مايروس النجوم الا سهيل ولا يقود الظبا غير العنود

البارت الرابع

< بيت آل ملهم >
العنود ضحكة هي ويوسف يوم رمى ابوهم المنديل على محب
العنود مسكت ابوها ودخلت يدها بذراعه:خلونا نروح لامي زعلت والله وانت بابا لاتقول لها كلام يزعل ترا اذا قلت لها شي باخذها معاي واحرمك منها
ابو يوسف هز راسه بسرعة وبمزح:لا لا بعدين اموت مقدر اعيش بدونها
العنود ناظرته:بسم لله عليك لاتقول كذا
أبو يوسف مسح على شعرها:ابشري يلا مشينا لامكم نراضيها ورقو كلهم لغرفة ام وابو يوسف
العنود دقت الباب وماسمعت رد امها وقالت بصوت عالي:خلاص يامحب ويوسف بروح بيتي امي معد تبيني شكله ونفتح الباب بسرعة وضربتها امها بيدها
ام يوسف بعصبيه:وش ما ابيك تحسبيني نفس ابوك لا انا غير
العنود ابتسمت وحضنتها:ادري انك غير ياحبيبتي وعمري كله الحين انتي ليش زعلانه تبيني ارجع رجعت وناظرت محب مشينا محب اجيب اغراضي من عندهم كل شي ولا زعل الغاليه
ام يوسف شهقت:هو تبين تتركين رجلك لحاله وترجعين بيت اهلك تبين تخربين بيتك بيدك؟؟
العنود عقدت حواجبها:هو يمه توك تقولين رميتها وما رميتها لابوي والحين بتخربين بيتك بيدك انتي قلتي رحت بدري الحين برجع وش رايك؟؟
ام يوسف ضربتها بخفيف:هو بتتركين بيتك لا فكي يدي فكيها شكلي ماربيتك زين
العنود فكت يد امها وراحت ليوسف الي دخلها تحت يده:يمه انتي قلتي طيب تبين العنود معانا
ام يوسف هزت راسها:ايه ابيها معانا بس موب تترك رجلها وبيتها وتجي لا اكيد
ابو يوسف ابتسم:انا بحياتي كلها ما اقدر افهمها
ام يوسف ناظرته بزعل ولفت عينها عنه
محب ضحك:لا لا الوالده للحين زعلانه
ابو يوسف غمز لعياله وفهموه
محب بدا يصفق:هيلا يارمانه هيلا يارمانه
العنود دخلت معاه بتصفيق:الحلوة زعلانة
يوسف يهز اكتافه:منو يراضيها وكلهم اشرو على ابوهم الي ضحك
ابو يوسف حب راس ام يوسف:انا اراضيها
العنود ترقص بستهبال مع محب:ماسمعت من الي يراضيها
ابو يوسف لحنها:انا اراضيها
ام يوسف غطت وجها بيدها مستحيه وتضرب الهوا انهم يسكتون صارو يضحكون على حركتها دايم اذا ابوهم زعل امهم يصالحها بذي الطريقه من هم صغار
ابو يوسف ابتسم:يلا ننزل نتقهوى ترا قهوتك يا ام يوسف براسي
ام يوسف ابتسمت:ابشر تامر امر الحين تجهز
العنود دخلت يدها بذراع امها:بجي اساعدك
ام يوسف:يلا وتسوين لنا الكوكيز حقك ناكله مع القهوة
العنود اشرت لعيونها:من العين ذي قبل العين ذي ابشري كم منى عندي انا
ام يوسف ضحكة ونزلت هي والعنود
يوسف ومحب الي يبتسمون ولفو على ابوهم الي تنهد بضيق
يوسف فز:لا منه ولا باس
محب كمل الجمله:وش فيك يبه
ابو يوسف بضيق يناظر الدرج الي نزلت منه العنود وام يوسف:تتوقعون ظلمتها بتزويجها بدري؟؟
