مايروس النجوم الا سهيل ولا يقود الظبا غير العنود

البارت الخامس☁️

< الصباح بقصر ال نافل >
كلهم جالسين على طاولة الطعام الي قال الجد ساهر يحظرونها بالحديقه الخارجية ويحطون الفطور عليها
العنود طلعت كانت اخر وحده تجلس على الطاولة:السلام عليكم وصباح الخير
الجد ساهر ابتسم:وعليكم السلام وصباح النور اجلسي
العنود جلست بين اشجان ولين:وشلونكم بنات؟؟
لين بزعل ماردت
اشجان ضحكة:زعلانه لانك قلتي اتصل على اشجان مو لين
العنود ناظرت لين:اسفه والله اصلا ما اتذكر انا وش قلت بس اتذكر اني ابي اطلع من الغرفة المره الجايه اقول لين
لين ضربتها:بسم الله عليك مافيه مره جايه ان شاء الله
العنود ابتسمت ولفت لخالتها نوره ام ماجد:خالتي انا بحط لي ارتاحي
ام ماجد ناظرتها بحده:اجلسي كلي وحسابي معاك بعد الاكل
لين ضحكة:احسن كفو ماما
العنود صارت تاكل بهدوء وسهيل يشوف الكل يداري العنود وكانه فيه شي يجهله او محد قاله عنه
سهيل نفض يده بعد الاكل:دايمه ان شاء الله ووقف ووقف معاه ماجد
ماجد ابتسم:سهيل فيه ملف ابيك تراجعه بجيبه واجي جناحك
سهيل هز راسه وعينه ما انشالت عن العنود وناسي النظرات الي صارت كلها حقد وغيره من اسيا الي مانست كلامه امس
سهيل راح الجناح يستنى ماجد
ماجد دق الباب وفتح له سهيل:هذا الملف بستناك تراجعه لانه جدي يبيه
سهيل هز راسه:تمام ادخل اجلس
ماجد دخل وصار يناظر الغرف وابتسم:جدي حاط لكم ثلاث غرف يعني عارف
سهيل رفع راسه يناظر ماجد:وش؟؟
ماجد ابتسم واشر على الغرفة الاولى:هذي حقتك واشر على الثانيه هذي حقت العنود وناظر سهيل ببتسامة صح تخميني؟؟
سهيل بنفس ابتسامته هز راسه:لا وعطاه الملف الملف مافيه شي يمديك ترسله وصح عينك لاتروح يمين وشمال بجناحي انا وزوجتي لانه ذا التصرف بخليك واطي وقليل حياء
ماجد رفع حاجبه وابتسم:تمام وطلع
سهيل خبط بالباب بقوة:كريه وناظر الغرف
راح لثلاجه يفتحها ورفع راسه للعنود الي دخلت الغرفة ومشت لغرفتها
سيهل :العنود
العنود لفت عليه:هلا؟؟
سهيل تقدم لها:وش الي صار الفجر؟
العنود عقدت حواجبها:وش صار؟؟
سهيل:الصرع الي جاك واكيد انه مو اول مره
العنود:مافهمت
سهيل ناظرها بحيره:كيف ما فهمتي الصرع الي جاك الفجر وكل العايلة تعرف
العنود هزت راسها:ايه الكل يعرف ليش انت ماتعرف انه فيني صرع؟؟
سهيل اول مره يسمع هذا الكلام:كيف من متى فيك؟!!
