مايروس النجوم الا سهيل ولا يقود الظبا غير العنود

البارت الواحد والعشرين

< فلة سهيل >
العنود صحت وناظرت الغرفة كانت غرفتها وقامت تجلس وحست انها عاريه وناظرت نفسها ولفت جسمها بشرشف ولفت راسها الا شافت ظهر سهيل العاري وشهقت وبعدت عن السرير وطاحت على الارض وصارت تهز راسها بنفي وبدت تسترجع الي صار يوم قرب منها سهيل وصارت تبكي بالم
سهيل فتح عيونه وسمع انينها وبكيها وتنهد:ترا فيه انسان نايم هنا
العنود سكرت اذونها ماتبي تسمع صوته:اسكت اسكت
سهيل لف عليها جلس:وش فيك انتي وش جاك؟
العنود اشرت على السرير:قول انه كذبه قول انه مقلب الله يخليك
سهيل :انتي تحديتيني
العنود قامت بكره:ماكنت بوعي يانجس استغليتني واغتصبتني
سهيل ضحك ببرود:والله انك دراما انا زوجك كيف استغلك
العنود بدت تنهار:ماكنت بوعي اغمى علي وانت فرضت نفسك علي
سهيل اخذ تيشيرته ولبسه:بروح اسبح وبجيب لنا فطور وطلع
العنود دخلت الحمام وهي لافه الشرشف عليها ووقفت عند المراية وشالت الشرشف صارت تناظر جسمها كانت العلامات على كل جسمها واخذت الشمعه الي حاطتها ورمتها على المراية وتناثر القزاز بكل مكان كان الصوت عالي لدرجة خلى سهيل ينزل يشوفها
سهيل فتح الباب وصد يوم شافها عاريه ومد يده:العنود امسكيني
العنود تناظر القزاز وانعكاسها وصارت تضحك
سهيل تقدم لها على خفيف لاتسوي شي لنفسها:العنود امزح معاك ماسويت شي ماجيتك ابد
العنود رفعت راسها له
سهيل مد يده:العنود عطيني يدك الله يخليك عطيني بتجرحين نفسك
العنود مدت يدها اخذت قزازه بس سهيل سحبها وجرحت يده وسحب العنود وحضنها وطلع من الحمام وهو حاضنها
العنود رجعت لها الذاكرة كيف كان شادها وصارت تبكي وتبعده عنها
سهيل رخى يده وبعد ولفها بالفوطه:ماجيتك والله العظيم ماجيتك بعد ما اغمى عليك حاولت اصحيك وارش عليك مويه وتبللت ملابسك والله شلتها بدون ما اشوفك وانتي كنتي لابسه قميص مدري فستان وماعرفت ارجع البسك وغطيتك وانا نمت بدون ما احس وشكلي احتريت وشلت التيشيرت بس
العنود صارت تناظره ببرود
سهيل حس انها مو معاه:العنود
العنود صارت تلمس رقبتها
سهيل هز راسه:هذي كدمات مو الي في بالك انتي كنتي تضربيني وتضربين نفسك وشال تيشيرته شوفي عندي نفسك كانت كدمات وخدوش اظافر العنود عليه
العنود اخذت شهيق كبير وطاحت على الارض براحه
سهيل كان بيتقدم بس خاف انه يخوفها:روحي حمام غرفتي تروشي بجيب لك ملابس
العنود هزت راسها بنفي:بروح غرفة ليلي
سهيل ما جادلها:تمام وسكر باب حمامها بالمفتاح واخذه معاه عشان ماتسوي شي
العنود ناظرت الارض وسرحت
سهيل راح غرفته ودخل الحمام يغسل يده عشان يعقم جرحه وكان يتالم:اوف اوف ليش مزحت معاها كذا استغفرالله بس واخذ جواله الي دق ورد هلا
سعود تنهد براحه:ياخي وينك تو البنات يقولون انه من امس ماشافوك انت والعنود وش صاير؟؟
سهيل يعقم جرحه ويتالم:سعود شوي واكلمك تمام
سعود:خلاص اشوفك بملكة يوسف ولتين ان شاء الله
سهيل لف على صوت الكوب الي طاح وتنهد:تمام وقفل
