مايروس النجوم الا سهيل ولا يقود الظبا غير العنود

البارت الثاني عشر

~غرفة العنود وسهيل~
سهيل هز راسه:اوك عشان كذا تعرفين سعود وش حلمه
العنود عقدت حواجبها:وش قصدك؟؟
سهيل انسدح:مو قصدي شي وغمض عيونه
العنود راحت له:خير وش تقصد تكلم معاي
سهيل يسوي نفسه نايم ومارد
العنود بعصبية:سهيل قوم علمني وش قصدك
سهيل فتح:مو قصدي شي يابنت الناس خلاص بعدين لاتقولين اسمي وأنت معصبه ما استحمل
العنود اخذت شنطتها وعبايتها وفز سهيل:وين رايحه تاخر الوقت
العنود ماردت ولفت طرحتها وطلعت من الغرفة
سعود كان بصالة وفز:العنود وين رايحه؟؟
العنود وقفت وابتسمت له:اشتهيت ايس كريم بروح السوبرماركت
سعود ابتسم:تبين اوديك؟؟
سهيل ناظره بحده:جدار قدامك انا
سعود ضحك وهز راسه:لا مو قصدي بس مانتبهت انك موجود
العنود ببتسامة:اذا تبي تجي تعال قريب السوبر ماركت بروح مشي السياره مع محب ومابي اقومه
سعود ابتسم وناظر سهيل الي عيونه تطلع شرار:لا بخلص شغلي بس لاتنسيني جيبيلي شي معاك
العنود ضحكة:تم بجيب لك شي على ذوقي ومشت مطنشه سهيل الي بيموت من الغيره ولحقها
العنود طلعت من الفندق واستنشقت رايحة البحر عشان الفندق قريب من البحر وخف غضبها شوي
وسهيل الي اكله الغضب من تصرفاتها مع الكل وهو ماتشوفه شي
العنود فتحت قوقل ماب لسوبر ماركت وصارت تمشي وهي مطنشه سهيل وماتكلمت معاه
سهيل كل ماله يعصب ويحس انه بينفجر من العصبية:العنود
العنود ماردت
سهيل وقفها:العنود اكلمك انا
العنود شالت يده من يدها وتكتفت:لاتلمسني وش تبي؟؟
سهيل يحاول يكتم غضبه:وش حركاتك مع سعود هذي؟
العنود عقدت حواجبها:وش حركاته وش سويت تكلم زين معاي وش شايفني انت؟؟
سهيل ابتسم باستفزاز:لا تسوين نفسك بريئه بجيب لك على ذوقي وتعال اذا تبي خير لوحه قدامك انا؟؟
العنود:انت مريض ومختل وش ذا الكلام سالني وين بروح وش اطنشه يعني؟؟؟؟
سهيل:لا لاتطنشينه طنشيني انا تطلعين من الغرفة على كيفك وتدخلين على كيفك
العنود مشت وسحبها بقوه سهيل وتالمت:قلت لك لاتلمسني يا متخلف يامريض المفروض ما انزل معاك ورجعت تمشي للفندق وهي تضغط على يدها
سهيل مسح على وجهه
العنود وصلت للغرفه وطقت الباب بخفيف عشان مايصحون اخوانها وفتح لها سعود
سعود بصدمة:العنود رجعتي بدري مقفله؟؟
العنود هزت راسها:لا برد وقلت ماله داعي ورجعت بروح انام وراحت الغرفة
سعود غمض عيونه بعصبية:هذا يبي يندفن بالحفره الي بيحفرونها له محب ويوسف شكله اخخ سهيل اخخ
مرت ربع ساعة ودق الباب ثاني مره وفتح سعود
سعود بصوت خافت:فيه ثلاثه داخل لو درو انك مزعل العنود دفنوك وانا مانب محرك ساكن انتبه لنفسك
سهيل رمقه ودخل الغرفة وكانت العنود مغمضة عيونها على الكرسي سهيل حط الكيس على الطاولة:ادري انك مو نايمه انا اسف اني سحبتك وعن الكلام الي قلته
العنود لفت راسها للجهة الثانية:لعد تمسكني او تلمسني قدامهم او حتى من وراهم طف النور بنام
سهيل:ماتبين ايس كريم قلتي انك مشتهيته؟؟