العنود تحسبه يمزح:ماتدري صدق؟؟؟
سهيل هز راسه:والله ما ادري من متى فيه يعني من سنه كذا ولا من قريب حقت شهور؟؟
العنود تناظره:من انولدت وانا فيني صرع ماعلمك جدك؟؟
سهيل بصدمة اكبر:من انولدتي
العنود هزت راسها:ايه
سهيل بدا يستوعب:عشان كذا ليلي معاك اربعه وعشرين ساعة وماتتركك
العنود عقدت حواجبها:اصبر انت ماتدري؟
سهيل:ما ادري ياختي وش يدريني انه فيك صرع
العنود تفكر بكلامه:تمام تبي شي ثاني؟؟
سهيل هز راسه بنفي
العنود دخلت غرفتها وجلست على السرير:هو مايدري بس بابا قالي انه يعرف بالموضوع كله وجلست تفكر كثير بالموضوع لين انتبهت لجوالها وردت
لين:نودي خلينا نطلع ناخذ قهوة ونرجع طفش
العنود ابتسمت:يلا بنزلك ونروح شوفي اشجان واسيا اذا بيجون معانا
لين بحماس:يلا وقفلت
العنود لابسه عباية لفت الطرحة وطلعت من الجناح تنزل للين عشان يطلعون
الجد ساهر شافها:العنود وين رايحه يابوك؟؟
العنود ابتسمت:هلا جدي بنروح ناخذ قهوة انا والبنات وبنروح الصالون ونرجع
الجد ساهر هز راسه:زين انتبهي لطريق
العنود ودعته وطلعت تستنى البنات بسياره شافت اشجان ولين يتسابقون من بيركب قدام وضحكة عليهم
لين تدف اشجان على خفيف:انا بركب جنبها
اشجان تدف لين:انقلعي بس
العنود ناظرتها:طيب وحده بروحه ووحده برجعه كذا تعادلتو
لين بعدت:خلاص انا برجعه اركبي ياتيس
اشجان ضربتها بخفيف
العنود ضحكة عليهم:بس انتو؟؟
لين هزت راسها:لا باقي لتين وعشق وتوق واسيا
العنود هزت راسها:تمام
اشجان لفت على لين:غريبه اختك بتجي مو عادتها
لين:امي قالت ماتطلعين الا معاك لتين
اشجان:اوووك ان شاء الله بس ما ينكد علينا
انفتح الباب ودخلو البنات يركبون السياره ورا
العنود ناظرتهم من المرايه:كلكم ركبتو؟
لتين بسخرية :ايه ياسواق
لين ناظرتها:بس
لتين رفعت حاجبها:نععم؟؟
لين:خلاص خلينا نطلع نستانس لحد ينكد
العنود حركة متجهه للكوفي الي دايم يروحون له ويحبونه
العنود تكلم اسيا:اسيا وين الصالون الي سويتي شعرك فيه؟؟
اسيا سرحانه
لين هزتها:اسيا العنود تسالك عن الصالون
اسيا انتبهت:هلا مو من هنا بعيد
العنود هزت راسها:اوك وناظرت جوالها الي يدق وردت من السياره:هلا مين؟
سهيل:العنود وينك فيه؟؟
العنود توترت لانها مو مسجله رقمه بجوالها واكيد انتبهو البنات:هلا حبيبي قلت لك بروح مع البنات ناخذ قهوة
سهيل استغرب انها قالت حبيبي:ماقلتي شي لي
العنود توهقت:حبيبي الا قلت لك بس شكلك مانتبهت
سهيل يفكر انه ممكن قالت له:العنود ما
العنود بسرعة:سهيل حبيبي اكلمك من مايك السياره عشاني اسوق
سهيل استوعب:اوك تذكرت صح معليش حبيبتي مانتبهت وش تقولين عندي شغل كثير تمام انتبهي لك حبيبتي واذا بغيتي شي كلميني
العنود ارتاحت انه استوعب:مع السلامة وقفلت بدون ماتسمع رده
اشجان ناظرتها:مو مسجلة رقمه؟؟
