مايروس النجوم الا سهيل ولا يقود الظبا غير العنود

البارت السادس والعشرين

< بعد مرور سنه >
السلام عليكم ورحمة الله وبركاته ومرحبا كل التقدير والاحترام والترحيب بكلّ ضيوف مؤتمرنا الذين قدموا اليوم إلينا من كلّ مكان ليشاركونا فقرات مؤتمرنا هذا، فأهلًا وسهلًا بكم جميعًا وتقبلوا ترحيبنا.
تصفيق رجال وسيدات الاعمال انتشر بقاعة الفندق الي يجتمعون كل سنه عشان يشوفون شركاتهم توصل للقمة ومن هو منافسهم الجديد ومن منهم خسر منصبه بينهم ويبدا قطع العلاقات وتكوين المصالح المشتركة
المقدم:ارحب بأستاذي السيد ساهر ال نافل الذي يملك اكبر الشركات بالخليج ويدعم جميع الشركات الناشئة اهلا بك وصفقوله
ساهر ابتسم وهو متراس الكرسي وجنبه سهيل بحدة ملامحه المعتادة
المقدم بدا يرحب برجال الأعمال الكبار كل شخص باسمه ويرفع فيهم ليرضي غرورهم وهم يرضونه بعد الحفل
ساهر لف على سهيل:ابتسم شوي الصحافة موجودين
سهيل ناظره ورجع يناظر المسرح مطنشه
ساهر تنهد ورجع للمقدم يناظره
المقدم:اهلا وسهلا بكم مره اخرى راح نبدا بذكر اسماء الشركات السنه الماضيه وبعدها راح ابدا بذكر الشركات هذي السنه لتذكير كل عاده شركة السيد ساهر الرئيسيه بالمقدمة من اكثر من ١٠ سنوات اللهم بارك له
ساهر زاد غروره وهو يشوف حسد بعض المشاركين
المقدم:خلوكم معاي لخمس شركات فقط هذي السنة تناسبت مع شروط الاشتراك و انعرضت الشاشه بترتيبات
١.شركة ساهر ٢. شركة Vl ٣.شركة علامه ٤.شركة صمت ٥.شركة فيو
صارو يصفقون البعض بفرح الانه اسم شركتهم طلع بعد معاناة والبعض حزين انه اختفت اساميهم
سهيل لف على ماجد الي جالس خلفهم بعدت مقاعد
ماجد طلع جواله وصور شاشة العرض ورسل:خسرنا اسف وقبل مايرسل سمع صوت المقدم مره ثانية
المقدم بتوتر:اعتذر منكم وعم الصمت بالقاعة اعتذر منكم جميعا لاكن هذي القائمة الجديدة وطفت الشاشة وانفتح الباب وصوت كعب من خلفهم وابتسم ماجد لانه يعرف صوت الكعب زين واختفى بجانب ساهر ورجعت انعرضت الشاشة
١.شركة ملهم ٢.شركة ساهر  ٣.شركة Vl ٤.شركة علامه ٥.شركة صمت  ٦.شركة فيو
ساهر ناظر سهيل انه نزل اسمه الثاني
المقدم:شركة السيد ساهر كانت تتراس القائمة من حوالي ١٠ سنوات لاكن هذي السنة شركة جديدة وناشئة تحتل المرتبة الاولى وهذا الخبر صدمني جدا رحبوا معي بالسيدة العنود عبدالله ال ملهم والسيد ماجد صالح ال صالح
سهيل لف ثاني مره على ماجد الي واضح انه مصدوم وكان يدور بعينه على العنود ولف على صوت الكعب الي جاء من جنب جده وكانت العنود تناظرهم ببتسامه على الجنب ومشت للمسرح
ماجد توجه للعنود الي وقفت عند الدرج تستنى ماجد ببتسامة و اشرلها تتقدم وهزت راسها بنفي ومشو مع بعض يعتلون المسرح
المقدم ببتسامة:اهلا فيكم معانا هذي السنة ما تتخيلون فخري وسعادتي برائية اسم شركة شابة بالقائمة انتم راح تدعمون الشباب يقدمون على برنامجنا وعطاهم مايك
