مايروس النجوم الا سهيل ولا يقود الظبا غير العنود

البارت السابع والعشرين

~ فلة عبدالله ،غرفة يوسف ~
لتين كانت سرحانة وارتعشت بخوف من دخول يوسف الغرفة ووقفت:يوسف جيت ؟
يوسف ناظرها ببرود:لا لسى بالمكتب ماتشوفيني يعني؟؟
لتين ابتسمت بخوف:قصدي يعني تبي اكل؟
يوسف راح للحمام بدون رد
لتين جلست على كرسي التسريحة وامتلت عيونها دموع:وش صار لنا من تزوجنا وانت تغيرت عن شهور الملكة بس ابي جواب
يوسف وقف وراها:اذا خلصتي مناحه بعدي
لتين مسحت دموعها بسرعة ولفت عليه:لابس بتروح مكان؟؟
يوسف تافف:وش رايك اعطيك تقرير بوين اروح و من وين ارجع ست لتين؟
لتين هزت راسها:لا قصدي
يوسف:قلتي تبين تروحين لاهلك اذا رجعت يلا انا جاهز
لتين ابتسمت بفرح:سمعتني احسب ما سمعتني عشانك طلعت بدون رد عطني خمس دقايق بالبس واجيك بس خمس وركضت للحمام
يوسف تنهد ومسح وجهه وجلس مكانها سرح بحياته من دخلت لتين فيها صار لهم خمس شهور متزوجين يحس بمشاعر اتجاها من كانو مملكين بس فجأة يتذكر انه هي الي فرقت بينه هو و ودق ويرجع يكرها بس مشاعر الإعجاب لسى موجوده وتطلع اذا شاف لتين بهذي الحالة واذا شاف الخوف بعيونها يرجع يضعف ورجع لارض الواقع يوم سمع صوتها تقول انا جاهزه ووقف يسبقها
لتين اخذت شنطتها وعدلت حجابها ولحقت على السريع عشان مايعصب
بسيارة كان صمت
لتين بتردد حطت يدها على يده:حبيبي؟
يوسف ناظر يدها وسفها
لتين شالت يدها بس هو رجعها ليده وابتسمت بحب:عادي ناخذ شي واحنا داخلين البنات مشتهين كوكيز؟
يوسف هز رأسه وصار يمسح على اصابعها
كان يوسف يعطيها هذا القدر من الحب وحقوقها الزوجية بس وكان عند لتين تشوف الدنيا بهذا القدر من الحب منه
وقف يوسف عند المحل وترك يدها وهي فهمت انها تنزل تشتري
لتين ناظرته:اجيب لعنود ومحب ولا ما يكلون؟؟
يوسف:جيبي وبطاقتي بجوالك حاسبي فيها
لتين ابتسمت ونزلت المحل ويوسف يستناها وصار يناظر يده وتنهد شوي وركبت لتين السيارة وقالت خلصت يلا نمشي
يوسف حرك السيارة لقصر ساهر
لتين تبتسم بالجوال وانتبه عليها يوسف وحس باحساس غريب وتنحنح لتين قفلت جوالها وعطته موية:بسم الله عليك لايكون بتمرض؟؟
يوسف هز راسه:لا مافيني شي لتين هزت رأسها وفتحت جوالها ثاني مره
يوسف بدا يهدي ويسرق النظر لجوالها:فيه شي مهم؟؟
لتين هزت راسها بنفي:لا البنات يسولفون
يوسف يحاول يسحب كلام:عن وش؟
لتين:سواليف عاديه
يوسف شد على يده:اوك خلي الجوال الحين بتروحين لهم
لتين قفلت الجوال ودخلته بشنطتها:تمام ولفت عليه صح العنود وماجد فازو دريت مره فرحت لهم تعبو كثير هذي السنه
يوسف عقد حواجبه:فازو!! بوش؟؟
لتين:الشركة حقتهم فازت اليوم بتقييم الشركات لذي السنه طلعو المركز الاول
يوسف يحاول يستوعب:الشركات ومركز اول وش تقولين انتي؟؟!!!
