مايروس النجوم الا سهيل ولا يقود الظبا غير العنود

البارت التاسع والعشرين

~ الأستراحة ~
يوسف ناظر سيل وعقد حواجبه بعد ماقفل من لتين: وش السالفه؟؟؟
سيل رفع أكتافه:علمي علمك
يوسف هز راسه بفكره:خلها علي اهم شي لاتقول شي لين نشوف وش السالفه انت الحين رح البيت اكيد ام يوسف خايفه عليك
سيل ضحك:من قال بسميه يوسف صاحي انا
يوسف ابتسم:سمه الي تبي اهم شي يجي ولا تجي بصحه وسلامه ياخوي
سيل ابتسم وحضنه:عقبالك ياخوي
يوسف:امين وبعد عنه وراح سيارته وسيل راح سيارته
سيل راح القصر على طول يوسف راح مكتبه يشتغل شوي
سيل دخل الجناح
ودق فزت:سيل
سيل رفع يده يسكتها
ودق قربت منه ومسكت يده:اسمعني
سيل ترك يدها:شيلي اغراضك
ودق جمدت بصدمه:سيل الله يخليك لا تطلقني والله احبك وما احب غيرك سيل وصارت تبكي
سيل حضنها:بسم الله عليك بسم الله قصدي أوراقك وايباد جايب اكل ياعمري من وين جبتي فكرة اني اطلقك صاحي انا افرط فيك مستحيل
ودق شدته وصارت تضرب ظهره بخفيف:لاتسوي كذا معاي ثاني مره
سيل ضحك وشدها:لهدرجة تحبيني؟؟
ودق هزت راسها بنفي:ما احبك بعد عني
سيل شدها زياده:مافيه خلك شوي وشدته لها
ودق همست:احبك
سيل ابتسم:وانا بعد احبك يلا خلينا ناكل وبعدته وجلسو بعد ماشال سيل اغراض ودق عن الطاولة
ودق ناظرت سيل:لتين ويوسف مو تمام تعرف وش فيهم؟؟
سيل تذكر كلام يوسف وهز راسه بنفي:لا ليش لتين قالت لك شي؟
ودق:لا بس جلست معاها اليوم وماكانت بوضع جيد او انا حسيت كذا مدري كيف اشرح لك
سيل ابتسم لها:مافيهم شي يمكن توسوسين
ودق هزت راسها:الحمدلله وناظرته عادي اقول لخالتي ام صبا عن الحمل كل يوم تتصل علي واحس قلبي يبي يقول لها
سيل ابتسم لها وطلع جواله واتصل:السلام عليكم عمتي
ام صبا بفرح:وعليكم السلام ياامي سيل وشلونك وشلون ودق اشتقت لكم كثير معد جيتو الكويت بعد شغل ودق و اول مره يا يمه
سيل:والله حتى احنا اشتقنالكم وشلونك انتي وعمي
ام صبا:الحمدلله يا يمه كلنا بخير ويسلم عليك
سيل:الحمدلله محتاجين شي تبون شي ترا اعين واعاون
ام صبا:لا يا يمه مانبي الا شوفتكم ان شاء الله بتجون الكويت قريب؟؟
سيل:ان شاء الله نجي قريب بس الحين ودق بتقول لك شي وعطى ودق الجوال
ودق بحياء:السلام عليكم خالتي وشلونك؟
ام صبا:الحمدلله يا امي انتي وشلونك انتي ان شاء الله سيل يعاملك زين
ودق:الحمدلله حتى سيل يعاملني احسن شي خالتي كنت ببشرك انا حامل
ام صبا بفرح:الله يبشرك بكل خير يا يمه الف مبروك والله فرحت لكم الله يجيبه بصحة وسلامة ويرزقكم بره
ودق دمعت:امين يارب ويحفظكم ياخالتي
ام صبا:امين يارب وياكم عاد لاتنسونا اذا جاء تعالو الكويت نشوفكم يا يمه
سيل اخذ الجوال:ابشر ياعمه مانبي نطول عليك ونزعجك بنخليك ترتاحين واذا بغيتي شي كلميني لا تستحين مني انا ولدك
ام صبا:ان شاء الله مع السلامة وقفلت
سيل ناظر ودق ومسح دموعها:وش له الدموع ياعيني انتي؟؟