ماجد ابتسم:الحمدلله اولا وشكرا لكم جميعا للحين احس اني ماني مصدق بعد القائمة الاولى يعني كنت اقول اننا الاخير او الي قبل الاخير ماتوقعت اننا الاول وهزمنا جدي واشر على ساهر وضحكو الي بالقاعة
ساهر ابتسم يوم توجهت له الكاميرا
ماجد:شكراً مره ثانية وعطى المايك العنود
العنود ابتسمت:الحمد والشكر لله ثم لسيد ساهر لو ما عطى ماجد هذي الفرصة كان ماقدرنا نسوي شي من المخططات الي في بالنا خلني اشاركم لحظات من طفولتي تتضمن فيها السيد ساهر كان هو وابوي رحمه الله اصدقاء وكان اغلب وقتنا مع بعض كان ابوي اذا دخل مشروع يروح لعمي ساهر ليطمنه ويسال عن المشروع كتاكيد كان تطمين عمي ساهر معاك ساهر ال نافل كنت ما اعرف ليش يقول كذا او وش الحكمه لاكن الحين عرفت وناظرت ماجد قلت لك من قبل معاك العنود ال ملهم
الجد ساهر تغيرت ملامحه الي خلت الكاميرا تلقطها وتلقط ملامح العنود كيف شعت يوم شافت ملامحه
العنود:شكراً لكم ونزلت هي وماجد من المسرح ووقف قدامها سهيل
ماجد حط يده قدام العنود:سهيل
سهيل ابتسم بسخرية وعيونه على العنود
العنود ابتسمت:الله يبارك فيك حتى انتم مبروك المركز الثاني ودفته على جنب ومشت مع ماجد
الجد ساهر شاف الناس تتودد لماجد والعنود وقام لهم:مبروك ياولدي و يابنتي
العنود ابتسمت على جنب:الله يبارك فيك سيد ساهر
الجد ساهر ناظرها:اوف صرت سيد يالعنود بنتي
ماجد تقدم لانه عارف اذا العنود قالت شي يعني بتصير فضيحة:الله يبارك فيك ياجدي ومبروك لك بعد ما شاء الله شركتنا بتنافس شركتكم خافو مننا
الجد ساهر:ليش نكون منافسين ما احنا اهل وشراكتنا واجبه
العنود ضحكة بسخرية:معليش سيد ساهر لازم تاخذ موعد لانه كثير يبون شراكتنا عن اذنك ومشت
سهيل كان بيلحقها ووقفه ساهر:خلها
ماجد ابتسم لهم ولحق العنود
الجد ساهر جاء نفس الموقف في باله كان هو يمشي اول وصديقه واخوه عبدالله يمشي وراه بس واستوقفه يوم شاف العنود صارت تمشي على خفيف عشان ماجد يجي جنبها
سهيل الشرار يطلع من عيونه:كيف كيف صار كذا؟؟
الجد ساهر بهمس:بشركة نتكلم الحين عدل وجهك صرنا محط للأنظار اي غلطه بفضيحة
سهيل مسح وجهه على خفيف عشان مايفضح جده
انتهى الحفل بوقت قصير  بعد إعلان النتائج وسهيل والجد ساهر يستنون نهايته على احر من الجمر وتوجهو لشركة حقتهم
دخل الجد ساهر وعم الصمت بإرجاء المكاتب لانه عرفوا انه الشركة صارت الثانية ودخل مكتبة ووراه سهيل
سهيل بعصبية:كيف تعطيهم شركة كيف؟؟
الجد ساهر:انا عطيتها ماجد عشان يكون تحت عيني ويدي مادريت انه يلعب بذيله
سهيل:ان ماقطعته له ما اكون سهيل
سيل دخل عليهم مستانس:مبروك يبه سمعت بالاخبار اننا فزنا كانت شروطهم صعبة مره زين احنا الثانين الحمدلله
