مايروس النجوم الا سهيل ولا يقود الظبا غير العنود

البارت السابع عشر

<قصر ساهر >
العنود اخذت جوالها من ودق ومشت بتروح لاشجان ولين بس دق جوالها وكان اسم يوسف وتنهدت ودخلت المجلس حق البنات
العنود ردت:اسفه بس هي ترجتني وانا ما احب الي يترجاني وحلفت معد تكلمك بعد هذي المره
يوسف تنهد براحه:العنود كنت خايف عليك انه صار لك شي وهي دقت تقولي
العنود ارتاحت:يعني مراح تهاوشني؟؟
يوسف ابتسم:الا بهاوشك بس بطمن عليك اول
العنود ابتسمت:انا بخير بس صدق يوسف كان شكلها يعور القلب
يوسف تنهد بضيق:العنود موضوعنا انتهى هي اخذت اخوي وانا مانب مخرب عليه حياته وحياتي هي مردها تطفش من الدق وتبدا تعيش حياتها مع سيل وانا بعيش حياتي
العنود كانت بتتكلم بس شافت سهيل يدخل:خلاص حبيبي نام بعدين اكلمك
يوسف تثاوب:يلا انتبهي لك واذا تبين شي كلميني
العنود ابتسمت:ان شاء الله مع السلامة وقفلت وناظرت سهيل فيك شي؟؟
سهيل هز راسه بنفي بعدين غير:ايه بقولك شي بس الموضوع قديم
العنود عقدت حواجبها:وش؟
سهيل توتر كيف يفاتحها بالموضوع:احم شوفي هو الموضوع من زمان تم ولف على فتحة الباب وسكت
ماجد دخل ببتسامة:جدي جاء ويناديكم
العنود وسهيل هزو راسهم:تمام
ماجد طلع بعد ما ابتسم للعنود على جنب
العنود وقفت:خلنا نطلع لايعصب علينا جدي
سهيل كان بيكمل بس تنهد و وقف معاها عشان يطلعون
طلعو وجلسو بصالة كانو يسولفون ويتقهون وتعشوا وكل واحد راح غرفته
<جناح العنود وسهيل>
سهيل جلس بصالة ومايدري كيف يفاتح العنود بموضوعه هو واسيا الي بدا يتنشر
العنود اخذت مويه من المطبخ وعينها على سهيل الي شارد وطاحت العلبه من يد العنود وفز سهيل
العنود شالت العلبة:معليش مانتبهت بدخل انا
سهيل هز راسه واشر لها تجلس:اجلسي شوي عندي موضوع
العنود جلست وهي تشرب المويه:وش فيه؟؟
سهيل تنحنح:اسمعي هذا الموضوع قديم وانا ابي افتح صفحة معاك جديده واي شي صار بالماضي خلاص راح وطويت الصفحة
العنود هزت راسها:تمام؟
سهيل بتوتر:انا كنت اعرف وحده قبل زواجنا وحتى بعد زواجنا بس والله انتهت علاقتنا خلاص من اول ماقلت لك نبي نفتح صفحة جديدة قبل موت اهلك الله يرحمهم
العنود هزت راسها ببرود:طيب ذي حياتك وانا مالي دخل فيها عرفت وحده قبلي بعدي هذي حياتك بس اهم شي ماتكون تعرفني لاني ما احب الخداع ونفاق وانه يكون الشخص بوجهين
سهيل هز راسه بسرعة:لا لا ماتعرفينها
العنود ابتسمت:تمام خلاص عشان بنام
سهيل ابتسم:ايه بس كنت بقولك عشان ماتعرفين من احد ثاني
العنود وقفت وراحت غرفتها
سهيل حط يده على راسه يعني قال لها عن الحقيقة بس مو كامله وكيف راح تكون ردت فعلها اذا درت انها اسيا وتنهد ووقف دخل غرفته
العنود تنهد بطفش لانه ماعندها شي تسويه الحين بعد ما اخذت ترم من الجامعة عشان الي صار لها ولاهلها ونسدحه تفكر بكلام سهيل انه يعرف وحده ودق جوالها اخذته ترد بدون ماتشوف الاسم:هلا؟؟
ماجد ببتسامة:هلا وغلا انتي