العنود تغطت زين وغفت على الكرسي
سهيل تنهد وحط الايس كريم بالثلاجة ونسدح على السرير وصار يتامل العنود
~قصر ساهر~
البنات صحو من بدري وكلهم راحو الصالون الي تسوي شعرها والي تسوي اظافرها
عشق:العنود بتجهز عندنا ولا ببيت اهلها؟؟
اشجان رفعت اكتافها:والله مدري كلمتها بس ماردت بس اتوقع عندنا لانه الملابس الي ببيت اهلها عاديه مو حقت مناسبات
اسيا:الحين بعد الملكة بتروح بيتهم ولا بترجع
اشجان بحده:اكيد بترجع لزوجها وبيتها
لين مسكت يد اشجان تهديها
لتين انتبهت وجلست تراقبهم بس
توق متضايقة من شعرها:يوه شعري قصير ولا ادري وش اسويه
عشق :عادي سويه ويفي حلو او خليه نازل
لين هزت راسها بتاييد:الويفي حلو عليك مره سويه
توق قررت وقالت للكوافيرة تسويه ويفي
اسيا تلمس شعرها:اصيغ شعري اسود؟؟
عشق هزت راسها:لا لا ما يلوق عليك حلو لونه كذا
اسيا تفكر:بس على العنود حلو
اشجان:كل شي على العنود يليق لها لو تصبغ شعرها فسفوري بتطلع تهبل لانها العنود
اسيا عصبت:انتي وش فيك ترفعين لها تراها مو موجوده عشان تقول اوه اشجان دافعت عني اوه بستي خلي عنك حركات المراهقين وتقديس العنود تراها اقل من عاديه وفيه من هو احلى منها
اشجان ضحكة بسخرية:ايه عشان كذا تبين تقلدينها بكل شي شعرها ولبسها وطريقة كلامها وزوجها
اسيا خافت:انتي الحكي ضايع معاك وانا وانتي معد فيه بيننا مناقشات ولا كلام من اليوم ورايح
اشجان:الحمدالله جت منك لاني ما احب اكلم المافقين وخطافين الرجال
اسيا اخذت شنطتها وطلعت من الصالون
توق تناظر اشجان:وش تقصدين بخطافين الرجال وش سوت اسيا؟؟
اشجان:وحده من صديقاتي قالت قد شافت اسيا مع اخوها المتزوج وهي صارت غثيثه من بدينا نسكن مع بعض تغار من كل شي لانها معد صارت المدللة عند جدي وعماني
عشق هزت راسها:صح حسيت بس صدق بطقاق الي يطقها
لين ناظرت لتين:كلمتي ماجد وحشني
لتين ابتسمت:ايه كلمته وقلت له اذا مارجع بنزعل عليك اتوقع انه ببيت جدي الحين
لين ابتسمت براحه:الحمدالله
البنات خلصو وراحو بسياره لتين للقصر الي كان هادي عكس انه فيه عرس
اشجان كشرت:استغفرالله وش ذا البيت الكئيب ولا كانه فيه عرس
لين هزت راسها:مره كانه يوم عادي
ولفت انظارهم خروج ماجد من المكتب بعصبية
ماجد:قلت الي عندي يا جد ياتعاملنا كلنا سواسية يا اخذ امي وخواتي ونطلع من ذا البيت
الجد ساهر بعصبية اكبر:تبي تروح انت رح مع الف سلامه بس تاخذ بناتي تخسي وانا معاملكم كلكم سواسية محد اعلى من احد
ماجد:ايه واضح سهيل حاطه مدير تنفيذي وانا مشرف قسم وين السواسيه هنا؟؟؟
الجد ساهر:سهيل تعب لين ماوصل لذا المنصب لو انك مابديت متاخر كان الحين كلكم بنفس المكان
ماجد:هذا اخر الكلام؟؟
الجد ساهر هز راسه:ايه والحين صر رجال ونسى الموضوع
ماجد صوت:يمه يمه
ام ماجد نزلت بخوف:هلا يمه وش فيك؟؟
ماجد:لمي اغراضك وقولي لخواتي يلمون اغراضهم بنطلع من هنا
الجد ساهر بعصبيه:يانوره ارقي فوق ولا عليك منه لاتسمعين لبزر