يوسف ناظره:يبه ماندري ليش زوجتها بدري بس اكيد انك سويت الشي الصح ولمصلحتها
محب هز راسه بتاييد:صحيح صح اننا مو راضين بالبداية بس مدامها سعيدة الحين وتقول عايشة حياتها خلاص
ابو يوسف ابتسم بضيق:يعني ماظلمتها؟
يوسف ابتسم وهز راسه:انت ابوها مستحيل تظلمها
ابو يوسف ابتسم لعياله وسبقهم ينزل
محب ناظر يوسف:تتوقع ليش قال كذا وليش زوجها؟
يوسف يناظر ظهر ابوه:ابوي وعمي ساهر وراهم سالفه بس مردهم ينكشفون اذا موب اليوم اكيد عن قريب لانه ماسال ذا السؤال الا وراه شي كبير
محب هز راسه:صح العنود تقول عمي ساهر مريض
يوسف عقد حواجبه وناظره:مريض؟؟
محب:ايه تقول عنده لوكيميا والدكتور حدد له مده من سنه لسنتين
يوسف ارتخت ملامحه:دكتور محدد مده؟؟؟
محب ضحك:والله نفس السؤال الي سالته متخيل
يوسف ضحك:لانها ماتدخل العقل
محب هز راسه بتاييد:مررره جلست افكر كثير كيف بس مافيه فايده كل الطرق تقولي انه كذاب
يوسف حط يده على دقنه وصار يلعب فيها:والله نمشي مع الكذاب لحد الباب ونشوف وش اخرتها معاهم
محب:بس اذا صار شي يمس العنود بصير لهم عزرائيل وامحيهم
يوسف هز راسه بنفي:لا لا ما اتوقع انه يخص العنود موضوع العنود غير لانه لو يمس العنود كان ابوي مسح فيهم الارض وما فكر اذا صديقه ولا لا
محب ابتسم:اشوا يلا ننزل قبل مايفقدونا ونزلو لصاله الي كان جاهز فيها كل شي القهوة والشاهي والنعناع وكوكيز العنود والمعمول والموالح
يوسف جلس على الكنب وجنبه العنود وباس يدها:تسلم يدينك ياحبيبتي
العنود ابتسمت:صحة وهنا يا حبيبي
محب جلس جنبها وسحبها لجهته:اقول بس لا تحتك وراك ودق
يوسف ابتسم على الاسم
العنود غمزت:وش ذايب انت ماعرفت انك خفيف
يوسف استوعب وجمد وجهه عشان مايطقطقون عليه
العنود ضحكة لانها تعرف اخوها كيف ولفت على امها:ماما قوليلنا عن ودق ماشفتها كيف شكلها وكيف اسلوبها؟؟
ام يوسف تجس النبض:مافيها من الحلى قطره وسلوبها ماش ماعجبتني
يوسف بتسرع:يمه وش ماعجبتك والله البنت حلوه واسلوبها راقي ودارسه ماستر قانون ولها مكتبها الخاص وغنيه كيف ماعجبتك؟؟
ام يوسف رفعت حاجبها:وش دراك بذا كله انا كل الي قلت لك عنه انها جميله يعني ومخلصه دراسة بس ماقلت لك وش شهادتها ووين تشتغل اعترف ياقليل الحياء اعترف تعرفها؟؟
يوسف ناظر ابوه بوهقه
ابو يوسف ضحك:وش فيك ياحرمه اكلتي الولد ايه يعرفها وقالي كل شي قبل ما اكلم ابوها
ام يوسف تكتفت:ايوا ياسيد يوسف صحيح كلام ابوك؟؟
يوسف هز راسه:ايه يمه البنت اعرفها و تقابلة معاها يمكن مرتين او ثلاث برا العمل عشان قضية مشتركة بيننا وخلصت القضية وقالي ابوي انه ابوها يمدحني على كلام بنته وقالي من هي وعرفتها وقبل فتره قصيرة تقابلنا بصدفة وكلمت ابوي عنها وقالك وكلم ابوها بس هذي السالفة
