مايروس النجوم الا سهيل ولا يقود الظبا غير العنود

البارت السابع

< قصر ساهر >
دخل سهيل المجلس الي فيه الجد ساهر كان الجد ساهر مهموم وحزين انه صديق عمره راح وتركه لحاله ورفع راسه على دخلت سهيل
الجد ساهر عقد حواجبه:سهيل؟ وفز العنود فيها شي؟؟
سهيل هز راسه:لا مافيها شي ارتاح جدي جيت اكلمك بموضوع
الجد ساهر هز راسه واشر على الكرسي:اجلس
سهيل جلس وناظر الجد ساهر:جدي ابي الحقيقه لا لف ولا دوران ليش زوجتني العنود؟
الجد ساهر ناظره:ليش ما ازوجك العنود؟
سهيل:جدي لا ترد على سؤالي بسؤال ابي الحقيقة ليش زوجتني اياها؟
الجد ساهر:انت العاقل الوحيد الي كنت اشوفه قدامي ماجد داج وسعود ماشفته لانه يسافر
سهيل:يعني حطيتني بوجه المدفع جدي ابي السبب الحقيقي وصريح ماقد سالتك شي وجاوبت كذا تلف وتدور كنت دايم سيده ليش العنود تغيرك؟
الجد ساهر تنهد:سهيل بقولك بس لا تعلم يوسف ومحب بالموضوع ولا سيل
هز راسه سهيل:ابشر بس قولي
الجد ساهر:قبل كم سنه دخلنا انا وعمك عبدالله شراكة مع رجال انا حطيت مبلغ قليل بس عمك عبدالله عشانه يثق برجال حط كل الي معاه وشغل هذا الرجال الفلوس وصرنا نكسب منه الحمدالله لين ما مسكو هذا الرجال وطلع يتاجر بالممنوعات وهذي الاشياء من فلوسنا وقفلو الشركة الكذبيه حقته قامو الديانه يطاردونا لانه الرجال انسجن واحنا شركاء انا الحمدالله عندي فلوس ودفعت الي علي بس عمك عبدالله ماعنده شي غير راتبه وكانو العيال صغار والعنود توها مولوده مالها الا سنتين يمكن اتفقنا انا ادفع ديونه وهو بيرجعها لي بتقسيط لين مابدت تظهر على العنود علامات الصرع وصار ضغط عليه من هنا ادوية العنود الكثيره والغالية ومن هنا تسديد الدين وتفقنا مره ثانيه انه انا ادفع الادويه وهو يسدد لي لين مره شفتك معاها كنتو صغار وقلت لعبدالله انه ابي العنود اذا كبرت لسهيل بس من دخلت ١٨ بدو الخطاب يجونها وقمت قلت كلمتي
سهيل بحاله صدمه:العنود تدري بذا كله؟
الجد ساهر هز راسه:لا تدري بس عن موضوع الادويه انه ماكان ابوها يقدر يدفع وانا تكفلت فيها وانه اساس زواجكم الادويه
سهيل وقف وطلع من المجلس وركب سيارته وحركها وطلع من البيت كله:يعني ابوها شبه باعها واذا درو يوسف ومحب بياخذونها لانه عندهم القدره انه يشترون الادويه الحين وتوجه لبيت ابو يوسف
مر اسبوع العزاء كان من محبتهم لابو يوسف وام يوسف كانو يجون ناس طول الاسبوع يعزون و يواسون العنود ويوسف ومحب على فقدانهم اهلهم كان الاسبوع ثقيل عليهم وكله حزن
دخلت ودق البيت:السلام عليكم
العنود رفعت راسها ببتسامة باهته:وعليكم السلام ودق ليش جيتي خلص العزاء والله تعبناك معانا
ودق سلمت على البنات وناظرت العنود:عيب عليك ماتبيني اجي لك
العنود هزت راسها:لا والله بس مشوار لك انتي طول الاسبوع تروحين اخر اليل وترجعين اول الصباح تعب والله
ودق ابتسمت:تعبك راحه ياحبيبتي
اشجان ناظرت العنود:تراها مو جايه لك جايه وغمزت لودق الي استحت
ودق هزت راسها:لا لا والله جايه لك انتي
العنود ضحكة بخفوت:داريه ياحبيبتي معليك منها
لين :لو دارين انه خجل ودق هو الي بيضحك كان من اليوم اخليها تستحي غصب
