور واشرت على محب:سيل عينك ورجعت شعرها بيدها بقوا مما خلاه يطير شوي ومشت
سيل كشر وناظر محب:انا ما احبك
محب تكتف وابتسم بستفزاز:يعني انا الي ميت عليك
يوسف ابتسم على مناقرتهم:بس انت وياه صدق سيل رح لزوجتك حرام لحالها
محب ناظر يوسف بحزن انه يرسل اخوه لحبيبته والي راح يوقف حياته بسببها
سيل وقف:يلا الله يرحمك يا امي عيالك طردوني حتى ماضيفوني مويه
محب ناظره:انت داخل لا احم ولا دستور شرعت الباب ودخلت وتبي نضيفك هذا انت الي تضيفنا وحنا اصحاب البيت
سيل:مالك دخل هذا بيت امي منى وسوا نفس حركة العنود يوم مشت ويوسف مات ضحك
محب ضحك:ياشينك
~ غرفة العنود ~
العنود لبست واخذت اغراضها وجوالها ورسلت لاقني بالكافي ورسلت لوكيشن وقفلت جوالها ونزلت كانت الصالة فاضية وعرفت انه كلهم راحو غرفهم ورسلت لهم انها طلعت ومراح تتاخر وركبت سيارتها وراحت للكافي وجلست على طوله تستنى
:انتظرتيني كثير؟؟
العنود ابتسمت:....

تفاعلو ☁️