ودق بحزن:بنتهم الوحيدة تركتهم وراحت السعودية ويوم رجعت بتشوفهم ماتت قبل ماتشوفهم وفقدوها يعني عاشو كل المعاناة ولسى عايشين ومبسوطين
سيل حضنها على جنب:هذي الحياة ماندرين متى بتروحين منها فعيشي كل يوم بيومه لا تفكرين بالمستقبل هم حزينين اكيد بس يحاولون
ودق شدت خصره:تتوقع لو ماقلت عندي قضية بالكويت بتكون علاقتنا كذا؟؟
سيل رفع اكتافه:ما اتوقع احس بكون عرفت بعلاقتك مع يوسف و بتركك وكل واحد بيروح بحاله يمكن تكونين زوجة ثانية ليوسف وانا جالس لحالي مكاننا هذا
ودق زادت ابتسامتها:يعني مراح تتزوج بعدي
سيل ضحك:شف اقول بتصيرين زوجة ثانية تقول يعني مراح تتزوج بعدي
ودق حضنته اكثر:عادي اكون زوجة ثانية وثالثة ورابعة بس لك مو لاحد ثاني بكره بروح اشتري ثلاث دبل وبلبسهم كل يوم زوجه عشان العدل وش رايك؟؟
سيل ضحك:حبيت الفكرة تم بكره نروح نشتري
< نرجع لقبل سنه جناح سيل و ودق >
سيل نام من كثر التفكير على الكنب وفز على صوت سحبة الشنطة:ودق!!
ودق لفت عليه:معليش صحيتك ادخل نام بالغرفة انا بمشي
سيل شاف الساعة ٣ ونص الفجر:اصبري ووقف
ودق:معاي فلوس شكرا
سيل عقد حواجبه:قصدي اصبري بلبس واجيب اغراضي بجي معاك
ودق تحس بفشله:مايحتاج مراح اطول وانت تعبان
سيل وهو يمشي:الطريق طويل مراح اخليك لحالك اصبري
ودق فرحت شوي وجلست على الكنب:الحمدلله مراح اروح لحالي
ربع ساعة وطلع سيل معاه اغراضه وكان لابس ملابس مريحة عشان الطريق واخذ ثوب اذا وصل:يلا انا جاهز
ودق طفت جوالها ووقفت:يلا
سيل ناظرها:سوقي انتي بداية الطريق عشان مو مصحصح للحين وبكمله عشان ترتاحين شوي قبل نوصل
ودق ابتسمت:تمام
حركو لطريق السفر بعد ما اخذو فطور واغراض لطريق ومرت الساعات بين الاغاني والهدوء
سيل مرجع الكرسي ومنسدح وناظرها:سولفي
ودق لفت عليه شافته يناظرها ورجعت تناظر الطريق:وش اقول؟؟
سيل رفع اكتافه:مدري اي شي
ودق:ماعندي شي سولف انت
سيل آبتسم:طيب بسال وانتي جاوبي
ودق هزت راسها:طيب
سيل يفكر:ماعندي اساله
ودق:ليش تزوجتني؟؟
سيل:ماكنت ابي اتزوجك اصلا ولا كنت حاط فكرة الزواج بس ابوي الله يهديه
ودق هزت راسها:ليش ماكنت تبي تتزوج؟
سيل تنهد:بسبب هذا الطريق
ودق عقدت حواجبها:بسبب الطريق؟
سيل ناظرها:وانتي قلتي ماكنتي تبين الزواج ليش تزوجتي؟؟
ودق تذكرت يوسف:نفسك ماكنت حاطه فكرة الزواج براسي
سيل هز راسه:حسيت انك تهتمين لشغلك اكثر قلت يمكن عشان كذا
ودق هزت راسها بتاييد:ايه
سيل:ماعندك اخوان صح؟
ودق:صح
سيل ابتسم:كنتي مرتاحة مافيه هواش بين الاخوان
ودق هزت راسها بدون رد
سيل لف راسه لدريشه وضحك:كنت انا ويوسف كل يوم امي منى تفك بيننا لانه اكبر مني بكم يوم واشغلني فيها والله تعبت معانا امي منى الله يرحمها
ودق:الله يرحمها صح انت اصغر من اخوانك بكثير
سيل هز راسه:ايه وين امي جابتني ونوف اختي الصغيرة توها متزوجة يمكن
ودق:اووكيي ليش ابوك ماتزوج ثاني مره؟
سيل رفع اكتافه:والله مدري بس اتذكر انه لابوي وامي قصه ما اتذكر تفاصيلها زين بس اتذكر انه كان يحبها مره وكلنا تزوجنا عن حب انا واخواني وخواتي