سهيل ناظر العنود الي كانت واقفه وراه لانه بالمطبخ عشان الاسعافات الاولية:العنود اخذها ولا لا يبقى اخوك الكبير
العنود ناظرت الكاس ولمت القزاز ورمته وراحت الثلاجة تاخذ مويه بدون ما تتكلم
سهيل ابتسم:وش رايك بعد الملكة نسافر ترا العرض للحين قايم اذا تبينه؟
العنود هزت راسها بتاييد ومشت تطلع من المطبخ
سهيل اتسعت ابتسامته اكثر وصوت:خلاص اجهزي اليوم بليل نروح المطار وعقم جرحه على السريع وراح غرفته يجيب اغراضه وطلع الا شاف العنود جالسه وشاردة
العنود رفعت راسها:بروح البيت ماعندي فستان هنا
سهيل:نروح السوق وتشترين الي تبين ونتجهز هنا اذا تبين وانا بقول لسعود يجيب ثوبي واغراضي واذا رحنا جهزت شنطتي على السريع
العنود هزت راسها:عادي تسوق انت؟
سهيل ابتسم:اصلا محد بيسوق غيري يلا مشينا العنود اخذت شنطتها وطلعت مع سهيل
~ قصر ساهر ~
البنات كانو يتجهزون عشان يروحون الصالون
لتين ناظرتهم:بنات من بيسوق؟؟
كلهم صارو يتلفتون محد يبي يسوق
لتين اشرت على اسيا:انتي بتسوقين يلا
اسيا تاففت لانه مالها خلق تروح بس غصبوها:يلا خمس دقايق اذا مو كلكم بسيارة مشيت
اشجان قلبت عيونها وناظرت لين:يعع احس مابي اروح بسوي شكلي هنا وخلاص
لين بزعل:لا الله يخليك خلينا نروح ياختي مابي اجلس معاها لحالي
اشجان ابتسمت:تذكرت سعود يبيني واذا رحت مدري متى برجع
لين هزت راسها:تمام خلاص مدام سعود يبيك اكيد شي مهم
اشجان ابتسمت والبنات راحو يركبون السيارة
لتين ناظرت لين:اشجان وين؟؟
لين:سعود يبيها بتسوي الميك اب حقها بالبيت
لتين هزت راسها:تمام وسرحت بدريشة كل ماقربت الملكة كل مازاد توترها اكثر
عشق همست لتوق:الحين ودق اغمى عليها لما سمعت بالملكة وش بتسوي بالملكة الحقيقة بليل
توق رفعت اكتافها:ما اتوقع بتسوي شي وش تبي خلاص اعرست هي بتخرب على الرجال حياته؟
عشق صارت تناظر لتين السارحة:ان شاء الله تكون عاقله
لتين تنهدت:ان شاء الله
عشق وتوق سكتو بصدمة
لتين ناظرتهم:وش فيكم تكلمو بالي تبونه بس معد فيه ودق ويوسف فيه لتين ويوسف من اليوم ورايح
لين صفرة:يالغيور انت
لتين رمقتها بمزح ولفت راسها ببتسامة
لين ضحكة:شفتك ترا
عشق ناظرت لين:العنود وش صار عليها عرفو وينها؟؟
لين رفعت اكتافها:مدري بس سيل يقول انه سهيل لقاها وين مدري
توق:مدام سهيل لقاها يعني بتجي الملكة
اسيا شدت على يدها:سمعت انها ماتبي لتين ليوسف
لين:اسيا وش ذا الكلام؟
اسيا ناظرتها من المرايه:هذا الي سمعته سمعتها هي ويوسف كانت تقول لو اخذتها انسى انه عندك اخت اسمها العنود
لين هزت راسها:لا لو قالت كذا ما خطبت لتين من امي
اسيا:هي ما خطبت هي حطت عندها خبر للي يبيه يوسف
عشق حست انه لتين توترت:ماعلينا من العنود اهم شي يوسف يبيها وانتي مصدقه انه العنود بتخلي يوسف ينسى انه عنده اخت اسمها العنود ماتسويها هي تقدسهم يمكن قالت ذا الكلام بس كذا اقول بس حطي اغاني وخلي عنك الكلام الفاضي
توق هزت راسها:صادقه حطي لنا اغاني صاحيه لو سمحتي
اسيا شغلت اغاني وصارو البنات يغنون ويرقصن الا لتين الي بدا يشغل بالها الموضوع هل العنود بتنتقم على السنين الي راحت الحين بهل المناسبة