ام ماجد بين نارين ولدها ولا ابوها:بس يبه
الجد ساهر ناظرها وهزت راسها:ابشر
لين ولتين وقفو ورا ماجد:ابشر ياخوي الحين اغراضنا تجهز
الجد ساهر ناظرهم بحده:مالكم طلعه من ذا البيت
لتين ابتسمت:معليش بس ولي امرنا قال جهزو اغراضكم واحنا مانكسر كلمته
الجد ساهر:انتي محد رباك يبيلك من يربيك
ماجد بعصبيه:اختي متربية وغصب على الي يرضى والي مايرضى
ام ماجد ضربته كف:ولد هذا جدك
ماجد ابتسم لها:مقبوله يمه ولف على خواته جهزو اغراضكم وقربوها عشان احطها بسياره وبعد عرسهم بنروح ولف على جده بكره استقالتي عند حفيدك الي شايل اسمك وطلع من القصر
لين ولتين دخلو يجهزون اغراضهم
لين بحزن:بنخلي امي؟؟
لتين جلست معاها:امي بحياتها ماشافتنا كل شي لنا عطته لغيرنا وتدور رضى جدي لو انه يهيننا والمكان الي ننهان فيه مانبيه
لين هزت راسها:اوف بس لو اعرف ليش امي كذا طيبه بزيادة اكيد طالعه على جدتي لانه جدي جلمود وقاسي
لتين ابتسمت:عجبتني جلمود لو مسمينه جلمود ابرك
لين ضحكة وقامت كمل اغراضها
لتين بتردد:تتوقعين يوسف بيجي العرس؟؟
لين هزت راسها:اكيد سيل ويوسف راضعين مع بعض يعني اخوان بس ليش تسالين؟؟
لتين ابتسمت:بس اسال سمعت انه انفسخت خطبته
لين شهقت:كذابه من قالك؟؟
لتين:وحده من صديقاتي تعرف هذي ودق مدري وسن وقالت لي انه ابوها لغى الخطبة
لين بحزن:يوه ليش كانو حلوين اتذكرها بالعزاء ماقصرت والله كل يوم جايه تساعدنا وتساعد العنود
لتين ترتب:موب جايه عشان سواد عيونا لا عشان تمسك عليه شي اني كنت واقفه معاك بصعب اوقاتك
لين:لا ما اتوقع حرام احسها طيبه
لتين رفعت اكتافها:مدري والله بس مارتحت لها المهم معلينا خلصنا اغراضي باقي اغراضك امشي نرتبها وطلعو وراحو غرفة لين يرتبون اغراض لين
~الخبر~
كلهم جالسين على طاولة الاكل
العنود ناظرت سيل الي واضح ماغفت عينه:سيل كل شوي
سيل هز راسه:مانب مشتهي
العنود بعدت صحنها:حتى انا تصدق
سيل:عندك دواء لازم تاخذينه كلي
العنود تكتفت وهزت راسها بنفي:منتب ماكل مانب ماكلة
محب ناظرها:العنود
العنود:محب
سعود بمزح:يوسف
يوسف ناظره:وش؟؟
سعود ابتسم:لا احسب ننادي اسماء بعض معليش
العنود ضحكة وسيل ابتسم
العنود قربت لسيل الصحن:يلا كل
سيل ابتسم لها وصار ياكل على خفيف
العنود ناظرت سعود كانها تقوله شكرا انه خلى سيل يبتسم وسعود غمض كانه يقول العفو
سهيل كان حاقد وكاره سعود
سيل قام يغسل
العنود ناظرت يوسف:وش بنسوي؟؟
يوسف عقد حواجبه:بوش؟
العنود:بالعرس بنحظر ولا كيف؟؟
يوسف:اكيد بنحظر ليش فيه شي؟
العنود هزت راسها:لا بس توقعت بيصير اكشن
سعود ضحك:حتى انا قلت بنهربه ومانخليه يحظر
العنود كشرت:خسارة يعني مافيه اكشن
محب ابتسم:وش ماتبينه يتزوج؟
العنود هزت راسها:لا ابيه يتزوج بس ابي اعيش جو المسلسلات والافلام نهرب سيل وساهر يرسل ورانا ناس عشان ترجعه ونتخبى بمكان وكذا يعني