ودق ناظرته:مطلق انت؟؟؟
سيل عقد حواجبه من سؤالها:ماتدرين؟؟؟
ودق هزت راسها:لا محد قالي انا احسب بنت وكنت تحبها وابوك رفض يزوجك اياها وتزوجتني
سيل عدل المرتبة:انا ارمل مو مطلق
ودق شهقة ولفت عليه:صادق؟؟
سيل:انتي الي صادقة ماتدرين؟
ودق:ايه والله ما ادري يمه طلعت مجبورة ومخدوعة
سيل ضحك:يا دراما ترا حتى انا ما ادري اذا انتي مطلقه ولا ارملة يعني لاتسوين نفسك الضحيه
ودق أبتسمت:ياخي خلني اعيش الدور
سيل رجع سدح المرتبة
ودق:الحين حنان هي مرت اخوك مو اختك صح؟؟
سيل هز راسه:ايه خواتي نوف واريج ونوره بس ام سعود وحنان لا هذول زوجات اخواني حنان طليقه فيصل بس عشانها بنت عم ابوي مدري فيه صلة قرابة مع ابوي حط لها شقه برا البيت عشان العشره وعشان سهيل
ودق:اوككي ايه استغربت انها موجوده معاكم احسبها اختك
سيل ابتسم:كثير يقولون كذا لين عرفو انها طليقه فيصل بعدها يبدا اساله جديده
وجلسو طول الطريق يسولفون ويسمعون اغاني كان الطريق بنسبه لهم صار اخف بعد ماتعرفوا على بعض ومحد صار فيه هذاك الاحراج لين وقف سيل عند الفندق ولف على ودق الي نايمه جنبه بعد ما صار سيل يسوق
سيل بصوت واطي يصحيها:ودق ودق وهزها على الخفيف وفزت وقال بسم الله مافيه شي وصلنا الفندق
ودق قامت وعدلت الكرسي:معليش مانتبهت نمت ماحسيت
سيل ابتسم:عادي اهم شي ارتحتي بعد شوي بتروحين المحكمة
ودق تصحصح:صح يلا ننزل ونزلو لغرفتهم ودخلو الشنط الغرفة وراحت تتروش ودق عشان تراجع القضية
وسيل طلب اكل عشان تاكل قبل ماتروح ووصل الاكل وراح يدق عليها يعلمها
سيل:ودق يلا اطلعي عشان تاكل وسكت يوم انفتح الباب وناظرته كانت لابسه الروب وواصل لفوق ركبتها بشوي وشعرها رطب وعيونها الناعسة من تعب الملكة والطريق وتبي تنام
ودق بنعاس:ما يمدي انام شوي بس؟؟
سيل مفهي فيها وبصوتها:مدري
ودق انسدحت على السرير:مدري ليش ماصرت ربة منزل اريح
سيل آبتسم عرف انها تخربط ماتدري وش تقول وشاف الروب يرتفع كل ماتحركت ورمى عليها المفرش يغطيها وطلع ياكل
وطلعت بعد مده ودق من الغرفة وكانت لابسة وجاهزة
سيل لف عليها:صحيتي؟؟
ودق هزت راسها:شفت جوالي؟؟
سيل اشر على الطاولة:حطيته هناك
ودق خافت:فتحته؟؟
سيل عقد حواجبه وهز راسه بنفي:لا ليش افتحه
ودق ابتسمت بترقيع:قصدي شيكت فيه شحن ولا لا
سيل:لا ماشفته حطيته على الطاوله بس
ودق شافت الساعه:بروح انا بتجلس بالفندق انت؟؟
سيل وقف:بوصلك وبروح مكان
ودق اخذت شنطتها:يلا نمشي
سيل:ما اكلتي
ودق:مالي نفس اخلص من القضية ونروح نتعشى وش رايك؟؟
سيل هز راسه:تمام اذا خلصتي اتصلي علي اجي اخذك
ودق ابتسمت وطلعو للمحكمة ووصلت ونزلت وسيل مشى لطريقة ووقف عند المقبرة ونزل ومشى لين وصل لوجهته وجلس صار يمسح على التراب ويقرأ قران