وكانت بترد ودق بس سمعت نحنحة يوسف وقلب وجها احمر من الحياء
يوسف دخل بعد ما سمحت له العنود لانه البنات لابسين عبايتها وودق حاطه الطرحه على راسها
يوسف عينه على ودق:كيفك؟
ودق بحياء:الحمدالله انت كيفك
جاء بيرد وقاطعه صوت لين:يا طيب احنا موجودين وطيبين الحمد الله اذا تسال عننا بعد
يوسف ضحك:انتي اسكتي طول الاسبوع ناشبتنى وش تبين؟
لين هزت راسها:مابي شي بس تجيبون لي الجفاف عشان كذا حتى انا احطكم بالجفاف حقي
ودق ضحكة لانه تعرف لين واشجان بعمر العنود ويوسف يشوفهم خواته بس دايم تستغرب من لتين وحركاتها اذا جت ودق
يوسف ابتسم على ضحكة ودق وهمس:اخخ ياشفى القلب
ودق استحت اشجان ضحكة:اعترف وش قلت اخلص
يوسف هز راسه بنفي وفتح يده للعنود عشان يحضنها:مانب معلمك موتي بالجفاف مع اختك
العنود دخلت بحضنه وضربته شوي:بسم الله عليهم كيفك؟؟
يوسف حب راسها:الحمدالله انتي كيفك؟
العنود هزت راسها:احسن وناظرت ودق يلا اليوم انا بحضنه بكره انتي ان شاء الله
قلب وجه ودق احمر :انا بمشي
العنود ضحكة:لا لا خليك توك جيتي نفطر مع بعض بعدها روحي اذا عندك شغل واذا ماعندك خلك نجلس مع بعض
ودق ناظرت يوسف الي غمض كانه يقول خلك عشانها وعشاني وهزت راسها:تمام
يوسف ابتسم:بروح اجيب فطور اجل انتظروني
العنود ناظرته:محب وينه؟
يوسف ابتسم:بالمشب روحي له اذا تبين ماعنده احد
العنود استاذنت من البنات وراحت لمحب:محب
محب فز وطفى دخانه بسرعة وصد عنها عشان ماتشوفه يدخن:هنا هنا اصبري
العنود دخلت وعقدت حواجبها بنزعاج من ريحة الدخان:تدخن؟
محب يعرف انه مايقدر يكذب عليها:على خفيف
العنود لفت بتطلع بزعل ولحقها:العنود اصبري
العنود وقفت وتكتفت:نعم؟
محب تنهد:خلاص اخر مره
العنود مدت يدها:عطني البكت
محب اخذ يدها وباسها:هل يدين ماتلمس الاشياء المضرة
العنود ناظرته:مايغريني الكلام الحلو عطني البكت
محب ابتسم:انا بسوي فيه الي بتسوين بس علميني
العنود تفكر:ارمهم وكب عليهم مويه عشان ماترجع تاخذها
محب:ابشري وراح للمغسله وحط داخل البكت مويه ورماهم ورجع لها خلاص
العنود حضنته:ايه وبعدت بتكشر غير ملابسك مو حلوه الريحه
محب ابتسم وهز راسه:ابشري شي ثاني مدام العنود؟؟
العنود هزت راسها:لحد الحين لا بس بشوف
محب ضحك :تمام شوفي عندنا العمر كله وناظرها بجديه بروح اغير ملابسي وبجي اكلمك بموضوع ولف على سهيل الي يناظرهم من الباب وسمع كلامهم
سهيل دخل يوم محب دخل البيت:العنود
العنود ناظرته:هلا
سهيل:تعالي نروح مكان
العنود هزت راسها:لا مابي
سهيل يفكر انه لازم يكلمها قبل مايكلمها محب:مراح نطول مشوار ونرجع
العنود هزت راسها ودخلت تجيب عبايتها وقال ليوسف انها بتروح مع سهيل وترجع مراح تطول وطلعت من البيت مع سهيل
سهيل حرك السياره لمكان ووقف
العنود تناظر المكان:ليش جينا هنا؟
سهيل:هنا ابوك الي سلمك لي يوم تزوجنا وقال ما اتركك مهما يصير تعرفين ليش؟
العنود لفت راسها:خلنا نمشي
سهيل ناظرها:تعرفين ليش ابوك عطاني اياك؟؟
العنود:خلنا نمشي