~ جناح سيل و ودق ~
سيل حس انه ودق طولت وخاف انه اغمى عليها مره ثانية وراح للغرفه يطقها:ودق
ودق كانت سارحة وحاضنه جوالها
سيل زاد خوفه وطق اقوى:ودق بنت
ودق حست عليه وقامت تفتح بعد ما مسحت دموعها:هلا؟
سيل يناظرها:فيك شي اهلك فيهم شي؟؟
ودق تصنعه الابتسامة:لا مافينا شي
سيل هز راسه:تمام جابو الفطور تعالي ناكل عشان نجهز
ودق هزت راسها ومشت معاه لصالة وجلسو يفطرون او بالاصح سيل يفطر و ودق تلعب بالاكل
ودق ناظرت سيل:بنت اختك الي بتتزوج اليوم بتاخذ صديقك ذاك؟؟
سيل ابتسم وهز راسه:ايه تصدقين انه لساني طلع فيه شعر من كثر ما اقوله تزوج اعرس انت كبرت الي بعمرك عندهم عيال كان يقول توه النصيب ما جاء حتى ماتوقعت انه بيتزوج بعد ماتركته خطيبته عشان واحد غني بس الحمدالله صار نصيبه مع لتين الله يوفقهم
ودق عقدت حواجبها:خطيبته تركته عشان واحد غني؟؟
سيل:ايه عبدة الفلوس كانت تضحك عليه باسم الحب يوم جاها الغني سحبت عليه
ودق:هو قالك كذا انها تركته عشان الفلوس ؟؟
سيل هز راسه بنفي:لا يوسف على انه محامي ولسانه سليط بس مع البنات او النساء عامتنا مايقدر يغلط عليهم يعني قال خلاص راحت هذا نصيبها الله يستر عليها وعلي وانا بلاقي نصيبي مع غيرها يوسف انسان عاقل وفاهم بس مشكلته انه كتوم وماتعرفين اذا هو متضايق ولا حزين ولا فرحان كله واحد قدامك
ودق تنهدت وهمست:عارفه
سيل ماسمعها:قلتي شي؟؟
ودق هزت راسها:اقول الحمدالله
سيل ناظر صحنها:ما اكلتي شي
ودق:الا اكلته الحمدالله بقوم اجهز
سيل هز راسه:البنات راحو الصالون بتروحين لهم؟؟
ودق هزت راسها:لا بجهز هنا
سيل ابتسم لها:تمام انا بروح الحلاق اجل اذا بغيتي شي من برا دقي علي ووقف وناظرها يستنى ردها وهي ابتسمت وهزت راسها بدون كلام وطلع من الجناح يروح الحلاق
ودق راحت لدولابها تطلع لها افخم فستان عندها لانها تبي تكون احلى من لتين بكثير
< الحلاق >
يوسف كان يحلق وخالد وراه بالكراسي ومحب جنبه
محب ناظر يوسف:كلمت العنود؟؟
يوسف هز راسه بنفي
محب:بتجي تتوقع؟؟
يوسف تافف:تبي تجي محد مانعها ماتبي كيفها محد جابرها خلاص ياخي كل شوي العنود بتجي العنود العنود خلاص
خالد عقد حواجبه:يوسف وش جاك؟؟
يوسف:ماجاني شي بس خلاص
محب بتكلم بس خالد اشر له يسكت ولف على دخلت سيل
سيل حس انه الجو متوتر وابتسم:هلا ياعريس حتى ما تدق تقولي انه اليوم ملكتك بتخليني ازعل
يوسف ابتسم:شف جوالك انت وتعرف اني كسرته ادق عليك من الصباح
سيل جلس:ما شفته اليوم ودق تعبانه وجلست معاها
محب يبي ردت فعل من يوسف بس يوسف هز راسه ببرود:الحمدالله على سلامتها
سيل ابتسم:الله يسلمك ايه وش تسون بعد الحلاق لاني معاكم ترا
خالد لف على سيل:كلمت ولد اخوك شفت العنود؟
سيل هز راسه بنفي:كنت بسال محب عنها كلمتكم هي؟؟
محب وقف عشانه خلص:بكلمها الحين وطلع يدق عليها
العنود شافت جوالها وردت:هلا؟
محب عقد حواجبه:هلا لحالها بدون حبيبي زعلتيني والله
العنود ابتسمت بخفوت:هلا حبيبي ولا تزعل