سيل خلص وصار يمسح على قبرين جنب بعض:صبا جيتك بعد سنين ما احب هل دولة بس جيتها عشانك فيها وعشان ما اخليها تجي هطريق كله لحالها اشتقت لك والله يعلم اني ماكنت ابي أشيل مسؤولية احد غيرك انتي وبنتنا بس ابوي ماخلى لي خيار الله يهديه وجلس بساعات يسولف للقبر بدون مايحس انه عدت ساعات لين دق جواله وطلعه من جيبه وكانت ودق ورد
سيل:هلا ودق؟
ودق:خلصت وينك فيه؟؟
سيل انصدم:خلصتي بهسرعه؟
ودق ناظرت الساعه:سيل بياذن المغرب وش بهسرعه شكلك نمت وينك فيه انا بجيك
سيل:لا لا جايك لا تتحركين مع السلامة
سيل وقف ونفض ثوبه ولف وانصدم من الي واقف:عمي
ابو صبا ابتسم له:هلا يا عمي
سيل حب راسه ويده:وشلونك وشلون عمتي ان شاءالله اموركم تمام؟؟
ابو صبا هز راسه بثقل من الكبر:الحمدلله ياولدي امورنا باحسن مايكون انت وشلونك وشلون الوالد واخوانك وخواتك كلهم بخير
سيل ابتسم له:الحمدلله كلنا بخير
ابو صبا مسك يد سيل:ماتردني عشاك عندي وحلفت
سيل توهق:بس ياعم ماني لحالي
ابو صبا شد على يده زياده:انت والي معاك عشاكم عندي ماتردني
سيل يفكر بودق وكيف يقول لها:ابشر مانب رادك ياعم
ابو صبا تسند على عكازه:بستناك لاتتاخرون
سيل هز راسه ببتسامة:ابشر مع السلامة
ابو صبا سبق سيل يروح لسيارته وسيل راح لسيارته عشان يروح لودق ووصل وركبت معاه
ودق:السلام عليكم
سيل :وعليكم السلام خلصتي؟
ودق هزت راسها:ايه الحمدلله الجلسة الاخيره تحددت عن بعد الحمدلله مراح امسك خط ثاني مره
سيل هز راسه وهو سارح:زين
ودق انتبهت وقالت بمزح:عندي قضية لباربي بس في امريكا
سيل هز راسه:الحمدلله ولف عليها يوم استوعب وش باربي
ودق ضحكة:مدري عنك انت سرحان بوش؟؟
سيل حك اذنه:شفت واحد اعرفه وحلف نتعشى عندهم ومدري وشلون اقولك
ودق هزت راسها:تمام مدامه حلف لازم تروح نتعشى يوم ثاني اجل
سيل حس انها فهمت غلط:قصده انا وانتي نتعشى معاه هو وزوجته
ودق ماتدري وش تقول:بس يعني مدري
سيل:والله لو ماحلف علي ماكان اجبرتك
ودق ابتسمت وهزت راسها:تمام اجل نروح ولا نرد كلمته
سيل توجه للفندق يغيرون ويرتاحون شوي لين العشاء ويطلعون
مر الوقت ووقف سيل قدام فله وطلع جواله يتصل على ابو صبا يقوله انهم برا
ابو صبا طلع لهم يرحب ويهلي وسكت يوم شاف معاه حرمه:حياكم الله تفضلوا
سيل سلم عليه:الله يبقيك زاد فضلك
ودق توترت ورجع لها سيل مسك يدها ودخل البيت معاها
ام صبا يوم شافته بكت:وليدي جاني وشلونك يمه
سيل للحين ماسك يد ودق وسلم على ام صبا ببتسامه:الحمدلله ياعمه وشلونك انتي
ام صبا تمسح دموعها:الحمدلله بشوفتك صرت بخير يا يمه والله ماصدقت يوم قالي عمك انه شافك بالمقبرة وعزمك قلبي طلع من مكانه من الفرحة يايمه
سيل آبتسم:عمه هذي ودق
ام صبا سلمت عليها:هلا يمه ماشفتك اعذريني
ودق سلمت عليها وحبت راسها:لا معذوره ياعمه
ام صبآ تدخلهم لصاله:تفضلو تفضلوا لصاله اريح من وقفتنا بالحوش
ودخلو لصالة وجلسو يتقهوون ويسولفون شوي
ابو صبا ناظر سيل:معليش ياولدي تعاوني بشيل العشاء رسلت السواق للبقالة وانا ما اقوى لحالي
سيل وقف:ابشر مايحتاج انت قولي اقوم واقوم ما اردك