سعود ضحك على خيالها:موب صاحيه تبين ساهر يرسل ورانا ناس مايحتاج اصلا تلقينه هو بكبره داخل المكان الي احنا متخبين فيه ماتشوفين سيل مستسلم للامر الواقع
العنود كشرت:عشان كذا ماحبكم يالاغنياء تعرفون كل شي
محب ابتسم:بترجعين معانا ولا معاهم؟؟
العنود هزت راسها:معاكم اكيد
سهيل ناظرها:برجع معكم انا بعد
العنود تاكل:ماتكفي بروح السوق اول واشتري فستان وبنام بسياره روحو انتو اول وجهزو مع سيل وانا ومحب بنلحقكم
يوسف ابتسم:خلاص انا وسيل وسعود وسهيل بنرجع اول اجل
العنود ابتسمت وقامت تجيب شنطها
سهيل لحقها للغرفة:العنود انتي وش مشكلتك معاي اتفقنا نكون اصدقاء وش فيك تغيرتي؟؟
العنود ناظرته:احنا اتفقنا نكون اصدقاء بس انت الي تغيرت وتبي تكون زوج فجاة عشان كذا انا ارفض هذا الشي واذا كنت تبي تكون زوج فجاة فكون بعيد عني وتذكر عقدك
سهيل كان بيتكلم بس طاحت عينه بعين الي واقف ورا العنود ومانتبهو له واكيد انه سمع كلامهم
العنود لفت انظارها وشافت سيل وغمضت عيونها
سيل تقدم لهم:كلامنا مو هنا بالبيت ان شاء الله وطلع
العنود تاففت وطلعت شنطها وكانت انظار سيل عليها
سيل لف بيطلع:بستناكم بسياره
يوسف وسعود وسهيل يلحقون سيل ومحب والعنود راحو  لسيارة يوسف
محب كان يكلم العنود وكانت ساهيه ومو معاه
محب ناظرها ولمس يدها:العنود
العنود فزت:وش فيك؟؟
محب بستغراب:انتي الي وش فيك اقولك اي سوق تبين مارديتي علي
العنود هزت راسها:خلاص معد ابي تذكرت انه عندي واحد جديد بالبيت
محب ابتسم:تمام تبين ماتشا؟؟
العنود ناظرته:هذا سؤال بالله؟
محب ضحك:يلا ترا انا نص الطريق وانتي النص الثاني لاتقولين تعبانه ماعندي
العنود ابتسمت:ازهلني
مشو طريقهم واخذو مفرحات لطريق ويشغلون اغاني ويصورون مر الوقت وقف محب بطريق
محب ابتسم:نصلي وتكملين عني
العنود ابتسمت ونزلو يصلون وخلصو رجعو لسيارة
العنود تمشي وهاديه
محب ابتسم:قولي وش فيك ولاتقولين مافيه شي لانك قلتي تبين السوق بعدين كنسلتي واكلمك سرحانه والحين فجاة هديتي وش صاير؟؟
العنود تنهدت:كل شي من هنا يوسف ومن هنا سيل مادري وش صاير بس مو عاجبني الوضع
محب عقد حواجبه:سيل وعارفين مشكلته بس يوسف وش فيه؟؟؟
العنود:ابو ودق اتصل عليه وقال مافيه نصيب وكلمت ودق كانت تبكي وللحين ماندري ليش فصخ الخطبة
محب بصدمة:كل ذا وماقال لي
العنود هزت راسها:لا انا ضغطت عليه ولا ماكان ناوي يعلمني
محب تنهد:بس مافهمت ليش فصخ الخطبة وش صار عرفتي من ودق شي؟
العنود هزت راسها:لا كانت تبكي وتقول كلميهم مدري وش غير قرارهم وانا مالي دخل
محب:لاحول ولاقوة الا بالله يعني هو وهي يحبون بعض ليش يخرب ابوها
العنود ابتسمت تغير الجو:اذا رجعنا نشوف وش حل للموضوع بس الحين من يبي ماتشا اناا اوك يلا نوقف عند كوفي
محب ضحك عليها انها تسال وتجاوب:لا مافيه ماتشا هذي الكاس حقك خذي اي شي ثاني بدون كافيين
العنود تاففت:طيب ووقفت عند كوفي باخذ هوت شوكلت تبي مثلي؟؟
محب هز راسه:ايه وحطي دبل شوت قهوه ورانا عرس