العنود بعدت جوالها وكان اسم ماجد عليه:اخلص وش تبي ولا بقفل
ماجد يدخن بالحديقه:تو تو تو كذا تكلمين شريكك بشغل
العنود وقفت وبهمس:ماجد الموضوع هذا بيننا وانت وقعت عقد بسريته
ماجد ببرود:لسى ما وقعت عشان اقول انه شي سري
العنود قلبت عيونها:وش تبي؟؟؟
ماجد ابتسم بخبث:العشاء
العنود بدت تعصب:باحلامك
ماجد ببرود:اجل بخلي الشركة كلها لي وش رايك؟
العنود:ما انصحك ياماجد لانه ذراع العنود ما يلتوي وقع العقد ولي ٥١ بالمئه من الشركة ولا نزلت الحين وقلت لخالتي نوره انك متزوج مسيار
ماجد بصدمة:كيف؟؟؟؟
العنود ابتسمت:قلت لك ذراع العنود ما يلتوي وقفلت وتنهدت براحة انها لقت شي على ماجد قبل مايسوي حركته
ماجد دب الخوف داخله وراح غرفته يطبع العقد ويوقع عليه قبل ما تفضحه العنود
سهيل دق الباب الي بين الغرفتين العنود عقدت حواجبها وراحت تفتح
سهيل ناظرها:سمعتك تكلمين وماجاني نوم تبين نشوف فيلم؟؟
العنود تناظره ببرود:بنام
سهيل ابتسم:عادي نشوف شوي بعدها نامي
العنود هزت راسها:تمام عندك فيلم ولا بتدور؟
سهيل ابتسم وهز راسه:لا موجود برتب الصالة وشغله واناديك
العنود ابتسمت وهزت راسها وسكرت الباب بالمفتاح وتنهدت:استغفرالله متى اخلص منه بس واخذت جوالها وطلعت لصاله ربع ساعة وسهيل خلص كل شي وشغل الفيلم وكان كوميدي وجلسو يتفرجون
سهيل يضحك وهو ياكل الفشار:هذا الرجال كل افلامه حلوه ولف على العنود الي كانت نايمه على الكنب وصار يتاملها ويتامل رموشها الكثيفة وشفايفها
:اذا خلصت تاملي علمني عشان اروح انام
سهيل توتر ولف على الشاشة:وين اتاملك من زينك
العنود فتحت وابتسمت بثقه:من زيني لانه زيني ماله مثيل وكثير عليك عشان تشوفه ووقفت تروح غرفتها
سهيل حط يده على قلبه الي كان يدق بسرع ماعنده ويحس انه بيطلع من مكان:اوف اوف اهدا ولف على بابها وكانت العنود واقفه ببتسامة ورافعة حاجبها و متكتفه وقالت علمني قبل مايوقف قلبك عشان اقول لهم انه جمالي الي مو منزينه وقف قلبه وضحكة ودخلت غرفتها وسكرت الباب
سهيل بحالة صدمه انه شافته كذا مما بيزيد غرورها غرور وقام بسرعه لغرفته وقفل الباب
مر عليهم كم يوم حياتهم هاديه
<الفندق >
على العصر سيل ينادي:ودق يلا بنمشي بنرجع البيت
ودق طلعت من الغرفة:الحين وش بيصير ببيتكم؟
سيل ابتسم:مو صاير شي ابوي عازم يوسف ومحب يغيرون جو معانا و وضعهم عادي يجلسون من البنات بس انتي اذا متضايقة يعني اقولهم
ودق لقتها فرصة:لا عادي اذا انتو متعودين كذا انا جالسه بعبايتي وبجهة البنات
سيل هز راسه:ايه حتى العنود تجلس بعبايتها يعني منتي حاسه نفسك غريبه بينهم
ودق:بس العنود الي تجلس بعبايتها والبنات؟؟
سيل هز راسه:لا البنات يلبسون شي مريح وواسع لانهم متعودين على يوسف ومحب وحسبت اخوانهم
ودق تضايقت:بس هم مو اخوانهم
سيل رفع اكتافه:هذا الموضوع عاد اذا تبين تتناقشين تناقشي مع ابوي واباهم لانه انا مالي خص واخذ شنطهم ينزلها