الجد ساهر ضرب الطاولة بقوة:الثانين وزين اسم ساهر مانزل من دخلت سوق العمل من سلمت لكم الشغل وانا عارف انكم بتدمرونه وتخلون بزران هل يومين يستولون علينا
سيل أستغرب:مافهمت الثاني ولا الاول ولا حتى الخامس الحمدلله شركتنا مانزلت عن الترتيب ولا نزلت نفس شركات كثيره
الجد ساهر بدا يفقد اعصابه:جب لي ماجد ابيه هنا الحين
سهيل اخذ جواله ودق على ماجد مارد ودق على مكتبه
:اهلا معاك نوال سكرتيره استاذ ماجد من معاي؟؟
سهيل بعد جواله يتاكد ورجعه:حوليني على ماجد
السكرتيره نوال:اعتذر منك استاذ ماجد مشغول الحين تبي اوصل له شي؟
سهيل خلاص وصل حده:حوليني له قبل ما اجي واشب بمكتبكم الحين
نوال السكرتيره:لو سمحت تكلم معاي بسلوب محترم مو بسوق الخضار احنا انت متصل على المكتب الاول بقائمة الشركات الخليج اجمع اذا ماعندك شي شكرا لاتصالك وقفلت
سهيل بعد الجوال وعيونه شرار:قفلت الخسيسه
سيل للحين مو فاهم شي:وش تبون بماجد الحين؟
الجد ساهر قام:شركة ماجد هي الاولى على الشركات
سيل زادت ابتسامته:ما شاء الله والله عرف يفتح شركته الخاصة قلت لك من اول عطه الفرصة بيبدع فيها
الجد ساهر ناظره:ياليته ابدع فيها الحالة معاه العنود
سيل انصدم:العنود بنت عمي عبدالله؟؟؟
الجد ساهر هز راسه:ايه وناظر سهيل مدامهم مايبون يردون نروح لهم وناخذ الكلام وجها لوجه
سهيل هز راسه ومشى ساهر ومشى وراه سهيل وسيل لشركة ملهم
~ شركة ملهم ~
العنود وماجد جالسين بغرفة الاجتماعات
العنود سندت ظهرها:الخطه الاولى نجحت الحمدلله بس لاتنسى باقي مشوار طويل لنا
ماجد آبتسم:الحمدلله كنت فاقد الامل والله بعد ماشفت شروطهم بس الحمدلله جت معانا والله
العنود هزت راسها:بنفتح فروع كثيره ونوظف ناس اكثر ان شاء الله
ماجد سند راسه:ان شاء الله خلنا نحتفل بالانجاز هذا اول بعدها نبدا من داي وان
العنود اخذت جوالها:وش بتاكل؟؟
ماجد ضحك:من يصدق انه العنود هذي نفسها الي قالت لي تحلم بالعشاء
العنود ضحكت:ومن يصدق انه هذا ماجد الي طلب نروح نتعشى
ماجد آبتسم:معليش كانت مراهقه متاخره
العنود ردت الابتسامة:بسرعة وش بتاكل الحين جدك وحفيده ينطون بوجيهنا
ماجد ضحك:والله انك صادقه جيبي اي شي ومد لها بطاقة
العنود رجعتها:معاي
ماجد رجع لها البطاقة:حقت الشركة مو حقتي طلعت نسختين لي ولك والصبح اليوم استلمتها
العنود اخذت البطاقة:مدامه كذا اوك ولفو على طق الباب
نوال:اعتذر استاذ ماجد بس فيه أشخاص يستنونك ادخلهم ولا استنى
ماجد تنهد:يعني مراح ناكل!!
العنود ضحكت:ياربيه ماهمك الا بطنك من هم يا نوال؟
نوال:يقول سهيل ولد خال استاذ ماجد ومعاه اثنين
العنود ناظرت ماجد:صدق مراح ناكل دخليهم نوال يعطيك العافية
نوال ابتسمت لهم ورجعت لمكتبها:تفضلوا استاذ ماجد وأستاذه العنود يستنوكم بغرفة الاجتماعات واشرت على الغرفة
سيل بصدمه:استاذ واستاذه؟!!!!