لتين تذكرت انه ماجد منبها ماتعلم احد بذات يوسف ومحب لين العنود تعلمهم وغمضت عيونها من العيد الي جابته:صح وش اقول انا قصدي العنود فازت بمسابقة بالجامعة وماجد فازت شركته بالمركز الاول واختلطت المواضيع شكله العنود ماقالتلك لاني شفت الخبر بتويتر
يوسف:وش قاعده تخربطين انتي!!
لتين سندت ظهرها:ولا شي ولفت لدريشه تدعي ربي يخلص الطريق باسرع وقت
~قصر ساهر،جناح سيل وودق~
دخل سيل الجناح بعد يوم طويل بعصبيه ابوه وسهيل وشاف ودق جالسه على الايباد وراح لها:السلام عليكم
ودق ابتسمت وناظرته:وعليكم السلام حبيبي اكلت؟
سيل شال شماغه وانسدح وحط راسه على رجلها:لا حبي اليوم ماقدرت احك راسي من الشغل
ودق مسحت على راسه:يعطيك العافية
سيل ناظرها وابتسم:الله يعافيك وناظر ايبادها عندك قضية؟
ودق هزت راسها:ايه من اليوم ماني قادره الاقي دليل البراءة احس انه يكذب علي بس لازم اخليها حقيقة
سيل ناظرها:طيب اسحبي نفسك من القضية اذا مو مرتاحة
ودق تنهدت:شكلي خذ شف انت يمكن تلاقي شي سهيت عنه
سيل اخذ ايبادها:وش يعرفني انا بالقض وسكت يوم قراءة المكتوب وقام يجلس
ودق ناظرته ببتسامة:لقيت شي؟؟؟
سيل ناظرها ورجع ناظر الايباد:صدق هذا الكلام؟؟؟
ودق امتلت عيونها دموع وهزت راسها بايه
سيل حط الايباد ومسك راسه
ودق طلعت جهاز الحمل وحطته قدامه:شوف
سيل اخذه ويده ترجف كانت خطين واخذ شهيق زفير وبكى بصوت عالي ودق صارت تبكي معاه وتضحك بنفس الوقت وحضنته على جنب:انا عديت هذي المرحله وراك رجعتني
سيل شدها لها وعينه على الجهاز:الحمدلله الحمدالله سبل بيصير لك اخ ولا اخت سبل وخانته العبره
ودق شدت عليه لانها تعرف الي عاناه بفقدانهم لانه طول السنه بعد ماقال لها قصتهم وهي صارت تشوف سيل الحقيقي الي كان مجبور مثلها والي كانت كارهته لانه فرقها عن حبيبها الحين درت انه مو لحالها وهو وجعه اكبر من وجعها اذا هي فقدت حبيب هو فقد حبيبه وزوجه وضنى وصار لها العوض وخفف عنها ويمكن تكون هي وطفلهم العوض الي راح يخفف عنه
سيل ناظرها وحب راسها:احبك
ودق مسحت دموعه:وانا اموت فيك
سيل اخذ جواله:اصبري ببشر يوسف
ودق خافت لانها للحين مخبيه السر:اصبر نقول لابوك اول
سيل هز راسه بنفي:لا يوسف اول اخوي ورفع الجوال
ودق قلبها صار ينبض باسرع ماعندها
سيل الفرحة بصوته:البشاره ياخوي
يوسف ابتسم على صوته:جتك وش؟
سيل:بتصير عم ياخوي
يوسف سحب فرامل وطلع صوت السيارة وسيل خاف:يوسف يوسف رد علي
ودق خافت وقامت:وش فيه؟؟
يوسف سمع صوت ودق وغمض عيونه بنص الشارع والناس صارت تهاوشه وتدق بوري
لتين كانت تسمع لانه رد من السيارة وتجمعت دموعها لما استوعبت انه للحين يحب ودق وماخاف عليها يوم وقف السيارة كذا
يوسف العبرة خنقته و رد:مبروك ياخوي يتربى بعزك اسمع شوي بوصل مع لتين تمام