ودق صارت تفكر ب لتين لانه كان واضح انها حاطه عينها على يوسف وبدت تتوتر من الفكرة وهزت راسها واخذت اغراضها تنزل ماتبي تفكر بالموضوع
سيل رتب كل شي وركب السياره:باقي شي ولا امشي؟؟؟
ودق هزت راسها:لا خلاص كل شي تمام
ووصل قصر ساهر بعد ساعه لانهم وقفو ياخذون اغراض عشان مايدخلون يدهم فاضيه ونزلو يسلمون على الموجودين
سيل حب راس ابوه:وشلونك يبه ؟؟
الجد ساهر هز راسه وابتسم:الحمدالله انتم وشلونكم عساكم بخير يابوي
سيل ابتسم:الحمدالله بخير بشوفتك
الجد ساهر ابتسم وهز راسه بدون رد
سيل استغرب:وش فيه صاير شي؟
الجد ساهر شاف العنود جايه:العنود
العنود توجهت له:سم؟؟
الجد ساهر ابتسم:كلمتي يوسف؟
العنود لفت راسها:لا تبي شي ثاني؟؟
الجد ساهر تنهد وهز راسه:لا روحي يابوك
العنود راحت
سيل عقد حواجبه:وش فيها وش صاير ليوسف؟؟
الجد ساهر كان بيتكلم وشاف يوسف ومحب يدخلون ويتوجهون لهم:الحين تشوف
سيل شاف يوسف وابتسم له وراح يسلم:هلا حبيبي وينك ماترد علي ادق عليك
يوسف ابتسم ببهاته وتذكر انه سيل موجود اكيد ودق معاه:هلا مشغول شوي قضايا ودنيا الله يبعدك عنها
سيل ابتسم:امين امين الا العنود وش فيها سالها ابوي عنك وعطته اي رد ومشت
يوسف تنهد:مافيها شي الحين اكلمها وترضى
سيل ابتسم:بروح اجلس اجل مع ابوي شوي واذا احتجت مساعده اشرلي
يوسف ابتسم:تمام
محب راح مع سيل ويوسف توجه للعنود
يوسف تنهد:العنود
العنود بعصبية:اذا كنت مصر على قرارك لساني مايطب لسانك
يوسف:طيب عطيني سبب
العنود لفت عليه:انت مستعجل بقرارك هذا مو سبب كافي؟؟
يوسف ابتسم:العنود بدخل الاربعين وتقولين للحين مستعجل سيل الي بعمري تزوج مرتين ليش ما اتزوج انا بعد
العنود بعصبية اكبر:محد قالك لا تتزوج انا ادور لك مليون وحده غيرها
يوسف بحزم:العنود خليتك كم يوم قلت تعقلين بس انا اخذت قراري وبتزوجها رضيتي رضيتي مارضيتي باخذها غصب
العنود تجمعت الدموع بعيونها اول مره يكلمها يوسف كذا:هذي بدايتها تكلمني كذا بكره بتضربني يا يوسف تبيها خذها بس انسى انه عندك اخت اسمها العنود ومشت من جنبه
يوسف تنهد
(فلاش باك)
يوسف كان بمكتبه ووصلته رسالة:الي فرق بينكم انت وودق موجود ببيت ساهر واهل ودق كانو بيفلسون وهي الي دبرت زواجت سيل وودق لانه بيساعدهم بانهم مايفلسون  وعارفه انه حتى لو طلق سيل ودق ماتقدر تاخذها فكر زين وتعرفها يوسف كان يقرا الرسالة كذا مره واخذ اغراضه وتوجه لقصر ساهر ودق عليه عمي ساهر ابيك بموضوع عادي تطلع لي؟؟
الجد ساهر راح له:هلا يوسف وش فيك تفضل ادخل المجلس
دخلو المجلس هو ويوسف
يوسف ابتسم:عمي جيتك انت اول مدري اذا تدري ولا لا بس اهل زوجة سيل عليهم قضايا وكنت بتاكد منك انه مادخلت معاهم بشي لانهم على وجه افلاس
الجد ساهر عقد حواجبه:افلاس؟؟
يوسف هز راسه:ايه ابوها بيعلن افلاسه بعد كم يوم ماتدري؟؟
الجد ساهر هز راسه:لا يابوك سمعت انهم ناس اجاويد وبنتهم ودق صديقة بنت بنتي لتين تعرفها هي الي قالت لي عنهم