محب بمزح:والله طلعنا نحب و ننحب يا جاف
يوسف ضرب راس محب من ورا
ام يوسف ضربت يوسف:لاتضرب راس اخوك كذا
يوسف ناظرها:يمه وش محب ما اضربه بس انا عادي تضربيني عرفت من المفضل عندك الحين ووقف
العنود ماتت ضحك:اجلس اجلس بس لاتحاول تطلع عذر عشان تنحاش اجلس
يوسف ضحك وجلس ومدت له العنود الكوكيز واخذ وحده واخذتهم السوليف والضحك ومحاشر بعض لين ماسمعو اذان العصر وراح ابو يوسف ويوسف ومحب للمسجد
ام يوسف شافت البيت خلى من الرجال وناظرت العنود الي تتقهوى:العنود يمه بسالك
العنود ناظرت امها بنصات:سمي؟؟
ام يوسف ابتسمت بحنيه:يمه ادري انه الموضوع بدري عليك ولسى ماتخرجتي بس بسالك انتي تاخذين موانع ولا شي؟؟
العنود انحرجت:يمه قلتيها بدري ان شاء الله بعد التخرج نشوف الموضوع
ام يوسف:بس يمه لك ثلاث سنين متزوجة اكيد سهيل قالك يبي يشوف عياله هو موب صغير
العنود تتهرب من الموضوع ناظرت الساعه:يمه بروح البيت تاخرت ولبست عبايتها ولفت طرحتها بسرع ماعندها
ام يوسف استغربت من تهربها بس قالت يمكن تستحي من الموضوع:زين يمه اذا وصلتي علميني وسلمي لي على سهيل وقولي له المره الجايه يجي معاك
العنود ابتسمت وحبت راسها:يوصل ان شاء الله تبين شي قبل ما اروح؟؟
ام يوسف هزت راسها:لا يمه سلامتك وانتبهي لطريق
العنود حبت خدها:ابشري ان شاء الله مع السلامه وطلعت من بيت ابوها
العنود تنهدت براحه وطلعت جوالها وتصلت على سواق البيت يجي ياخذها
< قصر ال نوفل >
سهم دخل غرفته بعد ما حط بطاقته على طاولة المطبخ وبدا يشتغل على مشروعه الجديد مرة الساعات ورفع راسه يسنده على الكرسي بعد ما حس بصداع و وقف راح لطاولته واخذ بندول وطلع يجيب له مويه من الثلاجة ولفت انتبهه انه بطاقته للحين بمكانها اخذ المويه وعينه على البطاقة وتغيرت اتجاهات انظاره لدخول العنود للجناح
العنود مشت لغرفتها بدون ماتقول كلمه
سهيل ناظرها:ما اخذتي البطاقة
العنود وقفت ولفت عليه:ما احتاجها
سهيل هز راسه:تمام
العنود جت بتمشي بس وقفت:مايحتاج احد يجيب سيارتي انا جبتها خلاص
سهيل:كانت بتجي بكره ليش رحتي للبيت؟؟
العنود عقدت حواجبها:ممنوع اروح البيت يعني؟؟
سهيل:لا بس البيت فاضي
العنود عقدت حواجبها اكثر:يعني؟؟؟
سهيل هز راسه:خلاص ومشى من جنبها لغرفته والعنود راحت غرفتها
العنود طلعت لها بجامه وراحت تاخذ شاور وطلعت تلبس وتذاكر
العنود تتافف:اوف وش ذا ماني قادره اركز بشي وليلي مو موجوده تسوي لي سناك المذاكرة وناظرت الساعه وشهقت انها نست تاخذ ادويتها اليوم كله اووف منك يالعنود الحين بيذبحني الصداع عشره ايام قدام واخذت ادوية اليوم كله دفعه وحده
ولفت على جوالها الي يدق وردت:ما امداك تشتاق لي