سهيل:عشانك مريضة ومايقدر يدفع ادويتك ولا حتى اخوانك يقدرون وطلع ورقه وحطها بحضنها هذي اسعار الادويه الي تاخذينها اقل دواء ٧٠٠ ريال عاد انتي احسبي هل يوسف ومحب يقدرون عليها وغير كذا يوسف خاطب على قولتك بيقدر يصرف على زوجته وعياله اذا جو ان شاء الله وادويتك ما اتوقع لازم يقصر مع احد فيكم واكيد راح يقصر مع زوجته لانه ادويتك مهمه وابوك الله يرحمه كان عارف بذا الموضوع عشان كذا ما قال لاخوانك عنه لانه بيقصرون على نفسهم وعيالهم عشانك
العنود غمضت:ابي البيت
سهيل هز راسه وشغل السياره وتحرك لبيت ابو يوسف
بالبيت بعد ماطلعت العنود
محب نزل ببتسامة وتلاشت ابتسامته يوم ماشاف العنود:وين العنود
اشجان:راحت مع سهيل قالت بيروحون مكان
محب عصب:من سمح لها تروح؟؟
اشجان خافت:يوسف قالها طيب
لين ناظرته بخوف:وش فيه سهيل زوجها
محب عصب زياده:قالت لكم وين راحو؟؟
اسيا هزت راسها بنفي:لا
محب ناظر اسيا بكره وطلع الا على دخلت العنود وحضنها على طول:وين رحتي يابوي؟؟
العنود تحاول تعدل صوتها رفعت كيس:رحت الصيدلية
محب تنهد براحه:كان قلتي لي
سهيل من ورا:انا زوجها قالت لي وانا قلت ابشري
محب شد على يده:وانا اخوها وبقول لها ابشري على كل شي تبيه
سهيل هز راسه:حتى انا اقول لاخواتي الي عندك اذا طلبوني شي اقول لهم ابشري
محب ابتسم بسخرية:حتى اختك اسيا؟؟
سهيل ابتسم وهز راسه:حتى لاختي اسيا وناظر ورا محب اسيا كانت واقفه وتلاشت ابتسامته
محب لف راسه ولمح اسيا وضحك:ايه واضح
العنود مستغربة منهم تعرف انه محب مايطيق سهيل بس وش دخل اسيا:محب قلت انك بتكلمني بموضوع وش؟؟
محب ناظرها وابتسم:تعالي ندخل نستنى يوسف يجي
العنود هزت راسها ودخلت المشب مع محب ويستنون يوسف يجي من برا
سهيل دخل شوي وناظر العنود:العنود انا بروح البيت اذا خلصتي كلميني عشان نرجع البيت احنا والبنات
العنود هزت راسها بدون ماتلف عليه
محب ابتسم:يمديك تاخذ البنات الحين مايحتاج تروح وترجع خذهم مره وحده
سهيل هز راسه:لا مع العنود مره وحده افضل
محب هز راسه:اتوقع بتجي تاخذ البنات لحالهم بس كيفك
سهيل ابتسم وهز راسه:مع السلامة
دخل يوسف معاه الفطور وشاف سهيل:افطر معنا
سهيل ابتسم:صحه وعافيه شبعان والله بروح جدي يبيني
يوسف سلم عليه ودخل البيت وصوت:ودق
لتين فزت وراحت:هلا؟
يوسف صد عنها:ودق وين
لين رفعت اكتافها:مدري اتوقع راحت بيتهم
يوسف طلع جواله بس لف على صوتها يوم قالت سم وابتسم:سم الله عدوك
ودق ناظرت لتين
لتين ناظرتها:جوعانه وجيت اخذ الاكل
ودق ابتسمت وهزت راسها واخذت الاكل من يد يوسف:هذا هو خذيه
لتين ناظرتها من فوق لتحت:ليش اخذه اشتغل عندك؟؟
لين سمعتها:لتين عيب واخذت الاكل من يد ودق شكرًا مره يوسف وسحبت لتين معاها
يوسف تسند على الباب ويناظر ودق بهيام:اخخ لو اشوفك كل يوم كذا حياتي احلى منها مافيه
ودق استحت:بس يوسف
يوسف ابتسم على خجلها:ترا ما يجيب راسي الا حمار وجهك اذا استحيتي
ودق بدلعها الطبيعي :يوسف خلاص
يوسف حط يده على صدره:اخخ يازين اسمي من فمك ياختي
ودق لفت راسها عنه:بدخل رح شف محب والعنود يستنونك برا
يوسف عدل وقفته:يلا انتبهيلك وحطي لي ولمحب اكل على جنب
ودق اشرت على عيونها:ابشر عيوني لك
يوسف ابتسم:تسلم عيونك وراح للمشب الي فيه العنود ومحب
محب كان يوري العنود فيديوهات بجواله يوم دخل يوسف طفى جواله
يوسف ابتسم:الله محب العنود ماصدق يلاقي العنود لحالها الا اخذها