يوسف غمض بكره:لتين هي الي قالت
الجد ساهر:ايه كانت تقول انه اهل ودق محترمين واغنياء بس اكيد ماتعرف بفلاس عايلة ودق لانه صدقتهم اكيد مالها دخل بشركة ابائهم
يوسف ابتسم:عمي ادري انه الموضوع الحين ماله دخل بس انا طالب يد بنت بنتك لتين على سنه الله ورسوله وانت فكر واسال اخوها ماجد
الجد ساهر ابتسم:هذي الساعه المباركة بسال البنت وماجد وارد لك بس غريبه العنود ماقلت شي
يوسف ابتسم بتوهق:لاني قلت لها لاتعلم احد لين ما اكلم عمي ساهر هو جد البنت وحسبت ابوها واكبر واحد
الجد ساهر هز راسه:ان شاء الله نرد لك بالي يرضيك
يوسف ابتسم:اجل انا بمشي وباخذ العنود معاي عشان اعلمها وتكلم خالتي نوره عشان ناخذ موافقتها بعد
الجد ساهر هز راسه:درب السلامة
يوسف طلع واتصل على العنود
العنود ردت:هلا حبيبي
يوسف يمشي لسيارته:العنود جيبي عبايتك وتعالي انا تحت اسرع ماعندك
العنود خافت اخذت عبايتها:وش فيك محب فيه شي؟؟
يوسف يطمنها:انزلي مافينا شي ياحبيبتي بس ابيك بموضوع
العنود نزلت بسرعه ووقفت عند يوسف:وش فيك؟
يوسف ابتسم يوم شافها:بسم الله عليك خذي نفس مافيني شي تعالي بخذك مشوار
العنود ركبت مع يوسف ووقف عند الحديقة:العنود توني خطبت
العنود تحسبها يمزح:وانا توني جايه من روما اخلص بلا استهبال
يوسف بجديه:العنود ما استهبل توني طلعت من عند عمي ساهر وبقولك تكلمين لي خالتي نوره
العنود ابتسمت:طيب علمني من هي وكيف تعرفتو عشان اقول لخالتي نوره اذا جينا نروح لبيتهم
يوسف ناظرها:انا باخذ من خالتي نوره
العنود بصدمة:بتاخذ لين صغيره اصبر طيب تخلص دراستها
يوسف هز راسه:باخذ الكبيره
العنود بصدمة اكبر:لتين؟؟؟؟؟
يوسف هز راسه بايه
العنود هزت راسها بنفي:لا لا خذ اي وحده غيرها فيه عشق فيه اسيا الا لتين
يوسف:العنود وش فيك انا كلمت عمي ساهر قلت ابي لتين وقال بكره مخفي كانت واقفه معانا بالعزاء وبعد العزاء ماشوف فيها شي بنت ناضجة محترمة عاقلة
العنود هزت راسها:يوسف ليش تكلم ساهر قبل ماترجع لي يوسف انت ماتعرف لتين غرور وحب للمال ترا ماتشوفنا شى انا جربت اعيش معاها
يوسف بحده:العنود عيب تقولين هذا الكلام
العنود بعصبية:انت الي عيب عليك تاخذها لتين حيه تسحب دمك كله وتخليك عظم
يوسف ناظرها:العنود بعد كم يوم بنجي انا ومحب بنخطبها رسمي بهذا الكم يوم فكري زين لاني ابيك معاي بيومي وحرك السيارة توجه لقصر ساهر ونزلت العنود معصبة ومن هذاك اليوم ويوسف يدق عليها ماترد لين قرر الجد ساهر يعزم يوسف ومحب لانه حالة العنود النفسية تعبانة شوي وواضح عليها
(نرجع الحاضر)
ودق تناظر يوسف الي جلس وشاد على حاجبه
الجد ساهر ناظر يوسف:صامل يا يوسف؟؟
يوسف رفع عينه وطاحت بعين ودق وصد بسرعة وابتسم:اكيد مو لعب بزران
محب ناظر يوسف يحاول يفهمه بس يوسف عزل نفسه عن الكل ولاحظ انه العنود بعد متضايقة من الموضوع
محب قرب من يوسف:بس العنود رافضة
يوسف همس لمحب:لو على العنود مردها ترضى
محب:بس