محب ضحك:انا كل وقت اشتاق لك المهم ليش رحتي بدري؟؟
العنود تذكرت كلام امها:ابد والله رحت اجيب سيارتي قبل اليل ما احب اسوق بليل وانتو تاخرتو بالمسجد
محب ابتسم:ايه كان قلتي لي انا اجيبها لك وماتروحين لحالك وتاخرنا عشان ابوي لقى واحد من زمان يعرفه وعزمه وراحت سوالف
العنود تتثاوب:ايه زين محب حبيبي بنام عندي اختبار الاحد واذا قمت باذاكر وبروح محل جوالات تبي شي؟؟
محب:لا سلامتك ياحبيبتي وانتبهي لنفسك وبتوفيق
العنود ابتسمت:باي وقفلت
ونامت
سهيل كان قريب من الباب وسمع كلامها بس طنش وراح ينام
~غرفة اسيا~
كانت مستانسه بالجوال وتصور فيه وترسل لصديقاتها انه جاها جوال هديه ولفتها رساله صور ورا بعض ودخلت عليهم ونصدمت ورمت الجوال بخوف وصارت تناظر الجوال وتكلم نفسها:لا لا اكيد احد مسوي مقلب من البنات بس وش يدريهم عني انا وسهيل ورجعت اخذت الجوال وتناظر الصور كانت هي وسهيل بالمطاعم الي يروحون لها واخر صوره كانت بالبيت يوم يعطيها سهيل الجوال وباست خده وصارت تدقق بصوره -اكيد هاذي العنود اكيد كشفتنا لانه الصوره بالبيت وطلعت من غرفتها وتوجهت لجناح سهيل والعنود وصارت تضربه بخوف
العنود صحت وهي مو بكامل وعيها وراحت تفتح الباب وطلع وراها سهيل من غرفته:اسيا!! فيك شي؟
اسيا ناظرتها وببتسامه خوف:لا لا حبيبتي بس رسلت لك اسم الصالون وانتي مافتحتيه جيت اقولك يعني
العنود عقدت حواجبها:جايه عشان اسم الصالون؟؟
اسيا هزت راسها وناظرت سهيل ورجعت تناظر العنود:ايه ايه
العنود ابتسمت بتسليك عشان ترجع تنام:شكرًا حبيبتي تبين شي ثاني؟؟
اسيا هزت راسها بنفي:لا باي وراحت والعنود قفلت الباب وراحت غرفتها
سهيل شاف العنود دخلت وطلع ورا اسيا وهمس:اسيا
اسيا لفت بخوف:سهيل لاحد يشوفنا
سهيل دخل يده بيدها وهي سحبتها بسرعه وصارت تتلفت:سهيل بيشوفنا
سهيل عقد حواجبه:منهو؟؟
اسيا طلعت جوالها:هذا
اخذ سهيل الجوال وصار يشوف الصور ونصدم:من ذا؟؟
اسيا رفعت اكتافها بخوف:مدري مدري
سهيل عصب:شوفي اسيا سالفه ترسلين لنفسك صور عشان اخاف واتزوجك انسيها خليك عاقله واتركي هذي السوالف
اسيا ناظرته بصدمة انه كيف يفكر كذا:وش تقصد؟؟
سهيل ابتسم:قصدي واضح وانتي فاهمه انك ترسلين احد يلحقنا من مكان لمكان عشان يصورنا وتهدديني فيها انسي ولا راسلتها لنفسك عشان تطلعين الضحيه
اسيا كره العالم كله بوجه سهيل:شف تراني مانب ميته عليك يا اخر حبه واذا كنت تقول انه انا الي راسله الصور كان رسلتها لجدي لو ابي اتزوجك مو ارسلها لي انا حسبتها العنود كشفتنا بس الحين عرفت من راسلها انت الي راسلها عشان تحط الخطى على بحياتي كلها ماتوقعت انك واطي ومنحط ومنتب راجال لذي الدرجة
سهيل رفع يده بيضربها بس وقفه صوت سعود:سهيل!!!