العنود ضحكة بوهقه:لا مسجلته بس طاح جوالي ومدري وين راحت الارقام عشان كذا قلت له يتصل عليك امس
اسيا بحقد انه كيف يقول لها حبيبتي وانا حبيبته وناظرت لتين الي مبتسمه ورافعه حاجبها كانها تقول العنود الاساس عنده وصدت اسيا عنها
العنود وقفت بالمواقف ونزلو البنات
لين تناظر الديكور:ما شاء الله يهبل الديكور الجديد وجلسو على الطاولة
العنود ابتسمت:ايه والله ما شاء الله تبارك الله
بنت جت تاخذ طلباتهم:اهلين وش حابين تطلبون
عشق:الله بنت اكيد الكافي حقك
البنت ضحك:لا والله حق عماني جايه اضيع وقت
العنود ابتسمت لها:ما شاء الله مره حلو الله يوفقك
البنت ابتسمت:امين وش طلباتكم؟؟
العنود:عندكم ماتشا؟؟
البنت:ايه
العنود:إبي ماتشا
البنت تكتب واحد ماتشا ثلاثه سبانش لاتيه وثنين 60V وواحد بستاشيو لاتيه صح؟؟
البنات هزو راسهم:ايه ،صح عليك
البنت ابتسمت:حابين معاه حلى ؟؟
العنود ولتين واسيا هزو راسهم بنفي
لين:ابي تشيز كيك فراوله فيه؟؟
البنت هزت راسها:ايه فيه
اشجان:انا ابي كيكة الزعفران اذا موجوده
توق:ابي تيراميسو
عشق:ابي دونات اذا مافيه ابي تشيز كيك توت
البنت تكتب طلباتهم:تمام ان شاء الله ربع ساعة ويخلص طلبكم
العنود ابتسمت وراحت البنت
البنات نزلو طرحاتهم وباقي العنود هي الي متحجبه وصارو يسولفون لين يجي طلبهم
اشجان توري العنود جوالها:شوفي نزل جوال جديد مره حلو الون البنك يهبل
اسيا رفعت جوالها:ايه شوفيه
اشجان اخذته:الله مره حلو متى شرايتيه؟؟
اسيا ابتسمت وتناظر العنود:ماشريته سومي عطاني اياه هديه يوم طاح جوالي بالمويه
البنات صارو يناظرون العنود الي ابتسمت لها:مره حلو ايه احنا اخترناه لك امس قلتي انه طاح وقلنا نسوي لك سبرايز
اسيا انقهرت انه اختاروه سوا:ايه قالي
لين تغير الموضوع:بس مره حلو عاد لا تخربينه
لتين:عادي خلها تخربه عندها سهيل يجيب لها عشره غيرهم
العنود هزت راسها:صحيح اذا مادلع خواته من يدلع؟
اسيا انقهرت زياده:انا ماعندي اخوان
العنود كانت بترد بس قاطعها جوالها:هلا حبيبي ووقفت ترد بعيد عنهم
لين صارت تناظرها من بعيد:اووه الزواج الي انا اتمنى كل شوي يكلمها
اشجان هزت راسها:الله يحفظهم بس
عند العنود
العنود ببتسامة:وش فيك؟؟
محب ابتسم:اشتقت لك قلت اكلمك وينك فيه؟؟
العنود:طلعت مع البنات بناخذ قهوه بعدين بنروح الصالون
محب فز:الصالون ليش؟
العنود تسوي نفسها تفكر:افكر اقص بوي وش رايك؟
محب وقف:ارسليلي موقع الصالون عشان اقص يد الي بتقص لك
العنود ضحكة:امزح معاك بروح اسوي عنايه بصالون احس من زمان ماسويت
محب:اكيد؟؟
العنود:ايه والله بروح اسوي ترطيب وكذا شغله
محب:زين و صوري لي اذا خلصتي عشان اشوف اتاكد
العنود ضحكة:ابشر تبي شي ثاني ياسيد محب؟؟
محب ابتسم:لا مع السلامه سيده العنود وقفل بعد ماسمع ردها