محب ابتسم:ايه كذا يبدا صباحي وشلونك؟
العنود:تمام الحمدالله
محب حك حاجبه:اسمعي
العنود قاطعته:ادري مايحتاج تقولي وصلني الخبر مبروكين والله يتمم لهم
محب عقد حواجبه:مراح تجين؟؟
العنود تقلب بالفساتين:الا محب بجي بسوي الواجب واروح تبي شي مشغولة الحين
محب:لا ياحبيبتي مع السلامة وقفل بعد ماردت عليه ورجع للحلاق
خالد ناظره:وش قالت؟؟
محب:ماقالت شي قال بتسوي الواجب وبتروح بس
يوسف حك حاجبه:يارب الهمني الصبر والسلوان
سيل عقد حواجبه:وش فيكم وش فيها العنود؟؟
محب:العنود ماتبي لتين ليوسف
يوسف ضربه عشان يسكت
سيل:ليش ماتبيها ليوسف صاير شي بينهم؟؟
محب حط كفينه قدام :هنا لتين وهنا يوسف ورفع كف لتين عن يوسف فهمت؟؟
سيل عقد حواجبه وهز بنفي:لا والله
محب:لتين حفيدة ساهر ال نافل ويوسف ولد ال ملهم صح ابانا مايفرقون بيننا بس الناس تفرق فهمت مو انت و ودق كلكم سواسية لا يوسف يعيش على راتبه وموظف انتو تعيشون على شركة الوالد الله يحفظه
سيل رماه بالمناديل:اقول بس ماعندك سالفة قال اقول الناس تفرق اقول بس ذا نصيب ال ملهم ال نوفل ال هامي كلنا واحد واحنا اخذنا بنتكم وانتم اخذتو بنتنا
محب ابتسم:خوذو بنتكم بس رجعو لنا بنتنا ممكن؟
سيل ضحك:مافيه راحت عليكم
خالد تنهد:بروح الغسال اطلع ثوبي روحو مع سيل مدام روحتكم وحده
يوسف رما له المفتاح وابتسم:تمام خالد طلع لسيارة يوسف
سيل ناظره:للحين يبي العنود؟
محب هزت راسها:ايه
سيل تنهد:الله يعينه الي يبيها تزوجت غيره ويشوفهم كيف حياتهم
محب ابتسم لما لمح بيوسف ردت فعل:مو لحاله الله يعين
سيل وقف وشاف وجهه بالمرايا:خلصت مشينا؟؟
قامو العيال كلهم وراحو لسيارة سيل
سيل يسوق ويوسف جنبه ومحب ورا
يوسف عقد حواجبه
سيل ناظره:معليش عطر ودق انكسر ونشب بسياره
يوسف لف لدريشه لانه قاعد يضعف ومايبي يخرب المخطط حقه
~ المول ~
العنود تدخل المحلات وتطلع بدون فايده
سهيل ابتسم لها:اسمعي وش رايك اختار لك انا؟؟
العنود هزت راسها :ايه الله يخليك خلنا نفتك
سهيل صار يناظر الفساتين وهز راسه بنفي:وانتي تكلمين رفعتي فستان كان حلو نرجع نشوفه؟؟
العنود مشت هي وسهيل للمحل الي قال عنه سهيل
سهيل رفع الفستان:هذا هو
العنود اخذته وصارت تقلبه:تمام
وقف عندهم موظف:اختيارك بيعقد هيدي اخر قطعه عندنا واجت من نصيب بنتك
سهيل ناظره بصدمة والعنود ماقدرت تمسك ضحكتها وصار وجها احمر من الضحك
الموظف حس انه فيه شي غلط:بردون بعتذر كتير اذا حكيت شي غلط
سهيل لف على العنود وكانت تحاول تمسك ضحكتها:احمد ربك انك ضحكتها بس ولا كان لي حكي ثاني
الموظف مافهم بس ابتسم:بدكم تحاسبو شبكة ولا كاش؟
العنود طلعت بطاقتها وسهيل حاسب عنها وناظرته
سهيل ابتسم:مو يقول بنتك فيه اب يخلي بنته تحاسب؟؟؟
العنود كشرت:ياسخفك
سهيل اخذ الفستان وطلع والعنود كانت معاه
سهيل شاف ساعته:يوه تاخرنا بنزلك بالبيت وبروح الحلاق
العنود هزت راسها وراحو لسياره وحرك السيارة للبيت بعد مده وصلو للفله ونزلت العنود وسهيل راح للحلاق

تفاعلو حبايبي🤍🫶🏽