اسيا راحت لسعود والدموع بعيونها:شفته كان بيضربني
سعود صد عنها لانه مايحب الدموع:اسيا روحي غرفتك
اسيا بزعل:بس
سعود ابتسم لها بحنيه:روحي غرفتك وانا باخذ حقك كامل منه لاتخافين
اسيا راحت بعد مارمقت سهيل ودخلت غرفتها
سعود سحب سهيل معاه لين برا القصر
سهيل نفض يد سعود منه:نعم ساحبني كاني خروف
سعود جن الانس والجن كلهم قدامه:بتضرب بنت عمتك يا سهيل؟؟
سهيل هز راسه:اي اضربها واكسر راسها بعد اجل تقول عني واطي ومنحط و مانب رجال
سعود بعصبيه:صدقت ماقالت شي غلط اجل بتضرب حرمه وغير كذا بنت عمتك صاحي انت؟
سهيل:سعود ماتعرف وش صار لاتقول شي
سعود هز راسه:الا اعرف سمعتك وانت تتهمها راسله الصور
سهيل طلع الجوال ومده لسعود:شف انت بنفسكم موب وتضح انها هي الي راسلتها
سعود يناظر الصور بصدمه انه كيف سهيل يطلع معاها مطاعم ومولات وعادي عنده:سهيل انت طالع معاها كذا عادي
سهيل تافف:ياخي لاتسوي على المفتي انت قل واضح انها هي الي راسله الصور ولا لا؟؟
سعود يدقق بصور:موب هي الي راسله الصور
سهيل تقدم له:كيف؟؟؟
سعود عطاه الجوال:لو هي الي راسله احد يصوركم كان قالت له مايبين وجها بس بكل الصور طالع وجها و نعرف من هي غير عنك انت يا باين نص وجهك او معطينا ظهرك وناظره سهيل انت الي راسل الصور صح؟؟
سهيل اخذ الجوال:لا والله موب انا ليش برسل لها الصور؟؟
سعود:يمكن تبي تتركها وماعرفت كيف لانها بنت عمتك
سهيل عصب:انا محد يجبرني استمر معاه بنت عمتي ولا غيرها
سعود ضحك بسخرية:سهيل انت مجبور متزوج مجبور درست تخصص ماتبيه مجبور توظفت مجبور انت حياتك كلها على بعضها مجبور فيها والحين تقول محد يجبرني والله انك غبي
سهيل ناظره بحده ومشى بس وقفه صوت سعود
سعود:سهيل بدل كل شي انا قلته لك بدال مجبور لشي انت تبيه وصحح اغلاطك العنود ما تنعاف ودراستك خلتك تسوي هذي المشاريع الناجحة ورفعت اسم شركة ال نافل الي انت مجبور عليها بعد صححها ولا تخلي غصب او مجبور توقف حياتك الزوجية فكر بكلامي زين وخل الجوال الي عطيته اسيا خل بداله ميه جوال عطه العنود ومر من جنب سهيل ودخل القصر
سهيل طلع دخانه وصار يدخن ويفكر بكلام سعود انه صدق كل حياته كان مجبور عليها دراسته كان يبي يصير مهندس بس جده اجبره يدخل ادارة اعمال ويمسك الشركات حقت جده مع اعمامه وابوه وتزوج العنود برضو عشان جده قاله تزوجها بس انه نجح بدراسته وطلع الاول بمرتبة الشرف ورفع الشركة وصارت من اكبر المنافسين بسوق والكل يبي يدخل شراكة مع شركات ال نافل ليش زواجه هو الوحيد الي يحسه غلط وغصب كانت الاساله تكثر براسه بس مو لاقي اجوبه لها رمى الدخان الي بيده ودخل القصر وتوجه للجناح حقه ودخل
العنود وقفه بنص الصالة حقت الجناح سهيل استغرب وقوفها