العنود ابتسمت
محب ضحك:ماشفتها اشتقت لها حرام اشوف بنتي بعد؟
يوسف هز راسه:لا مو حرام وش عندكم قاعدين هنا
العنود ناظرته:محب يقول عنده موضوع ويستناك
يوسف عرف الموضوع وراح يجلس معاهم:اسلم
محب ناظر العنود بجديه:العنود احنا اخوانك ومالك غنى عننا ولا لنا غنى عنك امي وابوي الله يرحمهم واحنا نبيك ترجعين عندنا ابوي يوم زوجك سهيل ماعرفنا اسبابه ولا نبي نعرفها خلاص راحت معاه الله يرحمه بس امي كانت صادقه يوم قالت انه زوجك بدري واحنا نبيك ترجعين
يوسف ناظرها:اذا كنتي تبين انتي اكيد محد يجبرك على شي
العنود بدت تربط الموضوع ببعض انه سهيل قال لها انه مايمديهم يدفعون الادويه لانه سمعهم يبونها ترجع لهم بس سهيل ليش سوا كذا زواجنا كان مزيف وبعقد ليش الحين مايبي ارجع لبيت اهلي
محب ينتظر جوابها:وش قلتي اكيد بترجعين عندنا صح
العنود ناظرت اخوانها كيف بتحملهم تكلفت علاجاتها والفحوصات حقتها ويوسف بيتزوج عن قريب وبعده محب اكيد بيتزوج مو جالس طول عمره عزابي
يوسف شافها متشتته:فكري لاتعطين جوابك الحين
العنود ناظرتهم:اسفه بس انا احبه
محب ناظرها بصدمة:لا العنود هذا مو حب انتي ماشفتي رجال ثاني غيرنا الا هو العنود فكري زين
يوسف شاف محب انفعل ومسك يده عشان يهدا:محب
العنود وقفت وناظرتهم:انا اسفه وطلعت من المشب الي انقلب فوق تحت من محب وعصبيه
محب بعصبيه:يوسف وش احبه ذي العنود بزر ماتفهم لازم نكلمها ثاني مره
يوسف يهديه:محب اهجد احنا وش اتفقنا اذا قالت تبيه خلاص نسكر على الموضوع
محب عصب زياده:اقولك بزر ماتفهم ماتفهم وش احبه وما احبه صح هي طلعت معاه اكيد قال لها شي اكيد والله لاطلع روحه الخسيس
يوسف يسحبه للجدار وصرخ فيه:محب وش تقول انت اهجد سهيل زوج العنود افهم خلاص قالت تبيه يعني خلاص انتهى الموضوع
محب جلس وحط يده على راسه:لا ما انتهى عندي الموضوع ما انتهى العنود ترجع يعني ترجع
داخل البيت العنود دخلت بهدوء والبنات فزو بخوف من اصوات محب ويوسف العاليه
اشجان:هذا صوت محب وش فيه؟؟
العنود ابتسمت بهدوء:مافيهم شي اتوقع يوسف متهاوش مع واحد وانفعل محب
ودق هزت راسها:لا لا يوسف صوته عالي مو عادته
العنود العنود ناظرتها:الله تعرفين عادته
ودق ضربتها بخفيف:فاضيه انتي روحي شوفي اخوانك
العنود هزت راسها بنفي:تبين تشوفينهم روحي انتي انا ما احب ادخل عليهم وهم كذا ما اتحمل
لين هزت راسها:ايه ايه لا تروحين
ودق طلعت جوالها ودقت على يوسف:يوسف
يوسف رد عليها:عيونه
اشجان ضحكة:اختفت اصواتهم
ودق ضربتها بخفيف:وش صاير؟
يوسف:مافيه شي حبيبتي انتي وش فيك؟
ودق بعدت عن البنات وعين لتين عليها:مافيني شي بس صوتكم عالي فيكم شي انتو ولاتكذب علي
يوسف ابتسم:ياعمري مافيني شي والله
ودق تنهدت براحه:تمام تعال خذ اكلكم
يوسف:طيب الحين اجي وقفل وناظر محب اهجد بروح وارجع لاتسوي شي تتصفق عليه
محب ماله خلق:رح رح بس
يوسف طلع ويستنى ودق عند باب البيت
ودق تحط اكل يوسف ومحب لتين حطت بيض:لا لا يوسف ماياكل بيض
لتين طلعت الصحن من الصينيه:طيب يمديك تقولينها بسلوب احسن
ودق ناظرتها:معليش مانتبهت اني قلتها بصوت عالي