العنود ابتسمت وطلبت ومدت الكوب لمحب ولمح يدها وعقد حواجبه العنود اخذت مشروبها وحطته بالي تمسك الاكواب بسياره
محب تنهد:العنود وقفي السياره
العنود:وش فيك نسيت شي؟؟
محب بدا يعصب:قلت وقفي السيارة
العنود وقفت السيارة وناظرته:وش في وسحب يدها قبل ماتتكلم
محب رفع كم عبايتها:هذا وش؟؟
العنود ناظرت يدها وكانت بصمة يد سهيل بعد ماسحبها:ولا شي حرقة نفسي بالغلط بالفير وسحبت يدها
محب عصب:العنود انا دكتور واعرف حرق الفير وشدت اليد هذي بصمات اصابع علميني انه ذاك الخسيس يضربك
العنود هزت راسها:لا لا مايضربني والله
محب بصراخ:اجل هذا وش؟ علميني هذي بصمات اصابعه ولا لا ولا تكذبين يالعنود
العنود هزت راسها وكانت بتتكلم بس نزل محب وراح لبابها:انزلي
العنود:بس
محب صرخ فيها:انزلي بسوق العنود نزلت بخوف وراحت تركب مكان محب
سيارة سيل
يوسف يسوق وسيل جنبه وسهيل وسعود ورا
سيل فتح عيونه على اتصال:محب وش فيك
يوسف هدا
سيل استغرب وفتح الاسبيكر:محب انت على السبيكر وش فيك؟؟
محب بعصبية:يوسف وقف على الجنب ورسلي الوكيشن
يوسف خاف:وش فيكم؟؟
محب:قلت وقف على جنب ورسل الوكيشن وقفل
يوسف وقف والخوف اجتاح السياره
عشر دقايق ووقفت سياره محب ونزل وراح لسيارة سيل وفتح باب سهيل وسحبه وبقسه العيال نزلو بخوف لانه محب وسهيل صارو يتضاربون
يوسف سحب محب الي كان يتلفظ بكل الالفاظ والمسبات
وسعود يسحب سهيل الي يرد عليه
العنود نزلت بخوف دخلت بينهم وهي تبكي:بس محب بس
محب يبعد يوسف:لا مو بس مو بس ان شفتك حولين العنود ثاني مره مايفكك مني الا عزرائيل الي بياخذ روحك بعد ما اخذها انا
يوسف مو فاهم:محب اهجد وفهمنا وش فيه وش صاير
محب اخذ يد العنود:هذا الي صاير الاخ يضرب العنود
يوسف انعمت عيونه:وش تقول؟؟؟؟؟
محب:يضرب العنود والعنود تغطي عنه يوم سالتها قالت حرقني الفير متخيل انه يخوفها عشان ماتعلمنا
سيل وقف قدام يوسف لانه متاكد انه سهيل مو طالع من تحت يد يوسف سالم:يوسف قدام الناس احنا بطريق نرجع البيت ونفهم وسحب محب ويوسف لسيارة حقتهم  وركب سعود وسهيل سيارته وحرك السياره
يوسف يناظر العنود:ليش ماقلتي لنا انه يضربك
العنود هزت راسها ببكي:مايضربني
محب معصب:لا تغطين عليه لا تغطين
العنود تبكي:والله مايضربني امس نزلنا السوبر ماركت اشتهيت ايس كريم وقال خلينا نروح السوبر ماركت قريبه من الفندق منه نتمشى شوي وناخذ ايس كريم واحنا بنقطع الشارع مدري من وين جت سيارة وسحبني عشان ماتصدمني السيارة وعلمت بيدي وماكانت ابي اعلمكم عشان ماتخافون بس وش سويت رحت ضربته بدون حتى تسمعني وش بقول
محب مسح وجهه بندم انه تسرع بس ماينلام العنود قطعه من قلبه وبنته اكثر من هي اخته
يوسف تنهد براحه انه الافكار انه صدق سهيل يضرب العنود ومن متى وليش يضربها كلها تبخرت يوم سمع كلام العنود:محب ثاني مره اسمع قبل ماتسوي شي
العنود ارتاحت انهم صدقوها ولفت راسها لشباك ورسلت الفويس لسهيل عشان يعرف وش يقول اذا كلموه

تفاعلو 😁