العنود رفعت يدها له
سهيل قرب منها
العنود همست:كلم اشجان وطاحت على الارض تنتفض
سهيل اول مره يشوفها كذا مايدري وش يسوي ولا وش صار معاها وطلع جواله وتصل على اشجان
اشجان ردت مستغربه:سهيل وش فيك؟؟
سهيل يرفع راس العنود عن الارض:العنود طاحت وتنتفض مدري مدري
اشجان رمت جوالها واخذت عبايتها ودقت الباب على سعود يروح معاها ووصلو جناح سهيل والعنود
اشجان فتحت الباب على طول ودخلت ووراها سعود بس مادخل
اشجان لفت عبايتها بطريقة خفيفه وحطتها تحت راس العنود وقلبتها على جهتها اليمين بخفيف اشجان رفعت راسها لسهيل:اخذت ادويتها؟؟
سهيل كانه يسمع هذا الكلام اول مره:ادويتها؟؟؟
اشجان هزت راسها:ايه ياسهيل وش فيك اخذتها ولا لا؟؟؟
سهيل:مدري اتوقع ايه
اشجان تناظره بصدمة:تتوقع؟؟؟
سهيل تذكر يوم مر من عند بابها:ايه ايه اخذتها اتذكر
اشجان هزت راسها:تمام ناظرت العنود بعد ماحست انها هدت مرت خمس دقايق والعنود بدت تستوعب
العنود ناظرت اشجان:اشجان وش تسوين هنا؟؟
اشجان ابتسمت:جيت اشوفك
العنود غمضت عيونها بقوه:اخخ جاني صداع عشاني اخذت الادوية متاخر كم الساعة الحين؟؟
اشجان عارفه انه العنود ماتتذكر انها جتها نوبة صرع:الساعه الحين ٣ الفجر
العنود غمضت:طحت
اشجان ابتسمت:عادي ياحبيبتي اشوا انك قلتي لسهيل يكلمني قبل ما تطيحين
العنود لفت على سهيل الي جالس جنبها وكانت الصدمة واضحة على وجهه:شكرًا
سهيل هز راسه ووقف
اشجان تقوم العنود:قومي ادخلك الغرفة
العنود توترت:لا لا خلاص تعبتك معاي صحصحت خلاص روحي ارتاحي اكيد قمتي من النوم
اشجان:ياحبيبتي عادي انتي اهم شي بخير؟؟
العنود هزت راسها ببتسامة خفيفة:ايه الحمدالله
اشجان ناظرت سهيل:وين غرفتكم؟
سهيل اشر لها على غرفته واشجان اخذت العنود والعنود ترفض ماتبي تدخل الغرفة بس ماتدري كيف تقول لها ودخلتها اشجان غصب وحطتها على السرير
اشجان:يلا نامي واذا بغيتي شي كلمني والا قولي لسهيل يكلمني
العنود هزت راسها:تمام شكرًا مره
اشجان هزت راسها:عيب عليك مابيننا شكر اشجان طلعت من الغرفة وخلت العنود لحالها
سهيل ناظر اشجان:كيفها الحين؟؟
اشجان هزت راسها:احسن الحمدالله يلا بخليكم تنامون والصباح بجي اشوفها تمام؟؟
سهيل هز راسه واشجان طلعت من الجناح وسهيل قفله بالمفتاح
العنود طلعت من غرفة سهيل وراحت غرفتها
سهيل مايدري يتكلم ولا يستنى بس تكلم:العنود
العنود لفت عليه
سهيل ناظرها بتفحص:انتي بخير؟؟
العنود هزت راسها بتعب:الحمدالله
سهيل هز راسه:الحمدالله
العنود دخلت الغرفة حقتها ونامت على طول عكس سهيل الي كل شوي يوقف عند بابها ويرجع قبل مايدخل ودخل غرفته وصار يناظر الباب المشترك الي بينهم ونام على الكرسي

تفاعلو 🤍🤍