العنود كانت بترجع لطاولة بس دق جوالها:هلا مين؟؟
سهيل:من تكلمين من اليوم؟
العنود ناظرت الرقم ورجعت الجوال على اذنها:مين؟؟
سهيل بحاله صدمة:مو مسجله رقمي هذي ثاني مره تقولين لي مين
العنود عرفت انه سهيل:لا ماسجلته ليش اسجله وانا ما اتصل عليك وش تبي
سهيل بعصبيه:من تكلمين؟؟
العنود عقدت حواجبها:وش دخلك؟؟؟
سهيل بعصبيه اكبر:زوجك لي دخل من تكلمين؟
العنود ضحكة بسخرية:الله الحين تبي تمثل دور الزوج ترا مافيه احد يسمعنا ولا يشوفنا اذا ماعندك شي باي وقفلت مما خلى سهيل يزيد غضبه
العنود راحت لطاوله ببتسامة
لين:اكيد سهيل الي دق
العنود هزت راسها:ايه وبعدها محب
اشجان ابتسمت بحياء:وش يبي؟
العنود ناظرتها:من محب ولا ولد عمك؟؟
اشجان بحياء اكثر:محد خلاص
لين ضحكة:معد تبي تعرف
توق ناظرت العنود:انتي ماتقولين اسم سهيل
العنود ناظرتها:الا اقوله
ترق هزت راسها:لا قبل شوي قلتي محب ولا ولد عمك ماقلتي محب ولا سهيل وصح اول مره تقولين اسمه بسياره يوم كلمك بحياتي ماسمعتك تقولين اسمه
لين هزت راسها:صح كلام توق
العنود ضحكة بخفوت:كيف يعني احس انه اقوله كثير يمكن انتو ما تسمعون
توق رفعت اكتافها:مدري
اشجان تناظر العنود الي توترت انه صدق ماقد قالت اسمه الا مره قبل شوي بسياره
بنتين جو يحطون طلبات البنات
البنت ابتسمت:اسمي ارام وهذي دموع اذا حابين شي ثاني نادو على اي وحده بالعافيه عليكم وراحو
لين ابتسمت:ما شاء الله البنات يهبل ليت كل الاماكن يصيرون بس بنات يشتغلون
توق بحماس:يمه اساميهم نفس عيال ابطال روايتي الجديدة
لين ناظرتها:يمه صدفة تخوف
توق هزت راسها:مره حتى ابطال روايتي عندهم كوفي
لين ضحكة:تخيلي طلعو من الرواية وصارو بالواقع
العنود ضحكة:اسيا حبيبي ارسليلي لوكيشن الصالون بنزلكم وبروح او اذا تبون تجون عادي
اسيا رسلت الوكيشن للعنود:رسلته انا مابي اروح ماعندي لاشغله ولا عمله هناك البنات بعد ايدوها ومايبون يروحون
العنود هزت راسها:تمام اجل نخلص وارجعكم البيت وانا بروح وكملو سواليف لين خلصو اكل الحلى والقهوة حقتهم وتوجهو للبيت ونزلو البنات الا العنود حركة لصالون وصارت تغني مع الاغنية الي حاطتها ودق جوالها وخرب عليها الاغنيه وردت من السياره:اذا مو شي مهم بقفل
سهيل يمسح وجهه:البنات بالبيت انتي وينك
العنود بدت تعصب من تصرفاته:وش فيك انت حلمان فيني ولا وش كل شوي داق نعم؟؟؟
سهيل بحده:تكلمي زين وينك فيه؟
العنود بعصبيه:بجهنم الحمراء وش تبي؟؟؟
سهيل:العنود وبعد الجوال بصدمه انها قفلت بوجهه
العنود ناظرت جوالها الي طفى شحن:اوف مو وقتك الحين كيف اروح لصالون ووقفت على جنب تدور شاحن بس مالقت ورجعت للبيت وخلت الصالون وقت ثاني
العنود دخلت البيت:السلام عليكم
الجد ساهر:وعليكم السلام شفت البنات رجعو لحالكم وقالو رحتي الصالون