سيل ارتاح:تمام استناك يلا وقفل الحمدلله رد شكله واحد وقف قدامه ودق الفرامل
ودق جلست:الحمدلله خوفتني
سيل رجع حب راسها:بروح اغير وارجعلك نقول لابوي
ودق هزت راسها وابتسمت ودخل الغرفة سيل يغير وودق سرحت بدون ماتحس
مر ربع ساعة سيل طلع:تبين نروح مكان بعد مانقول لابوي وماسمع ردها وتقدم لها ودق؟؟
ودق فزت يوم انتبهت له
سيل عطاها مويه:بسم الله عليك فيك شي؟
ودق مسكت يده:عادي تجلس شوي
سيل خاف:وش فيك الحمل فيه خطر ولا انتي فيك خطر؟
ودق:لا لا الحمدلله احنا بخير بس فيه شي لازم اقوله لك
سيل جلس وقلبه مو مرتاح:وش فيك؟؟
ودق تنهدت بتوتر:سيل انا احبك
سيل ابتسم:وانا بعد احبك
ودق حطت شعرها ورا اذنها:قبل مانتزوج كنت مخطوبة لواحد كنت احبه سيل هز راسه ومسك يدها ويسمعها وربي ماكتبنا لبعض واخذتك والشهور الاولى من زواجنا انت كنت ماتفكر فيني ولا انا افكر فيك وكنت افكر فيه وانا اسفة على هذا الشي اني كنت اخونك بقلبي بس كنت احبه وكان لنا سنين قبل ما يخطبني وماقدرت اطلعه من قلبي وعقلي لين مابديت صفحة جديدة معاك والله وتخطيته وجيت انت مكانه ومابي احد الا انت وطفلنا بهدنيا ومابي طفلنا يجي وانا مخبيه عليك هذا السر الشخص الي كنت احبه هو يوسف
سيل شال يده من يدها وبعد:يوسف مين يوسف اخوي؟؟؟؟
ودق حست انه الي سوته غلط بس لازم تقول له الحقيقة وهزت راسها:ايه
سيل وقف ومسح وجهه:يوسف زوج لتين الي قبل شوي اتصلت عليه ابشره بحمل حبيبته الي اخذتها؟؟؟
ودق وقفت وراحت له:لا تقول كذا انا وهو انتهينا وانا وانت بدينا لاتقول كذا الله يخليك
سيل صار يبعد عنها:ودق بعدي لا تقربين مني وصرخ بعدي
ودق فزت ورجعت:بعدت بعدت بس هد شوي
سيل يحس انه الدنيا تضيق فيه:يوم كنتي تمسكين يدي وتقولين لي حبيبي كنتي تبينه يغار؟؟
ودق هزت راسها بنفي:لا كنت حبيبي صدق
سيل غمض:يوم كنت ادخل عليك وكنتي تبكين كنتي تبكين له؟؟ ويوم اغمى عليك عشانك سمعتي انه بيتزوج لتين كان له؟؟
ودق صارت تبكي بدون رد
سيل مسك راسه وضحك:كان له وطلع من الجناح
ودق طاحت بصاله تبكي:غبيه غبيه خبيتي السر لسنه كان خبيتيه لين تموتين الله ياخذك يا ودق الله ياخذك وحطت يدها على بطنها استغفرالله يارب سامحني ماقصدت ادعي يارب استغفرالله
سيل طلع من البيت وقابل لتين الي واضح انها باكيه:وين رجلك؟؟
لتين بخوف:بالمجلس
سيل هز راسه وطلع للمجلس وناظر يوسف:الحقني
يوسف فهم على طول وكان يستنى هذا اليوم من زمان الحين ماعليه الا انه يقول الحقيقة وسيل يطلق ودق وياخذها قام لحقه سيل اخذ سيارته ويوسف ركب سيارته ولحقه وراحو الاستراحه حقتهم ونزل سيل ويوسف
سيل:
~ مواقف شركة ملهم ~
سهيل بعصبية:طول السنه وانا افكر وش بسوي فيك اذا تقابلنا ثاني مره طول السنه وانا ادعي انه هل يوم قريب عشان بس ادمرك واتلذذ بمعاناتك