يوسف حط يده على ركبت محب عشان يسكت:صاملين ياعمي
العنود ناظرت يوسف وصدت عنه يوم ناظرها
الجد ساهر ابتسم:ماجد تعال يوسف بيقولك شي
ماجد جلس:سم وش فيك؟؟
يوسف ابتسم:ماجد انت عزيز وغالي على وانا بدخل البيت من بابه جيت اول شي لعمي ساهر وقال هذا الموضوع عند ماجد
ماجد استغرب المقدمه:امر؟؟
يوسف ناظر ودق الي تجمعت الدموع بعيونها لانها عارفه وش بيقول يوسف وصد عنها:ابي كريمتك لتين على سنه الله ورسوله وانت اخوها شاورها عشان ماناخذ حق احد ونظلم احد
العنود ناظرته وهمست:انت قاعد تظلم نفسك
ماجد انعقد لسانه:والله بناديها وتسمع الرد منها
الا دخلت لتين
ماجد ابتسم:لتين تعالي يابوي؟؟
لتين بغرور ناظرت ودق:هلا وش فيك؟؟
ماجد ابتسم:يوسف طالب يدك
لتين:يوسف مين؟؟
ماجد ابتسم بوهقه واشر على يوسف بعيونه:احنا كم نعرف يوسف بالله؟؟
لتين ناظرت يوسف الي ابتسم لها ولفت تدخل بدون رد
يوسف ناظر ماجد:يعني وش ذي موافقه ولا رفض؟
ماجد ابتسم:لتين اذا ماتبي الشي قالت لا بدون تردد يعني مبروك
يوسف ابتسم زياده:الله يبارك فيك وناظر العنود الي هزت راسها ورقت لجناحها وقفلته بعصبية
سهيل كان جالس يشتغل بصاله:بسم لله تبين باب اقوى عشان يسمعون اتوقع لسى ماسمعو الي بجده صفقت الباب
العنود بعصبية:سهيل اسكت مانب فايقه لك ولسخافتك
سهيل ابتسم:العصبية بتخليك تقولين اسمي اجل دايم بخليك معصبة
العنود بعصبية زيادة:مو صاحي مو صاحي بياخذ لتين من بد بنات الكوره الارضية كلها مالقى الا لتين
سهيل مستغرب:من هو الي بياخذ لتين؟؟
العنود:يوسف يوسف توه طلبها من ماجد
سهيل بصدمة:يوسف يبي لتين؟؟ من متى وكيف ووش جمعهم على بعض
العنود رفعت اكتافها وهي تصفق بيدها:مادري
سهيل وقف وراح لها:طيب انتي ليش معصبة
العنود ناظرته:لانه بنت عمتك غير يوسف لتين توديك البحر وترجعك ميت عطش يوسف غير
سهيل هز راسه:مافهمت للحين انتي ليش معصبة يمكن يحبها
العنود:كيف يحبها قبل يومين يبكي على وسكتت ولفت راسها
سهيل جلسها:اجلسي اشربي مويه
العنود ناظرت سهيل:بيصير حالهم من حالنا بيكذبون على الكل انهم سعيدين مابي يوسف يعيش الي قاعده اعيشه
سهيل سكت وجاب لها مويه
العنود ناظرته:قول شي لاتسكت يجلس ياكلني التفكير
سهيل جلس جنبها:منتب سعيده معاي؟
العنود عقدت حواجبها:وش دخل اتكلم عن يوسف ولتين انا
سهيل هز راسه:ايه بس انتي قلتي بيعيش نفس ما انتي عايشه مو سعيده
العنود ضحكة بسخرية:يعني انت السعيد بوضعنا ذا؟؟
سهيل هز راسه:لا عشان كذا ابي نغير الوضع
العنود ناطرته:نطلق يعني؟؟
سهيل عقد حواجبه:لا قصدي نحسن علاقتنا وش دخل الطلاق
العنود تنهدت:يعني مراح افتك منك
سهيل ضحك:لا
العنود ابتسمت
سهيل مد يده لها:تعالي ننزل لهم
العنود ناظرت يده:تذكر ترانا مزاعلين يوسف
سهيل ابتسم:ابشري ومسكت يده ونزلت هي وياه
يوسف ناظرهم وهم جاين ووقف عشان يكلم العنود بس العنود مشت من جنبه وجلست هي وسهيل بعد عنه
يوسف تنهد وجلس

تفاعلو حبايبي 🤍😭