العنود بضيق:ايه مامداني اوصل حتى خلص جوالي شحن ورجعت
سيل ابتسم:خيره شكله محب ولا يوسف داعين ماتوصلين اذا بتجين شعرك
العنود ضحكة:صادق من اليوم محب يرسل لي ياويلك وتهديدات
ابو سهيل ابتسم:اتذكرهم من هم صغار اي احد تتهاوشين معاه يقولون يصفقونك عادي الا شعرك لايجيه احد
العنود ضحكة:بشحن جوالي وبدق عليهم اهاوشهم
سيل ضحك:مايحتاج يوسف بيجي الحين هاوشيه وجهًا لوجه
العنود جلست:ابشر بس الحين معاك شاحن؟؟
سيل طلع بور بانك وعطاها:خذي
العنود ابتسمت:شكرًا مدري من اخذ شاحن السيارة
سيل ضحك:اشجان مافيه غيرها اذا كانت هي الي جنبك هي الي اخذته تنسى انه مو حقها وتحطه بشنطه اصبري شوي وتجيك تقول من هذا شاحنه
اشجان نزلت ومعاها شاحن:من هذا شاحنه
الي بصالة كلهم ضحكو
اشجان ناظرتهم بستغراب وناظرت العنود:العنود وش رجعك؟؟
العنود اشرت على الشاحن:الي بيدق حق سيارتي وطفى جوالي وما عرفت الوكيشن اشوا انه طفى قريب ولا كان انا ضايعه الحين
اشجان ضحكة:يوه معليش احسبه حقي
العنود:عادي حبيبتي
ولفو على سهيل الي نازل معصب
الجد ساهر شافه:سهيل وش فيك؟؟
سهيل لف على الجد ولقى العنود جالسه معاهم:متى جيتي؟؟
العنود ابتسمت:توني
سهيل هز راسه:دقيت عليك مقفل جوالك
العنود اخذت اغراضها وعطت سيل شاحنه:ايه طفى جوالي شحن ولفت على الجد جدي انا بروح احط جوالي واغير وانزل
الجد ساهر هز راسه:خذي راحتك
سيل ناظرها:اقول ليوسف يستناك؟
العنود هزت راسها:لا روحو اذا رجعك شفته
سيل هز راسه:زين
العنود رقت للغرفة وستاذن سهيل ولحقها للجناح
العنود دخلت ودخل وراها على طول سهيل:العنود
العنود غمضت عيونها بطفش منه ومن الي جاه:نعم نعم؟؟
سهيل بعصبيه:كيف كذا تطلعين بدون ماتقولين لي؟؟
العنود عقدت حواجبها:من متى طلعاتنا و روحاتنا نقولها لبعض صحصح احنا سكنا عند جدك بس لاتصدق انه حتى واحنا لحالنا بنلعب دور الزوجين اتفاقنا عند اهلك واهلي اننا زوجين بس لحالنا اغراب مجهولين عن بعض مانعرف بعض
سهيل بعصبيه:مو اغراب احنا احنا متزوجين مع اهلنا ولا لحالنا احنا متزوجين
العنود حطت شنطتها على الكنب وتكتفت:يعني؟؟؟؟ وش تبي الحين؟
سهيل عينه بعينها:نرجع من البداية
العنود توجهت لغرفتها ورجعت معاها ورقة وحطتها قدام عيونه:اكيد تذكرها هذي البدايه عندنا
سهيل ناظر عنوان الورقه كان مكتوب اتفاقية وتنهد
العنود نزلت الورقه:هذي البدايه ومعد فيه بدايه ثانيه
سهيل ناظرها
العنود اخذت شنطتها وتوجهت لغرفتها وصفقت بالباب
سهيل ناظر بابها وراح له وطقه:غيري وتعالي الصاله
العنود حطت جوالها بشاحن وغيرت وطلعت له كان جالس على الكنب وعلى الطاولة كانت فيها ورقة وقلمين العنود ضحكة بسخريه وجلست :وش ذا؟؟
سهيل قرب لها الورقه والقلم:اكتبي اتفاقية جديده بطريقك انتي