العنود ناظرت ودق:عادي حبيبتي كنت بقول يوسف ماياكل بيض ورجعت الصحن لصينيه عادي محب ياكله اخواني مختلفين
ودق ابتسمت:ماكنت اعرف احسبه كلهم ماياكلون
العنود هزت راسها:لا محب ياكل كل شي يوسف هو الي يتنقى بالاكل
ودق:خلاص بخليها ببالي هل معلومة
العنود ابتسمت لها
لتين قامت:انا بروح بيتنا احد بيجي معاي؟
عشق وتوق وقفو:احنا
اشجان ناظرت العنود:ماعندي ملابس لازم اروح
العنود هزت راسها:ايه روحي ياعمري
لين هزت راسها:حتى انا
العنود ابتسمت لها:وانتي روحي مره تعبتو جزاكم الله خير روحو ارتاحو وشوفو اهلكم
اسيا ناظرتها:متنب جايه معانا؟
العنود تذكرت اخوانها:بليل بجلس مع يوسف ومحب شوي زياده
البنات سلمو على العنود وودق وطلعو
يوسف شافهم:خلاص رايحين؟؟
اشجان هزت راسها:ايه والله احس اننا جلسنا عندكم كثير وضايقناكم
يوسف ابتسم:ماضايقتونا ولا شي تعالو اي وقت بيتنا هو بيتكم تعالو اسهرو مع العنود
لين هزت راسها:ان شاء الله ولفت على جيت ودق وابتسمت مبروك مقدمًا مني
يوسف شاف ودق جايه وضحك:الله يبارك فيك عقبالك
لين ضحكة ومشو البنات الا لتين الي تتسحب تبي تسمع
عشق:يلا لتين بسرعة
لتين عصبت لانه ماقدرت تسمع والبنات يستعجلونها:اصبري ترا ذي رجول مو كفرات عشان اسرع
ودق ويوسف وقفو عند الباب
يوسف بضيق:بتروحين؟
ودق هزت راسها وهي تتامله
يوسف:فترة وتكونين لي وتدخلين هذا البيت بصفتك حرم يوسف ال ملهم
ودق ابتسمت:حرم يوسف حبيته مثل ما احبك
يوسف ابتسم لها:ان شاء الله ماتطول هل فتره
ودق هزت راسها:يارب يلا انا بمشي تبي شي؟؟
يوسف هز راسه وابتسم:سلامتك وانتبهي لنفسك واذا وصلتي بيتكم كلميني
ودق:ابشر مع السلامة
يوسف:وين مع السلامه بوصلك لين السياره بعدين مع السلامة
ودق ضحكة:يلا ومشت هي وياه لين سيارتها وودعها وراحت لبيتهم
سيارة لتين كانو البنات متابعين مع يوسف و ودق لانه لتين ما حركه
اشجان:اووه مشى معاها لين السيارة
لين هزت راسها:كنت اقول ابي زوج نفس سهيل بس الحين ابي نفس يوسف ما شاء لله الله لايضرهم
لتين بنزعاج:عادية جدًا مدري وش شايف فيها
لين هزت راسها:لا تعرفين ابوها صاحب شركات وعقارات مستواها المعيشي كانه مستوى جدي يعني غنيه ودارسه معاها ماستر قانون يعني محاميه المستوى الدراسي حقها وحق يوسف واحد بس المستوى المعيشي يختلف بس ما شاء لله عليها ماقالت لا انه مستوى عادي وانا مليون واحد يتمناني لا عاقله وراقيه عيني عليها بارده
لتين بغرور:وين اتوقع تبي تعيش مغامرة مالقت الا يوسف على قد حاله واتزوجه انا ابي واحد بنفس مستواي عشان الي عشته عند اهلي ما انحرم منه عند الي يتسمى زوجي اتوقع اتوقع مايكملون بيملك عليها بعدين تشوف الفرق وبتخلعه قولي لتين ما قالت
اشجان ناظرتها:بسم الله عليهم فالك ماقبلناه لا ان شاء الله تعيش معاه احلى ايامهم يارب وخلي عنك كلام المستوى لانه ماتدرين وش كاتب لك ربي يمكن تحبين واحد يصرف من راتبه وتتزوجينه اكيد منتب قايله فقير لا وع عشانك تحبينه
لتين:والله الحب يا اشجان مايشتري لي شنطة لويس فيتون ولا عطر ديور ركزي حبيبتي
لين ناظرت اشجان وهزت راسها كانها تقول لا تناقشينها لانه ذا تفكيرها
لتين حركة السياره للبيت

تفاعلو حبايبي🎈🩷