ابو صبا ابتسم:الله يرضى لي عليك ياولدي وطلعو يشيلون العشاء
ام صبا ابتسمت لودق الي توترت انها لحالها:ما شاء الله متى تزوجتو يا يمه
ودق:مالنا كثير يمكن شهرين كذا ياعمه
ام صبا هزت راسها:الحمدلله والله كنت خايفة انه معد يتزوج بعد الحادث بس الحمدلله ربي استجاب لدعوتي
ودق تبي تعرف وش الحادث:سيل صار له حادث
ام صبا بحزن:اخخ يابنيتي عاش شي يشيب الراس وقالت لها عن قصة الطريق وكيف لقاهم سيل وكيف كان حاله بعد الدفن وكانت ودق تدمع من الكم الهائل من الالم الي عاشها سيل وهم انهم فقدوا بنتهم الوحيدة
ام صبا صارت تمسح على راس ودق:بس يايمه بس الحين ما ينفعهم الا الدعاء
ودق مسحت دمعتها:الله يرحمهم والله ماكنت ادري ولا كان مافتحت الموضوع
ام صبا هزت راسها:لا يايمه لاتقولين كذا موضوعهم ماتسكر اصلا  روحي غسلي وجهك ويدك الحين يجي عمك يستعجلنا
ودق هزت راسها ومشت على الطريق الي شرحته لها ام صبا وغسلت وجهها ويدها ودخل سيل ورها بخوف
سيل:وش فيك تعبانه تبين نمشي؟؟
ودق هزت راسها بنفي وتحاول تمسك نفسها
سيل عرف انها عرفت قصة صبا وسبل وتقدم لها حضنها بدون كلام
ودق شدت عليه وبكت
من هنا بدت ودق تشوف سيل وتنسى يوسف صارت تعيش معاه اجمل ايام عمرها وتعيش كل يوم بيومه معاه بدون مايفكرون وش بيصير بالمستقبل وصارو يكلمون ام وابو صبا شبه يومي لانه ام صبا تشوف سيل حسبت ولدها لانه ماكان عندهم الا صبا وتزوجت وصار سيل ولدهم ويحبونه ويحبون ودق من محبتهم لسيل وعاشو حياتهم على كذا
< نرجع للحاضر >
سيل شال ودق الي نايمه وحطها على السرير وانسدح جنبها وحضنها من ورا ونام
~ مكتب يوسف ~
يوسف يدور بالوراق و دق جواله ورد:هلا؟
لتين:بتجي تاخذني ولا انام عند اهلي؟؟
يوسف حط يده على عيونه وشاف الساعة مره متاخره:لا بجيك عطيني ربع ساعة وانا عندك
لتين:تمام وقفلت
يوسف بعد الجوال يتاكد انها قفلت:وش فيها ذي وقام يروح لها ووقف السيارة ودق عليها
لتين ركبت وهي ساكته
يوسف ناظرها:وعليكم السلام ورحمة
لتين طلعت جوالها:السلام عليكم
يوسف حرك السيارة للبيت
لتين ناظرته:ودي نتطلق
يوسف هز رأسه:وانا ودي اصير ملك
لتين شدت على يدها:يوسف ما استهبل خلنا نتطلق اريح لك ولي
يوسف ساكت
لتين:قاعده اكلمك انا
يوسف:اذا وصلنا البيت نتفاهم
لتين هزت راسها بنفي:لا نتفاهم هنا بالبيت مانقدر محب فيه العنود فيه ادم فيه ما اقدر اقول شي تعبت يوسف تعبت خمس شهور من اول يوم وانت صادني ماكنت كذا بالملكه احس انك مو هو الي كنت اكلمه ولا الي كنت اطلع معاه
يوسف حط يده على راسه:لتين مصدع خلي هذا الموضوع بعدين
لتين هزت راسها وسندت ظهرها وناظرت الدريشة:كنت راح تسوي فينا حادث يوم سمعت انها حامل حسيت انه عادي تموت ولا تسمع هل خبر ولفت عليه وعادي عندك اكون عقيم ولا تسمع هل خبر مني ادري انك تحط مانع حمل باكلي وشربي ورجعت تناظر الدريشة
يوسف بحالة صدمة:لتين
لتين قاطعته:مصدعه بعدين نتكلم وعم الصمت بسيارة لين وصلوا البيت

تفاعلو 🫶🏽