العنود تذكرت اول ليله بزواجها
~فلاش باك~
العنود دخلت فلة سهيل بفستانها وطرحتها وكانت مستحيه وتمشي على شوي شوي لين الصالة
سهيل شال بشته وغترته وعقاله ونطلهم على الكنب ورقى يجيب شي من فوق ونزل لقى العنود جالسه وتناظر البيت ويوم حست عليه نزلت راسها بحياء حط قدامها ورقه و قلمين العنود اخذت الورقه وصارت تقراها وكل ماله تعبيرها يتغير لصدمه
سهيل ابتسم ببرود:هذي اتفاقية اذا خلصتي قرايتها وقعي
العنود ناظرته بصدمة:مكتوب بنعيش اغراب عن بعض واحنا ببيت واحد وعند اهلنا نمثل اننا متزوجين وكل واحد يعيش حياته وماعليه من الثاني كيف؟؟
سهيل هز راسه:انا وانتي مجبورين على بعض اكيد قالك ابوك هل كلام انه جدي هو الي خطب ولا انا مالي نيه فيك
العنود ترجف يدينها بضعف انه كلامه كثير هي تخيلت انه يحبها عشان كذا اخذها حتى وهي مريضة:بس ابوي قالي كلام غير
سهيل سند ظهره وتكتف:ماعلينا من الي قاله هذاني اقولك الحقيقة انا ما ابيك بس اخذتك عشان جدي قال ومابي اكسر كلمته الحين وقعي على الورقة
العنود ناظرت الورقه ووقعت عليها وسحب الورقه من يدها:بطبعها واعطيك نسخه منها عشان ماتنسين
العنود قامت بثقل من الفستان وثقل قلبها ودخلت اول غرفة بوجها وكانت مجهزه ومزينه كانه مخطط لذا الشي من زمان ولفت على دخول ورقه من تحت الباب واخذتها وطلعت نسخه من الاتفاق الي من جهته حتى ماكلف نفسه يعطيها يد بيد رفعت راسها للمرايه وشافت شكلها كانت لسى بالفستان وطرحه حق عرسها حق اليوم الي كل بنت تحلم فيه حق اليوم الي المفروض يكون احلى يوم بحياتها كيف انقلب كذا وصار اسوء يوم بحياتها و نهارت بكي ونامت بتعب بعد البكي بالفستان حقها والميك اب من اليوم الثاني دخلت ليلي حياتها وحلفت ماتنزل دمعه على سهيل ولا اي احد تعاون بزواجها ابوها ولا ساهر
بعد مده كلمها ابوها وقال لها اسبابه انه ليش زوجها بذي الطريقة ويطلب منها المسامحه وسامحته
~الحين ~
سهيل صفق بخفيف:العنود!!
العنود رجعت للواقع بعد سرحتها وناظرت الورقه:عاجبني الاتفاق القديم خلنا عليه ووقفت
سهيل:انا الي كاتبه بلغيه الحين
العنود ابتسمت:تبي تلغيه من جهتك انت حر بس انا بمشي عليه
سهيل ابتسم:بس انا كاتب انه اذا لغيته انا يلتغي من الطرفين
العنود ناظرته بحقد:ليش تبي تلغيه الحين وبذا الوقت وش غير رايك؟؟
سهيل مبتسم ببرود:كذا
العنود راحت للورقة وحط يده قبل ماتكتب شي عليها:الاتفاق الجديد بيكون من طرفين انا وانتي لاتفكرين انه لحالك الي بيكتب وراح يكون بالاتفاق مثلًا انتي كتبتي اطلع وادخل متى ما ابي وانا كتبت نعلم بعض وين نروح قبل مانطلع هنا تمام بس تكتبين بطلع وادخل ومانب معلمتك هنا يكون لازم نتفق على شي
العنود تكتفت:وش غير رايك بس بعرف؟؟
سهيل ابتسم:.....

تفاعلو حبايبي🩶🫶🏽