سهيل والجد ساهر دخلو غرفة الاجتماعات
العنود وجنبها ماجد على راس الطاولة:سيد ساهر وش ذي المفاجاة الحلوة مرتين باليوم تفضل واشرت على كرسي جنبها
الجد ساهر مشى لين الكرسي وسحبه:المره الاولى كانت مفاجأة بس هذي المره جيت اكمل كلامي الي ماكملته
العنود عقدت حواجبها ببتسامه:بس ما اتذكر انه كان بيننا كلام عشان تكمله تعبت نفسك على الفاضي
سهيل شد يده:ماعندنا كلام معاك احنا جايين لماجد انتي يمديك تمشين اذا خلصت مهزلتك
العنود:سيد سهيل تفضل ماشفتك اعذرني اليوم داير راسي من الي كلمتهم بعد مافازت شركتنا بالمركز الاول ما انت كنت حاضر مايحتاج ابرر
سهيل مو بالعها ابد:معذوره الحين تفضلي شوفي شغلك بعيد عندنا كلام مع ماجد
العنود ببتسامة ميته:شكلي لازم اشرح لك زين اذا عندك كلام فهو معاي انا لانه عندي الحصه الاكبر وهذي شركتي وماجد شريك كذا مفهوم ولا اجيب الاوراق؟؟؟
سيل وقف شعر جسمه من منظر العنود وماجد وابوه وسهيل كان مهوول ومرعب كيف ماجد والعنود واقفين بهذي القوة قدام ابوه ساهر ال نافل وتقدم سيل يخفف الجو:مبروك عليكم المركز الاول وانا اقول ملهم كيف طلعوه
العنود ابتسمت ابتسامة صدقيه يوم شافت سيل:مايحتاج اقول ملهم لكل شخص عنده طموح والهام يشرفنا بشركتنا المتواضعه واسم عايلتي بعد فيه احلى
سيل ابتسم:ايه انتي
العنود ضحكة بخفيف واشرت:تفضل
سيل اشر لابوه وسهيل يجلسون عشان يتفاهمون
العنود ناظرت ساهر:سيد ساهر قلت انه عندك موضوع تفضل
ساهر ناظر ماجد:ماكان اتفاقنا
العنود قدمت اورق له:بالاتفاق مكتوب اذا طلع اسم شركة ماجد بالقائمة تتحول الشركة لاسمه على الفور
سهيل ابتسم:ايه شركة ماجد بس انتي قلتي انك تملكين الحصة الاكبر يعني الاتفاق ملغي
العنود ناظرته بنفس الابتسامة:صحيح قلت هذا الكلام لانه قبل دخولكم بدقايق جت موافقه انه الشركة يوم فازت كانت باسم ماجد وهو حولها باسمي وهذا قراره ناظرت ماجد صحصح؟
ماجد ابتسم لها وهز راسه:صحيح وقعنا الاوراق ووصل الصك وطلع جواله يوريهم الصك انه الشركة بنسبة ٥١ بالمئة للعنود
سهيل اختفت ابتسامتها
العنود زادت ابتسامتها:لاتنسى سيد سهيل اني طالبة قانون واخوي المحامي يوسف عبدالله ال ملهم
الجد ساهر حس انه الامور تطلع عن السيطرة:يابنتي احنا مو جايين شر جايين خير وندور مصالح بعض بشراكتنا
العنود:كان ودي سيد ساهر اكمل الموضوع بس احنا حاطين وقت عشان هذي المواضيع تقدر تحجز موعد من عند نوال السكرتيرة وهي راح تشرح لكم وراح ترد عليكم بأقرب موعد ان شاء الله ووقفت تفضلوا نورتو الشركة
قام الجد ساهر وسهيل والعصبية ماليه وجهم
سيل تقدم لها:سنه كاملة ماشفناك ويوم نشوفك طلعتي قرون ساهر العنود ناظرته بخوف وضحك تعجبيني هاي فايف ورفع يده العنود تنهدت براحة وضربت يدها بيده وطلع
العنود جلست وسندت راسها على الكرسي وصارت تدور فيه
ماجد يناظرها بهدوء:لازم تعلمين اخوانك لتين قلقانه عليك وعلى يوسف
العنود تنهدت:ان شاء الله بس كم يوم واعلمهم ووقفت انا بروح البيت وانت قل لنوال تشوف لنا مطعم وتحجزه
ماجد بمزح:معليش امي ماترضى اتاخر عن البيت بعدين من اقول معاه ما اعرف اكذب اذا قلت العنود راح تجبرك تتزوجيني عشان تغطين الفضيحة وانا مهري عالي
العنود ضحكة:شين ويتدلع لا قلها تحجز نحتفل بهاذي المناسبه مع الشركة يعني يجيبون بوفيه بشركة ياذكي
ماجد ضحك معاها:اوك بوس وطلعت العنود لسيارتها
صوت ضحك من وراها:والله لبنت الفقر شركة
العنود كملت مشي:و لحفيد الحرامي شركات وفتحت سيارتها ورجعت عن الباب يوم سكر الباب بقوة وناظرته ببرود يعني حسبالك بتخوفني جاي لموقف السيارات؟؟
سهيل بعصبية:طول السنه وانا افكر وش بسوي فيك اذا تقابلنا ثاني مره طول السنه وانا ادعي انه هل يوم قريب عشان بس ادمرك واتلذذ بمعاناتك
العنود ضحكة لدرجة صدى المواقف يطلع لشارع:

تفاعلو حبايبي 🥹🥹🥹