العنود ضحكة لدرجة صدى المواقف يطلع لشارع:تصدق طلعنا نفس التفكير سنه كامله افكر كيف ادمركم واحد ورا الثاني وطلع تدميركم اسهل منه مافيه حسافه السنه الي اخطط لها
سهيل شد على يده:منتي وسكت يوم رفعت اصبعها السبابه بالهواء تسكته اش اش وردت على جوالها الي دق:هلا حبيبي قلت لك الحليب بدولاب ورضاعه بالمطبخ معقمه وجاهزه تمام جايه الحين وقبل ماتقفل سمع سهيل صوت طفل وبعد عن السيارة ومشى لبعيد العنود ركبت سيارتها وتنهدت براحه انه مشى وحركة للبيت
سهيل توجه لشركة ملهم ودخل على طول لماجد
نوال بسرعه:لو سمحت مايصير تدخل كذا
ماجد اشر لها:نوال روحي كملي شغلك يعطيك العافيه
نوال هزت راسها وطلعت
ماجد وقف:سهيل ادخل بحترام مو داخل سوق شعبي انت ركز هذا مكتب
سهيل بهدوء عكس الي داخله:العنود تزوجة؟؟
ماجد سكت
سهيل هز راسه ومشى يطلع
ماجد:خلها بحالها هي موضوعها مع جدي
سهيل:موضوع جدي موضوعي
ماجد تنهد:سهيل مانصحك تتدخل بتنوجع كثير
سهيل:خلك تساعد عدوتنا
ماجد:العنود مو عدوتنا عدونا الي انت واقف معاه
سهيل طلع من المكتب والشركه وعقله مشوش وركب سيارته و حركها لفلة عبدالله و وقف بعيد عن الباب يراقبه
سيارة العنود وقفت عند الباب وطولت بسيارة وسهيل يراقبها لين نزلت ودخلت البيت
العنود دخلت على بكي وحطت اغراضها:محب يا محب
محب طلع وشايل طفل:وش وشفيك؟؟
العنود شافته وابتسمت:امي انت وفتحت يدها عطني اياه وحشتني وعطاها محب الطفل
محب جلس على الكرسي بتعب:اخخ ما شاء الله عليه ما يهدا
العنود تلاعب الطفل:يمه بسم الله عليك يمه ادومي وليدي الحلو واااهه باكلك وكان ادم يضحك
محب سند راسه على الكنب:بنام شوي ترا خلص حليبه والحفاض بعدين اجيب له
العنود :يووهه محب كان قلت لي اجيب وانا راجعه ولفت على محب الا انه نام وقامت اخذت شنطتها ومفتاحها وكرسي الاطفال وحطت فيه ادم وشالته وطلعت من البيت وفتحت الباب الي ورا وحطت ادم فيه وهي ركبت مكانها كان كل هذا تحت انظار سهيل الي تعتليه الصدمه وشغل سيارته ولحقها شافها توقف عند الصيدليه ونزلت وشالت ادم معاها ودخلت تاخذ الاغراض الي تبي ونزل سهيل وراها
العنود تسال الصيدلي:لو سمحت وين الاقي حليب الاطفال من عمر ٦ شهور لسنه وحفاض؟؟
الصيدلي ابتسم:من هنا تفضلي ووداها للمكان واخذت الحليب
الصيدلي ناظر ادم وابتسم له:جربتي تعطينه اكل لين افضل من الحليب
العنود هزت راسها:لا لسى احس لسى صغير
الصيدلي:هذا العمر الي تبدين تعطينه آكل مهروس وناظر وراها تفضل اقدر اساعدك بشي؟
العنود لفت ولقت سهيل وراها وشدت على ادم ولفت تحاسب:بس هذي ابي
الصيدلي صار يحاسب وهي دفعت وطلعت لسيارتها
سهيل لحقها:العنود
العنود تزين كرسي الاطفال ومطنشته
سهيل سحبها من السيارة ونفضت يدها:سلامات تمسكني كذا خير ماني على ذمتك انا
سهيل:

تفاعلو 💗💗